FULANIN DAJI

FULANIN DAJI

Part (1) kashi na farko

Written by

Abdul king article

DEDICATED TO :

KING BOY ISAH

AND

HUSNA BALA.

A cikin duhun dare na wata rana mai ban tsoro da kuma

bayyana tsintsar rashin jin dadi ga wani mutum wanda yake

daure tamau da kaca. Kai daga nin fuskarsa kasan baya cikin

hayyacinsa domin duk jikinsa tambon duka ne. A saman kujera

yake zaune yana nishi dakyar. Ko laifin me yayi aka daureshi da

wannan kacar??

Kai da gani kasan wannan bugu da aka yi masa na haukane

domin bako shakka wanda yayi sa baida imani ko tausayi. A

cikin wani kungurmin daji gidan yake. Duk da kasancewar

gidan na samane amma an masa tsinkar ban tsoro sai kuma

dajin daya tafke da wata kewa sanadiya tsit din da akayi.

Bakajin kome sai kukan tsuntsaye. Mutumin na a gidan sama

sai wata yar karamar fitila marar haske a cikin dakin da mutum

kan iya hangowa a tagar wajen dakin.

Kowa ya kawoshi wannan gida? Sannan laifin me yayi aka

kawoshi a gidan? Haka dai mutumin ya cigaba da nishi cikin

radadin ciyo da rashin jin dadi. Yana cikin haka sai ya daina

nishin. A wannan lokaci ya tsorata ainun domin kamar yanajin

tafiya an tunkaroshi. To anan jikinsa ya fara makarkata domin

ya fara tuno irin wahalar dayasha. Anan yaga mutum lullube da

fuska yazo wurinsa rike da takubba biyu. Yana tafiya yana goga

takubban ga kasa. Mace ce! To a mamakinsa me tazoyi

wurinsa? Dariya ta farayi daga nan sai ta fara

Goga takubban ga fuskarsa a hankali yadda bazai ji ciwo ba.

Wannan abu ya bashi mamaki ko me take shirin aikatawa???

Can sai ta debe mayafin daya rufe fuskarta. To anan wannan

mutumin da aka daure ya kalleta tsaf.

" ke. Raliyat kece haka? Dama kece sanadiyar wannan abu

daya saneni amma kin ban kunya yanzu duk soyayyar da

mukayi ashe zaki iya cuta ta?" maimakon ta bashi amsa kawai

sai tayi dariya sai kace mahaukaciya. "hmm! A da kenan."

injita. Wata yar karamar yuka ta zaro take ta daba masa a

cinya. Anan ya fara kururuwa saboda zafi.

"kiyi hakuri ki taimakeni. Na miki alkawari zan baki duk abunda

kikeso." ko saurararsa bata yiba anan ta zaro takobin ta fara

yankan hannunsa. Tun yana ihu har takai yayi shiru saboda

azaba. Anan ta tara roba domin jininsa ya shiga ciki. Daga nan

sai ta fara lasar jinin cikin annashuwa da walwala. Tana gama

shan jinin sai ta kama hannunsa guda tayi masa kamar yadda

tayima na farko. To a wannan lokaci sai ta tube kayanta ta

koma zigidir. ( naked) daga nan sai ta shiga cikin robar tana

wanka da jinin nasa. A haka ta wanke jikinta tsaf da jini daga

nan sai ta fito.

Wani murmushi ta masa na mugunta daga nan sai tasa

takobinta a cikin wuyansa. Da karfi taja. Daganan sai kansa ya

fadi rikicaa. Anan ya mutu ko shurawa bai yiba. Wata dariya ta

farayi na shaidanun mata.

" Sunana kenan raliyat. Wannan alkawari ne duk namijin da yayi

yunkurin yin soyayya dani to sunansa gawa!"

====================

Hamir, yazid, najib. Abokan juna ne kuma rayuwarsu iri dayace

wannan yasa abotar tasu tayi kwari. A kullum sukan yi yawo

tare da kuma sauran abubuwa na yau da kullum duk a taren.

Yauma kamar kullum hamir ya tashi firgigit daga barci

sanadiyar jifar tagar dakinsa da yaji anayi. Mika yayi sannan ya

tashi to anan ya dan leka tagar domin ganin ko meke faruwa.

Cikin rashin tsammani sai yaci karo da abokansa wato yazid

da najib ashe sune ke jifar tagar a kokarinsu na tasheshi. Yana

ganinsu sai yayi musu wata alama da hannu wai yana nufin su

bashi minti biyu zai fito. Cikin sauri ya kammala ya fito to anan

yaci karo da mamarsa a cikin falo (sitting room) tana bacci.

Wani tunani ne ya fado masa a lokacin da take masa wata

magana:

" Hamir kaji tsoron Allah ka daina zuwa night club domin a can

a kan hadu da hatsarin rayuwa. Sannan kuma shan waka da

kida (music) haramun ne kuma zama wurin da ake yinsu

haramun ne kaga kenan zuwa night club haramun ne."

"Haba ummi ya kina fadin haka? Nasan bakida tabbacin hakan

amma ji abunda kike fada." injishi.

Anan tayi murmushi ta kankaneshi a jikinta. Wato ka sani dana

duk abunda zan fadama banyin hankan sai na tabbatar da

abunda nake cewa. Ka sani cewa a cikin suratul luqman aya ta

shidda Allah na cewa: a cikin mutane akwai wasu da zasu siyo

maganganu na banza marar amfani wadanda zasu nisantar

dasu daga hanyar Allah. Wannan kalmar da ake cema (Lahwal

hadith) ibn mas'ood tareda halifofi guda hudu da kuma

sahabbai abun girmamawa da kuma tabi een, tare da imams

hudu da kuma yardaddun malaman musulunci tare da kaidodin

musulunci sun yarda cewa ana nufin (al-ghina ) ko kuma

music.

A wannan lokaci jikin hamir yayi sanyi anan ya kara kasa kunne

yana sauraronta: a cikin sahihul buhari vol 7, littafin mashaya

number ta 5590 abu malik al ashari ya bayyana cewa: akwai

wasu daga cikin mutanena dasu halasta zina, shan giya da

kuma amfani da ma'aazif ma ana kayan kida(musical

instruments) suna son su halastasu ma ana ba halas bane.

Kaga kenan daga ayar da kuma hadisin imams hudu sun yarda

da cewa shan waka haramun ne.

Annabi muhammad S A W yace yin waka da saurarenta

haramun ne. Kuma annabi S A W ya kulle kunnuwansa domin

yana tafiya yaji sautin kida na tashi. Annabi fa kenan. To ina ga

kai banza wanda ba kowaba??

Anan hamir ya kalli umminsa. A wannan lokaci idan mutum ya

kalleta kan ce yarinya ce sanadiyar an yi mata saurin aure.

Daga yau na miki alkawari bazan kara shan waka ba kuma

bazan kara zuwa night club ba. Injishi. Anan ta kara

rungumeshi cikin jin dadi.

" Da kyau dana. Haka nakeson ji"

To anan tunanin hamir ya katse, gashi yama mamarsa alkawari

na cewa bazai karaba. Yana cikin hakane sai yaji karar wayarsa

wato sako ya shigo ciki. anan ya duba sai yaga a cikin

whatsapp ne aka turo sakon. Wai ashe ya manta da zaiyi bacci

yabar data dinsa a sake. Yazid ne ya turo sakon:

" Haba hamir kayi sauri muna jiranka mana kafin lokaci ya kure"

Cikin saurin sai hamir ya masa replie: "ok ba matsala ganinan

fitowa"

Anan hamir ya kalli idanun umminsa ya gane cewa lallai bacci

takeyi saboda haka sai ya fara tafiyar sanda a hankali domin

kada ta jiya ta hanashi zuwa. A haka cikin rashin sani ya ci

karo da wani plate na tangaram dake saman dining table Wani

gangarowa plate din yayi da nufin fashewa cikin sauri hamir ya

rike sa da hannu daya. Anan yayi hamdala. Daga nan sai ya

aza sa a hankali. Juyawa yayi da nufin tafiyarsa kawai sai yaji

wani motsi. Ashe wasu plate biyu ne ke gangarowa da nufin

fadowa. Cikin himma hamir yayi hanzari da nufin taresu sai dai

kash ya makara. Ji kake tangarangasssssss. Duk sun fashe.

Anan ya juyo domin ganin ko umminsa ta tashi. Yana juyawa

sukayi ido hudu da ita. Anan gabansa ya fadi

duummmmmmm.

Wani murmushi yayi na jin dadi. Ashe tashin da tayi

idanuwanta a kulle suke ma ana tana a cikin bacci. Ta tashi ne

domin ta juya makwanci. Cikin sauri hamir ya fita a guje ya

manta daya kwashe plates din.

Fitarsa keda wuya sai yaga babu kowa. To anan ya fara dube

ko zai gansu amma ko alamarsu babu. Anan yayi kneel down

cikin rashin jin dadi. Can sai yaji kamar kukan mota daga nesa.

Anan ya mike da sauri. Tunaninsa ya bashi cewa kamar basu

dade ba barin wurin ba saboda haka ya fara gudu na tashin

hankali domin ganin cin musu. A haka yake gudun a saman titi

sai kace mota. Gashi titin tsit ba kowa saboda a tsakiyar

darene. Can sai yaji kamar motar ta tsaya. Daga nesa sai suka

fara kiran sunansa domin yayi sauri su wuce ashe sun

hangoshi ta bayan madubi.

Yana isa suka bude masa motar ya shiga. "Haba mun aza ka

fasa!" inji yazid. Anan yadanyi murmushi ba tare daya tanka ba.

Najib ne ke tuka motar. Haka suka nausa saman titi sai tsala

gudu sukeyi.

Zuwa wani dan lokaci sai suka iso wata unguwa mai yawan

gidajen sama. Kai da gani kasan unguwar masu kudice.

Mutane sai shagalinsu sukyi kamar ba dareba. To daganan

suka faka motar. A wani gida ne suka nufa wanda daga saman

kofar ansa rasiya night club. Tun daga nesa sukejin kida na

tashi sai kuma wasu yan mata da suke shawagi a wurin suna

wasanninsu. Yan matan na ganinsu sai suka tsiro musu idanu

sai kace sun sansu. A wannan lokaci su hamir ko kulasu basu

yiba iyaka sun bude kofa gidan sun shiga. To kafin su ida

shiga cikine wasu katti suka taresu. Anan suka fara cazasu

domin ko sun shigo da makami. Bayan an tantancesu sai aka

basu dama su shiga. A wannan lokaci maza da mata an game

wuri daya. Kowa ya kama gwaninsa. Masu rawa nayi masu cin

abinci nayi. Wuri ya gume bakajin kome sai sautin kida.

Cikin annashuwa su hamir suka fara kallon wurin daga nan

kuma sai suka samu wurin zama. Wani tebur ne a tskiyar sai

kujera uku a gefe. Anan suka zauna suna kallon yadda rawar

ke gudana. Kowane saurayi da yarinyarsa yake rawa cikin jin

dadi. Daga nan sai aka kawo musu ababan ciye ciye da shaye

shaye.

Ba a dau lokaci ba sai sukaga yan matan nan da suka gani a

bakin kofar shigowa gidan sun shigo. A nan suma suka samu

wuri suka zauna.

To a wannan lokaci hamir ya shagala da dube dube. Yana cikin

hakane sai ijiyarsa ta hango wata tauraruwa a cikin taurari.

Tafiya take tana rangwada kai kace jikinta ba tsoka. A haka ya

kura mata ido ko kyaftawa bayayi. Can ya ji saukar mazga a

kafadarsa kimisss. Ashe najib ne yayi haka domin ya karkato

da hankalinsa. "Amma kai banzane, me zakayi da bafulatana?

Yanzu idan ta gane kana kallonta ai kaja mana raini."

To anan hamir yayi murmushi tare da kara kallonta. "Wato ka

sani abokina wannan yarinyar ta hadu. Nasha ganin mata kala

kala amma ban taba ganin wadda ta kwanta a raina ba irin

wannan."

Daganan sai suka kyalkyace da dariya suna kallonsa "shegen

yaro wa daga ganin bafulatana har ta burgeshi!" inji yazid.

To anan ne yazid ya dan kalli yarinyar. "Kai ashe da gaskiyarka

ta hadu. Injishi." daga nan sai suka kura ma yarinyar idanu

domin ganin inda zata. A haka yarInyar ta cigaba da tafiya taku

dai dai cikin mamaki sai sukaga ta nufi wurin da yan matan

nan da suka gani a waje suke. To anan ne suka samu damar

kallon yan matan. "wow ahe sun hadu!"injisu.

Daga nan sai yarinyar ta samu wuri ta zauna kusa da yan

matan. Dukkaninsu sun hadu domin kowace fuska sai kyalli

takeyi. Anan suka fara hira irin tasu gashi kuma akwai dan

jayawa tsakaninsu da su hamir saboda haka basajin abunda

suke fadi. Can sai yarinyar ta tashi da nufin zuwa wani wuri to

anan hankakin hamir ya tashi domin baya gajiya da kallon

fuskarta. Cikin sauri ya mike ya bita su kuma su yazid sai suka

bishi da kallo. Tafiya takeyi yana binta cikin rashin tsammani

sai ta bace masa. Anan ya rasa inda ta nufa. Gashi karar music

duk ta cika masa kunne su kuma mutane sai faman rawa

sukeyi. Anan ya fara dube dube ko zai daice ya ganta. Yana

cikin hakane sai ya bugi kafadar wata yarinya to anan ya jiyo

suka hada ido da ita. Wani kallo ya mata naban mamaki domin

itace yake biya. Sai da suka jima suna kallon juna sannan sai

ya daure ya fara magana:" kiyi hakuri na bugeki cikin rashin

sani."

"Au ba matsala kada ka damu" injita. Anan ta sakar masa wani

murmushi mai dauke da alamar tambaya. Buummmmm.

Anan sukaji karar wani abu. Da karfi suka juyo domin ganin

abunda ke faruwa. Ashe yan sanda ne suka shigo kuma da

alamar akwai wanda suke hako. A mamakin hamir yarinyar na

ganinsu sai gabanta ya fadi. " Yi hakuri ina sauri sai wata rana"

injita. To anan ta fara gudu. Daga nan sai yaga yan sandan su

bita sai halbinta suke kamar suna son kasheta. To anan club ya

watse kowa ya ranta a guje domin tsira da rayuwarsa. To daga

nan shima ya fara bidar su yazid domin su tsere gida. To anan

ya gane cewa ashe ba ita kadai yan sandan ke halbi ba. Hatta

da abokaninta. Amma ko kadan a cikinsu ba wadda aka sama

domin gudu suke tamkar doki tare da bode musu.

Mamaki fa ya rufe hamir. Ko me wadannan yan mata sukayi

ake kokarin kashesu? To bayan ya fita club din ne sai yaci karo

dasu yazid suna kokarin tada motar. Anan ya bisu a guje. Suna

shiga motar suka tayar da kura.

A haka suka hau titi a tsiyace. Haka suka yita faman zazzaga

gudu har suka kawo unguwarsu. Daga nan suka aje hamir a

kofar gida suka juya zuwa nasu gidajen.

Da sauri hamir ya shiga gida. Yana shiga dakinsa ya kulle don

kada ummi ta gane cewa ya fita.

Kwan kwan kwan kwan kwan. Can sai hamir ya tashi wai ashe

safiya ta waye umminsa ce ke buga masa kofa. To bayan ya

bude sai ta shigo ciki. "Menene ya faru jiya?" ta tambaheshi. To

anan gaban hamir ya fadi domin a tsammaninsa ta gano inda

yaje.

Bakinsa na makarkata ya fara magana: "dama mun.........

To kafin ya iyar sai ta katseshi "jiya naga kamar an fashe min

plates kuma jiya kaine kaci abincin karshe to ya haka?" Can sai

sukaji kwas kwas kwas alamun tafiya na takalman mata. Anan

suka fara kallon kofar domin ganin ko waye zai shigo. Ashe

husnat ce kanwar hamir.

"Mama inaga mussa ce ta fashe plates din domin yanzu na

ganta a saman dining table kamar tana bidar abinci"

"Kinada gaskiya nima haka nake tsammani. Muje in gani" inji

ummi. Anan suka fita dakin.

To anan hankalin hamir ya kwanta domin yasan ummi bata

gano komeba. Wani brush ya dauko kirar (Oral-B) da maclean

dinsa. A hankali ya zuba maclean din sannan ya shiga toilet

domin goge baki.

To bayan hamir ya kammala shirinsa sai ya zo dining table

domin yin break fast. A wannan lokaci abincin gyare yake

sannan kuma su ummi jiransa kawai suke ya fito domin su

fara. Sai kannensa mata su biyu wato husnat da labnat. To

bayan sun fara cin abincin kawai yaji jikinsa yayi wani tsam.

Anan su husnat suka kyalkyale da dariya. Wai ashe wurin cin

abincin ne ya zuba tea a rigarsa. Anan ne kuma ya lura da

ummi na kallon hannunsa. Hakan ya bashi mamaki daga nan

sai ya kalli hannun nasa. To anan ne ya gano cewa wai ashe

ya samu rauni jiya da dare a wurin gudu a lokacin da suke

night club.

"Menene ya samu hannunka?" ummi ta tambaya.

Anan hamir ya bata amsa "na dan samu rauni ne jiya da

mukaje amusement park"

Anan ummi ta dan yi murmushi. To bayan sun kammala cin

abincin ne sai hamir ya hau bike dinsa domin zuwa wurin

shakatawa. Wannan wuri dai wani katon tekune wanda mutane

kan zauna a gabar ruwan suna shakatawa (beach) to anan

hamir ya fara gudu ba sassauci. Yana cikin hakane sai ya gamu

da wani abokinsa wai shi anasko. To anan anasko ya bayyana

masa cewa shima zaije beach din. Daga nan sai ya goya shi

domin suje tare.

To bayan sun isa wurin ne sai suka faka mashin din. A wannn

lokaci wurin cike yake da yan mata sai sha aninsu sukeyi. Daga

nan ne su hamir suka samu wurin zama suna kallon yadda

ruwan ke zallo suna yakatawa. Hira ce ta barke tsakaninsu

hadda dariya irin na abokantaka. Suna cikin hakane sai sukaji

an yi musu sallama. Bayan sun amsa sai hamir ya duba domin

ganin ko waye. Cikin mamaki ya mike tsaye. "Ke..... Wadda

muka gamu a night club ko?" ya tambaya.

"E nice, ko zan iya zaunawa?" "hmmm! Har sai kin tambaya.

Zauna mana"

To bayan ta zauna sai suka fuskanci juna. To a wannan lokaci

shi kuma anasco ya hango wata class mate dinsa da suka

dade basu hadu ba saboda haka sai ya tashi yabar hamir da

wannan yarinyar. Anan ya tafi wurinta domin su gaisa.

"Bayin tsammanin zamu kara haduwa ba."inji hamir.

Anan tayi murmushi " to me yasa kace haka?"

"Kafin nan dai zaki fadamin meye sunanki?"

Cikin dariya tace " meya kawoka wannn wuri?"

" To ai baki ban amsar tambayar dana miki ba. Amma duk da

hakan ni na kasance mutum mai son nishadi saboda haka

nakan zo nan domin shakatawa."

" wow! Kusan halinmu daya kenan." ta fada. "Sai dai yanzu ina

sauri zan koma gida"

"Haba keko. Tun yanzu? Amma xanso kiban hadin kai ko mayi

abota."

Anan tadan yi murmushi tare da kallonsa. Ba tare data tanka

ba kawai ta mike ta fara tafiya. Cikin sauri yasha gabanta.

"Haba yan mata ki tsaya mana. Ni a ganina don na roki

amincewarki a gareni ai ba komi bane. Amma yanzu idan

bazaki damu ba kiban numbarki. Idan yaso sai muyi magana a

waya tun da kina sauri."

"Haba malam ya kana wannan magana. Ni fa ban san kaba.

Kaga kuwa bazai yiwu ba kai tsaye na janyoka a jikina ba."

"E nasan da hakan amma kiyi hakuri ki fadamin koda sunanki

mana"

" Suna fa kace? Ba matsala tun da ka roka. Ni sunana raliyat.

Amma ka sani duk namijin da yayi yunkurin sayen zuciyata to

kamar yana kokarin sayar da ransa ne ga mahauta. Amma kai

ban san irin naka shirin ba. Ko kana da kudin sayen zuciyar

tawa tare da kariyar ran naka don kada mahauta su mar barna."

To anan hamir ya kalleta cikin mamaki " amma da zaki kara

bayani domin ban fahimci inda dosa ba"

Murmushi tayi tana mai cewa" kada ka damu dan samari zaka

gane nan gaba" Daga nan sai yaga ta nufi wata katanyar mota

jeep mai bakin glass. Anan ta shiga. To sai bayan tafiyarta ne

sai ya tuno da babbar mantuwar da yayi na kin tambayarta

dalilin da yasa yan sanda ke kokarin kamasu a jiya??

Daga nan sai yaji an kyalkyale da dariya. Yana jiyowa sai yayi

arba da anasko. "shegen yaro wai ina ka samo wannan fine girl

din? Ko dai itace wai bamu sani ba?" injishi.

Anan dai hamir yayi dariya tare da kara kallon motar su raliyat.

Daga nan sai suka hau mashin da zimmar dawowa gida.

To bayan sun dawo ne tunani ya rufe hamir. Anan ya rasa inda

zai sa kansa. Kyakkyawar fuskar raliyat ce ke bayyana a

gabansa a ko yaushe. Da abun ya dameshi sai ya dauki laptop

dinsa ya fito da ita waje ko zai dan sake. Yana cikin hakane sai

yaji an faka mota a kofar gidan. To anan ne yayi duba sai yaga

wani mutum ya fito daga cikin motar. Daga nan sai mutumin

ya nufoshi.

Bayan ya isone sai ya mika hamir hannu domin su gaisa. Bayan

sun gaisa sai mutumin ya zauna a kusa dashi.

" Sunana khalid. Ni detective ne a ofishin yan sanda na wannan

jahar wato police department. Daga nan sai ya nuna masa ID

CARD dinsa. Nasan zakayi mamakin ganina a wurinka amma

kada ka damu. Ba kamaka nazo yiba domin bakayi laifi ba

kuma bazanso ace kayi laifin ba. Amma ka sani kana gab da

yin laifin saboda wata mu amala da kakeson jefa kanka a ciki."

Anan hamir dai ya kara kassa kunne domin yaji ko me ke tafe

da wannan dan sanda.

"Inason in maka kashedi game da wannan yarinyar da kakeson

fadawa tarkonta. Bako shakka idan ka harda ka kai kanka ga

mahalaka to ba abunda zamu iya in banda addu a. Sannan

kuma ka sani cewa abokin barawo ta barawone saboda haka

ako yaushe zaka iya komawa irinta."

Anan hamir ya tari numfashinsa"ranka shi dade ni har yanzu

ban gane inda ka dosa ba!"

"Kada ka damu ai zaka sani." Daga nan sai fito da wani

kunshin nama a cikin leda." Kasan ko menene wannan?"

"E nama ne" inji hamir.

To dama akwai wasu kyanwowi a kusa dasu. Daga nan sai ya

jefa musu naman. Ai ko yana jefawa sai sukayi farat suka

danne naman kowa na dibar rabonsa.

"Kamar yadda kaga kyanwowi nan sun cinye naman nan to

haka kaima naman jikinka zai koma idan ka cigaba da mua

mala da ita. Saboda haka na barka lafiya."

Anan ya juya ya tafiyarsa yabar hamir cikin mamaki. Ko

meyasa yakeson in rabu da ita. Inaga shima yana sonta. To

menene take aikatawa da har bayason inyi mu a mala da ita?

Sannan ya akayi ya gano cewa ina sonta??

Haka dai hamir ya cigaba da tunani ba tare da sanin abun yiba.

Bayan sati daya faruwar hakan wata rana a night club. A

wannan lokaci hamir shi kadai ne yaje badon kome ba in

banda raliyat. Yana nan zaune yana kallon yadda ake cashewa.

Ga kidi duk ya cika masa kunne. A wannan lokaci fuskarsa ta

fara bayyana alamun damuwa saboda rashin ganin raliyat.

Can har ya yanke tsammani sai kawai yaga wasu kyawawan

mata. Watace a tsakiyarsu wadda duk ta fisu hadewa da

kwarjini. To anan hamir yayi murmushin farin ciki domin ta

tsakiyar itace wadda yakeson gani wato raliyat. A wannan

lokaci bata gansa ba domin hira ta dauke mata hankali. Daga

nan sai ya cigaba da shan lemunsa na kwalba tare da satar

kallonta.

Ana cikin hakane sai raliyat ta wani juyowa kamar an kyafatota.

To anan sukayi ido hudu da hamir. Murmushi ya mata amma a

mamakinsa sai yaga tasha toka ba alamun farin ciki a tattare

da ita. Daga nan sai tayi kamar bata ganshi ba kawai ta cigaba

da magana da abokanta. Wannan abu ya girgiza hankalin

hamir. Anan ya fara tunani kada dai ace raliyat bata sonsa.

Ana cikin hakane kuma sai ya nemeta sama ko kasa amma ya

rasata. Anan ya fara dube dube amma ko alamunta babu. To

daga nan ne ya dimauce. Wadda yazo don ita ta tafiyarta ta

barshi! A cikin bakin ciki ya mike da nufin komawa gida. Ya

fara tafiya kenan kawai sai yaji an zuba masa ruwa a riga. Da

karfi ya juyo domin cin mutunci ga wanda ya masa wannan

aika aika. To anan yayi arba da raliyat. Har zai yi magana sai

tayi wani shssssssss. Wai tana nufin yayi shiru. Daga nan sai ta

masa nuni daya biyota. A haka hamir ya bita. Suka yita wuce

mutane har saida suka kawo wani dan tebur mai kujera biyu.

To anan suka zauna. Daga nan ne ta fara magana:

"Bazan so in bayyana maka koni wacece ba amma da ace

kasan koni waye da bazakaso kayi mu a mala dani ba. Nasan a

dalilina kazo wannan club din. Wato ka sani yakai wannan

saurayi duk namijin da yayi yunkurin soyayya dani to bako

shakka rayuwarsa na cikin hatsari saboda haka ina baka

shawara da ka gaggauta janye wannan nufi naka kafin mai

aukuwa ta auku."

Murmushi hamir yayi tare da duban kyakkyawar fuskarta.

"Kada ki damu raliyat. Kome wahala kome rintsi ni ina tare

dake. Nasan da cewa wani ne ya miki barazana cewa idan

kikayi soyayya da wani to zai kasheshi. Amma wannan ba komi

bane idar har zaki ban hadin kai."

Anan ta dan kallesa "Kai kyakkyawa ne!" injita.

Wannan magana tadan sosa inda kema hamir kai kai domin ji

yake kamar an basa duniyar. Daga nan sai ya kara saurarawa

domin jin abunda zata fada.

"A cikin samarin danayi zamantakewa dasu ba irinka. Saboda

haka bazanso ace ka rasa ruhin kaba a kaina. Kasani cewa

idan ka cigaba da tunkarata to kome zai iya biyowa baya." anan

ta tashi ta tafiyarta.

Wannan magana fa ta girgiza hamir domin bai san abunda take

nufi dashi ba. A haka ya daure ya fita domin komawa gida.

====================

Kwanaki na shudewa lokuta na wucewa. Wata rana hamir na

zaune a falo yana kallon talabijin. Kawai sai yaji an nufoshi a

guje. Wai ashe kanwarsa ce labna ta yi wani laifi shine husnat

ta biyota. Tana zuwa wurinsa sai ta fada a jikinsa. "Yaya ka

gani ko" injita.

To anan ya tsayar da husnat wadda ta dauko bulala da nufin

zaneta. Saurarawa yayi domin yaji korafin kowace daga

cikinsu. Dariya yayi domin ya gane abun na yarane. To bayan ya

hukuntasu sun tafi kawai saiga yazid ya shigo gidan.

Cikin dariya suka kalli juna kafin yazid ya zauna. "Kai baba

akwai shagali agaban mu fa" inji yazid. To anan ya labarta

masa cewa yayarsa zatayi aure saboda haka yana gayyatar sa

bikin. Basu dau wani lokaci ba sukayi sallama.

Sati daya kafin biki ummi ta aiki hamir kasuwa domin a ranar

ne abbansa zai dawo daga malaysia. To bayan shigarsa

kasuwa ya gama duk abunda aka aikeshi siya. Kawai sai yaci

karo da raliyat a gabansa tana tafiya. To anan ya fara sauri

domin cimmat. To abunda ya bashi mamaki shine ita sassarfa

takeyi kamar bata son ya cimmata.

Sai da kyar yasha gabanta. "Haba raliyat ya kina gudu bazaki ko

tsaya mu gaisa ba?"

Anan ta kalleshi. "Nayi kokarin kubutar dakai daga halaka

amma kaki. Bako shakka lokaci yayi kira zuwa gareka saboda

kasancewarka mai taurin kai. Ina maka bushara da cewa daga

yanzu bazaka kara ganina ba sai ranar da zamuyi ban kwanan

karshe."

Wasu yan mata kawai yaga sun zo wurinta. Wani kallo suke

masa mai nuna alamar tambaya. Daga nan sai raliyat a bisu

suka tafiyarsu.

Wannan magana ta raliyat ta bashi mamaki domin tafiya yakeyi

yana tunaninta. (INA MAKA BUSHARA DA CEWA DAGA YANZU

BAZAKA KARA GANINA BA SAI RANAR DA ZAMUYI BAN

KWANAN KARSHE) to abun tambaya shine wace rana ce ta

karshe. Kuma ban kwanan menene zasuyi? A haka dai hamir

ya koma gida cikin mamaki.

Ana nan saiga ranar bikin tazo. Sai dai su hamir sai da dare

zasu shiga. To a cikin darene yazid ya dauko motar abbansa

domin zuwa da ita. Daga nan sai hamir ya kwace makullin

domin shi keson tukawa. To a wannan lokaci duk sun hadu

harda anasko da najib. Daga nan ne hamir yaja ragamar tukin

mota suka nausa.

Hamir na tuki cikin mamaki domin wata mota ce ke binsa

takiyin over taking sai binsa kawai take. Haka dai hamir ya

cigaba da tuki har suka iso wurin bikin. To anan ne yazid yasa

aka yi musu goma ta arziki domin an wadata su da dukkan

kayan ciye ciye da lamshe lamshe.

To bayan an gama biki akan hanyarsu na dawowa mai faruwa

ta faru. Wasu dawakai ne ke biyarsu mutanen dake saman

dawakan sai faman halbinsu suke da kibiyoyi. A haka hamir ya

rike matukin mota sai faman gudu yake a tsorace. Gashi basu

san ko su waye ke binsu ba. Suna cikin haka sai sukaji wata

oda. Ashe wata babbar mota ce ke shirin far musu. Anan hamir

yayi sauri ya juya motar anan ta fada daji a guje. Hakanan

motar ta cigaba da gudu har sai da tasha bishiya sannan ta

tsaya. A wannan lokaci hayaki kawai ne ke fita a motar. Daga

nan su hamir suka fito kowanensu sai tari yakeyi. To anan suka

duba suka ga bako shakka a cikin dokar daji suke. Ba yadda

basu yiba domin motar ta tashi amma ina taki. Suna cikin

hakane sai sukaji dawakai sun nufosu. To anan suka dauri

niyar gudu. A haka suka yita gudu ba ji ba gani kamar ransu zai

fita amma da sun tsaya su huta sai suji saukar kibiya.

Suna cikin wannan gudu ne anasko ya fadi saboda gajiya.

Hamir ne ya tsaya taimakonsa. Anan ya juya domin tallabosa.

Yana juyawa sai yayi ido hudu da wani daga cikin masu

dawakan dake biyarsu. Wannan mutumi lullube yake da wasu

kaya wadanda mutum bazai iya cewa mace ne ko namiji ba.

Sannan kuma fuskarsa a lullube take da wani rawani yadda

idanunsa kawai ake gani. To anan hamir yaji mamaki domin

kamar ya taba ganin wadannan idanun. Amma bazai iya tuna

ko wanene ba. Anan wannan mutumin yaja kibiya. Saitawa yayi

da wuyan anasko. Ji kake timissss. Sai da kibiyar ta fito ta

bayansa. Anan anasko ya mimmike jini na fita a bakinsa. Hamir

na ganin haka yaci taya ko juyawa bai yi.

A haka ya cigaba da gudu amma a mamakinsa bai ga

abokansa su yazid da najib ba. Yana cikin wannan gudu sai ya

ci karo da wani abu. To anan yayi wani tsalle sannan ya fado

kasa kansa ya bugi bishiya.

Yana tashi tsaye sai yaga dawakan sun zagayesa. Su kuma su

yazid an dade da kamasu. To anan wani mai doki yazo daf

dashi. Daga nan sai ya debe rawanin dake a fuskarsa. Anan

hamir ya ganeta. Ashe raliyat ce yarinyar da yakeso. Anan yaga

tayi shigar fulani.

"Ke... Raliyat!... Me kike shirin aikatawa haka?" inji hamir.

Anan tayi dariya kafin ta fara magana " Dama na gayama.

Hakan zai faru gareka idan ka cigaba da bibiyata. To wannan

rana itace nake gayama wato ranar da zamuyi ban kwanan

karshe." anan ta fito da kibiya ta saita dashi.

"kafin nan ke wacece. Kuma me yasa zaki aikata hakan?" inji

hamir.

Dariya tayi kafin ta bashi amsa. " Mune wadannan na cikin daji.

Dajin Mutuwa mai razanar da kowa. Kuma mune FULANIN

DAJI, fulanin da ba abota dasu balantana zamantakewa.

Sunana kenan raliyat. Wannan alkawari ne duk namijin da yayi

yunkurin yin soyayya dani to sunansa gawa. Saboda haka

kaima yanzu sunanka gawa.

FULANIN DAJI

Part ( 2 ) kashi na biyu

Written by

Abdul king article

TO PRINCE AND PRINCESS:

NAXEER HR

And

AMINA ABDULLAHI

RECALL:

A cikin na farko mun bayyana labarin wani saurayi waishi

hamir tare da abokansa da kuma kazamar dabi arsu ta zuwa

night club. Wanda akan hakane suka gamu da raliyat wato

yarinyar dake kashe duk saurayin daya ambaci kalmar so a

wurinta. A cikin na farko mun tsaya a inda raliyat ta kama

hamir dashi da abokansa a cikin daji domin kashesu.

THE BEGINNING:

A wannan lokaci idanun hamir sun fito waje domin yasan bako

shakka sunansa gawa. Raliyat ce ta dano kibiyar sannan ta

saita dashi. To kafin ta aiwatar da nufinta kawai sai taga

mutum ya fado a guje wurinta yana ihu. Lullube yake da rawani

shima. Sai dai nasa rawanin mai kaloli ne. "ku taimakeni mana.

Zasu kasheni." injishi.

To anan raliyat ta dakatar da halbin hamir. A wannan lokaci

hankalinta ya dawo ga wannan mutumin. " Suwaye kuma ina

suke?"ta tambaya.

To anan mutumin ya nuna mata hanyar daya fito. Dubawarta

keda wuya sai ta yan sanda marar iyaka a cikin kakinsu. Tun

daga nesa suke halbo musu albarusai ( bullets) domin hallaka

su. To anan raliyat ta gane cewa plan ne aka shirya da wannan

mutumin domin kamata. To anan ta kalli hamir tana mai cewa:

"kada kayi tsammanin ka tsira. Zan dawo. Kuma ka guji

haduwarmu dakai nan gaba. " to anan suka saki linzamin

dokinta da ita da mutanenta anan suka nausa cikin daji domin

tserema yan sanda. Su kuma yan sandan sai suka cigaba da

binsu suna halbinsu domin kamasu. To anan aka fara tsere.

Daga nan sai wannan mutumin ya debe rawaninsa. To anan ne

hamir ya ganeshi. Ashe khaleed ne. Wato detective wanda ya

iskoshi gida yana bashi shawara domin ya rabu da wannan

yarinyar raliyat. Mamaki ya kama hamir. Koya akayi yasan da

cewa suna cikin wannan bala i har yazo ya taimakesu? Daga

nan ne sauran yan sandan da basu bi su raliyat ba suka

kwance su yazid. To anan suka hau motar yan sandan aka kai

kowanensu gida. A wannan dare kowanensu bai runtsaba

saboda tunanin wannan abu. Daga nan kuma suka bar abun

cikin ransu tare dayin alkawari bazasu fadawa kowa ba. Shi

kuma anasko anan yan sandan suka wace dashi asibiti domin

duba lafiyarsa. Anan aka tabbatar musu da cewa yanada rai

sai dai ya samu rauni mai yawa. A haka khalled yayi jira iyakar

daren domin jiran farfadowar sa. To bayan ya fardado sai

khaleed ya bayyana masa cewa yanason yabar wannan abu

cikin sirri kada ya fadama uwayensa ya bari tukuna har sai sun

gama bincike. Anan ko anasko ya yarda da abunda yace.

***************

Tun da sanyin safiya yayi shiri domin fita office. A cikin wata

motarsa irin ta zamani ya fito A C sai hurasa yake. To bayan ya

iso ma aikatar sai ya wuce kai tsaye zuwa ofishinsa. Detective

khaleed ne. Xamansa keda wuya sai ga wani dan sanda ya

shigo.

Bayan ya sare mashi sai ya fara magana: "Yallabai jiya mun

samu damar kama daya daga cikin wadannan mutanen da

mukabi. Sai dai mace ce. Kuma bata magana ba yadda bamuyi

ba."

"ok ba matsala ka kaita dakin ganawa zan zo in ganta" inji

khaleed.

Ba a jima sai khaleed ya tashi domin zuwa wannan daki na

ganawa. Shigarsa keda wuya sai yaga macece bahillata

kyakkyawa ba abunda takeyi in banda dube dube a cikin

shigarta ta FULANIN DAJI. To anan yazauna daf da ita saman

kujera. Wani tebur daya shiga tsakiyarsu.

Wani kallo ya mata kafin ya fara magana. " Zanso kiban hadin

kai domin samun cikakken bayani game daku. Yin hakan shi zai

bamu damar sassauta hukuncin da zamu yanke miki. Yanzu

inaso ki gayamin ke wacece. Sannan a ina zamu ga yan

uwanki?"

Anan khaleed yayi tsaye yana sauraronta domin ta bashi amsa

amma sai yaji tsit. Haka ya ci gaba da magana har sai da yayi

mini talatin amma ko kallonsa bata yiba. Wannan abu ya

bakanta masa rai. To anan ya tashi fusace. Fuskarta ya duba

sannan ya shareta da mari har sau uku. " ke wace irin

mutuniyar banzace. Zakiyi magana ko sai na cigaba da dukan

ki."

Daga nan sai ta juyo ta kalleshi. Maimakon tayi magana kawai

sai ta kyalkyace da dariya. A haka ta cigaba da dariya sai kace

mahaukaciya. Wannan abu yaba detective khaleed mamaki

yanzu ace duk marin da tasha amma dariya takeyi. Gaskiya

akwai alamar tambaya game da wannan al amari. Daga nan

sai ya fita ya kyaleta.

Bayan yan kwanaki kadan sai hankalin hamir ya dawo domin

ya fara samun natsuwa da kwanciyar hankali.

Zaune yake a falo shi kadai yana kallon wani indian film saiga

labnat tazo wurinsa. Wai assigment aka bata na english shine

ta kawo masa ( write a story with the title he who give shall

never lack)

Anan hamir ya kalli wannan assignment cikin mamaki. Ba

turancin ke bashi tsoro ba sai dai yadda xa ayi ya kirkira labarin

ne aiki. To anan ya fara tunani domin yasan idan zai shekara

bakwai bazai iya hada wannan labari ba. " Hala yaushe akace

kuyi submitting? " ya tambaya.

" wai gobe da safe" kuma shine matsayin test. Ta bashi amsa.

Suna cikin hakane saiga yazid ya shigo tare da najib. To bayan

sun gane abunda ke wakana sai najib ya fara magana. " ai ko

inada wani aboki marubuci sai dai yanzu zaiyi wuyar gani. Na

kosan dana fada masa to yanzu zai hada wannan labari ya

aiko muku."

"To yanzu ya kenan?" hamir ha tambaya.

"kada ka damu bari in baka sunan page dinsa na facebook da

kayi searching ka danna like daga nan sai ka aika masa

message. Da kafada masa kai abokina ne zai gane domin ya

sanni sosai. To daganan sai ka fada masa irin labarin da

kakeso. Bako shakka zai yi sannan sai ya turoma."

" Amma muna godiya fa. To ya sunan page din?" hamir ya

tambaya. To anan najib ya bashi amsa. "Kayi seaching

(KINGARTICLE.NOVL) "

Daga nan sai hamir ya sallami labnat da zimmar cewa an jima

zai tuntubi marubucin.

To bayan fitarta ne yazid ya fara magana " kai baba akwai

matsala fa dazu ne muka fita shakatawa wurin ball. To akan

hanyar mu ne wasu mata suka fara binmu kuma gashi

bamusan ko suwayeba."

Hamir najin haka gabansa ya fadi duuummmmmmm.

Anan ya tuno da maganar raliyat: KADA KAYI TSAMMANIN KA

TSIRA DOMIN ZAN DAWO KUMA KA GUJI HADUWATA DAKAI

NAN GABA!

Hamir hamir hamir. Ashe najib ne ke jijjigashi domin ganin yayi

shiru sunata magana bai tanka ba. Cikin rashin sanin cewa

tunani ne ya rufeshi.

Can sai wayarsa tayi kara alamun cewa an bugo. Yana dauka

sai yaji muryar mace. To anan yazid da najib suka saurara

domin sanin ko meke faruwa. Kuma abunda ya kara daure

masa kai shine baya ganin numbar domin an sa no number

A cikin wayar aka fara magana: Nasan zakayi mamakin wannan

kira a wannan lokaci sai dai kash wannan ba komi bane. Dama

na bugone domin mu gaisa.

"ke wacece?" inji hamir

Dariya akayi kafin a fara magana: har ka manta dani kenan,

koda yake banga laifin ka. Dan adam da mantawa.

"Ko zaki gayamin inda kika samo numbata?"

E kwarai kuwa amma kafin nan ka sani cewa a shekara sau

daya nake buga waya. Kuma duk wanda ta fadama shine

abokina.

"Wace irin abota kike magana?"

Abota ta farauta. Idan ka nemoni kaine ka cinye. Idan na

nemoka to nice na cinye.

" kafin nan wace farauta kike magana?"

Dariya akayi kafin a bashi amsa: FARAUTAR RAYUWA!

Daga nan sai aka kashe wayar. To anan hamir ya kara rudewa

kafin kaceme gumi duk ya keto masa. Wannan wace irin

farauta ce ake cema farautar rayuwa. Haka hamir ya fara wasu

wasi a cikin zuciyarsa. Su najib sunyi kokarin sanin halin da

yake ciki amma ko kadan bai amsa ba. A haka ya kyalesu

daga karshe sukayi sallama.

*********************

Halayyar hamir ce fita tun da safe domin yin gudu a matsayin

motsa jiki. Yauma kamar kowace rana ya fita sai faman abinsa

yake a saman titi. A duk lokacin da yake wannan motsa jiki

wani farin cikine yake lullubeshi. Saboda haka bai damu da

kowa ba duk masu kallonsa suyi.

Yana cikin hakane sai yaji wani motsi bayasa. Da karfi ya juya

domin ganin ko meke faruwa. To anan yaga ashe wata motace

tsiyace ta ratso wurinsa tana masa oda domin ya jiye. Sai dai

kash..............

A cikin wata super market ta shigo sai faman sayayya take.duk

da cewa kayan masu tsada ne amma ko kadan bata damuba

sai aikinta kawai takeyi. Kai da ganin shigarta kasan mai

kudice. To bayan ta gama lissafa mata ta biya daga nan sai ta

fito.

Fitowarta keda wuya sai taji oda a saman titi. Juyowa tayi da

karfi domin ganin ko meke faruwa. To anan taci karo da hamir.

A guje motar take da nufin bangajeshi.

Firgigit ta farko. Wai ashe ummi ce ke mafarki. Wannan

mafarki ya tayar mata da hankaki saboda haka sai ta wuce da

sauri zuwa dakin hamir domin dubo lafiyarsa to a mamakinta

bayanan. Daga nan sai ta koma dakinta. Bata jima da zaunawa

ba sai taji ana bugo mata. Cikin sauri ta daga wayar domin jin

ko waye ya kirata. Anan taji muryar mace:

"Ana so kiyi gaggawar zuwa asibitin...... "

Daga nan sai aka fada mata asibitin da akeso taje da kuma

dakin. Ba yadda ummi bata yiba domin a fadamata ko meke

faruwa amma anki. Daga karshe dai haka ummi ta yi shiri

sannan ta hau motarta domin zuwa inda aka umarceta.

Aiko shigarta keda wuya taci karo da hamir ana faman sa

masa akwatin oxygen. To anan gabanta ya fadi. Take ta tuno

da mafarkin da tayi. To anan ne wata nurse ta karaso wurinta

tare da bayyana mata cewa hamir ya samu accident a wurin

gudunsa na motsa jiki. Haka kuma ta samu numbarta ne a

cikin wayarsa.

To anan ne ummi ta tsaya har saida aka kammala masa aiki.

Daga nan saita bugama daddy domin yasan halin da ake ciki.

A lokacin da daddy ya shigo tare yake dasu husnat. " sannu

hamir" inji labnat. Bai amsaba saboda raunin dake kansa yana

masa ciwo sosai. Iyaka dai yayi mata alama da hannunsa na

cewa da sauki. To daga nan ne abokinsa anasko ya shigo

dubashi. To bayan ya gaisa dasu ummi sai ya fara yi musu

hira:

"Gaskiya daban mamaki wannan abun daya faru domin a titi

guda muke gudun amma shi kadai ne abun ya sama. Amma ni

a ganina har da gangancin mai motar. Domin da gangan ya

bankeshi kuma ko tsayawa bai yi ba balantana ya bada hakuri."

haka dai su ummi suka cigaba da saurarensa suna mamakin

ko waye ke kokarin kashe musu da? To bayan hamir yayi yan

kwanaki a asibiti sai aka sallamoshi.

===========================

A zaune yake saman wata kujera mai juyawa dashi yadda

yakeso. Rike yake da jaridar (aminiya) da ganin fuskarsa kasan

ba lafiya ba domin ta nuna alamar damuwa a tattare da ita.

Farkon shafin jaridar an yi hoton wasu gawawwaki da aka

tsinta ba kyan gani gashi kuma ba a san ko su waye suka

aikata hakan ba. Detective khaleed yasha ganin irin wadannan

matsalolin amma na wannan lokaci sun fi hirgitashi. To yana

cikin wannan tunani sai ga wani dan sanda ya shigo office din.

"Sir mun gano kamal. Ashe ba a kasheshi ba. Sai dai yana cikin

wani mawuyacin hali domin baya gane kowa. A jiya muna cikin

patrol muka tsince shi an yadda shi a walakance."

" Ka kaishi dakin ganawa zanzo in ganshi" inji khaleed. To anan

dan sandan ya juya ya fita.

Bayan mintuna kadan sai ya shiga dakin ganawa to a wannan

lokaci dan sandan na ciki. Khaleed na ganin kamal tausayi ya

kamashi. Domin duk ya canza ba kamar yadda ya sanshi ba.

Bayan yazo daf da shi sai ya zauna.

"Kamal ko zaka iya fadamin ko su waye suka yima wannan

aika aikar?" anan kamal ya kalleshi cikin rashin sani. Maimakon

ya bashi amsa kawai sai ya fara dariya. To anan khaleed yayi

mamaki domin duk abunda yakeyi shine wannan yarinyar da

suka kama ta farko takeyi.

"JINI. JINI. JINI" inji kamal.

Anan khaleed yayi mamaki ko me yake nufi da jini? Ahaka

khaleed ya cigaba da tambayarsa amma baya fadin kome sai

jini. Kuma wannan abu shine itama wannan yarinyar ke fadi.

Wato jini. Duk abunda aka ce musu sai dai su amsa da jini.

To anan detective khaleed tausayi ya kamashi. Ko waye

sanadin yi musu wannan abu? Ya tambayi kansa. Amma ko

menene dole yanada nasaba da wadannan matan da suka

kama su hamir. Anan ya fara tunani. To amma su waye

wadannan matan kuma me yasa sukema mutane haka? Anan

dai ya cigba da tunani shi kadai.

Daga nan kuma sai ya tuno labarin kamal a lokacin da yana

lafiya lau:

Kamal dai dan sanda ne mai kwazo da hikima kuma shine

babban abokin khaleed domin a kullum suna tare. A kowane

lokaci ana yawan tsintar gawawwakin yara samari. Saboda

haka wannan ya mutukar bakantawa kamal rai. To anan yayi

shawara da abokinsa wato kamal domin yana so ya fara

bincike ne akan al amarin. Anan kamal ya bashi kwarin gwiwa

dari bisa dari. To daga nan ne sai kamal ya fara zuwa wazajen

da samari ke taruwa suna sheke ayarsu. Hakan ya cigaba dayi

har wata rana yaje night club. To zuwansa night ckub yayi

mutukar amfani domin anan ya samu kadan daga cikin abunda

yake nema.

Wata yarinya ce bahillata fara kyakywa. Tun a farkon ganinta

kamal yaji bai yadda da ita ba. Saboda haka sai ya fara daukar

ta hotuna a sirrance batare data sani ba tare da abokanta.

To wata rana zai je night club din. To a wannan lokaci yana a

cikin motarsa kawai sai ya fara jin ana nishi a can gefen daji.

To anan ya faka motarsa. Fitowa yayi ya nufi inda yakejin

wannan nishi. To bayan ya labe sai ya gano cewa ashe wani

saurayine aka daure tamau da kaca. Wadannan yan matan

fulani da yake gani a night club wadanda yama hoto sune ke

tsaye gewaye da mutumin. Koina jikinsa dukane. Daga nan sai

yaga wata wadda duk tafisu kyau ta zo wurin mutumin.

Kallonsa tayi tare da yi masa dariyar kyeta. Daga nan sai ta

fara magana " Sunana kenan riliyat duk namijin da yayi yunkurin

yin soyayya dani to sunansa gawa. Saboda haka kaima yanzu

sunanka gawa" anan tasa takobi ta debe masa kai. Daga nan

sai ta tara roba jininsa na shiga ciki.

Wannan abu ya bashi mamaki. Wato ita duk namijin da yake

soyayya da ita sai ta kasheshi to amma me yasa? Daga nan sai

yaga sun hau dawakansu sun nufi daji. To bayan tafiyarsu ne

kamal ya koma ofishinsu na yan sanda. Anan ya bayyana musu

abunda ya gani tare da hotunan yan matan daya dauka. To

anan ne khaleed ya bada umarni zasu dinga zuwa night club a

duk lokacin da suka gamu dasu to zasu kamasu. Daga nan

kuma sai khaleed ya dauki aniyar yima duk wanda ya gani da

wannan yarinyar wa a xi domin ya rabu da ita kafin ta

hallakashi.

To wata rana bayan an gama night club din sai kamal yaga yan

matan sunja wani mutumi sai tafiya suke cikin annashuwa. To

anan ya fara kallo ina zasu. Kawai sai yaga sun shiga mota

sunja. To anan shima ya shiga motarsa ya bisu. Gudu sukeyi ba

sassahci to anan yaga sun nufi hanyar da zata fitar dasu daga

garin wadda daga ita sai daji. To anan ya bugama khaleed ya

sanar dashi inda yake domin ya turo yan sanda. Haka ya

cigaba da binsu har suka shigo wani kungurmin daji. To bayan

sunyi nisa cikin dajin sai suka kawo wani katon gida. Bayan sun

bude motar. Abunda ya bashi mamaki shine wannan mutumin

daya shiga motar lafiyarsa kalau sai yaga sun tallaboshi kamar

gawa. Ko me suka yi masa? Ya tambayi kansa.

To anan ya bisu har cikin gidan domin ganin abunda zasuyi ga

wannan mutumi. To anan ya kara kiran khaleed ya sanar dashi

inda yake. Yana cikin wayar ne sai yaji an rike shi rikon

kwarai.yana juyowa sai yaga ashe yan matan ne suka ganshi to

anan suka damkeshi. Ba yadda bai yi ya kubce ba amma ya

kasa. Daga nan sai shugabarsu taxo. "Hala dawa kake waya?

Ta tambayeshi.

Anan ya tofa mata miyau a fuska.

Anan ta mulmule hannunta. Ji kake gibbbbbbbbb.

To daga nan kamal bai kara sanin inda yakeba. Amma a cikin

wayar khaleed duk yaji abunda ke faruwa saboda haka yasan

an kama kamal. Anan aka turo dubban yan sanda domin su

duba wannan gida amma sama ko kasa gida ya bace bat ba a

san inda yake ba. Tun daga wannan ranar da aka kama kamal

basu karajin duriyarsa ba sai yanzu da aka ce an ganoshi.

To anan tunanin Khaleed ya katse. Daga nan sai ya tashi ya

koma office dinsa ya cigaba da ayukansa.

Hamir hamir Hamir. Abba ne ke kiransa. Kamar akwai wani aiki

da zai sa shi. Bayan yazone sai abba ya mika masa kudi. Don

ALLAH yi sauri ka siyomin maltina kwali daya. To anan hamir

ya hau mashin dinsa ya nufi kasuwa.

Bayan ya gama xai dawo kawai sai yaji mutane na direwa suna

ihu. Wasu kibiyoyi ne su biyu jere da juna suka nufoshi. Cikin

sauri ya wani kaucewa. To anan yaga wani mai doki ya nufoshi.

Sai faman sako masa kibiyoyi yake. To anan hankalin hamir ya

tashi bai ma tsaya ta kayan da aka aikeshi siya ba. Juyawa

kawai yayi ya taar. To anan mai dokin ya cigaba da binsa.

Mutane sai kallon ikon Allah suke.

A haka suka cigaba da gudu har takai shi mai dokin ya sauko

ya fara binsa da kafafu. To anan suka hau saman runfunan

kasuwa. Fada nan yanki nan. A duk lokacin da hamir ya duba

sai yaga ana binsa kuma kibau ne ake halbo masa ba

sassauci. To suna cikin hakane sai ya hango wata katanyar

mota. To anan hamir yayi wani tsalle ya fado saman motar. Shi

kuma wanda ke binsa sai yayi tsaye domin bazai iya dirowa

ba.

To anan ne ya gane cewa mace ce keson kasheshi. Amma

fuskarta a lullube take bazai iya gane ko wacece ba. To bayan

ya isa gidane ya bayyana ma abba abunda aka yi masa naban

mamaki.

Ba a dede ba kuma yana zaune a dakinsa shi kadai sai aka

bugo masa. Anan yaga an rubuta (no name)

Bayan ya dauka sai yaji muryar mace ta fara magana. " slm

matsoraci. Ya akayi dazu ka gudu baka tsaya kaji sakon daya

kamata kajiya ba?"

Wane sako kuma? Ya tambaya.

Sakon soyayyarmu mana. Kasani cewa duk wanda ya ambaci

kalmar so ga dan uwansa ya kamata yaji amsa mai kyau. To

amsar ce nakeso in baka. Injita.

Ke wacece wai?

Anan tayi dariya kafin ta fara magana: " kada kayi tsammanin

cewa wai don ka samu nasara shine karshen farautarmu. To

farauta yanxu aka fara. Idan har bamu sameka ba. To xamu

samu nakusa gareka.

Daga nan sai aka kashe wayar. A wannan lokaci hamir ya fara

dana sanin kin bin maganar mahaifiyarsa a lokacin da take

masa wa azi akan ya daina zuwa night club. Gashi abunda ya

jawoma kansa.

Bayan kwana uku da faruwar hakan saiga wani biki yazo. To a

wannan lokaci kanwar mahaifiyar hamirce zatayi aure. Yazid

da najib basu samu damar halittar wannan biki ba saboda wata

larura. Sai dai abokinsa anasko yazo.

To bayan anyi shagali an watse sai hamir da bidi anasko sama

ko kasa amma bai gansa ba. Gashi dare yayi kuma yanason

yazo gida. Anan yayi tsammanin kila ya tafiyarsa. Saboda haka

ya tuko mota ya kama hanya shi kadai. To yana cikin tafiya ne

sai ya kawo ga wani junction inda yan sanda ke duba motoci.

To anan ya parka domin shima su duba tashi. Bayan layi ya

kawo garesa sai aka umarci daya bude bayan motar. Aiko yana

budewa sai yan sanda sukayi caa akansa. Anan suka fitto dashi

da karfin tsiya kafin daga baya su sa masa yankwa. Wai ashe

gawar abokinsa anasko suka gani a bayan motar.

Kowa ya kasheshi? To anan aka kama hamir da zargin cewa

shi ya kashe anasko. Kafin daga bisani labari ya watsu a gari

su kuma yan jarida dama sun samu abunda sukeso. Yazid da

najib basu yarda da zancen ba ko kadan sai dai ba yadda suka

iya domin zancen naga hukuma. Haka itama ummi.

To bayan sati daya da daure hamir domin yin bincike akanshi.

Sai kuma wani sabon al amari ya kullu wai wasu da ba a san

ko su waye ba sun shigo har gidan yari sun sace hamir sun yi

tafiyarsu dashi. To abun tambaya shine su waye suka sace

hamir? Kuma su waye keda sanadin kashe anasko?

TO BE CONTINUE......

FULANIN DAJI

Part ( 3 ) kashi na uku

Written by

Abdul king article

TO THE ROYAL QUEEN:

FIRDAUSI MUHD

AND BESTY:

UMAR D UMAR

Domin ganin farkon labarin yi searching wannan page:

( kingarticle.novl )

RECALL:

A cikin na biyu mun bayyana yadda raliyat tayita kokarin kashe

hamir domin biyan bukatarta. Sai kuma sharrin da aka yi maaa

na sa masa gawar abokinsa anasko a cikin mota wanda daga

karshe akace shi ya kasheshi. Mun bayyana yadda aka kaishi

gidan yari da kuma yadda aka saceshi a gidan. Ko su waye

kedasa hannu a wannan aika aika?

THE BEGINNING:

A zaune yake bisa wata kujera sai ayyukan yau da kullum yake.

Yana cikin hakane sai ga wani dan sanda ya shigo office din.

Wannan ba kowa neba in banda detective khaleed.

" ranka shi dade kayi bakuwa" inji dan sandan.

" ok gaya mata ta shigo" inji khaleed

To bayan ta shigo ne sai khaleed yaga sabuwar fuska wadda

bai saba gani ba. Hakan ya bashi mamaki amma bai damu ba

domin yasan da cewa kome ya kawota ai zata bayyana. To

bayan sun gaisa ne sai ta samu wuri ta zauna. Mace ce

kyakyawa abun kallo sanye da wani gilashi fari fat. Daga nan

sai ta fara magana:

"Nasan da cewa bakasan koni wacece ba kuma dole hakan ya

baka mamaki ganin na shigo office dinka. To da farko dai

sunana hajiya zubaidat, nice mahaifiyar hamir wato yaron da

case dinsa na hannunka. Gaskiya banga laifin kuba a

matsayinku na yan sanda da kuka kamashi domin hukunta shi.

Wannan yayi dai dai domin duk wanda yayi barna

sakamakonsa shine hukunci.

Amma ka sani cewa hamir baya daya daga cikin jerin

mabarnata wadanda hukunci ya dace dasu. Kada kayi

tsammanin ina fadin hakane domin son zuciya. Wannan

gaskiyace nake fada domin inada tabbacin abunda nake

cewa."

Anan khaled yayi murmushi kafin ya fara magana " idan na

fahimci abunda kika fada wato kinaso ki bayyana mana cewa

hamir bashi ya kashe anasko ba. To amma wannan daban

mamaki to idan bashi bane me ya kawo gawar cikin motarsa?

" Ba motarsa bace! Mota tawa ce. Kuma gawa da kake

magana akai shi bai san ta inda ta shiga motarba." inji

zubaidat.

"Na yarda da zance ki. Inji khaled. Sai dai ki sani cewa bazamu

gasgata hakan ba har sai in mun kammala bincike akanshi.

Kuma abun bakin ciki shine shigowar da akayi har gidan yari

aka sace shi bayan an illata mana yan sada da dama. Gashi

bamusan ko su waye ba haka kuma bamusan halin da

rayuwarsa take ciki ba. Saboda haka a yanzu bazamuyi amfani

da maganarki ba har sai mun ganoshi. Sannan mun gano

wadanda suka saceshi da kuma dalilinsu na yin hakan idan

yaso sai mu baki gaskiya."

Daga karshe dai sunyi sallama sannan kowanensu ya kama

harkokin gabansa.

Wata mota ce kirar hilux tare da wata karamar mota sai faman

gudu suke a cikin dajin nan mai ban tsoro. To a cikin hilux din

wani saurayi ne a daure tamau. Wannan ba kowa neba in

banda hamir. A hankali ya fara farfadowa daga dogon suman

da yayi. To bayan ya farka ne sai abun ya bashi mamaki ko me

ya kawoshi cikin wannan mota? Abunda kawai yake iya tunowa

shine:

A zaune yake cikin gidan yari (prison) to a cikin wannan dare

ba dadi yaji sosai ba domin detective khaleed yayi masa

tambayoyi akan gawar abokinsa wato anasko da aka gani cikin

motarsa. Harda ikirarin idan bai fadi gaskiya ba to hukunci mai

tsanani zai hau kansa.

To da misalin karfe biyu na dare ne ya fara jin koke koke a

cikin gidan. Wannan abu ya tayar masa da hankali domin ji

yake kamar an kawoma yan sandan dake gadinsa hari. Ana

cikin hakane sai yaga wasu mutane sun bude dakin nasa. Anan

suka zuba masa wasu ruwa to tun daga wannan lokaci ba kara

sanin inda yakeba sai yanzu daya farfado.

To anan ya duba motar yaga ashe wadanda ke cikinta duk

mata ne.

To bayan an tashi daga office ne sai khaleed ya shiga motarsa

domin komawa gida. Bayan ya isa gidan sai matarsa zeenat ta

kawo masa ruwa mai sanyi domin ya jika makoshi kafin ta

kwashe abinci. To anan ta zauna daf dashi domin ta debe

masa kewa amma a mamkinta yau ba kamar kullum ba domin

fuskarsa kwabe take ba alamar farin ciki a tattare dashi. To

anan ne ta nemi ya sanar da ita damuwarsa aiko bai yi

gardama ba ya bayyana mata abunda ke damunsa. Daga nan

sai ta fara bashi shawara:

" wato ka sani mai gida wannan case ne babba. Kuma idan

bakuyi wani abu ba to komi kan iya faruwa ga wannan yaro da

aka sace. Saboda haka ina baka shawara da ka dauki runduna

domin kawo karshen wadannan yan ta adda."

"Wannan hakane zeenat. Na dade ina wannan tunani saboda

haka yanzu lokaci ne da wannan magana taki zatayi amfani

domin gobe zan dauki rundunar yan sanda zamu fantsama har

sai mun ganosu.

===================

Haka wadannan motoci suka cigaba da gudu ba kakkautawa.

Can sai suka tsaya. To bayan tsayawarsu ne sai aka fito da

hamir domin yasha iska. Can wata dabara ta fado masa. Daga

nan sai ya fada musu cewa zai yi fitsari. To anan suka kwance

shi. Daga nan sai ya zagaya domin biyan bukatarsa.

Kamar da gaske. Zagayawarsa keda wuya sai ya balle anan

yace kafa me naci ban baki ba haka hamir yayita gudu ba ji ba

gani domin tsira daga halaka. Yana cikin wannan gudune sai

yaji an kai masa wani naushi a fuska ji kake gibbbbbb. Saboda

karfin naushin sai da ya fadi yana dubawa sai yaga raliyat a

gabansa tare da wasu mata sun lullube jikinsu baka ganin

kome sai idanunsu. Anan mamaki ya kamashi koya akayi suka

cimmasa?

"Wawa. Kai tsammaninka zaka iya guduwa domin mun kwance

ka? To ka sani cewa xaka kasance tare damu har sai lokacin

da muka ga dama muka kyaleka." inji raliyat. To anan ne ya

gano cewa ashe su raliyat ne suka saceshi a gidan yari. Daga

nan sai suka iza keyarsa gaba bayan sun daureshi tamau.

Al amarin detective khaleed kuma kamar yadda yace ya samu

damar tara rundunar yan sanda daga nan sai suka cika wasu

motoci biyar sannan suka nausa domin neman barayin da suka

sace hamir. Ba kowace hanya suka nufa ba sai dajin nan da

kamal ya misalta musu a lokacin da yana lafiya lau.

Hamir kanyi mamaki wadannan mata domin sun kasance duk

abunda namiji keyi sukan yi kwatan kwacinsa. To a wannan

lokaci dare ya fara rabawa saboda haka kowa censu ta samu

wuri domin kishingidawa. Anan hamir yaji dadi domin yasan

da cewa wannan dama ce ya samu ta kara guduwa. Sai dai

kash yana cikin wannan farin ciki sai ya koma akasinsa domin

raliyat ce ta zauna daf dashi.

Anan ta dauko tuffa(apple) daga nan sai ta faraci. Ko kallonsa

batayi ba balantana ta masa tayi. Gashi kuma a wannan lokaci

yunwa ta kawo masa har ga makoshi. Cikin sauri ya fizge

apple din sannan ya fara ci. Kallonsa tayi ba tayi cikin

murnushi ba tare da ta tanka ba. Sai da ya gama ci sannan sai

yaga ta hankada jakarta sannan sai ta dauko wani ta fara ci.

Abun ya fara shi mamaki. (wato dama akwaisu da yawa) ya

fara tunani. Daga nan sai ya amshe jakar. Anan yasa hannunsa

har kasa amma bai ji kome ba.

Kallonsa tayi cikin dariya daga nan sai ta amshe jakarta. To a

wannna lokaci ta gama cin apple din. Daga nan sai ta sa

hannunta a jakar. To a nan hamir ya kura mata ido yaga

abunda zata fikkai domin yasan ba komi ciki. Cikin mamaki sai

yaga ta fito da wani apple. To anan abun ya bashi mamaki

domin a lokacin da yasa hannunsa kome bai jiya ba. Daga nan

sai ya amshe jakar ya laluba amma wayan kome babu.

Cikin dariya ta fara yi masa magana " kabar wahalar banza.

Idan zaka kwana kana lalube kome bazakaji ba. Ni kadai ne

nake da ikon da zan laluba wannan jakar in dauko abunda

nakeso.

"Wannan wace irin jaka ce?" ya tambaya.

" wannna jaka ce mai tarihi. Ummita ce taban ita a lokacin da

tana raye. " daga nan sai ta jeho masa apple biyu sannan ta

tashi ta nufi wata yarinya data nufosu. A wannan lokaci ta

tsayu da wannan yarinyar sai wata magana sukeyi can ciki

kamar basa son kowa ya jiya.

Anan hamir ya fara tunanin wannna ko wace irin jaka ce?

Haka rundunar detective khaleed ta cigaba da gudu na tsawon

lokaci kafin daga bisani su yadda zango a wani wuri. To anan

ne suka kafa tantuna domin bacci a ciki. To bayan kowa ya

shiga nashi tanti sai khaleed ya fito waje kamar akwai inda

yakeson zuwa. Ya fara tafiya kenan sai yaji an masa magana.

"ranka shi dade ina zaka a cikin wannna dare?"

To anan ya juyo sai yayi arba da abokiyar aikinsa wato sakinat.

Murmushi yayi kafin ya fara magana "ai bazan iya bacci ba zan

so na duba wannan dajin tukuna."

"E to muje na raka ka!" inji sakinat.

"Aa, kada kice haka, kije kiyi bacci mana. hala ina su balkisu?

ya tambaya.

"Wadannan kasan ragwayene duk sun dade dayin bacci. Injita.

Ba yadda bai yi ba don kada ta bishi amma ta dage sai dai suje

tare saboda haka ya kyaleta.

Kamar yadda hausawa sukace tafiya da aboki tafi dadi.

Wannan bako shakka haka yake domin su khaleed sunyi tafiya

mai nisa amma ko kadan basu sani ba. Gashi darene iyakar

dare amma ko tsoro basaji sai kusa kai suke cikin daji.

"Ahhh na gaji bari na dan huta kafin mu karasa." inji sakinat.

Anan ta zauna bisan wani dan icce daya bargace. Daga nan sai

khaleed ya zauna shima.

ALLAHU AKBAR. Wannan magana haka take duk inda namiji da

mace suka kadaita to na ukunsu shine shaidan. Zamansu keda

wuya sai sakinat ta fara yi masa wani kallo. Wanna kallo bana

komi bane in banda shawa. Shawa mai tsanani domin a

hankali jikinta ya fara girgiza sai kace mai jin sanyi. Sai wani

nishi da takeyi can ciki kamar mai jin zawo.

Wato ki sani cewa sakinat idan har muka samu nasarar kama

wadannan barayin to zanji dadin da ban taba jiba domin a

yanxu haka cikin rudani nake. Daga nan sai khaleed yayi ta

zazzaga surutu amma a mamakinsa bai ji ta amsa ba. Daga

nan sai ya juyo domin yaga lafiya. To anan ne ya lura da kallon

da take masa. Daga nan sai jikinsa yayi wani sanyi. Cikin

mintuna kadan shima yabi layi.

Anan sakinat ta tashi tsaye. Hular dake kanta ta cire ta yar.

Daga nan sai ta ajiye fitillun da take dauke dasu. Can kuma sai

ta cire rigar daje jikinta ta tsaya daga ita sai yar ciki. To a

wannan lokaci kafufuwan khaleed sun fara cika saboda ganin

surar sakinat.

Tana zuwa wurinsa jikinsa ya kara mutuwa domin ko magana

bazai iyaba. Gashinsa ta fara shafawa kafin daga bisani tayi

wani kwanto kasan kafafuwansa. To kafin a fara warwasawa

sai wani dan karamin tunani ya fado ma khaleed:

A wannan lokaci yana tare da matarsa zeenat. Khaleed wai

wace mace ce kafiso a duniya?" ta tambaya.

"E to matan da nakeso gaskiya sunada yawa." injishi.

To anan zeenat ta bata fuska.

Haba sweetheart ya naga kin bata fuska harda kuma juya min

baya. Ya tambaya.

"Ai kaima kasan bai kamata ka fadi haka ba."

"Haba sweety tambayata fa kikayi kuma na baki amsa.

To yanzu sai ka gayamin matan naji. Inji zeenat.

" Ta farko dai itace wadda jiya ma saida na kai mata ziyara

domin duk abunda namiji keso ga mace sai da na samu a

wurinta."

Zeenat najin haka sai ta tashi da nufin tafiyarta. Anan khaleed

yasha gabanta. " Ina xaki kuma? Ai ban kare ba."

"to gayaamin wacece ta biyun kuma?"

"Ita kuma ta biyun mun hadu a facebook ne daga nan sai na

amshi numbarta har muka kulla soyayya da ita!" injishi

Dungujeshi zeenat tayi da nufin ta bar masa dakin saboda

bakin ciki. Anan khaleed yayi ta lallashinta har ya ciyo kanta.

Daga nan sai ya goyota har xuwa inda gadonta yake.

Ajiyeta keda wuya sai ta fara fada. "Ni bazan iya zama da kai

ba. Yanxu inaso ka gayamin matsayina a wurinka kuma

wadannan matan su waye?"

Anan khaleed yayi dariya kafin ya fara magana.

"Au dariya ma kakeyi kenan?" injj zeenat.

"Wato ku mata kushinku yayi yawa. Shi yasa ciyon zuciya ke

illata ku da kuma yawan tunani. Da farko dai kin tambayi

matsayinki. To matsayinki a wurina shine har yanzu kina nan

matata. Ita kuma wannan matar dana gaya miki ta farko ke

tunaninki waye keda wannan matsayi. Na fifita wannan mata

da kowa saboda itace mahaifiyata. Ita kuma ta biyu wadda

muka hadu a facebook ai kece. Idan zaki iya tuno farkon

haduwarmu ai a facebook ne. Daga nan sai muka kulla

soyayya."

Zeenat najin haka sai ta kyaljyale da dariyar farin ciki anan ta

rungumeshi suka cigaba da dariyar tare.

"Khaleed zaka yimin wani alkawari?" ta tambaya.

"E fadi bukatarki inaji"

Xaka iya daukar min alkawari cewa bazaka kulla kowace

macce in ba niba?

E na miki.

Kuma zaka iya daukar alkawari cewa baza yimin kishiya ba?

E na miki.

Kuma zaka iya yimin alkawari cewa bazaka taba cuta ta ba har

wata mace ta baka shawa ka auka mata?

E na miki.

Daga nan sai suka rungume juna cikin soyyaya irin ta ma

aurata.

To anan tunanin khaleed ya tsaya. Daga nan sai ya mike tsaye.

Subhanallah me nake shirin aikatawa haka?"ya fada.

Anan sakinata ta kara matseshi domin samun galaba akansa.

Haba ya ka mike ka tsaya ka jiya mana.

Ke matsa baya. Injishi. To anan ne ya kara tuno alkawurran

daya daukar ma matarsa.

"Da ace kinsa na aikata wannan abu danayi dana sanin da

bayada amfani. Bako shakka wannan magana haka take.

( IDAN NAMIJI YA KADAITA DA MACE TO NA UKUNSU SHINE

SHAIDAN) Komi imanin mutum idan ya kadaita da mace to

shaidan xai yi rinjaye akansa. Sannan kuma ya jagorance su

wurin aikata alfasha." inji khaleed.

To a wannan lokaci hankalin sakinat ya fara dawowa jikinta.

"Kayi hakuri khaleed. Ni ma bansan abunda yasa nayi kokarin

yin hakan ba. Shawa ce ta tasomin wadda na kasa hakuri.

"Ba matsala tun da bamu aikata ba. Domin da ace munyi dani

ta shafa domin hukuncina shine jifa tunda inada aure." ya fada.

Yanxu sa kayanki sai mu koma masaukinmu domin idan aka

san muna nan to zargi xai iya shiga tsakani. Daga nan sai

sakinat ta fara shirya kayanta.

Bayan sun gama shirye shiryen su cikin rashin tsammani sai

sukaji ana sako musu ruwan kibau. Anan suka labe bayan itace

tare da mayar da martani. Wata yar karamar bindiga ce suke

halbin da ita (pistol) abun mamaki kuma basu san kowaye ba.

Suna cikin hakane sai khaleed ya nufi wurin da kibau din ke

fitowa a guje tare da halbin wurin. To kafin yakai ga wurin sai

yaji an yi kara wato kamar ya sami mai halbinsu. Daga nan sai

ya rage karfin gudunsa. A hankali ya fara tafiya har yakai wurin

amma kowa bai gani ba. To a wannan lokaci itama sakinat ta

fito daga maboyarta. To a nan suka fara mamaki ko wanene ke

kokarin kashesu. Daga nan sai suka juya suka nufi hanyar

komawa masaukinsu.

Suna cikin tafiya sai sukaji kamar tabi daga sama. To anan

suka daga kawunansu domin ganin ko waye ke musu tabi. To

anan sukaci karo da suhailat saman wani icce.

Suhailat yar sanda ce. Kuma itace mataimakiyar khaleed a

wannan tafiya tasu.

Bayan suhailat ta diro saman iccen sai ta fara magana:

Nayi vedio record na duk abunda kuka aikata a wayata. Kuma

da sannu zan tona muku asiri. Anan ta nuni khaleed da yatsa.

Dama na gayama idan har bakayi abunda nakeso ba to da

sannu sai naga bayanka.

Daga nan sai khaleed ya fara magana "Haba suhailat ya kina

wannan magana, mufa ba abunda muka aikata hasalima larura

ce tasa kika ganmu tare.

"hmmm. To idan baku aikata kome ba me kukeyi a cikin

wannan dare ku kadai a cikin daji. Kai kada ka raina min

hankali naga kome kuma yanzu zaka gani. Injita.

Cikin mamaya ta masa wani naushi a fuska ji kake gibbbbbbb.

Anan khaleed ya fadi sumamme.

Ke kuma karuwar banza. Anan ta finciko sakinat ta makata a

itace. Daga nan sakinat bata kara sanin inda takeba. Wata

yankwa (handcuff) ta fito daga nan ta dauresu sannan ta fara

jansu da kasa domin kaisu masaukinsu domin ta tona musu

asiri.

FULANIN DAJI

Part (4) kashi na hudu

Written by

Abdul king article

A FRIEND IS A BROTHER:

1. SAFREEN AUWAL

2. HAMATULLAH ABDULMAJID

3.LAWAL JNR

4.AISHA DUHU

THANKS FOR YOUR SUPPORT.....

RECALL:

A cikin na uku mun bayyana yadda detective khaleed ya tara

runduna domin fuskantar barayin da suka sace hamir. Sai

kuma wata sabuwar guguwa data bayyana wato suhailtat

wadda ke kokarin bata masa suna shida sakinat akan laifin da

basu aikata ba. Shin ko zata samu nasara kuwa??

THE BEGINNING:

Wani iska ne mai dan karfi hade da yar karamar kura ke yawo

a saman wani titi yana tayar da ledodi. Da ganin unguwa kasan

ta hadu.

Kwas kwas kwas. Takun takalman mace. Wata yarinya ce

kyakkyawa taci ado sanye da uniform na makaranta daga nan

sai ta nufi wani madaidaicin gida. To kafin ta shiga gidan ne

sai iskan ya daga hijabinta dakyar ta samu ta tsayar da hujabin.

Shigarta keda wuya sai wata yarinya tazo a guje ta rungumeta.

Maryam maryam maryam. Haka yarinyar ke fadi cikin murnar

ganin yayarta. To bayan sun zauna ne sai sukaji tari a cikin

daki. Alamun cewa abba yana gida. Ba a dau lokaci ba sai

gashi ya fito:

"Laaaaa. Ke maryam ya akayi kika dawo gashi lokacin

dawowarku makarantar bai yi ba?"

"E abba matsala aka samu kasan bamu biya kudin wannna

term ba shine aka koroni."

Anan abba ya rike baki " kaji matsalata da makarantar kudi

( private school) da ba a biya ba sai su koro yara. gashi kuma

gwamnatin tamu suna kawai ta tara. Yau fa goma ga wata

amma albashi tsit. Kada ki damu jeki abinki gobe kya koma

tunda ba kullum suke korar ba. Daga nan sai ya koma cikin

dakin. A haka maryam ta rike yar kanwarta wato nusaibat suka

fara tadi cikin nishadi.

Wazajen la asar ne sai ga nusaibat ta sheko a guje wurin

maryam.

Yaya ga al ameen nan yazo.

Daga nan sai maryam ta fara shirye shirye zuwa wurin lover

dinta. A wannan lokaci sun dade basu hadu ba domin yana

karatu ne a wata university to yanzu suka samu hutu shi yasa

ya dawo.

A guje ta fito domin ganin fuskar da idanuwanta keda muradin

son gani. Daga nan sai ta dauko kujerun nan plastic chairs ta

fakasu a kofar gidan to bayan sun zauna sai suka tadin duniya

irin na masoya.

" da ka tafi shine ka manta dani ko har flashing ma bakayi."

"Aa keko ya za ayi na manta dake. Ai idan zan manta

kafafuwana masallaci to zan manta dake. Kinga kuwa ba rana

kenan."injishi.

To anan ta dan dunkule cikin hijabi wai ita kunya.

A kullum nakan yi tunanin wannna kyakkyawar fuskar taki duk

da ban san abunda yasa bakyason in ganta ba. A kullum sai ki

dunkuleta cikin hajibi.

Maryam najin haka sai tayi sauri ta kware hijabin. Daga nan sai

ta fuskance shi domin yaci gaba da maganarsa.

"Wai maryam kina sona kuwa?" ya tambaya.

"Haba al ameen ya kana min wannan tambayar kaima kasan da

cewa ba nida wani in ba kaiba." ta amsa.

Anan yayi dan murmushi saboda jin dadin kalaminta tare da

kara kallon fuskarta.

" Da kyau maryam. Zan so na kasance tare dake har abada

amma a kullum akwai wani tunani dake durkusar dani game da

wannan al amari."

" wannna wane tunani ne kuma?" maryam ta tambaya.

Sai da ya dan ya gyara murya kafin ya fara magana: Nakan yi

tunani cewa akwai wata rana da wani mai kudi wanda ya fini

matsayi zai zo ya sace zuciyarki ya mantar dake soyayyar da

muka gina shekara da shekaru.

" Haba al ameen. Wannan tunani naka kayi saurin furza shi

waje domin bana ganin akwai ranar da wani da namiji zai zo

har ya burgeni komi matsayinsa da kudinsa kuwa. Ni kudi baya

gabana. Hakanan bana kula matsayi. Ni kai na gani kuma kai

nakeso kuma in ba kaiba sai dai rijiya.

Anan wani murmushin farin ciki ya cika fuskar al ameen kafin

ya fra magana:

" bako shakka zanji dadi idan kika yimin wannan alkawari

domin ni nasan cewa a cikin zuciyata ba ko masakar tsinke da

zan iya baiwa wata ta zauna in ba keba. Kin mamayeni tamkar

yadda jini ya mamaye jijiyar dan adam.

Anan maryam ta masa kallon nan mai kara dankon soyayya

tare da daga girar sama da kasa sannan ta girgiza su. A haka

suka cigaba da tadi har wazajen magrib. Daga nan sai yayi

niyar komawa gida. Saboda haka sai ya fito da wata yar

tsaraba cikin leda ta shiga da ita. Daga nan sai sukayi sallama

ya wuce.

Tun da sanyin safiya tayi shirin zuwa makaranta. Daga nan sai

ta rataya jakarta ta fara tafiya. Tana cikin tafiya ne sai taci karo

da al ameen saman wani mashin roba roba. Cikin sauri ya faka

sannan suka gaisa.

" Makaranta zaki zo in rage miki hanya mana." ya fada.

Ai ko batayi gardama ba ta hau.

"Au wato mashin ka Siya mana ko?" inji maryam

"Haba waninan sayen mashin. Wannan na abba ne kin san

motar tasa ba lafiya to shine ya aikeni da mashin in masa

sayayya.

Haka suka cigaba da hira har suka kawo makaranta daga nan

sai ya ajiyeta bakin gate sannan ya tafiyarsa. To bayan ta

shigane gabanta ya fadi domin an gama assembly. Kuma da

an gama assemnly to duk wanda ya shigo yayi latti kuma

akwai horo mai tsanani. Daga nan sai ta fara tafiya tana dube

dube don kada wani malami ya ganta. Cikin dace ko ba wanda

ya ganta har ta shiga aji. Duuuummmmm.

Gabanta ne ya fadi domin ganin wata malamarsu a cikin aji

mai koya musu english. Sukan kirata da aunty jennifer

"You maryam always coming late. I have warned you several

times not to make it in my class if you come late. But your

strong head defy my order huh?" inji malamar.

Sorry ma! It will never happen again. Maryam ta bada hakuri.

Anan malamar tayi tsaki. " You are always repeating the same

words filled with apologized. Today i will not take it. I will

make sure i deal with u seriously so that i will send away the

jinns disturbing you up.

Anan malamar ta dauko bulala. Go and kneel down you rascal

child. Sorry ma please. Inji maryam.

Malamar ko kallonta bata yiba gata kuwa katanya ce. Irin

inyamuran ne da basa ragama diyan hausawa. Cikin fushi ta

nufi maryam da nufin cakwademata.

To kafin ta fara dukanta sai taji magana a bayanta.

Excuse ma!

Malamar na juyowa sai taga kyakkyawan saurayi ne keson

magana da ita. Saboda kallonsa yasa malamar tayar da bulalar

cikin rashin sani. What do you want? Inji malamar.

I am very sorry to interrupt your action. Anan saurayin ya fara

magana. The girl you wanted to purnish is my sister of course.

And so i will like to apologized on behalf of her. I know it was

wrong to come late but hers own is due to our mother's

sickness. She was redeploy to hospital today after maryam

took some times caring about her. And that making her to

come late. But i am sorry ma it will never happen again.

Anan malamar tayi murmushi tare da kallon fuskarsa. Yin

hakan yasa maryam ta dan ji kishi kadan domin ta fahimci

cewa duk yan matan ajin sun shagaltu sai kallonsa suke suna

kus kus. Wannan saurayi ba kowa neba in banda al ameen.

Duk da dai mamaki ya kashe maryam na ganin dawowarsa.

Ok no problem but i am asking you to advice her so that she

will come late no more. Now go and take your sit. Inji

malamar. Anan maryan ta nufi kujerarta tare da mayarma al

ameen wani kallo mai daukar hankali. Haka shima ya mayar

mata da martani sannan ya tafiyarsa.

To bayan an tashi break fast ne sai maryam ta tsayu da

abokanta sai hira suke. Amma kin kuru. In badan yayanki yaxo

ba dayau kin niku. Inji safiyat: wata abokiyar maryam

Anan saura suka kyalkyace dariya daga nan suka fara

tsangwamar ta. Shegiya kunji muryarta sai kace wata kyanwa :

sorry ma plsss.

Inji aishat.

Haka dai suka yita tsangwamar ta wasu ta rama wasu tayi

shiru. To suna cikin hakane sai maryam ta tsinkayi wani

bafilatanin daji sai kallonta yake baya ko kyaftawa. Maryam taji

mamakin abunda ya kawo wannan bahillace cikin

makarantarsu. Kuma wannna kallo da yake mata ko lafiya?

Haka dai tacigaba da hira da abokanta har lokacin shiga aji

yayi.

Haka sukayi karatu har lokacin tashi yayi. To a wannan lokaci

abba yazo da motarsa domin daukarta.Bayan maryam ta shiga

motar sai taga wannna bafilacen na dazu yanata kallonta.

Wannan kallo naban mamakine domin tunda take bata taba

ganin wani ya mata shi ba.

Bayan sati daya da faruwar hakan sai abun ya karu domin

maryam tana yawan gamuwa da wannan bafillacen wazaje

daban daban kuma a duk inda ya ganta sai ya kalleta.

Wata rana abban maryam zai fita.

To maigida Allah ya kiyaye. Inji ummin maryam.

Abba ka siyo min chololate! Inji nusaibat.

Anan yayi murmushi. Kada ki damu nusaibat tunda nace

wallahi ai dana dawo zan baki duk abunda kikeso.

Haba maigida ya kana cewa wallahi. Kaifa yanzu ka wuce

rantsuwa. Amma zai fi kace insha Allah.

Anan ya kalli matarsa. Ke kuma matsalata dake kenan. To ko

nayi rantsuwa sai meye tunda nasan zan dawo lfy kuma kina

wannan magana sai kace wanda bai iya mota ba.

To ai maigida kaddara ake gudu!

E da wannan kuma. Yanzu dai sai na dawo. Haka ya fita bai ce

insha Allah ba.

Bayan minti talatin da fitarsa sai gashi ya dawo gigice yana

sallallami. To anan umma ta fito domin ganin ko meke faruwa.

Yau karyata ta kare. Gashi ba a yi albashi ba ko sisi banda

cikin account na cefane kawai suka rage.

Maigada meke faruwane?

Yau kaddara ta rutsa dani. Wani katon sa na buge da motata

kuma ya mutu yanzu haka yan sanda na can waje suna jirana

wai in fito in biya kudin.

To anan umma ta rike baki domin tasan akwai matsala. Suna

cikin hakane sai ga yan sandan sun shigo. Har sun sa masa

yankwa (handcuff) sai sukaji an katsa musu tsawa.

Wani bafilatanin daji ne ya shigo gidan anan ya musu umarni

dasu kwanceshi. Anan ya fara magana:

Sa dai nawane kuma nasan tsautsayi ne yaja aka kade shi har

ya mutu saboda haka na yafe. Daga nan sai abba ya fara yi

masa godiya. To suna cikin hakane saiga maryam ta dawo

makaranta. Gashi kuma ba lokacin dawowarta neba. Tana

shigiwa gidan gabanta ya fadi rassssssss. Saboda ganin

wannan bafilacen dake mata wani kallo a makaranta wai yau

gashi gidansu. Ko me ya kawoshi?

Ahmm ji mana. Amma ke yanzu kuke dawowa kuwa? Bafilacen

ya tambayi maryam.

Aa. Wai akan school fees suka koromu. Ta amsa.

To ya haka. Kai alhaji baka biya kudin yara ba. Inji bafilacen.

E wallahi kasan ba ayi albashi ba. Garin yayi zafi ba kaya.

Yadda za ayi bani account number dinka zan san yadda nayi. A

gaskiya bana son ganin yara sun zauna a gida. Daga nan dai

sai abba yayi masa godiya mai yawa tare da mamakin wannan

abu. Ji fa an kashe masa sa. Amma ko damuwa bai yiba.

Wannan ko wane irin mutum ne?

Ba a fi minti goma ba sai abba yaji alert a wayarsa. Ai ko yana

dubawa sai yaga an turo masa dubu dari biyar. Anan abba ya

rude saboda murna. Daga nan sai ya gwada ma matarsa

abunda wannan bafilace ya masa haka dai suka yita maamaki

suna sa masa albarka.

Ita kuwa maryam ko kadan abun bai burgeta ba domin ji take

akwai abunda yasa yayi musu wannan kyuata taban mamaki.

Amma menene?

Bayan sati daya da hakan wata rana bayan an tashi daga

makaranta sai maryam tayi jiran abba domin yazo ya dauketa

amma abun mamaki ko duriyarsa babu. Daga nan sai ta samu

wuri ta zauna. To tana zaune kawai sai taga wata mota kirar

jeep ta faka wurinta. A wannan lokaci kuwa yan makaranta sun

fara watsewa. A hankali taga an bude gambun motar. Daga

nan sai ta natsu domin ganin wanda zai fito cikin motar. A

mamakinta sai taga wannan bafilacen ya fito. Cikin murmushi

ya mata sallama. To bayan sun gaisa sai ya fara tambayarta

hala me take yi anan. Daga nan sai ta bashi amsa cewa abba

take jira har yanzu bai iso ba. To anan ya umarceta da ta shiga

motarsa zai rage mata hanya. Anan maryam ta ki amincewa.

Ba yadda bai yi ba amma taki.

Wata ran maganar mutane kan zama gaskiya. Kuma bako

shakka duk wanda ya riga bacci dolene ya rigaka tashi.

Hakanan magana jari ce. Idan ka iya sai ka mallaki abunda

kakeso a lokacin da kakeso.

Haka wannan bafulatani ya mata dadadan kalamai domin

ganin cewa ta aminta kuma daga karshe sai ya samu nasara

domin ta aminta zata bishi ya kaita har gida.

====================

Wani ihun mazaje ke tashi kamar akwai abunda yasa su hakan.

Suhailat ce a tsakiya sai kora bayani take su kuma abokan

aikinta sai tabi da dariya suke. Detective khaleed ne a daure

tare da sakinat.

Wannan shine vedio record na shaidar abunda nake gaya

muku. Anan ta mika wayarta ga wani dan sanda domin ya gani.

Yana budawa sai ya fara kallo. Farkon vedio sakinat ce ta debe

riga ana ganin kome na surar jikinta. Bai ko tsaya gama kallo

ba ya ba wani wayar domin ya kalla. Kafin kaceme wuri ya rude

sai zagin su detective khaleed ake tare da jifarsu sai da wata

yar sanda balkisu ta tsawata.

Balkisu tana daya daga cikin wadanda basu yarda da wannan

vedio ba. Domin tasan da cewa akwai hamayya tsakanin

detective khaleed da suhailat. Haka zalika wasu daga cikin yan

sandan basu yarda ba sai dai ba bakin magana saboda tsoron

suhailat domin ba karamar jaruma bace a filin daga.

Haka balkisu ta cire tsoron dake zuciyarta daga nan sai ta fara

magana:

Wannan vedio bana gaskiya bane. Domin idan gaskiya ne ai sai

a bari muga karshensa wato muga abunda suka aikata kafin

mu hukuntasu.

Daga nan sai suhailat ta jiyo da karfi ta kalleta:

Kada ki raina mana hankali kinji. Ko kiso ko kada kiso to dole

mu hukuntasu domin sunyi laifi babba.

Daga nan sai wani dan sanda ya fara magana:

Abunda balkisu ta fadi gaskiyane. Bai kamata muyi hukunci ba

tare da sanin laifin da aka aikata ba. Daga nan sai yan sandan

suka fadi ga baki daya: (wannan gaskiyane)

Anan suhailat ta fara dube dube domin da alamu suna shirin

juya mata baya. Cikin fushi ta cafko wannan dan sanda da yayi

magana. Sai da ta saita da kumatunsa sannan ta masa wani

naushi mai karfi. Anan ya zube kasa sumamme jini na fita a

bakinsa. Daga nan sai sauran yan sanda sukayi tsit domin

ganin abunda ya faru ga dan uwansu. Dukkaninsu suna

tsoronta domin an mata kirar jarumai. Irin matan nan ne ga

tsawo ga kiba.

Duk wanda ya kara yin magana to sunansa gawa. Dolene kubi

umarnina domin nice shugabarku a yanzu. Kuma ku sani cewa

wannan yaron da muka fito nema wato hamir daga yanzu na

soke wannan tafiyar. Ba zamu nemesa ba. Nan da sati daya

zamu kashe wadannan biyun wato sakinat da khaleed. Daga

nan sai mu koma muce sun mutu a wurin yaki. Shi kuma hamir

bamu gansa ba. Ina muku kashedi akan shiga al amurra na.

Duk wanda yayimin shishshigi a wannna tafiya to zan kasheshi.

Anan taba wasu yan sanda umarni daau shigar dasu khaleed

cikin tanti.

A cikin darene khaleed ya rasa abunda ke masa dadi. A duk

lokacin daya tuno matarsa wato zeenat suna ban kwana gashi

yanzu saura sati daya a kasheshi ga laifin da yasan bai aikata

ba. Haka ya barke da kuka har saida sakinat ta fara lallashinsa.

Kayi hakuri mana Allah zai fitar damu daga wannan karangiya

da muka samu kanmu. Tunanin da yake shine wato da ace

basu kadaice shida sakinat ba da hakan bata sameshi ba. A

haka dai yayi dana sani.

Daga nan sai ya fara bata labarin shu u mancin suhailat kafin

suyi wannan tafiya:

wato suhailta ta kasance marar kamun kai domin duk wanda

ya taya takan bashi indai da riba. Saboda wannan abu yasa

bama shiri domin nakan mata wa azi ta daina.

Akwai lokacin data nemeni na hanata to tun daga ranar ta

kudurta kulla min abunda zanyi dana sani tunda naki bata

hadin kai. Wannan duk yana cikin dalilin da yasa tayimin haka.

A haka dai suka cigaba da hira har bacci ya fara daukarsu.

Can sai sukaji ihun mutane kamar ana kawo hari. Kafin

kaceme sai suka fara ganin tantuna na kamawa da wuta. Ihun

mutane ya yawaita. Suna cikin jin wannan abu kawai sai

sukaga an shigo cikin tantin nasu. Suna dubawa sai sukayi

arba da hamir.

Kai she kana raye? Detective khaleed ya tambaya. To anan

sukaga ashe ba shi kadai bane. Tare yake da raliyat.

Cikin sauri ya kwancesu tare da yi musu umarni dasu biyoshi.

Ina zaka kaimu? Kuma meye hadinka da wannan muguwar

yarinyar mai kashe jama a?

Ba muguwa bace. Kuma jama ar da take kashewa laifi bane.

Abunda tayi shine dai dai. Yanzu ka biyomu idan muka tsira sai

kasan labarinta. Inji hamir.

Anan detective khaleed ya fara mamaki to kada dai ace hamir

shima ya koma makashi irin raliyat.

Ya akayi kuka cemu? Kuma wa ya gaya muku muna nan? Inji

sakinat.

Saboda munyi bincike kafin mu zo nan. Inji raliyat.

Anan suka fita a guje da nufin tsira. Suna fita sai sukaji ana

musu tabi. Suhailat ce tasa an zagayesu ga baki daya yadda ba

wurin gudu. Ko ina yan sanda ne tare da bindigarsu Ak47 cikin

shirin yaki.

Kuna ga zaku iya gudu. To ku gudu mana. Anan tayi wata

dariya mai ban tsoro. Tare da dubansu daya bayan daya.

Can sai taba yan sandan umarni: kuyi ma namansu gunduwa

gunduwa.

FULANIN DAJI

Part ( 5 ) kashi na biyar

Written by:

Abdul king article

THE FIRST LADY / THE LADY OF ALL TIMES:

( HUSNA BALA)

I regard my salute.........

RECALL:

A cikin na hudu mun bayyana labarin wata yarinya maryam da

yadda ta hadu da wani bafillacen daji. Sai kuma hamir wanda

yazo tare da wadda ta saceshi wato raliyat domin su kubutar

dasu detective khaleed daga harin suhailat.

THE BEGINNING:

Husnat na labnat ( kannen hamir) a kofar gida suke sai

wasansu suke irin na yan mata cikin nishadi. Suna cikin hakane

sai suka daina sanadiyar wata mota data faka a kofar gidan.

Anan suka fara kallon wannan mota domin ganin wa zai fito a

ciki.

Yazid da najib ne suka fito a cikin motar ( abokan hamir) da

sauri su husnat suka sheko tare da rungumesu. Daga nan sai

suka jasu zuwa cikin gida. A wannan lokaci hajiya zubaidat na

zaune a cikin falo ita kadai ( mahaifiyar hamir)

Bayan sun shigo ne sai ta tashi ta musu maraba tare da kawo

musu lemon kwalba.

Yazid ne ya zuki dan kadan kafin ya fara magana: wai umma

har yanzu ba maganar hamir?

Hmm kai dai bari. Ai sai dai dua i. A can da idan na bugama

detective khaleed nakan sameshi amma yanzu tsit bana samu.

Injita.

Amma umma ki rage tunani insha Allah za a gansa. A gaskiya

naga duk kin canza ba kamar da ba. Mu kanmu nan muna iya

kokarin mu dayin addu a. Domin rashin hamir babban rashine

a wurin mu baki daya. Inji najib.

Anan dai ta dan yi murmushi. To bari mu koma umma. Inji

yazid. Anan sukayi sallama daga nan suka fita.

:::::::::::::::::::::::::::::::::::::::::::::::::::::

A cikin wani katon gidan samane dake tsakiyar daji wata

hayaniya keta fitowa.

Haba rumaisat yana kina wannan magana. Kece fa sarauniya ta

ciki da wajen wannan daji ba wata in ba keba. Ina fada miki ki

yarda da abunda nace. Idan har baki dau mataki ba to mulkin

ki zai rushe kuma sarautarki zata fadi.

Anan rumaisat ta sauko daga saman kujerarta. A hankali take

tafiya cikin rangwada har ta iso wurinsa. Daga nan sai ta fara

shafa fuskarsa. Kai kyakkyawa ne. Wato ka sani Amil na yarda

da kai amma kafin nan yanzu zan baka wani dan karamin aiki

da nakeso ka cikamin.

Daga nan sai ta dauko wata kwarya. Wasu kalamai ta fara fadi

marar ma ana sannan sai tayi nuni da kwaryar. Anan wani

hayaki ya fito daga cikin kwaryar sai da amil yaja da baya a

tsorace.

Can sai fuskar wasu samari uku ta fito cikin kwaryar.

Wadannan su kadai jininsu zai yi. Saboda haka ina umartarka

daka kawosu cikin gidan nan.

Anan amil yayi dariya. Ai wannan yafi kome sauki domin

wadannan biyun abokaina ne. Guda sunansa yazid dayan kuwa

najib. Amma abunda nakeson sani shine idan na kawosu

bukatata zata biya kuwa?

Anan rumaisat tayi murmushi. Ai ni bana magana biyu.

To sai dai dayan ne ban sani ba. Inji amil.

Anan rumaisat tayi murmushi. sunansa hamir. Bazaka sanshi

ba. Domin ba kai ya kamata ka kawoshi ba. Ita yakamata tayi

amma sai tayi sakaci har soyayyarsa ta rufe mata idanu. Bako

shakka da sannu zata dandana kuskurenta.

Hala wacece? Amil ya tambaya.

RALIYAT!!!! inji rumaisat.

==================

To bayan maryam ta shiga motar wannan bafilacen. Daga nan

sai ya fara tuki da nufin kaita gida. Haka yayita janta da surutu

har suka iso gidan. Daga nan sai ta masa godiya. To kafin ta

fito motar sai ya fito da wani ice cream ya bata. Batayi niyar

amsa ba amma don kada yace ta masa walakanci sai ta amsa.

Daga nan sai ya tuka motarsa ya tafi.

Tana fitowa sai tayi ido hudu da al ameen wato masoyinta.

Anan ya mata wani kallo na alamar tambaya. A kofar gidansu

yake zaune sai wasansa yake da nusaibat wato kanwar

maryam. Anan maryam ta zauna kusa dashi ta fasa shiga

gidan.

Wancan kuma wayeshi?? Ya tambaya.

Anan maryam ta bayyana masa kome dangane da wannan

mutum.

A gaskiya banji dadi ba domin ina gudun kada in rasaki. Domin

duk wannan alheri da yayi muku ba don Allah yayisa ba. Da

alama ke yakeso. Inji al ameen.

Anan maryam tayi murmushi. Haba kai kuma ai duk yadda

yake maitar sona sai dai in na aminta ko. To kada ka sama

ranka damuwa domin ba zan aminta da kowane namiji ba in

bayan kai.

Anan al ameen yayi murmushi na nuna jin dadin wannan

kalami. Haka dai sukayi zance daga karshe sukayi sallama.

To sai bayan ta shiga gidan ne sai abba ya gaya mata cewa

motarsa ce ta lalace. Kuma a saman hanyarsa ya gamu da

wannan bafilacen wanda shine ya kara taimakonsa ya kai

motar wurin gyara. Anan mamaki ya kara kasheta. Wato da

gaskiyar maganar al ameen.

To a cikin wannan darene saiga bafilacen ya dawo anan ko ya

tarar da abban maryam shi kadai a saman tabarma yana shan

iska. To bayan sun gaisa sai ya fara bayani:

Da farko dai sunana alhaji sulaiman. Ni manomi ne. Kuma a

gaskiya yanzu abunda ya kawoni wurinka abune mai girma

wanda har inajin tsoron furta shi domin ban sani ko zan iya

samu.

Anan abban maryam yayi dariya. Haba alhaji ai yanzu mun

zama yan uwa. Ko abuna ka dauka bazance kandil ba domin

nakane. Saboda haka kada kaji tsoron furta duk abunda ke

ranka.

Daga nan sai alhaji sulaiman ya fara magana: wato ya ta

wurinka na gani kuma gaskiya inaso. Wannan shine babban

dalilin da yasa nazo wurinka.

Anan abban maryam yayi dariya: Haba kaiko dan uwa ai

wannan ba wani abu bane don ka ambaci kalmar so ga yata.

Wato ka sani cewa duk abunda na mallaka to kamar nakane

saboda haka ka kwantar da hankalinka yanzu bari inje in

kirama ita. Anan alhaji sulaiman yayi godiya mai yawa.

To bayan abba ya shiga gidan sai ya tarar da maryam a cikin

falo sai kallo takeyi. Anan yazo wurinta:

Ki saurara kiji abunda zan gaya miki domin mai

muhimmancine. Akwai wani bako sunansa alhaji sulaiman

yana nan waje yana jiranki. Inaso kiyi masa biyayya kamar

yadda kikemin. Kuma kada ki kuskura ki bari rashin jituwa ya

hadaku dashi. Daga nan sai ya juya ya fita. Maryam tayi

mamaki domin batasan ko wanene yazo wurinta ba. Cikin sauri

ta yafa wani karamin hijabi sannan ta fita.

Fitarta keda wuya gabanta ya fadi duummmm.

Anan taga bafilacen nan daya rage mata hanya daga

makaranta. To kada dai ace shine abba keson hadata dashi.

Sallama ta masa daga nan sai ya amsa cikin murmushi tare da

mata izni ta zauna. A wannan lokaci unguwar ta haskake

sanadiyar wutar nepa da aka kawo. Saboda haka maryam ta

riga ta masa kallon tsaf.

Daga nan sai ya fara magana: a gaskiya naji dadin ganinki

maryam domin a yanzu idan ace a bude miki zuciyata kiga irin

farin ciki da nake ciki da abun zai baki mamaki domin wannan

itace mafi soyuwar rana a cikin ranakun rayuwata.

Maryam tayi mamaki yadda ya ambaci sunanta koya akayi ya

sani? Inaga abba ya fada masa! Ta fada a cikin zuciyarta.

Wato ki sani maryam a lokutta daban daban ina yawan ganinki

a wazaje daban daban wanda hakan yasa na samu kwarin

gwiwa na ganin cewa na binciko tarihin zuriarku. To bayan na

samo abinda nake nema sai kuma na gano cewa bako shakka

na yaba da hankalinki saboda haka nazone domin samun

amincewarki.

To anan yayi shiru domin yaji abinda zatace. A gaskiya ni ban

gane inda ka dosa ba. Inji maryam.

Haba maryam da hausa fa nake magana ya zakice baki gane

ba. To tunda kin fison sai na fito karara. Abunda nake nufi ina

so ki bani hadin kai domin mu raya sunnar manzo S A W.

Anan maryam ta dubeshi ta dafe kirji. Haba malam ya zaka

zomin da wannan sabuwar magana kai tsaye. To gaskiya kayi

hakuri domin idan har na aminta da abunda kake bukata

tamkar nayi zaluncine saboda akwai wanda ya rigaka a wurin

saboda haka ni na barka lafiya. Anan maryam ta tashi tabar

malam sulaiman rike da baki. A haka ya bita da kallo har ta

shige gida.

Tun da sanyin safiyar laraba ummin maryam ta farka saboda

wata hayaniya da takeji anayi a cikin gidan. To bayan ta fito

daga dakin sai ta tarar da mijinta sai fada yake inda yake shiga

banan yake fita ba. Maryam ce a gefensa da alama kamar da

ita yake.

In banda kike banzar yarinya ya za ace wai bakyason alhaji

sulaiman. To meye gareshi? Ke haka zaki karewa kin fison ki

auri dan matsiyata jikan matsiyata in banda abinki me zakiyi da

al ameen yaron da yanzu yake karatu nasan ko rantsuwa nayi

bazan yi kaffara ba yakan yi shekara bai rika naira biyar ta

kansa ba.

A haka dai abba ya cigaba da yiwa maryam fada yana fifita

alhaji sulaiman akan al ameen.

Bako shakka ciwon so ya kamata domin duk da fadan da ake

mata sai tunanin al ameen take. Suna cikin hakane sai sukaji

sallama bayan sun amsa sai sukaga wani mutum ya shigo to

anan abban maryam ya tareshi da karamci domin direban

alhaji sulaiman ne kuma kamar ya aikoshi da sako. Anan yasa

wasu yara su shigo da buhuhuwan abincin da aka aikoshi dasu.

Buhu biyar na shinkafa. Biyar na gero, biyar na dawa biyar na

masara tare da tukuicin dubu hamsin duk inji alhaji sulaiman.

Anan abban maryam yayi godiya mai yawa tare da rakiyarsu

har waje. To bayan ya shigo gidan ne sai ya fara magana:

Kinga harkar ya kamata ko. Yarinya ki tsaya kici kudi kibar kudi

inda suke. Yanzu ki gayamin al ameen ya taba yi miki irin

wannan kyautar?

A haka dai tayi shiru tana saurarensa domin kamar kalaman

nasa na ratsata. To bayan wani lokaci sai tayi shirin zuwa

makaranta.

Karfe biyu cif aka buga karaurawa wato lokacin tashi yayi. To

bayan ta fitone sai taci karo da al ameen a saman mashin roba

roba na abbansa. Anan ya rage mata hanya ya daukota. Suna

cikin tafiya sai suka kawo wurin da ake saida kaji soyayyi. To

anan kamshin ya ratsata.

Sweetheart bazaka tsaya ka siya mana kaza ba? Injita.

Anan yayi murmushi. Haba maryam ai kema kin sani. Wannan

aljihun nawa wayam yake ko naira baza a samu ba. Ya fada.

Anan maryam ta bata rai: kai kullum haka kake cewa!!

A haka dai yayita lallashinta har ya samu suka kawo gida. To

bayan ya sauketa sai ya tafiyarsa.

Wazajen la asar sakakiya ne alhaji sulaiman yazo bidarta. Da

tayi niyar taki zuwa amma saboda tsoron abba ta tafi.

Tana isa wurinsa ya mata umarni data shigo motarsa zasu

yawon shakatawa aiko ba tare da gardama ba ta shiga. Haka

yayita zaga gari da ita yana gwada mata wazajen da bata taba

zuwaba. Suna cikin tafiya sai suka iso wurin nan da ake saida

kaji. To anan ya tsaya domin ya saya. A wannan lokaci ba

karamin dadi taji ba wato abunda al ameen ya kasa siya mata

sai gashi wani ya siya mata.

Wazajen magrib ne suka nufi hanyar gida. Yana ajeta ya juya

ya tafiyarsa. Da shigarta gida su umma suka fara kallon ledar

sanadiyar kamshin daya cika musu hanci. Anan ta zauna sai da

kowa ya debi rabonsa sannan ta shiga da sauran dakinta.

A haka dai alhaji sulaiman ya dingi zuwa a kowane lokaci daga

nan kuma ya bude mata idanu da kudi. A cikin zuciyarta

tafison al ameen amma saboda sabon yanayin data tsinci

kanta a ciki sai ta fara bin son zuciya. Tun haduwarta da al

ameen bai taba kashe mata makudan kudi irin wadannan ba.

Amma shi alhaji sulaiman bai dauki naira kome ba. Ga kuma

iya zance sai kace marubuci ko kuma dan gidan rediyo.

Daga nan sai tarayyata da al ameen ta fara samun tangarta

domin ta fara cije masa. A kowane lokaci al ameen kanyi

abubuwa da dama domin ganin ya burge maryam amma kash

alkalami ya bushe ko kadan bayada matsayi a cikin kundin

zuciyarta. Hakan ya bata masa rai daga nan kuma sai ya

zurfafa domin ganin cewa ya gano kishiyarsa.

Ummin maryam batason yadda maryam ke walakanta al

ameen domin itama tafi aminta dashi. a kullum takan mata

fada cewa kada ki manta da tsohon masoyinki saboda ganin

sabo yazo miki. Domin takan yiwu tsohon masoyin shine na

gaskiya. Amma ko kadan maryam bata saurara. Domin wannan

zance kamar gatana yake a cikin kunnuwanta. Shi kuwa abba

abunda yakeso kenan wato yaga tana kula alhaji sulaiman.

Domin ko kadan bayason harkar tsiya shi yasa ya tsani al

ameen.

Nepaaaaa! Yarane sukayi kuwa sanadiya wutar da aka kawo to

anan maryam taji dadi domin batada chargi. To kafin tasa

charge din sai kawai taji an kirata. Tana dauka sai taga al

ameen ne.

"Ok ganinan fitowa" ta fada.

Daga nan sai ta tashi cikin mamakin kome ya kawoshi cikin

wannan tsohon dare. Tana fita sai taci karo dashi, da ganin

fuskarsa kasan cikin wani yanayi yake na kaka nikayi.

Haba maryam yanzu abunda kikayi ya dace kuwa wai ace

saboda wani katon banxa sai ki manta dani kada fa ki manta

munyi alkawarin aure kuma iyayenmu sun san da hakan.

Amma naga ko kadan abun bai dameki ba sai sha aninki kawai

kikeyi.

Wani murmushi ta masa na rainin wayo kafin ta fara magana:

Aini a ganina mace rigar kowace. Duk wanda yasa dole a kalla

idan kuma bai yi hankali ba a kwace. Saboda haka ni a ganina

tunda abun yazo haka kara kowa ya kama kabansa ka bidi dai

dai dakai haka nima.

Haba maryam nifa ban gane inda zanceki ya dosa ba. Kada ki

manta nine fa al ameen dinki. Mun taso tun muna yara a cikin

turbar kaunar juna amma a cikin kwanakin nan sai ki canza sai

kace wadda aka yiwa sammu.

Ba wani sammu da aka yimin. Ni malam kamaga tafiyata!

Anan ta juya da nufin shiga gida. Cikin sauri al ameen ya sha

gabanta.

Maryam ki tsaya kiji mana. Yanzu kiyi hakuri duk abunda na

fada cikin rashin sani ne. Ni a ganina bai kamata ace mun

samu sabani ba nida ke domin yin hakan babban kuskure ne

kuma yakan iya haifar da matsala babba. Sannan yanzu ki tuna

fa duk unguwar nan an san mu tare amma ace yanxu kwarma

mun bata. Kinga za a yimana dariya kenan a daukemu

mahaukata.

Anan maryam tayi tsaki. To idan an mana dariya zata lake

mana ne a jikinmu? Ni bazan iya auren matsiyaci ba wanda

bayada gabas bayada yamma. Kuma inama kashedi da zuwa

gidanmu daga yau sai yau.

Ni kike cewa matsiyaci? Al ameen ya tambaya.

E na fada matsiyaci talak talak. Ko zanji saukar aradu ne?

Daga nan ta nufi gida tabar al ameen cikin bacin zuciya.

A cikin wannan dare al ameen ko bacci ya kasa. Haka

umminsa ta shigo dakinsa bai ko sani ba. Kayi hakuri al ameen

Allah zai baka wata. Dama ita duniya haka take. Kana bida abu

yana gudunka. Suna cikin wannan zance sai sukaji sallama.

Kamar muryar mace.

Daga nan sai ta shigo dakin. Suna dubawa sai sukaga ashe

hajarat ce wato mahaifiyar maryam. Anan al ameen ya duka ya

kwashi gaisuwa. Daga nan sai ta samu wuri ta zauna.

Kayi hakuri al ameen banji dadin abunda ya faru tsakaninka da

maryam ba. Anan ta fara magana.

Ba yadda banyi da ita ba ta domin ganin ta dawo cikin

hayyacinta amma abu yaci tura. Yanzu haka da ita naso muzo

amma taki.

Daga nan sai ummin al ameen ta dan yi tari kafin itama ta fara

magana: ai ba kome ke hajarat indai dan wannan abu ai ba sai

kinzo ba. Kin san dama idan Allah bai nufi ayi ba to duk yadda

mutum ya kokarta domin cikar burinsa to abun bazai yiwu ba.

Dama an rubuto cewa ba matarsa bace.

Wannan hakane! Inji Hajarat.

Haka suka danyi maganganu kafin daga karshe suyi sallama

hajarat ta koma gida.

Bayan sati daya da wannan al amari sai alhaji sulaiman ya

kadaita da abban maryam domin su tattauna wata magana mai

muhimmanci. A cikin maganar dai sunyi tsokaci akan cewa ya

kamata a fara shirye shiryen aure tunda yarinya ta aminta.

Saboda haka alhaji sulaiman zai turo magabatansa nan da sati

biyu domin su tattauna zancen. Daga nan sai sukayi sallama

kowa ya kama hanyarsa.

Bayan an tashi daga makaranta ne maryam ta fito. Anan tayi

arba da al ameen saman mashin. Kiranta yayi domin tazo ya

rage mata hanya. Ko kallonsa batayiba. Anan ta kwada masa

wata muguwaar harara daga nan sai ta nufi wata mota jeep ta

shiga.

Bako shakka wannna shine wanda ke sonta! Al ameen ya fada

cikin zuciyarsa. Daga nan ya buga mashin ya nufi gida.

So hana ganin laifi! Wannan magana haka take, wai duk

walakancin da maryam ta yiwa al ameen sai da ya dawo

bidarta a cikin wannan dare.

Tana fitowa batayi wata wata ba ta kwada masa mari

tassssss.

Kai wane irin mutum ne banza soko marar zuciya. Na fada ma

kada ka kuskura ka tako nan da zimmar bidata amma saboda

taurin kai irin naka sai da kazo. Shegen nacin tsiya sai kace

abu yar kwari.

Kika mareni??

E na mareka ko zaka ramane? Anan ta nufi motar alhaji

sulaiman domin taga ya kusanto ta.

MARYAM

Anan al ameen yayi kiranta da karfi. Daga nan sai ta tsaya

domin saurarar abunda zai fada. A hankali ya fara tafiya har ya

kawo wurinta.

Yanzu kina ganin abunda kika yimin ya dace. Nine fa al ameen

dinki amma kalli yadda kike walakantani. Bazan iya rama kome

kika yimin ba domin na cancanci haka sai dai ki tuna cewa

Allah na gani kuma yasan niyata. Ni bazan iya cutar dake ba ko

kuma in yaudareki amma sai gashi yau kedin da nakeso kece

kemin haka.

To a wannan lokaci hawaye sun fara kwarara daga idanun al

ameen. Haka itama maryam ta natsu tana saurarensa tare da

yi masa wani kallo mai alamar tambaya.

Daga nan sai ya ci gaba da magana:

Hausawa sunyi gaskiya da sukace son maso wani son wahala.

Bako shakka wannan magana haka take. Saboda haka ina

godiya da karamcin da kika nuna min. Sai da ki tuna cewa duk

wanda yaci amanar wani to kul ajima kul a dade sai yaga tasa

sakayya. Kuma duk abunda mutum ya shuka shi zai girba in

hairan hairan in sharran sharran.

Saboda haka da wannan magana nake miki sallama kuma na

miki alkawarin cewa zan rabu dake rabuwa ta har abada.

Kuma zan nisance ki nisanta mai nisa. Kuma daga yau bazaki

kara ganina ba. Domin zanyi tafiya wurin dazan manta dake in

yaso daga baya sai in fara sabuwar rayuwa. Daga nan sai al

ameen ya tafiyarsa hawaye na kwarara a idanunsa.

To a wannan lokaci ne maryam ta bishi da kallo kamar tace ya

dawo. Duk idanunta sunyi ja kamar ba ita ba. To anan ne taji

an mata sallama. Tana juyowa sai tayi arba da alhaji sulaiman.

Anan ya lura da kallon da take ma al ameen kamar tana cikin

damuwa.

Hala wancan wayeshi?? Ya tambaya.

Anan maryam ta yi murmushi ba tare da bayyana masa abunda

ya tambaya ba. Daga nan sai alhaji ya kyale yajata da surutun

wani abu.

Zaune suke cikin mota kaza a gabansu amma abunda yabashi

mamaki shine duk surutun da yake zubowa iyaka ta amsa da

E. Kamar dai yau ba lafiya ba. Haka dai sukayi hira suna

karewa maryam ta fito ta nufi gida.

Shigarta keda wuya sai umminta ta tareta da fada:

Wallahi kiji tsoron Allah ke kina ganin abunda kikayi ya dace

kuwa? Wai ki rabu da tsohon masoyinki saboda kin samu mai

kudi. To duniya ce duk abunda kayi shi akema. Akan wani

kodadden bafilacen daji sai ki yiwa saurayinki na gaskiya

walakanci.

Daga nan sai abba ya fito dakinsa. Haba keko ya kina haka.

Kodan kinga ta samu cigaba shine kike kishi? To yarinya ta

zabi wanda takeso kuma kamar an bashine. In banda abunki

ina ita ina al ameen. Ai ko kadan basuyi dace ba domin ita

matar mai kudice ba talaka ba. Anan abba yaja hannunta suka

shiga daki suka bar ummin maryam tsakar gida.

Wazajen azzuhur ne sukaji sallama. Wasu mata ne su biyar

suka shigo gidan. Kai da ganin shigarsu kasan da cewa

FULANIN DAJI ne.

Anan abba da ummin maryam suka taresu cikin girmamawa

domin sun gano cewa jama ar alhaji sulaiman ne.

To bayan sun kadaita sai suka tattauna abunda ya kawosu

wato maganar sadaki da kuma shirye shiryen biki. Anan abba

ya fada musu dukkan abunda ya shirya tare da fada musu

farashin sadaki. Daga nan sai sukayi sallama tare da alkawarin

kawo sadaki. Sai kuma bikin wato nan da sati za a fara shirye

shirye.

To bayan tafiyarsu ne ummin maryam ta fara fada:

Ya za ayi da ganin mutane bakasan daga inda suka fito ba sai

ka basu mata. Ko bincike kayi a kansu?

Anan yayi murmushi. Wannan ba abunda ya dameki bane

domin ni na riga na yarda dashi kuma nasan ba zai cuceni ba.

Tsaki ummin maryam tayi. Yin aure ba tare da bincikeba

matsala ce babba domin ya kamata asan koshi waye sannan

daga ina ya fito kuma wace sana a yake? Sannan ni ban ma

taba ganin inda mata sukaxo bidar aure ba. Maza aka sani da

hakan. To meye wannan abu. Gaskiya ni ban yarda da wannan

aure ba domin ba gaskiya a ciki.

To yayi idan kece mai iko da gidan sai ki hana auren ni kuma

zan gani. Inji abba. Anan yasa hularsa ya nufi masallaci.

Bayan sati daya shagali fa ya matso na biki. Domin an kawo

lehe kuma anyi duk abunda ya kamata. A ranar da za a daura

auren anyi shagali mai kayatarwa domin an kashi naira kuma

yan uwa da abokan arziki na ko ina sun zo.

To a cikin darene ya jeren daki da yan kai amarya sukayi zaune

jugum suna jiran abba yazo domin a yi magana. Abunda basu

sani ba shi kansa abban bai san gidan da za a kaita ba. Bai ma

sani ba shin a cikin wannan garin da suke cikine ko kuma a

wani?oho. Shi bai sani ba domin bai taba tambaya ba kuma

baiso ya sani ba. Wannan abu ya farune sanadiyar rufe masa

baki da akayi da kudi. Ya zama sai yadda akace yayi zai yi.

Karfe goma cif na dare sai ango yazo shi kadai a ciikin

motarsa. Anan ya musu umarni da cewa ba sai anyi jere ba

domin gidansa shirye yake kuma ya tanadi duk wani abu da

amarya ke bukata. Kuma bayason yar rakiya shi kadai zai dauki

amaryarsa ya tafi da ita.

Ummin maryam bataji dadin haka ba ko kadan sai ba yadda ta

iya domin an ci karfinta. Haka yan uwa da abokan arxiki suka

ringa guda har amarya ta shiga motar angon. Daga nan sai ya

tuka tun suna hangen dushi dushin motar har ta bace bat basa

ganin kome. Daga nan sai suka juya kowa ya kama hanyar

komawa gida.

:::::::::::::::::::::::::::::::::::::::::::::::::::::::::::::::

A lokacin da suhailat ta bada umarni da a kashe su hamir.

Take yan sandan suka gyara rikon bindigogi. To kafin su

aiwatar kawai sai raliyat tayi shewa da karfi. Yin hakan keda

wuya sai suhailat taga yan sandanta na zuba kasa domin wasu

kibiyoyi ne ake jefo musu wadanda basu san ko daga ina suke

fitowa ba. Saboda haka suhailat ta fara gudu tana bidar

maboya haka suma dakarun nata wato yan sanda.

To anan ne su hamir suka samu damar gudu dama sun hada

kai da wasu mutanen raliyat cewa idan har sukaji shewa to ana

bukatarsu da gaggawa.

Mata ne fulani su uku kowace rike take da kwari da baka sai

faman halbin su suhailat suke. To bayan su hamir sun tsere sai

suka nufi dandalin su raliyat.

A wannan lokaci sun gaji likis. To bayan sun huta sai detective

khaleed ya fara magana: a gaskiya ina godiya da irin wannan

taimako da kuka yimin domin ko kadan banyi tsammanin

hakan a wurinki ba domin a ganina bakida imani ko kadan.

Anan raliyat ta kalleshi tayi dariya. Haba ya zakace banda

imani. Yanzu haka fa nafika!

Anan yayi murmushi. To amma zan so ki fadamin labarinki da

kuma dalilin sace hamir? Sannan kuma me yasa kike kashe

duk namijin da ya furta kalmar so a wurinki?

A wannan lokaci tayi murmushi har hakoranta sun bayyana:

wannan labarine mai tsawo kuma bazan iya fadama shi yanzu

ba amma ka sani cewa ba sace hamir nayiba taimakonsa nayi

domin rayuwarsa na cikin hadari.

A wannan lokaci hamir na rike da tuffa yanaci( apple) bai san

lokacin daya yadda shiba jin cewa rayuwarsa na cikin hadari.

Ko zaki bayyana abunda kike magana akai? Inji sakinat.

A a bazan iyaba domin ba lokaci amma ku tashi domin inaso

ku rakani wani wuri? Inji raliyat.

Wane wuri kuma? Khaleed ya tambaya.

Ba sai kun sani ba. Ku biyoni kawai. Injita

Anan su hamir suka rufa mata baya ita kuma ta shiga gaba

domin kaisu wurin.

FULANIN DAJI

Part ( 6 ) kashi na shidda

Written by:

Abdul king article

DOMIN GANIN FARKON LABARIN KAYI SEARCHING:

(KINGARTICLE.NOVL

TO ALL MY FANS

LOVE U ALL

RACALL:

A cikin na biyar mun bayyana yadda maryam ta yaudari tsohon

saurayinta wato al ameen tare da bin alhaji sulaiman saboda

kudinsa. Sai kuma su detective khaleed da suka samu damar

kubuta daga harin suhailat sakamakon zuwan su hamir. Sai

kuma amil wato yaron da rumaisat taba kwangila cewa ya

kawo mata yazid da najib.

THE BEGINNING:

Wani kayataccen fili ne cike da jama a sai kuma wani dogin titi

mai tsawo a tsakiyar filin. Mutane sai ihu suke kamar da alamu

cewa za a yi wasan tseren motoci a wurin.

Yazid da najib sai dariya suke domin wani abokinsu ne a

tsakiya sai faman basu labari yake. Suna cikin hakane sai mai

gabatarwa ya mike ya fara magana:

Muna maku barka da isowa, a yau ne za a gabatar maku da

wata gagrumar wasa wadda baku taba gani ba. Domin dukkan

jaruman yanzu sun gabato. Daga nan sai ya fara kiran

sunayensu su kuma jama a sai tabi suke da ihu. Yazid da najib

suna cikin wannan wasa da kuma abokinsu. Wannan aboki ba

kowa neba in banda AMIL.

Anan aka tamburan fara wasa kafin kaceme fili ya dauke da

ihun jama a domin a wannan karon an tara kwararri a cikin

wasan to kowa naso yaga waye zai zama zakara. Cikin sauri

kowane jarumi ya tada mota kafin kaceme sun fara cin taya. A

haka kowanensu ya wanzama domin ganin cewa ya buge

abokan karawarsa. A wannan karon yazid ya dage sai ya dauki

na daya domin a wancan karon bai ji dadin wasan ba. To anan

amil ya gane nufinsa saboda yadda yaga ya dage. Kafin

kaceme shima ya kara giya don kada a barshi baya. Daga nan

sai fili ya kacame da ihu yadda mutane sukaga najib ya wani

dago mota da nufin wuce abokan karawarsa. To anan yazid da

amil suka raina kansu don sunga wanda ya fisu kasada.

A haka kowane dan wasa ya wanzu yana style daban daban

domin burge yan kallo. Saura minti biyar sukai ga inda akaeso

su tsaya to duk wanda yayi saurin kai wurin to shine zakara. To

a wannan lokaci kowanensu a tamanin yake domin ganin ya

cimma burinsa.

Najib ne a gaba sai faman dariya yake domin ganin cewa ya fi

kowa gudu kuma ya kusa kaiwa inda akeso. Shi kuma yazid

ransa a bace yake domin fa idan ba na daya yayi ba to yanaga

bazai kara yin wasan ba. Suna cikin hakane sai tunani ya fado

masa. To anan yazid ya fizgi mota a guje. Ga motocin yan

kanana ne na irin na wasan tsere.

Kadan ya rage najib yakai ga wurin kawai sai yazid yasa gefen

mota ya wani bugun motarsa. Kafin kaceme motar najib ta

kama wata hanya daban anan ta kubce masa. Shi kuwa yazid

sai ya dawo na daya.

Dole najib ya faka yana tsaki domin an wuceshi. Dauriya dai

yayi ya tayar ya cigaba. Sai dai kash yayi latti. Kafin yakai ga

wurin sai yaji ana sanarwa cewa yazid ne na daya sai kuma

amil na biyu. Dakyar shima ya samu ya wuce sauran daga nan

akace shine na uku.

To anan fili ya rude. Dama wadannan ukun sune jaruman

wasan kuma a cikinsu ne yan kallo ke tsammanin cewa zakara

zai fito. Anan aka fito da kyaututtuka ana raba musu wato na

daya dana biyu dana uku.

To bayan an gama rabon kyaututtukan ne sai kowa ya watse

anan su yazid suka shigo motar amil domin ya rage musu

hanya. Tunda suka shigar motar basu kara sanin inda sukeba.

Iyaka dai sun farka sun gansu daure a cikin wani gida.

WANNAN SHAFIN NAKANE KAI KADAI:

******* KING BOY ISAH********

NA YABA DA NAMIJIN KOKARINKA AKAN LITTAFIN

( ALJANNAR FATIMA) NAYI KARATUN LITTAFAI DA DAMA

AMMA BAN TABA KARATUN WANDA YA TSARANI BA IRIN

WANNAN. ALLAH YA KARA BASIRA AMEN.

=================

A lokacin da su yazid suka farka sun razana sosai domin

abunda kawai suke iya tunowa shine lokacin da suka shiga

motar amil. To ya akayi suka zo wannan gida? Kuma ina amil

din. Suna cikin wannan tunani sai suka jiyo ihun wata mace.

Anan hantarsu ta kada domin ji sukayi kamar su tsere amma

ba dama domin a saman kujera suke zaune kuma an dauresu

da kaca tamau yadda ko motsin kirki basayi.

Fitilar dake dakin bataci sosai domin haskenta dushi dushi

yake. Can sai suka farajin tafiyar wasu kamar sun nufosu. Anan

yazid da najib suka fara kallon juna a tsorace domin basu san

abunda ke faruwa ba. A mamakinsu sai sukaga wata mata

tsaye da amil sunzo kusa garesu. To anan suka fara magana

da fillanci yadda su yazid bazasu iya gane abunda suke cewa

ba. Amil ko kallonsu bai yiba balantana ya kulasu iyaka dai

sunga yana washe baki da alamar yana cikin wani farin ciki

marar misaltuwa. To bayan sun gama maganarsu sai suka juya

suka tafi. Anan su yazid suka fara kwala masa kira domin yazo

ya cecesu amma ina haka ya tafi ya kyalesu.

::::::::::::::::::::::

A lokacin da raliyat tace su hamir su rakata wani wuri. Bayan

sunyi tafiya mai nisa sai suka iso wani katon kogo. A haka

suka nausa ciki sai tafiya suke. To bayan sunyi tafiya mai nisa

sai suka kawo ga wani kabari. To abunda ya basu mamaki a

wurin shine ganin kasan mutane matattu. A haka suka yita taka

wadannan kassa har suka iso ga kabarin. Suna isowa wurin sai

sukaga raliyat ta fadi tana kuka. Daga nan suka fara lallashinta

suna bata hakuri tare da tambayarta dalilin wannan kuka. To

anan ta fara basu labarinta:

Ni ba muguwa bace. Kuma ko kadan banada ra ayin kashe

mutane sai dai ba yadda na iya domin yin hakan shine mafita a

gareni.

Abbana da ummina sun kasance a cikin jin dadi kuma sune ke

mulkin wannan daji saboda haka duk fulanin dake ciki kan

basu matsayi babba. Abbana ya kasance attajiri a dalilin

hakane ya gina wani katon gidan sama shi kadai a cikin

wannan daji domin shi mutum ne wanda bai damu da sha anin

mutane ba. Ba yadda ummina batayi dashiba akan ya koma

inda mutane suke amma yaki.

Haka muka cigaba da zama cikin annashuwa ba tare da

tunanin kome ba. Wata rana sai wata bakuwa ta shigo wannan

daji namu. Mun dade muna jin labarinta amma bamu gasgata

ba.

Wannan bakuwa ta kasance da ban mamaki domin takan bada

magani kuma yadda mukaji ana fada idan taba mutum magani

to duk abunda ke damunsa zai warke sarai. Sai dai da anyi sati

daya shi kuwa mutumin zai canza domin wata tsaguwa ce zata

fitoma mutum a hannu. To duk wanda wannan tsaguwa ta fito

masa zai zama ba abunda ke burgeshi in banda shan jinin

mutane. Saboda haka dolene ya kashe mutum idan yasha jinin

sai ya kawowa wannan bakuwa gangar jikin domin tayi

tsibbacenta.

To anan ne muka gano cewa wannna bakuwa ba magani

takeba. Domin duk wanda tama magani sai ya zama bawanta

sai abunda tace yayi sannan zaiyi. To kafin mu dauki mataki

sai muka gano cewa mafi yawan fulanin dake wannan daji sun

zama bayinta. Kuma gawawwaki sun yawaita domin a kullum

sai an turbude jama a.

Anan abbana yayi yunkurin daukar mataki a matsayinsa na

shugaban wannan daji. Abunka da matsafi to ashe ita wannan

bakuwa tasan da zuwan abban na. To anan tayi shiri ta zo ita

da mabiyanta. Bayan sun zagaye gidan kawai sai mukaji an

banko gambun gidan da karfin tsiya.

Anan tasa aka daure abba na da ummina. Ni kuma a wannan

lokaci ina yar shekara takwas. A gabana tasa aka yi musu

kisan gilla. Sannan aka kawosu cikin wannan kogon aka

turbude.

Anan ta nuna musu kaburbura guda biyu. Wadannan sune

kaburburan ummina da abbana. A wannan lokaci kwalla ta cika

idanun raliyat.

To bayan nan sai ta komo kaina:

Ke bazan kasheki ba sai dai zan sihirceki yadda duk namijin da

yace yana sonki to sai kin kasheshi. To tun daga wannna ranar

na zama baiwarta sai abunda tasa ni. Bani kadai ba. Mafi

yawan mutane dajin idan ta kashe iyayensu haka take mayar da

yayan.

Bayan na girma na mallaki hankalina sai abu ya daukaka. Bana

tausayawa mutum ko wayeshi idan dai ya furta kalmar so a

kaina to bazai kwana duniya ba.

Wannan sihiri da tayimin ya karye wata rana dana kaima wani

dattijo hari a cikin wannan daji domin kasheshi. To anan ya

kamani ya dura min wani magani a baki. To tun daga ranar naji

baxan iya kashe kowa ba kuma bana bukatar shan jini. Sai dai

a wannan lokaci kuma ta nuna min hoton hamir kuma tana

bukatar in kawo matashi. Anan na dinga binsa kamar zan

kasheshi domin kada ta gane cewa sihirin ya karye. Har

lokacin dana samu damar saceshi a cikin prison. Shi kuma

abokinsa anasko bani kashe shiba. Ita da kanta ta kasheshi

sannan tasa gawarsa a motar hamir. Wato plan din data hada

shine idan yan sanda suka kamashi a zatonsu shi ya kashe

abokinsa to in bi dare in saceshi sai in kai matashi. To ni

kuma dana saceshi sai naki kai mata shi. Su kuma sauran

abokaina dole subi umarnina domin nice shugabarsu. Zan iya

nuna muku recording din danayi a lokacin da take bani umarni

in kamo mata shi. Da kuma wasu vedios inda take cin naman

mutum danye.

Anan raliyat ta fito da wayarta ta basu domin su gani. Anan

detective khaleed ya rike baki yana mamaki irin wannan

zalunci.

Sunan wannan matar RUMAISAT. Inji raliyat.

Bako shakka mun samu abunda mukeso saboda haka yanzu

muje ki nuna mana wannan gida naku domin nasan a ciki take.

Inji khaleed.

Wannan hakane inji balkisu.

Daga nan sai suka mike da nufin fita kogon. Aiko suna kaiwa

kofar fita saiga suhailat ta shigo tare da yan sandanta. To anan

aka fara kallon kallo. Mamaki ya kashe hamir koya akayi tasan

inda suke?

Anan aka kama su hamir tare da detective khaleed aka daure.

Daga nan sai suhailat ta bada umarni da a wuce dasu

masaukinta.

==================

Al ameen ne rike da jaka yana ban kwana da mahaifiyarsa. Can

sai ga abbanshi ya shigo gidan.

Kwanaki nawa zakayi kafin ka dawo? Inji abba.

Zan yi sati daya. Al ameen ya fada.

To Allah ya kiyaye. Inji ummansa.

Daga nan sai al ameen ya fita. Mai mashin ya tara sannan ya

fada masa cewa ya kaishi tasha. Tunda aka ajeshi tasha ya

kula da wasu fulani mace da namiji sai kallonsa suke suna kus

kus. To anan ya fara bidar mota amma duk inda yaje sai yaga

ance motar ta cika.

A haka yayita dubawa amma ko kadan ba sa a. Saboda haka

sai ya samu wuri ya kishingida yana jiran ko zai dace.

Can sai yaga wata mota ta faka wurinsa. Yana dubawa sai ya

ashe fulanin nan ne dake kallonsa.

Maigida ai kaduna zakaje ko? Namijin ya tambaya.

Anan mamaki ya kashe al ameen koya akayi suka san inda

zaije?

E can zan tafi! Ya fada. To kazo mu rage ma hanya mana

domin muma can zamu. Anan al ameen yayi godiya daga nan

sai ya dauko jakarsa. To kafin ya shiga ne sai wani tunani ya

fado masa a lokacin yana hira da mahaifiyarsa:

Dana kada ka yarda da motocin da bana tasha ba domin a

cikinsu akan samu marar gaskiya. Inji umminsa.

Anan wata zuciya tace kada ya shiga. Can sai ya canza ra

ayinsa saboda haka ya shiga. Daga nan suka fara tafiya baji ba

gani kai kace masu tashi sama. Tafiya tayi tafiya saboda haka

sai dadin mota yasa shi bacci. A haka aka cigaba da tafiya ba

tare dayasan inda akeba.

To bayan anyi nisa da tafiya sai ya farka. To abunda ya bashi

mamaki ba saman titi sukeba a cikin wani kungurmin daji suke

sai wuce bishiyoyi suke. Kuma a wannan lokaci duhu ya soma.

Anan ya fara magana yana tambayarsu inda zasu kaishi amma

a mamakinsa ko juyowa basu yiba balantana su tanka masa.

Duummmm. Gabansa ne ya fadi saboda ganin wani makeken

gida da fitilar mota da yado. To kada dai ace a cikin wannan

gida zasu kaishi. Da dai yaga bazasu tsaya ba. To abunka da

city boy dama ya iya mota. Matukin motar ya rike daga nan sai

ya canza hanyar da karfin tsiya. To anan motar ta kubce ta

kama daji a guje. Ita kuma matar tumanyo masa tayi ta afka

masa da kokuwa. Anan suka hargitse. Gata mace amma kamar

maza take naushinta yake amma sai yaga ta hadiye kome

bataji. Suna ciki haka ya samu damar maka ca can gefe. Shi

kuwa namijin sai faman tuki yake yana kokarin komawa hanyar

gidan. To anan al ameen ya shakeshi ita kuma motar ta kama

yin gefe gefe har sai da tasha wani icce sannan ta tsaya. Daga

nan sai yayi yunkurin bude motar domin fitowa amma ganbuna

a kulle suke.

To a wannna lokaci macen ta farfado kuma ta gane abunda

yake shirin yi. Anan ta kara afko masa. Bai yi wata wata ba ya

maka mata wani uban naushi a wuya a nan ta fadi sumamma.

Daga nan sai ya fara fashe gilashin motar da nufin fita. Yana

cikin hakane shima namijin ya taso. To a wannan lokaci har al

ameen ya diro ta tagar motar. Shi kuma namijin sai ya fito da

bindiga ya fara halbinsa. Anan al ameen yaci taya shi kuma ya

dafa masa.

Karar bindigar ce ta tayar da yarinyar. Anan itama ta dauko

tata bindiga tabi bayansu.

====================

A lokacin da alhaji sulaiman ya dauki maryam. Anan suka fara

tafiya da matsanancin gudu. Tun maryam na iya ganin gari har

suka fito suka kama hanyar daji. Ai ko basuyi nisa ba wani

bacci mai nauyi ya dauketa. Ita ab bata farka ba sai da taji

motar ta rage gudu. To anan ta farka domin ganin inda suke. Ai

ko tana bude idanu sai ta rike baki domin a wani daji ne suke

mai duhu ko me ya kawosu anan?

A haka dai suka cigaba da wuce manyan itatuwa har suka iso

wani makeken gida. To anan ne ya mata iso da cewa ta fito.

Daga nan sai ya shiga gaba tana binsa. A haka ya shiga da ita

cikin gidan. Gidan makekene ga kuma siffar ban tsoro da akayi

masa sai kace GIDAN FATALWA

Daga nan sai ya zagaya da ita gidan tare da nuna mata

wurinta. Wani katon falone cike da kayan alatu sai kuma

dakinta a can gefe. Duk abunda take bukata na abunci

akwaishi cikin store. A haka dai ya nuna mata gidan tare da yi

mata kashedin cewa kada ta kuskura ta shiga wani wuri in

banda wurin daya nuna mata.Maryam bataji dadin wannan abu

ba domin a ganinta bai kamata ace ya hanata shiga wasu

wazaje a cikin gidan ba.

Kwana da kwanaki maryam taci gaba da rayuwa cikin wannna

gida sai abunda ke bata mamaki mafi yawan lokutta takan ji

kuwa a cikin gidan kuma idan ta tambayi mijin nata sai ya fada

mata cewa ba kome. To wata wata rana a cikin dare ta tashi

domin tayi fitsari sai taga mijin nata bayanan alhali kuma kafin

tayi bacci yana nan. Anan ta fara dube dube amma ko

alamunsa babu.

Wata fitila ce yar karama ta dauka daga nan sai ta fara yawo

cikin gidan tana bidarsa. A inda take upstairs ne ga wurin ya

kafle da duhu. A hankali take tafiya a tsorace domin wata yar

karamar kara takeji daga downstairs. Daga nan sai ta nufo

hanyar da nufin takowa. A mamakinta sai taga mijinta tsaye da

wata mata suna wata magana a can kasan bene. Anan mamaki

ya kamata domin bata taba ganin wani a cikin wannan gida ba.

Saurarawa tayi domin taji abunda suke fada amma kash

batajin kome. Daga nan sai ta hango wata mace a daure

saman kujera. Wannan abu ya mutukar tayar wa maryam

hankali domin jini ke fita a jikin matar da gani kasan tasha

wuya. Sai kuka take amma ko saurararta basayi. Ita kuwa

macen ta tsaye kara bakinta tayi tana shan jinin dake kwarara

daga jikin matar.

Anan gaban maryam ya fadi duummm. To kada dai ace ta

kawo kanta gidan.....

Bata iyar da tunanin ba fitilarta ta fadi. Anan taga mijinta ya

juyo da karfi saboda karar faduwar fitilar. Amma a mamakinsa

bai ga kowa ba. Abunda bai sani ba shine maryam dukawa tayi

don kada ya ganta.

Bayan ta dauki fitilarta kawai sai taga mijin nata ya cigaba da

magana da wannan matar ita kuwa sai faman shan jini take.

Wannan ba kowa ceba ij banda rumaisat. To bayan sun gama

maganarsu kawai sai taga mijin nata ya dauko wani takobi.

Anan ya datse kan wannan matar da ake shan jininta.

Saboda tsananin tsoro daya dabai baye maryam batasan

lokacin datayi karaba. To a wannan lokaci alhaji sulaiman yaji

wannan karar.

Anan maryam ta jiyo a guje da nufin komawa sama domin ta

gano cewa mijin nata dan mafia ne. Juyowarta keda wuya sai

ta ganshi gabanta. Anan tayi mamaki ko ya akayi yayi saurin

hawan benen har ya fado gabanta?

A bayanta kuma rumaisat ce rike da yuka. Anan maryam ta

rasa abunda yi. Kuka ta farayi kafin ta fara magana:

Sulaiman ashe haka kake ban sani ba. Ka cuceni ka rabani da

maisona na gaskiya. Kuma ni bazan iya zama dakai ba a

yanzu.

Anan yayi dariya: ai kin makara yarinya. Daga nan ya kwada

mata mari tassssssss. Anan ta fadi gigice. Daga nan ya cafko

ta tana ihu ya wuce da ita kasa. Sai da yayi tafiya mai nisa

sannan ya kawo wani daki mai shegen duhu. A ciki ya jefata

sannan ya kulle da kwado.

A wannan lokaci bakin ciki ya turnuke maryam domin ji take

itama kamar kasheta za ayi. Saboda haka sai ta fara kuka tana

tunanin tsohon saurayinta wato al ameen. Anan tayi dana

sanin cutarsa datayi. Tashi tayi tana kallon dakin. Anan ta gane

cewa daki ne babba ne. Sai dai matsanancin duhun daya

zagaye dakin shi ya hanata gane wadanne kaya ne a ciki.

Hakan maryam tayi kukan bakin ciki daga karshe ta hakura

domin ta gano cewa ba mafita.

A haka taga safiya har faduwar rana ba abunda tasa abakinta.

To anan ne ta gano cewa wato za ayi mata horo da yunwa har

ta karasa. To anan ne ta fara tunanin mafita. Tashi tayi ta fara

kalle kalle dakin. To anan ne ta fara jiyo wani kugi can kasan

dakin. Da karfi taja da baya tare da mannewa ga bango. Anan

tsoro ya kara dabai bayeta. Daga nan sai ta fara tafiya a

hankali domin gano ko ina wannan karar ke fitowa.

Taku hudu tayi sai taji karar wadda tafi ta farko har sai da ta

fadi tare da like kunnuwanta da hannuwanta. A hankali karar ta

fara lafawa har ta bace. Daga nan sai maryam ta mike tsaye.

Can kuma sai taji rugugi a kasan dakin. Cikin tunaninta sai taga

kamar wannan karar a kasan dakin yake fitowa. To dama

akwai wata katuwar carpet a tsakiyar dakin. Daga nan sai

maryam ta fara yunkurin jayeta gefe. Haka ta kama kici kici

dakyar ta jinyeta. Aiko tana janyeta sai taga wani katon rame

an rufe da marfi. Kai da gani kasan underground ne.

Anan ta fara tunani ko ta bude? To tana cikin wannan tunani

ne sai ta hango wata yar karamar torch-light. Anan dadi ya

kumeta. Cikin sauri ta dauki fitilar. Tana haskawa taga haske

ya fito anan taji dadi.

Baammm.Dummmm. Gibbbbbb.

Anan taga ana bugun kofar dakinta da karfi kamar ana son

shigowa. To anan tsoronta ya dawo domin ta fahimci cewa

mai bugun rike yake da gatari kuma dashi yake bugun kofar.

Mannewa tayi ga gina tana kukan tsoro anan jikinta ya dau

karkarwa. Can sai ta fahimci cewa kukan da take bazai amfana

mata ba domin kofar dakin ta kusa ballewa. Anan ta yake

shawarar shiga underground din duk da har yanzu bata daina

jin kara na fitowa ciki ba.

Da karfi ta jawo carpet din. Tana shiga underground din sai ta

jawo carpet tasa don kada asan inda ta shiga. Anan ta ga wani

tsame (Ladder) daga nan sai ta fara taka tsamen har ta shigo

gidan kasan (underground) saukowarta keda wuya taga kassan

mutane birjik ko ina. Sai gawawwakin mutane wasu duk sun

bushe. Anan ta fara tafiya tsorace tana kalle kalle.

Sai da tayi tafiyar kusan minti talatin amma bataga kowa ba.

Kuma bataga wurin fita ba. Tana cikin tafiyar ne sai taji karar ta

dawo. Anan maryam ta like kunnewanta. Tana cikin hakane sai

tayi tsaye kikam kamar wadda tayi mutuwar tsaye. Wata

yarinya ce ta gani jini sai zuba yake ga jikinta. A tsorace

maryam ta rasa abun yi. A hankali taga yarinyar tana tafiya

kamar tana shirin tunkarota. Daga nan sai maryam ta fara ja da

baya a tsorace. Tana cikin hakane sai taci karo da wani abu

anan ta fadi. Daga nan sai maryam ta ci gaba da rairafe ganin

ta tserewa wannan yarinyar. Caraf taji an damke hannuta. Ashe

yarinyar har ta cimmata.

Jini. Jini. Jini. Haka yarinyar ke fada.

Daga nan sai tasa wasu manyan akaifu nata da niyar yankan

fuskar. To anan maryam ta turata da karfi ta kuma tashi tsaye.

Tashinta keda wuya sai taji wannan karar ta dawo. Daga nan

kuma sai taji kamar ana dirowa daga kasa. Dubawarta keda

wuya sai taci karo da wasu fulani maza da mata ba kyan gani.

Daga wanda baida kafa daya sai wanda baida hannu. Su kuma

wadanda ke lafiya lau sai tangadi suke kamar mashaya gida.

To anan ta gane cewa sune keyin karar. Kuma tare suke yinta

kamar hadin baki.

A mamakinta sai taga suna lasar baki kamar mussa taga

nama. Anan suka nufota gadan gadan da niyar yakusata. Wani

icce ne ta hango a can gefe. To anan ta daukoshi da niyar

kariyar kariyar kanta. Aiko suka gewayeta da nufin yankata

gunduwa gunduwa ita kuwa duk wanda ya matsota sai dai ta

makeshi da icce. A haka maryam tacigaba da fada da wannan

mutane masu ban mamaki amma ko karewa basayi. Maimakon

haka sai karuwa sukeyi. To da taga ba kanta sai ta bidi hanyar

gudu domin tsere musu. Aiko su kuma suka dafa mata. A haka

ta cigaba da gudu duk wanda taga ya kusa cimmata sai ta

makeshi kafin ta cigaba da gudun.

Tana cikin gudun ne sai ta hango wata hanya yar karama da

zata kaita waje sai da hanyar an liketa da wasu karaffa. To

anan ta rasa abunyi gashi kuma wadannan fulanin sun kusa

cimmata. Daga nan sai dabara ta fado mata. Iccen ta saka tayi

ta bugun karafan har saida suka lankwaahe yadda zata iya bi ta

wuce. Aiko tana shiga suna kawowa. Anan wani yasa hannu ya

kamo kanta da nufin janyota. To ashe batayar da iccen taba.

Anan ta saita da mummuken shege. Ji keke duummmmm.

Anan ya saketa saboda zafin bugun. Da karfi ta wani wucewa

sannan ta mayar da kofar ta rufe. Anan wadannan fulani sukayi

tsaye suna kuka miyau na dalala saboda bakin ciki basu samu

namaba.

To bayan maryam ta fito anan ta gane cewa cikin kungurmin

daji wannan gida yake. A guje ta fara gudu ba ji ba gani. Aiko

batayi nisa ba sai ta hango al ameen a tsaye kamar yana

jiranta. Anan dadi ya cika zuciyatta. Ashe bai manta dani ba.

Duk irin zaluncin dana masa sai da ya biyoni domin ya ceceni?

Haka maryam tayi magana a cikin zuciyarta ita kadai. To

amma ya akayi yasan inda nake? Abunda ta fara tambayar

kanta kenan. Ai ba matsala ko menene zanji. To anan ta kara

kaimin gudunta domin cimmasa. Haka shima sai ya bude

hannuwansa. Aiko tana zuwa ya rungumeta.

Masoyina ashe baka manta dani ba? Ta fada.

Anan taga yayi dariya. To anan tsoro ya fara kamata. Can sai

taga ya rikida ya koma mijinta wato sulaiman.

Yarinya in kinsan wata ai baki san wata ba! Ya fada yana

dariyar keta. Tabin jikinta kawai yayi sai gasu sun shigo gidan.

Anan maryam ta fasa wata kara mai tsanani saboda bakin ciki.

FULANIN DAJI

Part (7) kashi na bakwai

Written by:

Abdul king article

RECALL:

A cikin na shidda mun bayyana yadda su hamir suka kara

komawa tarkon suhailta bayan da raliyat ta bayyaa musu

abunda yasa take kashe duk namijin da yace yana sonta. Sai

kuma yazid da najib wadanda amil ya yaudara ya kawosu ga

rumaisat. Maryam da saurayita al ameen duk suna cikin wani

mugun hali na shigowa wannan bakin daji. Shin ko maryam

zata kubuta daga sharrin mijinta sulaiman?

THE BEGINNING:

Wani katafaren gida ne sai sauti ke tashi kai da gani kasan ana

ceshewa. Wata mota ce aka faka a gidan. Daga nan sai wani

kyakkyawan saurayi ya fito ya shiga gidan. Wannan saurayi ba

kowa neba in banda KING BOY ISAH.

To bayan isah ya shiga gidan kawai sai wasu yan mata suka

fara shewa da juna jin dadi. Kai da gani kasan shine sarki a

wurin. Shigar da yayi ta haskaka sa saboda haka kowace

yarinya sai kallonsa take tana kokarin shishshige masa. A haka

ya cigaba da tafiya yana bouncing cikin takama da nuna isa.

Kamar shi ake jira yana zaunawa sai aka fara party.

Abincuccuka ne kala kala marar adadi. Maza da mata a can

gefe sun game sai rawa ake irin ta xamani. Wata yar

bafulatana ce ke tafiya hade da rangwada. Kai da gani kasan

wanda takema wannan. King boy ne yayi dariya domin ganin

yarinyar ta nufoshi. Wani chewing gum ne take tauna kai kace

shaidaniya.

Xaunawarta keda wuya tayi masa irin kallon nan mai daukar

hankali. A wurin kallonta ne king boy ya kifar da fanta dinsa

cikin rashin sani.

Ohhh my dear ya kana haka? Sai kace makaho. Ta fada.

Anan yayi murmushi tare da kara dubanta. Wata shigace tayi

matsatstsa yanda duk ana ganin surar jikinta. To anan king boy

kara kidimewa. Tashi tayi kamar zata sumbace shi kawai sai ta

fasa. Handkerchief ta dauko daga nan ta fara goge masa masa

fanta din da ta zuba a jikinsa.

Kallonta yake ko kyaftawa bayayi. Tana juyowa sai ya done

kansa. Yar kunya ce ta dan kamasa a haka wani digon fitsari

ya fito masa ba tare daya sani ba. To bayan ta zauna sai suka

fuskanci juna. Anan ta fara magana:

Yau a cikin farin ciki nake marar misaltuwa domin da za a

tsaga zuciya kaga abunda ke ciki. Nasan baza kayi bacci ba.

Kuma ina godiya marar adadi da zuwanka wannan birthday

nawa.

Anan isah yayi dogon numfashi kafin ya fara magana:

Haba mufeedah ya kina wannan magana. Kema kin san dolene

inzo wannan birthday domin shi zai kara mana dankon abunda

muka gina.

Dariya tayi kadan har hakoranta suka fito. A gaskiya king boy

kai gwarzon marubuta ne. Jiya fa na karanta littafin nan daka

rubuta wato ALJANNAR FATIMA. Ba kaga yadda nayi dariya ba

har cikina yayi ciwo. Iyaka dai muce Allah ya kara basira.

Anan isah yayi murmushi saboda jin wannan kalami nata. Daga

nan kuma sai ya amsa da ameen. Can sai ya tashi tsaye.

Toni zan wuce naga dare yay. Inji shi.

Anan mufeedah ta rike hannunsa. Ba inda zakaje yau a dakina

zaka kwana. Ta fada.

Dadine ya lullube king boy sai dai ga fili ya nuna kamar bai

aminta ba. A haka sai da sukan danyi mahawara ta minti biyar

kafin daga bisani ya aminta.

Wazajen assalatune malam hashimu ya tashi domin bautar

ALLAH madaukakin sarki. To dama a tsakar gida yake yawan

ibadar tasa. Kabbartawarsa keda wuya sai yaji kamar an diro ta

saman gate. To anan ya sallame ya zuba a guje cikin gida.

Tafiya yaji anayi kamar an nufosa. To anan malam hashimu ya

kara kidimewa daganan sai ya fadi yana salati domin shi a

tsammaminsa barayi ne suka shigo.

Kuwa ALLAH kuyimin rai. Wallahi ko sisi banida.

Can sai yaji an tallaboshi. Haba abba ya kana haka nine fa!

To anan tsoron malam hashimu ya gushe. Kaine ubanwa?

A cikin zuciya kamar yace nine ubanka.

Nine danka isah.

Isahhh. Daga ina kuma? To kafin ya bashi amsa.

Tassssss. Tassssss. Saukar mari biyu a kuncin isah.

In banda kake tafki me yasa baka kwana inda ka jeba. Bana

hanaka yawon dare ba. Kai zama wani irin yaro na daban. A

kullum kana wurin party. Baka ga waccan baka ga wannan. A

haka dai alhaji hashimu yayi ta masa fada ba sassauci.

To wannan fada ne ya tada saratu wato matar malam

hashimu.

Wai me nakeji a gidan. Lafiya kuwa? To bayan ta matsone sai

ta fahimci abunda ke faruwa.

E to saboda ya fita yawo wurin budurwarsa shine zaka tsareshi

da fada. Toni kada ka sabatta mun da. Domin har yanzu ina

son abana. Ai idan fada ne kanka ya kamata ka yiwa. Dama

ance kyaun da ya biyo uba. To saboda ya biyoka shine zaka

damu mutane da surutu. Injita.

Au wato haka ma zakice? Inji malam hashimu.

E haka zance. Kai a lokacin kuruciyarka meye bakayi ba. Ko

kana tsammanin na manta? Yan matan garin nan hatta da

matan aure sun san da zamanka. Dama ance abunda kayi shi

ake ma. Wannan abun da isah keyi shine ka yiwa da abba da

umma. Ka manta lokacin daka kayar da abbanka gabana.

Kuma ka tura umma cikin kwata wai don tama fada. Gaskiya

kada ka kara yiwa dana haka domin banaso.

To anan malam hashimu yayi tsuru tsuru domin asirinsa ya

tonu.

Anan ne saratu ta lura da cewa king boy ya fara tankwahe

hannun rigarsa. Hala me kake shirin yi? Xan rama marin da

yayi min! Ya bata amsa.

Au wato marinka yayi. Kada ka raga masa dana ci kwal

ubansa. To anan hankalin malam hashimu ya tashi. Bai ko

tsaya ba a guje ya nufi gate. Kamawa yayi da nufin direwa. To

anan king boy ya jawo kafar shege. Haka ya fado tuiii. Sai da

wata yar karamar tusa ta fito saboda xafin da yaji. Fusssss.

Kafa king boy yasa da nufin takashi. To abunka da tsohon

kashi. Cikin sauri ya make shi can gefe. Kafin kaceme ya kama

gate ya dire. Anan yaci taya ko taka kasa bayayi saboda tsabar

gudu. A haka shi kuma isah ya rarumi icce ya bishi a guje.

=================

To bayan maryam ta tsinci kanta cikin wannan gidan data gudu

anan ta rasa abunda ke mata dadi. Gani kawai tayi wasu

samari su biyu a daure sai faman ihu suke domin rumaisat ce

rike da yuka sai faman dadara masu ita take. Daga nan sai

taga wasu fulani su uku yan mata cikin shigarsu ta fulani

kowace rike da kwarya. Anan suka ajiye kwaryar kusa ga kusa

wadannan samarin. Suna bude kwaryar sai taga wasu macizzai

manya su uku. Sun fito. To anan macizzan suka fara lasan

kafafun wadannan samarin su kuma sai faman ihu suke

saboda tsoro.

Anan ne sulaiman ya jawota ya zaunar saman kujera. Daga

nan sai ya daureta sannan ya kawota kusa ga wadannan

samarin. To a wannan lokaci rumaisat sai faman magana take

da wadannan fulani. Amma da fillanci suke maganar saboda

haka su kadai sukasan abunda suka tattauna akai. Suna gama

maganar sai fulanin suka dauki macizzan suka mayar cikin

kwarya daga nan sai suka fita waje. To a wannan lokaci ne

rumaisat da sulaiman suka fuskanci juna. Anan suka rungume

juna suna sumbatar kansu(kiss) don kawai maryam taji haushi.

Daga nan sai suka nufi wani daki domin cikawa junansu

bukata.

To anan ne maryam ta lura da wadannan samarin. Tambayarsu

sunayensu tayi. Anan suka fada mata. Yazid da najib ne. A

haka itama ta fada musu nata. Daga nan sukaba juna labarin

abunda ya shigo dasu gidan. To anan suka tausayawa juna tare

da hada baki domin ganin sun gudu tare.

A cikin wannan darene suke sa ran cikar burinsu na tserewa

domin sun hada plan. Suna zaune saiga rumaisat ta shigo da

yukarta kamar yadda ta saba zata fasa jikinsu tasha jini. Wani

murmushin mugunta take domin ganin su uku ne. Gashi

maryam nada yar kiba saboda haka zata fisu mai. To anan

rumaisat ta kusanto ta. Kee. Miye sunanki?

Miye ruwanki da sunana? Maryam ta bata amsa. Anan

rumaisat tayi dariya har saida hakoranta suka fito wadanda

duk sun lalace saboda shan jinin mutune. Yukar ta aza a

wuyanta tana gogawa a hankali. Can sai ta turnuke fuska. Anan

ta dallawa maryam mari mai kyau tasssss. Da karfi ta daga

yukar da nufin datsa mata. Aiko kafin ta iyar da nufinta tuni

yazid ya wani dunguzata da kafarsa. Anan ta fadi tayar da

yukar. Da karfi ya dauke yukar sannan ya fara kwance daurin

da aka yi masa. To a wannan lokaci kan rumaisat ya bugi

kasa. Saboda haka ta fadi sumamma. To bayan yazid ya

kwance kansa daga nan sai ya fara kwance su maryam.

Bayan ya kwancesu sai suka nufi kofar fita a guje. Ba yadda

basu yiba amma kofar taki budewa. To anan maryam ta tuno

cewa akwai wani abu da ake latsawa sai kofar ta daga sama.

Cikin sauri ta latsa wannan abun. Anan kofar ta fara dagawa a

hankali. To a wannan lokaci rumaisat ta farfado domin jin

karar kofar. Su kuma su maryam a guje suke gudu. Maryam ce

ta fara fita domin itace a gaba. To anan ne rumaisat ta latsa

abun rufe kofar. Aiko nan kofar ta farayin kasa. Su kuma su

yazid a lokacin sun kara kaimin gudu domin kada kofar ta rufe

dasu. Aiko suna kaiwa kadan ya rage su fita kofar ta rufe

gamm.

Bayan fitar maryam bata tsaya ba gudu ta farayi kamar ranta

zai fita. Sai da tayi tafiya mai nisa sannan ta tsaya tana

sheshsheka.To anan ta fara tafiya tana tangadi sabida gajiya

kamar ranta zai fita. Tafiya take amma tunanin cutar data yiwa

al ameen take. A wannan lokaci tayi dana sani domin da ace

bata cuceshi ba da duk wannan fitina bai sameta. A haka

tacigaba da tafiya tana tunani. Tana cikin tafiya sai taci karo

da mutum tsaye. Anan tasha jinin jikinta. Dubawarta keda

wuya sai taga ashe al ameen ne. To anan ta tuno da yaudarar

da mijinta sulaiman ya mata. Ya mata shigarsa tana xuwa

wurinsa ya kamata. Anan taja da baya a tsorace. To a wannan

lokaci shima al ameen ya ganta. A guje ya nufota saboda

tsananin murna da nufun rungumeta. Ai kuwa tana ganin haka

tace kafa me naci ban baki ba. Anan maryam taci taya bata ko

duban kasa. Dajin cike yake da kayoyi amma bata ko jinsu

saboda gudu.

A haka al ameen yayita gudu amma ko alamun cimmata bai

da. Daga nan sai ya fara kiran sunanta. MARYAM nine fa al

ameen ki tsaya kiji mana. Kwal uba. Maryam najin haka a nan

ta kara giya fuuuuu.

=============

Saratu ce tare da mai gidanta malam hashimu a cikin wani

falo na alfarma. Can sai ga king boy isah ya shigo. Mama inaso

kiban kudi inyi shaye shaye? Anan tayi dariya. Haba dana

wannan ai ba kome bane. Yanxu zan baka dubu hamsin kaje ka

rungumi mata kayi abunda kakeso. Domin duniyar takuce

samari. Kuma kasha abunda kakeso na daga dangin shisha,

daga, sholi, totlin, emzolyn, fenecillin. Amma banda giya kaji

dana.

E naji! Ya amsa.

Anan ta shiga daki. Bata dade ba ta fito da kudi ta mika masa.

Rungumeta yayi yana murna. Sai mumy na. Yauwa dana kaje

ka dawo lokacin da kakeso kuma idan mutum yama magana

to ka yanke ma shege labba. To anan suka hada ido malam

hashimu. Done kansa yayi domin yasan dashi take. King boy

isah buga motarsa yayi sannan ya tafiyarsa.

Haba saratu yanzu abunda kikayi ya dace kenan? Kece fa kike

lalata wannan yaron. Yanzu ji yadda ya shashince. Hauka

kawai yakeyi to wa ya gayamar haka ake gayu. Yaje yayi wani

aski sai kace zabo wai shi bajatoli.

Wai kai meye ruwanka a ciki inaso in gayama ka fita harkar

dana fa. Domin na gano cewa kai dan adawa ne. Haka dai

tayita shaka masa bakaken maganganu. A haka yayi shiru ya

kyaleta dama indai da sabone to ya saba da walakancin da

take masa.

Shi kuwa king boy isah bai tsaya ko ina ba sai club. Anan ya

dauki yarinyarsa mufeedah tare da wata kawarta. A haka suka

yita yawon banza har dare yayi. Daga nan sai mufeedah ta

amshi tukin motar wai zata kaisu wani wuri. A guje suke gudu

tun suna ganin gidaje har suka daina. Bayan wani lokaci sai

gasu wani kungurmin daji. King boy yayi mamakin abunda ya

kawosu wannan daji amma kuma bai damu ba. Bayan sun faka

motar sai mufeedah ta fito. Anan ta fada jikin shi da nufin zai

biya mata bukatarta. Har ya aminta zasu fara kenan sai tace ya

fara da kawarta zataje da dawo. To anan mufeedah ta tafiyarta

ta bar su cikin mamaki. Ko ina zata acikin wannan daji?

Cikin sauri king boy ya finciko kawar mufeedah din. Bai ko

tsaya ba yayyaga kayanta yayi saboda sauri. Kafin kaceme sun

fara nishi.

Can bayan abu yayi nisa sun dade sunayi sai sukaji kamar

tafiya bayansu. To anan suka mike daga nan sai suka fara sa

kayansu. Suna cikin hakane sai isah yaga wata kibiya ta xo kai

tsaye ta shiga cikin wuyan yarinyar har sai da bullo. To anan

yarinyar ta fadi jini na fita fa karfi. Anan king boy ya kurma

uban ihu amma bai ga kowa ba. Can sai yaga mufeedah tsaye

tare da wasu jama a kowane rike yake da kibau. To anan ya

fahimci cewa sune suka kashe wannan yarinyar.

Cikin shigar fulani suke kai da gani kasan basada imani. To

anan aka fara kallon kallo tsakaninsu da king boy isah. Zaburo

masa sukayi da nufin yin gunduwa da namansa to anan shi

kuma ya cika wandonsa da iska.

::::::::::::::::::::::::

Al amarin maryam kuma tunda ta fara gudu bata tsayaba sai

da ta tabbatar da cewa ta yiwa al ameen nisa yadda bazai iya

cimmata ba. Ita a cikin ranta ji take kamar mijinta ne sulaiman

ya kara yin shigarsa domin ya kamata. Haka tayita ta tafiya har

dare yayi mata. A wannan lokaci tsoro ya fara kamata domin

bakajin kome in banda kukan tsuntsaye. To tana cikin tafiya ne

sai ta hango wata yar bukka. Anan farin ciki ya lullubeta. Kai

tsaye ta kutsa kai ciki. Shigarta keda wuya sai taga wata yar

bafulatana tsaye kikam kamar tana wani abu. Gabanta ne ya

fadi rassssssssss.

Idanun matar suka bata tsoro domin ba wadanda ta saba gani

bane. To anan tayi mata sallama tare da fada mata bukatarta

nata barta ta kwana a gidanta idan yaso gobe zata tafiyarta.

Matar najin haka sai tazo gab da maryam ta tsaya. Rungumeta

tayi cikin murna amma abunda ya bata mamaki shine matar

kamar bata magana. A nan dai bafulatanar ta nunawa maryam

wurin baccinta. Daga nan kuma sai ta kawo mata wata kwarya

ta a jiye a gabanta. Maryam na budawa taci karo da nono

zalla. A haka ta fara shan nonon duk da yaminsa saboda

yunwar da takeji. To bayan ta koshine sai ta ajiye kwaryar gefe

tare da yiwa matar godiya amma bata amsa ba. Hakan ya

daure ma maryam kai amma sai tayi kwanciyarta bata damu

ba.

To a tsakiyar darene sai taji kamar wani abu na tabin jikinta.

Firgigit ta farka. To anan ta kurma uban ihu saboda abunda ta

gani. Wani katon maciji ne wanda bataga iyakar tsawonsa ba.

Cikin kwaryar da tasha nono yake fitowa zai fita dakin.

Anan ta duba zuwa ga gadon wannan matar domin ta tayar da

ita. To anan ta kara kidimewa domin maimakon taga matar sai

kawai taga katon maciji cikin shigar matan fulani sai sharar

barcinsa yake. Da gudu ta juya da nufin fita dakin to anan taji

an cafkota an makata ga gina. Ashe matar ce ta farka cikin

siffar macijin. A haka ta gangaro saman gadon. Ita kuwa

maryam jikinta sai karkarwa yake domin bata taba jin tsoro irin

wannan ba. Macijin sai huci yake yana fitar da harshensa. To

kadan ya rage ya cimmata sai maryam ta dauki wata adda

dake rataye a bangon dakin. Ai ko macijin na isowa ta ishi ishi

ta dura mai ita. Anan macijin ya fara wulle wulle yana kuka

cikin muryar mace. Da gudu maryam ta fita ko juyowa batayi.

Sai da tayi nisa sai ta tsaya tana sheshsheka.

Anan wani kukan dole ya kubce mata. Daga nan sai ta fara

tunanin rayuwar datayi da al ameen cikin jin dadi to da ace

bata yaudareshi ba da hakan bai faru gareta ba. A wannan

lokaci maryam tayi dana sani yadda tayi sakaci kudi suka rufe

mata ido har ta yarda ta yaudari masoyinta na gaskiya. To

tana cikin kukan ne sai taji kamar magana daga bayanta. Tana

juyowa sai tayi arba da wani dattijo. Anan maryam ta tashi

tsaye tsoro ya kara kamata.

Diyata me kikewa kuka a cikin wannan dare? Ya tambaya.

Anan maryam taja da baya a tsorace domin a wannan lokaci

batayarda da kowa ba. Kada ka taba ni. Haka take cewa

dattijo.

Da dai dattijon yaga bazata yarda dashi ba. Kawai sai ya fara

wata waka mai dan karen dadi da fillanci. To abunka da

mutanen dori basa zama banza. Aiko maryam najin wannan

wakar sai wani bacci ya xomata. To anan ta fadi batasan inda

takeba. Shi kuma dattijon sai ya tallabota ya kawota a cikin

bukkarsa.

Sanyin safiya ne ya tayar da ita. Aiko tana farkawa sai ta fara

duban dakin da take ciki. Can sai taci karo da dattijon nan na

jiya. Anan ta fara kuka tana rokonsa: don ALLAH kada ka cutar

dani.

Haba diyata kada ki damu. Ni ba macuci bane kuma bazan iya

cutar dakeba. Ni taimakon ki zanyi. Daga nan sai maryam taji

idanuwanta sunyi nauyi kuma jikinta ya fara canzawa. Wani

shauki ne ya fara shigo mata domin ji tayi ba abunda takeso

sai tasha jini. To anan ta tashi tsaye tana wani zallo. Kafin

kaceme ta fadama dattijo da nufin kasheshi tasha jininsa.

Wani gocewa dattijon yayi sannan ya dauko wani magani cikin

jakarsa. Anan ya danne maryam sannan ya zuba mata maganin

cikin bakinta. To anan ta fara kakarin amai. Daga nan sai ta

fara amai sai da ta amaye duk nonon da tasha. Tana gama

amaye nonon sai ta dawo cikin hayyacinta. Anan taji bata

bukatar shan jini.

Abunda ya bata mamaki shine ganin tayi nonon ya hade kansa.

Daga nan sai ya koma dan karamin maciji. Wato kenan maciji

ta sha a matsayin nono. Anan dattijon ya kama macijin. Wani

siddabaru yama macijin sai macijin ba zama ruwa ya mutu.

Daga nan sai dattijon ya fara yi mata magana:

Yarinya kin kuru domin da ace baki zonan ba da nan da kwana

uku zaki zama mayya. Haka zaki dinga kashe mutane kina

shan jininsu. Kuma ki sani wannan nono da kikasha ba nono

bane domin nonon maita ne. Wanda mayyun FULANIN DAJI

kesha. Kuma duk wanda ya bakishi shima mayene. Saboda

haka yanzu inaso kiban labarinki.

To anan maryam ta bashi labarinta tun daga farko har karshe.

Anan dattijon ya tausaya mata tare da yi mata nasiha akan

yaudarar datayi. Ai kinyi wauta yarinya domin ba a auren

mutum idan ba a san daga inda ya fito ba. Kuma ba a auren

mutum ba tare da bincike ba kome matsayinsa kuma kome

kudinsa. Amma nasara na tare dake domin na hango taimako

akan hanyarki. Saboda haka taso ki gani.

Anan maryam ta tashi ta bishi. Bayan sun fita cikin bukkar sai

ya nuna mata wata hanya. Inaso kibi wannan hanyar kiyita

gudu domin anan ne zaki gamu da nasara.

Haba baba ai da kaxo sai mu tsere tare don kada su kasheka

kaima! Inji maryam.

Anan dattijon yayi dariya: kada ki damu yarinya koda zan

shekara dubu ne a wannan daji to ba abunda zai samani

domin kar tasan kar. Nasha nayi wanka. Amma ke nake jima

tsoro domin rayuwarki na cikin hadari.

Anan maryam tayima dattijon godiya daga nan ta nufi hanyar

daya nuna mata a guje

================

Su kuma su hamir bayan suhailat ta rutsa dasu cikin kogo. Sai

tasa aka kamasu. A nan ta jagoranci tafiyar zuwa masaukinsu.

To suna cikin tafiyar ne sai suka hango wani hayaki na tashi a

wuni wuri can da nisa. To anan suhailat ta bada umarni aje

wurin da hayakin ke fitowa a duba a gani.

Caraf raliyat ta fara magana: idan kinason mu rayu to kada ki

kuskura kisa muje wurin wancan hayakin domin duk wanda

yaje wurin to sunansa gawa.

Hala miye ruwanki? Ai nice shugaba ba keba! Inji suhailat.

Anan ta tursasasu don dole su tafi. To bayan sun isa wurin sai

suka isko wasu bukkoki da yawa kamar dai wani dan karamin

gari. Anan suka yita tafiya cikin wannan gari abun mamaki tun

da shigowarsu basuga kowa ba. Sai da sukayi nisa sannan

suka fara ganin fulani yan kwarori kuma duk wanda suka yiwa

magana baya tankawa sai dai ya tsura musu ido yana kallonsu.

Raliyat tasan kome dangane da wadannan fulani sai dai tasan

ko tayi magana suhailat bazata yarda ba saboda haka taja

bakinta tayi shiru.

Wata mata sukaga ta zo wurinsu. Anan ta gaidasu tare da basu

umarni su zauna wurinta kafin safe. Sun ji mamakin wannan

tarba domin basu san wannan matar ba. To anan suka fara

tunani cewa ashe mutanen garin na magana da gan gan suka

kyalesu.

::::::::::::::::::::::

A lokacin da maryam ta fara gudu. Sai da tayi tafiya mai nisa

kafin ta tsaya hutawa. Aiko tsayawarta keda wuya sai taji ana

kiranta. Tana juyawa sai tayi arba da al ameen. To anan tace

kafa me naci nan baki ba. Haka shima ya dafa mata. To a

wannan lokaci maryam ta gaji. Tana cikin wannan gudu sai ta

fadi rikicaa. Anan shi kuma al ameen ya fado saman jikinta

rigingine sai kace wanda ya hau gado.

Ba yadda maryam bata yiba domin ta turashi gefe amma ta

kasa.

To anan ta fara bashi hakuri don kada ya hallakata. Anan ne ya

nuna mata shine al ameen dinta. Maryam bata yadda ba ko

kadan. Anan tayita tabin fuskarsa domin sanin gaskiya. Daga

karshe dai ta yadda da cewa shine al ameen dinta na gaskiya.

To anan ta kara kankaneshi a jikinta tana kuka:

Kayi hakuri masoyina na yaudareka. Anan ta bashi labarinta

tun lokacin da sulaiman ya aurota ya kawota wannan daji har

ta gano cewa shi dan mafia ne. Anan shima al ameen ya bata

nashi. tare suka tashi da godema ALLAH da ya sake hadasu. A

wannan lokaci son al ameen ya kara shiga zuciyarta. Saboda

haka sai ta matse a jikinsa haka shima ya lakamota. Daga nan

suka fara tafiya suna hira cikin annashuwa. Suna cikin hakane

sukaji an nufosu a guje. A tsorace maryam ta zabga a guje sai

da al ameen ya cafkota da karfi. Wani saurayi ne sukaga ya

fado gabansu yana ihu su taimakeshi. Anan a ameen ya zo gaf

dashi. Su waye a bayanka?

To anan ya fara basu labarin yadda aka kawoshi cikin dajin tare

da fada musu sunansa wato king boy isah.

Anan al ameen ya bayyana masa cewa suma yaudararsu akayi

aka kawosu saboda haka yanzu tare suke. Daga nan sai suka

fara tafiya su uku.

::::::::::::::::::::::::::

A cikin wannan dare su hamir suka tashi da abun al ajabi

domin fulanin ne sai kawo musu farmaki suke da niyar

kashesu. Saboda wannan dalili fada mai tsanani ya hargitde

domin kowane dan sanda rike yake da bindigarsa sai faman

diba yake.

A nan balkisu ta kaikaici idon suhailta daga nan sai ta kwane

su hamir domin suyi ta kansu. Su kuma wadannan fulani kamar

basa karewa domin kashesu akeyi amma wasu sai zuwa suke

kuma duk wanda yayi sakaci sukaci karfinsa to zasu filla filla

da naman jikinsa daga nan sai su shanye masa jini. Da dai su

detective khaleed suka ga ba kanta sai suka arce kowa ya fara

gudu.

Su kuma su aminat suna isowa wurin suka ga abunda ke

faruwa. To anan suka fara gudu suka bi bayan su khaleed. A

haka su hamir suka yita gudu har suka iso wani katon gida.

Anan gaban aminat ya fadi domin shine gidan da aka kawota.

Daga nan sai raliyat ta fara magana:

Wannan shine gidanmu da rumaisat ta kwace. Amma yanxu

idan muka samu damar kasheta to duk sihirin data yiwa

wadannan fulani zai karye. Daga nan sai khaleed ya bada

umarni a shiga gidan. A wannan lokaci suhailat bata da ikon

kome tun da khaleed ya dawo. Da farko maryam bata yarda ta

shiga gidan ba amma da aka fada mata cewa zasu hada karfi

da karfe su yaki rumaisat sai ta yarda.

Shigarsu keda wuya sukayi arba da ita saman kujera sai

kallonsu take.

Sannunku da zuwa fa. Na dade ina jiranku sai yanzu! Injita.

Anan maryam tayi arba da mijinta. Haka shima king boy isah

yaga yarinyarsa. Wasu fulani suka fara fitowa da kwarya suna

ajiyewa. Su fulanin yan mata ne su uku. Ajiye kwaryar keda

wuya sai kwaryar ta fara girgizawa da karfi. Kafin kaceme ta

fashe. Anan wasu manyan macizai suka fito suka nufi su

hamir. Haka suma yan matan. Daga nan sai aka kacame da

yaki. To anan suka lura da fulanin fitowa suke ta koina cikin

gida domin su kawo musu hari. Haka itama rumaisat. Wasu

takubba biyu ta dauko ta dako tsalle. To anan raliyat ta tareta

daga nan suka kacame. Ana cikin wannan yakine hamir ya

hango abokansa a daure wato yazid da najib. Cikin sauri ya

nufi wurin domin cetosu. To anan wani saurayi yasha gabansa.

Wannan na kowa neba in banda amil. Anan suma suka fara

nasu yakin

Daga karshe dai sun samu nasara domin an kashe rumaisat

tare da duk mabiyanta. To kasheta keda wuya sai sukaga

fulanin dake yakarsu sunyi tsaye wuri daya. Anan hayaki ya

fara fitowa bakinsu. Duk wanda hayakin ya fito bakinsa sai yayi

atishawa ya fara tambayarsu meke faruwa. To anan suka cewa

wato rumaisat duk itace sillar wannan abu. Ta sihircesu tare da

mayar dasu mayyun karfi da yaji.

Anan suka fahimci cewa yanzu kowane bafulatani dake dajin

zai koma dai dai tunda an kashe shugabar wato rumaisat

To anan suka yi shirin komawa gida. Bayan sun isane khaleed

ya gano cewa kamal yaji sauki haka itama wannan yarinyar ta

murmure domin yanzu suna magana lafiya kalau. To anan suka

sallameta.

Shi kuma king boy isah yayi dana sanin yawon da yakeyi na

dare wanda shine sanadin shigowarsa a cikin wannan balai.

Haka itama maryam tayi dana sanin yaudarar da ta yiwa al

ameen.

Hamir yayi alkawari bazai kara shan waka ba kuma bazai kara

zuwa night club. Ita kuwa raliyat a gidan su hamir ta dawo da

zama domin abbansa ya daauke mata kome. Idan sun gama

karatu za a daura musu aure.

Itama maryam haka taci gaba da soyayyarta da masoyinta na

gaskiya wato al ameen. Wannan shine karshen wannan labari

ALHAMDULILLAH

THE END

KINGARTICLE.NOVL