TAFIYAR DARE ( MAYYUN JINI )

TAFIYAR DARE 

MAYYUN JINI

AUTHOR : ABDUL KING ARTICLE

EPISODE 1

PAGE 1

Dare mahutar bawa, idan lokacin ka yayi dole a tareka, dare

mahutar bawa, idan kazo dolene komi ya samu akasi. Dare

mahutar bawa, duk wanda bai zauna wuri daya ba to bayada

banbanci da matacce.

Wannan magana haka take ba tantama, nasan dolene kayi

mamaki yadda na fadi wadannan zantuttuka masu rudani da

tafarfasa zuciya. Amma wannan ya farune sanadiyar wani

bakin al amari daya taba faruwa a gareni shekaru da yawa,

wannan al amari ya farune a cikin dare kuma ya kare a cikin

dare. Sanadiyar hakane naga ya kamata in bayyana kadan daga

faruwar wannan abu ba don komi ba sai dai domin kaima ka

kiyayi dare domin gudun watarana.

Sunana anisa, amma akan kirani da baby, a wannan lokaci ba

abunda na rasa na jin dadi daga gidanmu domin abbana ya

tanadar min duk wani abu na jin dadi da annashuwa, amma

kuma duk da hakan ko kadan ban damu ba. Babban abunda ke

batamin rai shine abba baya bari na fita ko kofar gida, idan

kaga na fita to makaranta zanje domin duk wani abu da ake

bukata akwai masu aiki. Saboda haka su ake sawa aikace

aikacen gida.

Inada waya babba ipone x, sai kuma laptop dita HP, kai in

takaicemaka labari harda mota tawa inada amma ko kadan

bana moriyarta sanadiyar bana yawo, daga makaranta sai

makaranta, kai ko biki idan zan fita sai abba yayi min nasiha

cewa in kiyaye, wannan abu na mutukar batamin rai sai dai ba

yadda xanyi, a duk lokacin danaga kawayena suna

sharholiyarsu abun kan mutukar burgeni, sai naji dama ace

inada wannan damar ai da shikenan.

Bako shakka uwaye sun cancanci yabo, godiya, karamci, da

kuma girmamawa. Duk wanda bai girmama uwayensa ba to

yayi asara tun a nan duniya. Duk abunda abbana ke horar dani

gaskiyane, ni a tunani na yana cutar dani amma daga baya sai

na gano ba haka ba. Bako shakka abba na mutukar sona so na

hakika son da duk wata ya mace zataso ace abbanata na

mata. Na gano hakan ne sanadiya wata tafiya data kama mu a

cikin dare nida kawayena. Saboda haka bari in baka labarin

wannan tafiya da kuma makasudinta.

PAGE 2

Anisa ce ke zaune cikin wani katafaren falo cikin jin dadi,

fuskarata cike take da annashuwa da walwala. Kai da gani

kasan diyar masu hali ce tun daganin shigar ta. Dan lemon

tane exotic a kusa da ita sai wani cup na glass rike da

hannunta, idan tadan kurba lemon sai ta fincike wani cake

dake kunshe a cikin wata leda. Idanunta ko kyaftawa basayi

sanadiyar ta kurawa tv idanu sai kyalkyatar dariya take kai kace

mahaukaciya.

" Laaaaa, shegiya baby hala miye kikeci haka kina dariya sai

kace aJmaryar da za a kai gobe? "

Anan anisa ta daga ido sai tayi arba da kawarta. A guje ta

sheko suka rungume juna cikin murna. " Amma zee bakida kirki

ko kadan,wai ace kinyi graduating amma ko flashing ba za

ayimuna ba." Haka anisa ta fada tare da jawota.

" Haba kawata kiyi hakuri mana, ai da kin san abundan ya faru

da bakice haka ba." Cewar zee tana murmushi.

Anan anisa ta wani karkada idanu tare da yi mata kallon uku

saura kwata. " Humm, dama haka kike, ai dama nasan dole ki

manta damu tunda kin samu kawaye a can ko. Mutuniyar

banza." Anan anisa ta fita falon. Bata jima ba sai gata ta dawo

da wani cup. " Yauwa, bari na zuba miki lemon kema kisha ko

kyaji gardi." Anan anisa ta zuba mata lemon ta bata. " Saura

kuma kice mun bazaki shaba."

" Au, har na isa." Inji zee bayan ta karbi lemon. " Kedai kinason

exotic, ni kodan bai yimun ba, balantana yanzu fa akwai drinks

na yayi amma ke kullum ancient ce. Bakauya kawai."

" Iyee, kina nufin ni bakauya ce?" Anisa ta tambaya.

" Tab, to ke a tsammaninki yar birni ce? Mai bleaching da garin

kwaki irinki." zee ta bata amsa.

Dariya sukayi tare da kallon juna suna taba hannu. " Keda ko

waya bakida, amma ni kike cema bakauya." Anisa ta fada cikin

wasa.

" E naji dai, ai waya nice banso samu ba, kema kin san ruwa

ba sa an kwando bane, zan iya sa samarina su siya min duk

wadda nakeso." Inji zee cikin daga murya.

" Samari kuma? Yaushe kika fara bin maza ban sani ba?" Inji

anisa.

" Au, dama baki sani ba? Ai karuwace kike kawance da ita."

Xee ta fada cikin bakar magana.

PAGE 3

" A a ni dai kada ki kaini inda yan kuda ke salati, nifa ba haka

nake nufi ba. " Anisa ta fada cikin lallashi.

" Ko ma me kike nufi ke acciki, nidai nasan duk yadda goma ta

lallace tafi biyar albarka. Ke da kike daure sai kace tunkiyar

masar. Idan ba tsoro ba mutum ya fita mana, kinzo kin hakince

cikin gida bakya ko tunanin aure, ko kina nufin samarin a cikin

gida zasu ganki suce sunaso?"

" Kema fa kin san ba laifi na bane laifin abba ne." inji anisa.

" To cigaba da jira sai abba yace ki fita sannan zaki fita, aiko

yarinya inaga zaki tsufa gidanku, domin nan da shekaru kadan

zaki yi expiry. Kinga da ganan sai mu kaiki bola tunda kinyi

wari." Haka zee ta fada tana hamma. Cikin rashin tsammani ta

banko wata tusa mai shegen doyi ji kake buuuuuuuummmmm.

" Haba zee bagirman kibane, yanzu fa da ace su al-ameen na

nan da sunyi dariya." Cewar anisa bayan ta toshe hancinta.

" Wai har kin sa gabana ya fadi, hala ina suka jene?" Zee ta

tambaya.

" Tare suka fita da abba, inaga harda mumy ta bisu wai zasuje

kasuwa." Anisa ta bata amsa.

" Kice ke kadaice a gidan yau?" Zee ta fada.

To kafin anisa ta bata amsa sai ga wata tusa wadda tafi ta

farko kara da wari. Anan zee ta mike da sauri." Wayyo cikina,

inaga exotic din nan da kiban ya bata mun ciki. Nifa zawo

nakejiiii." Anan zee ta nufi toiltet a guje. Anisa ce ta danyi

dariya saboda kallon data yiwa zee a lokacin da take gudun.

Wato kayan data sa ne suka matseta sosai yadda gudun take

amma ana ganin kome na siffar jikinta. Anan anisa ta kara

fanka domin warin yadan rage. To bayan ta zauna ne sai

tunanin maganar zee ta taso mata.

To cigaba da jira sai abba yace ki fita sannan zaki fita, aiko

yarinya inaga zaki tsufa gidanku, domin nan da shekaru kadan

zaki yi expiry. Kinga da ganan sai mu kaiki bola tunda kinyi

wari.

Bako shakka abunda zee ta fada gaskiyane fa, to yanzu idan na

cigaba da zama a nan to yaushe zanyi aure, burin kowace ya

mace shine tayi aure ta kuma haifafa. To amma ni ko kadan

banada wannan gatan. To yanzu yama za ayi samari su ganni

suji na burgesu idan ban fita ba? Bako shakka dolene na dauki

mataki sosai game da wannan al amari. Anan tunanin anisa ya

yanke sanadiyar fitowar zee daga toilet.

PAGE 4

" Wai, har naji dan sauki." Cewar zee bayan ta kishingida kan

kujera.

" Duk kin cika mana wuri da shegen doyi." Inji anisa cikin wasa.

" Ai ba laifina bane, ai dana sani da ban sha ba." Inji zee. Anan

ta mike ta dauki jakarta." Bari na koma gida magriba ta kusa."

" Tun yanzu zaki fita?" Anisa ta tambaya.

" Hmmm, ni dai sai anjima kada ki bata min lokaci, gashi ba

yawo kikeyi ba balantana nace ki rakani." Haka zee ta fada

kafin ta fita.

Anisa binta tayi da kallo cikin zurfin tunani na wannan maganar

data yi mata. Haka zee ta fita cikin rangwada kai kace jikinta

ba jini da tsoka bane. To a wannan lokaci tunanin anisa ya

zurfafa har takai ta kashe tv saboda ji take kamar ana

damunta. Gaskiya dole na dauki mataki akan wannan al amari,

abu har yakai an fara yimin gori akan rashin fita. Gashi kuma

na girma amma har yanzu ace banada yancin kaina. Haka dai

anisa ta cigaba da tunani daga nan kuma sai ta koma dakinta

domin ta dan yi bacci.

Kida ne ke tashi mutane sai rawa akeyi kowa ya kama

gwaninsa, maza da mata an cankude sai bushasha akeyi.

Anisa ce ke tafiya tana waige waige a cikin filin rawan. A haka

ne tayi kicibis da wata budurwa tsaye. " Yauwa, dama ke nake

jira." Haka yarinyar ta fada kafin daga bisani ta dauko yuka da

zimmar yanka ta. Anisa ce ta kwala uban ihu daga nan ta farka

firgigit. Ashe mafarki ne takeyi. To a wannan lokaci mumy ce

ta shigo taga lafiya. Anan anisa ta fada jikinta tsorace.

" Me ya faru haka kike wannan ihu sai kace mahaukaciya, to fa

kada ince dai mafarkin ne kika karayi?" Mumy ta fada bayan ta

rungume ta."

" E wallahi mumy, a wannan karon dakyar nasha da ta sokamin

yuka." Anisa ta fada a tsorace.

" Kinga abunda nake fada miki ko? Idan akayi la asar ba a

bacci amma kinki. Ko yaushe sai kice wai yafi karfinki." Mumy

ta fada bayan ta tayar da ita." To yanzu sai kije kiyi salla ga a

can ana magrib."

PAGE 5

Da misalin karfe 8:30 PM ne su anisa suka nufi dinning table

domin daukar dinner. A wannan lokaci kowanensu yayi sallar

isha i. Al ameen ne da husna suka fara zaunawa saman

kujerun. Abunka da yara basa ko bari sauran jama ar su karaso

domin aci abincin tare. Cikin gaggawa suka fara tura loma

suna kyakkyatar dariya.

To bayan kowa ya zauna ne sai aka fara cin abincin tare. " Nifa

wannan mafarki na anisa kan mutukar ban mamaki domin ban

taba jin wanda ya taba yin irinsa ba. Kuma ace abu ya kici yaki

cinyewa." Haka daddy ya fada yana kallonsu daya bayan daya.

" Hmm, kai dai bari, ai abu ya tsananta yanzu. Tunda har da

fizge fizge take yi idan tana bacci." Haka mumy ta fada tana

kallon anisa.

" Haba mumy fizge fizge fa kikace." Anisa ta fada cikin rashin

jin dadi.

" E to zan miki karyane?" Mumy ta tambayeta.

" Yanzu dai ya isa sai ku saurara muci abinci." Daddy ya

tsawatar.

A haka dai suka cigaba da cin abincin, to bayan sun kammala

ne kowa ya nufi dakinsa domin ya sarara. Haka anisa ta shiga

dakin cikin rashin jin dadi. A yau dai jikinta ba karfi sai kace

wadda aka zane. Laptop da dauko da nufin kallo kuma saita

ajiyeta gefe saboda tunanin daya dameta. Tana cikin hakane

sai ga husna ta shigo aguje rike da littafinta na islamiya

( MUKARRAT TAUHID)

" Shegiya har kin ban tsoro, wai uban me ya kawoki dakin

nan?" Anisa ta fada cikin jin haushi.

" Wayyo sorry baby, wani fa assignment ne aka bamu kuma

gobe akeso mu bayar." Husna ta fada cikin tausayawa.

" Ina fatan dai english ne?" Anisa ta tambaya.

" A a, amma duba ki gani."

Anan husna ta miko littafin. Anisa na kallon littafin gabanta ya

fafi. " Kwal uba." Ta fada da karfi tana kallon husna. Anan ta

fara tunani yadda zata bulloma al amarin domin ko kur ani

daga shekara sai shekata take karatunsa a lokacin azumi.

Gashi kuma bataso ace bata iya ba.

PAGE 6

" Baby ya naga kinyi shiru?" husna ta tambaya cikin natsuwa.

" E ina dan tunani ne ai kema kin san cewa wannan littafi na

dade da kammala shi. Yanzu bari na biya miki."

Anan anisa ta rika mukarrat tauhid ba tare da sanin abun cewa

ba. Ita kuwa husna kallonta take tana saurare taji me zatace.

" An karbo daga.... Ummm......" Muryar anisa ta fara rawa.

" Laaaaaa, bafa hadisi bane ji yadda take....." Husna ta fada

cikin dariya.

" Ke ubanwa kikewa dariya?" Anisa tasha toka.

Anan husna tasha jinin jikinta domin tasan data motsa zataji

masga.

" Wane wurine za a biya miki?" Anisa ta tambaya.

Anan husna ta buda mata dai dai shafin da takeso ta karanta

mata. Cikin rashin tsammani sai sukaji an banko kofar da karfi.

Juyawa sukayi da nufin ganin ko waye. Ai kuwa ba kowa ceba

in banda halina wato kawar anisa.

" Me kuke karatu haka?" Ta fada tana taku dai dai. Basu amsa

mata iyaka dai sun bita da murmushi har ta karaso wurinsa. To

anan suka taba hannu cikin jin dadi. Batayi wata wata ba ta

fizge littafin tana dubansa. " Anisa, yaushe kika zama ta

kwarai, wai kece da wanan littafi kuwa?" Halina ta tambaya

cikin mamaki.

" Hmm, ai kema kin sani ba saina fadaba. Nifa rabona da

arabic tun..... " Anan anisa tayi shiru bata iyar ba don kada

husna ta gane halin da ake ciki na cewa bata iya karatun ba. "

To yanzu tun da Allah ya kawoki ai shi kenan kin hutar dani sai

ki fada mata." Cewar anisa cikin murmushi.

Kasancewar halina mai ilimin addini ce, cikin kankanin lokaci

ta karbi littafin ta fashema husna shi har saida ta fahimci

abunda ake magana akai. Daga nan kuma ta taimaka mata

wurin amsa assignment din da aka bata. Anan husna ta karbi

littafinta ta nufi waje bayan tayi godiya. Wannan abu da halina

tayi ya mutukar burge anisa domin tasan cewa idan da bata

zoba. Tofa yau da kunya ta kasheta.

PAGE 7

" Amma fa kawata kin ceceni, yau inaga da baki zoba da

sunana gawa." Anisa ta fada cikin dariya.

" Au wai kina nufin bazaki iya karanta wannan littafin na yara

ba?" Inji halina.

" Wai na yara! Kajita da wata magana." Anisa ta fada tana

kallonta.

" Wai ya akayi kikasan ina nan?" Anisa ta tambaya.

" Daga shigowata na iske su mumy a falo, to bayan mun gaisa

ne saita fadamin cewa kina nan daki." Halina ta amsa.

" Gaskiya ilimin addini yayi, yanzu ke halina bakida matsala ko

kadan."

" Haba wa? Ni har ilimi gareni, ai idan kikaga wasu sai kin rike

baki."

Anan su anisa sukayi tadi har saida dare ya raba sannan sukayi

sallama halina ta koma gida.

Tunda kulu kulun safiya anisa ta farka domin yau akwai al

amurran da takeso ta gabatar, a haka ta shirya jikinta tsaf,

daga nan ta dauko wayarta ta fara wasa. Da misalin karfe 8:30

AM, sai ta farajin ana kwankwasa kofar dakinta. Bai jira an

budeba kai tsaye ya shigo.

" Anisa, wai kece a farke?"

" E mana daddy tun dazu fa na tashi."

" Tab, kina nufin har kinyi sallah?"

" E mana tun dazu."

" Mamaki, Keda bakya asuba sai karfe goma sha biyu na rana

amma yau har kin samu asuba. To Allah yayi miki abarka yata."

Anan ya juya ya fita.

Da misalin karfe 11:30 AM, anisa ta fito da makullin motarta, a

yau fa cikin jin dadi take saboda tafiyar da zatayi. Rabonta data

fito waje har ta manta. Gate man ne ya mayar da kofar bayan

ta fita da motar. To anan ta nausa aguje ba sassauci. A haka ta

miki hanya duma na tashi a hankali yadda ita kadai keji. Bayan

tayi tafiya mai dan nisa sai ta cimma wani makeken gida. Sau

biyu kawai tayi oda aka bude mata gate din. Ciki ta nausa kai

da gani kasan cewa ba bakuwar gidan bace.

" Hajiya sannuki da zuwa." Anan mai gadi ya sheko a guje

wurinta.

" Yauwa barka, ina fatan dai tana ciki.?" Anisa ta tambaya.

" Gaskiya batanan, amma taban wannan takardar cewa idan

kinzo in baki."

PAGE 8

Anan anisa ta karbi takardar tana karantawa, " Ai kuwa daka

fadamin da bazan shigo ciki ba, kaga yanzu aiki ya sameni wai

ba a nan zamu hadu ba." Haka anisa ta fada cikin rashin jin

dadi domin ji take kamar duk ta wahala.

" Hajiya ayi hakuri, anan na tafka babban kuskure." Haka mai

gadi ya bata hakuri. Daga nan kuma ya bude gate din ta fita.

To bayan ta fita ne saita nufi inda zata hadu da kawarta. Anan

taci taya sai banka wuta take. Bata tsaya koina ba sai kusa ga

wani restaurant. Aiko tsayawarta keda wuya sai taji an shigo

cikin motar. Tana dubawa sai tayi arba da zee. Wato kawarta.

" Tun dazu fa nake jiranki amma sai yanzu." Zee ta fada cikin

murmushi

" Yanxu dai ba wannan ba, muje muci abinci nifa yunwa

nakeji." Anisa ta fada bayan ta fito daga motar. Daga nan sai

zee ta biyota. Bayan sun zauna ne aka kawo musu abincin da

sukeso. Daga nan sai suka faraci suna tadi. To cikin hakane

anisa ta lura da wani zane ( Tattoo) dake a hannun zee, hoton

maciji ne akayi a hannun nata. Anan anisa ta kurawa wannan

zane idanu cikin mamakin ko me yake nufi. To da zee ta lura

da kallon da takewa zanen, sai tayi sauri ta juyar da hannunta.

Anisa tayi mamaki sosai domin bata saba ganin irin wannan

zaneba. Tayi niyar ta tambayi zee game dashi amma kuma sai

wani abu ya tauke mata hankali har ta manta. To bayan sun

kammala cin abinci sai zee ta karbi makullin motar domin ta

tukasu zuwa wurin da zasu.

" Kikace walimar aurece zamu ko?" Anisa ta tambaya.

" Koma dai miye ai zaki gani." Zee ta bata amsa.

A haka suka yita shiga lungu lungu sako sako wasu unguwanni

anisa bata masan dasuba. Sai wazajen la asar sannan suka

kawo wani gida shi kadai a rabe. Anan zee ta mata umarni

dasu shiga ciki. To bayan sun shigo ne sai anisa taga ba

abunda ake in banda casu. Katon filine wangameme mutane

maza da mata sai sharholiya akeyi. Daga shigowar anisa aka

tsura mata ido, anan kowa ya bita da kallo wasu ko kyaftawa

basayi.

PAGE 9

" Wai dama ba walima ce mukazo ba?" Anisa ta tambaya.

" Hmm, wai walima. Kada ki damu kawata na fadi hakane

yadda idan kika fadawa su mumy kai tsaye zasu yarda kije.

Domin idan ba walima kikace zakiba nasan bazasu bari ki fita

ba." Xee ta bata amsa.

Anan sukayi dariya, " Lalle kin cika yar duniya. Wato har kin san

halin da gidanmu yake ciki kenan." Inji anisa.

Anan suka zauna suna kallon yan rawa, to abunda yaba anisa

mamaki shine mafi yawancin mutanen dake wannan wuri suna

dauke da irin zanen zee akan hannunsu, katon macijine baki

kirin aka zana musu. Wannan abu yaba anisa mamaki, to anan

ta fara ganin cewa duk yadda akayi wannan zane na maciji

akwai abunda yake magana akai, kuma bako shakka dole

abokan juna ne domin bazai yiwuba ace duk daukakin

mutanen dake gidan sunada zane iri daya a hannunsu.

" To amma wai me yasa kika kawoni wannan wuri?" Anisa ta

tambaya.

" Saboda inaso in taimake ki, nasan da cewa gida ba a bari kiyi

yawo, amma yanzu wannan yawo da mukayi don Allah bakiji

dadi ba?" Zee ta fada cikin fara a.

" E kwarai kuwa, kamar kin san abun na yimin zafi wai ace

banda ikon fita, kenan fa ko yanxu da ace banyi wannan karyar

ba da bazasu bari na fita ba." Inji anisa.

" Kada ki damu kawata, ai daga yau kukanki ya bushe, wannan

wuri fa dana kawoki nan za a share miki hawayenki. Kuma za a

baki yanci na kiyi duk abunda kikeso a lokacin da kikaga

dama." Xee ta fada cikin harzukawa.

" Allah ko kawata? To amma wannan wane wurine kuma ya za

ayi ku sharemin hawaye?" Anisa ta tambaya.

" Ki kwantar da hankalinki kawata. Yanzu zan gabatar dake ga

sauran members namu. Amma fa duk abunda sukace kiyi

zakiyi." Inji zee.

Daga nan saita tashi ta nufi wani lungu. To anan ne anisa ta

kalli wurin taga yadda aka kawata gidan abun gwanin ban

shawa. Ga mutane iri iri kowa sai sha a nin gabansa yake.

Kowane saurayi yaja tasa budurwa sun fake a gefe daya. Abun

ya mutukar burge anisa duk da cewa batada saurayi.

PAGE 10

A wannan lokaci duhu ya farayi amma kuma mutane sai

tudadowa sukeyi sai kace yanxu aka fara cin kasuwa. Tana

cikin wannan hali sai taji an shafi kanta. Da karfi ta juyo domin

taga ko waye. To anan tayi arba da wani saurayi dan shala.

Anan suka hada ido da anisa. Gabanta ne ya fadi duuuumm.

" Yan mata ko kinada karas ne? "

Anan anisa ta kalle sa ba tare da cewa komi ba sanadiyar

rashin sanin abunda yake magana akai. " Ya ina magana kin yi

shiru. To idan bakida ni zan baki." Anan ya fada yana dubanta

daga sama har kasa. Can sai ga zee ta dawo. To a wannan

lokaci shi kuwa ya mike hannunsa da nufin ya kara shafa

kanta. Caraf yaji an cafke masa hannu.

" Haba zalo kawata cefa!" Zee ta fada cikin laushi.

" Iyeee, dama kawarki ce, to nifa koma wace na siya. Saboda

haka yanzu sai ki fada mata."

" Kai kuma kana wannan magana kofa register ba a yi mata.

Yanzu dai kayi hakuri idan ta zama yar gari zan tuntunbeka.

" Tab wai ke nufinki bata taba haduwa da karas ba. Amma fa

tayi girman banxa. Ga kyau amma ko kadan bata more masa."

Anan ya fada yana mai tafiyarsa. Daga nan sai zee ta jawo

hannunta suka nufi wani lungu.

" Wai me yake nufi da karas? Ko yana nufin carrot wanda na

sani?" Anisa ta tambaya.

Anan zee ta kyalkyace dariya. " Ke sabuwar zuwace bakisan

kome ba. Ga kuma shegen ustazanci da kike fama dashi.

Yanzu dai muyi sauri suna jira."

Saida sukayi tafiya mai dan nisa kafin su shigo wani katon daki

cike da mutane kowa sai sha anin gabansa yake. Ai kuwa

mutanen na ganin sai suka fara tabi da shewa suna kallon

anisa. Ita kuwa batason abunda akeyi ba iyaka dai ta kura

musu idanu. A haka suka cigaba da tafiya ana musu tabi har

suka kawo wurin wani dogon table mai fadi an lullubeshi da

carpet.

PAGE 11

To anan wani mutum yama anisa umarni data tube kayanta ta

kwanta saman teburin. Da farko taki yarda sai da kyar zee ta

shawo kanta sannan ta yarda ta debe dan kwali shi kadai.

Amma sauran kaya taki cirewa. Daga nan sai mutumin ya kura

mata idanu. Sai da ya kallace surar jikinta tsaf sannan sai ya

kyalkyace da dariya. Can kuma sai ya taba hannunsa sau uku.

Ai kuwa saiga wani kato ya fito daga shi daga shi sai dan

guntun wando duk ana ganin kome nasa. Ai kuwa mutanen na

ganinsa sai suka fara ihu suna masa jinjina ka da gani kasan

sananne ne a wurin. A haka ya cigaba da tafiya yana taku dai

dai su kuwa yan matan gurin sai kallonsa suke suna kyalkyatar

dariya.

A haka wannan katon ya nufo wurin anisa. Daga zuwansa sai

ya dauko wata kwarya dake jicce a wurin. Wata katanyar

fanteka ya bude ya debo wani abu jawur. Daga nan sai ya

mikowa zee domin ta ba anisa.

" Wannna zobo ne ko meye jawur?" Anisa ta tambaya.

" Kedai sha kawai." Xee ta fada.

Ai kuwa anisa na kafa baki mutanen suka dau ihu. Bata wani

jimawa ba ta amayar da abun tana tari sai da zee ta kwantar

da ita. Daga nan sai mutumin ya kusance ta. Ai kuwa sai kaji

wurin yayi tsit sai kace anyi mutuwa. To anan kowa ya kuro

musu idanu yana kallonsu. Da farko mutumin sai ya fara shafa

gashin kanta. Ai kuwa nan take jikin anisa ya mutu. Daga nan

sai ya sauko da hannunsa ga dukkanin jikinta koina shafawa

yake. To anan anisa ta fara girgiza sai kace marar lafiya. Can

kuma sai ta fara nishi sai kace mai jin kashi. Sai da ya dau

lokaci yana shafa jikinta daga nan kuma sai ya bankare

kafafuwanta da nufin warwasawa.

Caraf sai ga anisa ta mike zumbur. A wannan lokaci duk

abunda takeji ya kau. Da karfi ta ture wannan katon dake shirin

afka mata daga nan ta mayar da dankwalin ta.

" Dama kin kawoni ne domin a cimin mutunci?" Anan anisa ta

kama hanyar fita tana zub da hawaye. Da gudu zee ta biyota

tana lallashinta.

" Haba baby ya kina fadar haka sai kace ba wayayya ba. Nifa

taimakonki xanyi domin ki zama daya daga cikinmu. Kuma ina

tabbatar miki da cewa da ace kin tsaya to da yanzu an gama

kome."

Anan anisa ta finciko hannunta da karfi tana kallon zanen

maciji.

" Wannan macijin da aka zana a hannunki me yake nufi, kuma

me yasa duk daukakin mutanen dake wannan gidan sunada

shi?" Anisa ta tambaya

PAGE 12

" Wannan zane na maciji dake hannuna an yi shine da wuta

yadda bazai taba gogewa ba har abada. Kuma wannan macijin

da kike gani shine uban gidanmu. Kuma kema kafin ki shiga

kungiyarmu dole sai an miki shi." Zee ta bata amsa.

" Maciji shine uban gidanku, to meye ya hadaku da maciji inba

maita ba. Kuma menene nasha a cikin kwarya? Kada fa

kicemin jini ne. Ashe ku mayyu ne. Mayyun jini. To idan ba jini

bane menene nasha?" Anisa ta fada tana xub da hawaye. " Ni

yanzu kinga tafiyata." Anan ta juya ta nufi kofar gida.

Caraf sai zee ta rike hannunta. " Haba kawata ya zakiyimin

haka. Wai kuwa kin san irin kunyar da kika jefani a yau din nan.

To bari na fada miki wani abu. Bazaki zo kiga sirrinmu ba

sannan ki fallasa mu a gari kowa yaji. Ga kaida duk wanda

yazo nan to dolene yayi mana biyayya. Saboda haka dolene ki

shiga kungiyarmu ko kinaso ko bakyaso. Yanzu kije duk inda

zaki. Nasan ke da kanki zaki kawo kanki har wurinmu. " Anan

zee ta koma cikin gidan ta kyaleta.

Daga nan ne anisa ta nufi motarta. Dakyar take tukin har ta

samu damar fita daga unguwar wadda ba gida gaba balle baya

in banda wannan na su zee. To bayan takai gida ne ta tarar su

mumy har sunyi bacci. A haka ta kishigida saman gadonta

tunanin duniya ya dabaibayeta. Cikin hakane bacci ya dauketa.

" Anisa, anisa, anisa." Anan ta sheko a guje wurin daddy. "Ban

taba aika ki wani wuri ba tunda nake. Yau ma lalura ce shi

yaza zan aikeki domin yan aikin duk basu zoba. Anan ya bata

kudi tare da fada mata abunda yakeso ta siya masa.

A cikin motarta ta shiga bata tsaya koina ba sai wani katon

shago da ake siyar da shaddodi. To bayan ta siya ne kafin ta

fito sai tayi kicibis da wani saurayi. Suna hada ido gabanta ya

fadi. Anan ya mata kallon tsaf. Done kanta tayi ta fita shi kuwa

sai ya biyo bayanta.

" Don Allah yan mata idan bazaki damu ba ko zan iya sanin

sunanki."

Anan anisat ta kalleshi cikin mamaki. " Kai kuwa daga ina

haka? Daganin mace sai ka noce."

" Haba don Allah fa nace, yanzu kiyi hakuri ki fadamin sunan

kawai."

PAGE 13

" Kai ni kaga tafiyata banada lokaci." Inji anisat. Anan ta juya ta

cigaba da tafiyarta. Shi kuwa bai damu ba sai ya fara binta

yana lallashinta. Kajifa mata da yanga. Tun da ganinsa fa taji

ya kwanta mata amma saboda jan aji irin na mata haka ta

cigaba da juyashi sai kace waina a cikin tandu. To sai akayi sa

a yaron mai baki ne, saboda haka cikin kankanin lokaci ya

shawo kanta. Kafin kaceme ya samu abunda yake nema.

A cikin sati daya kacal soyayya mai karfi ta shiga tsakanin

wannan yaro da anisat. Yakan kawo mata ziyara akai akai har

gida tare da fita da ita yawo har dai a cikin dare. Ba yadda su

daddy basuyi ba domin ganin sun hanata fitar dare amma taki.

Wata rana suna chat a whatsapp:

Hamir: Slm

Anisa: wslm

Hamir: ya kk ne.

Anisa: lfy lau kaifa.

Hamir: Akwai inda nakeso muje yau da dare ina fatan ba

matsala.

Anisa: Nifa na fara gajiya da night club din nan kaji kuwa yadda

su daddy ke fada.

Hamir: Haba sweety,yanzu ke matsayinki na big girl ace gida

ana miki haka. To ai munada yawa domin da kawayenki za a.

Anisa: Da gaske? To yanzu ya kenan.

Hamir: Kada ki damu zan zo har gidanku da dare.

Anisa: Ok ba matsala.

Hamir: Bye dear ki kulamin da kanki.

Anisa na ajiye wayar sai ga mumy ta shigo cikin dakin. Anan ta

zauna kusa da ita. " Anisa wai kece kuwa? Nifa sanina yata

mai ladabi da biyayya ce kuma bata saba umarnina. Amma sai

aka wayi gari kin canza. Kece yawon dare, shaye shaye, fadace

fadace. To wai ina tambayarki yaushe zakiyi hankali ne?"

" Haba mumy shaye shaye fa kikace."

" E na fada kinayi, sau nawa kike shigowa a cikin maye

bakisan inda kanki yakeba."

Anan mumy ta dauko wata yar karamar jaka ta anisa dake

rataye a bango. Ai kuwa tana budawa sai tayi salati. " Wato

nan kike boye magungunan ki ko?"

PAGE 14

Anan anisa tayi shiru domin tasan batada gaskiya. " To Allah

ya shirye ki." Anan mumy ta dauki jakar ta fita. Bayan minti biyu

da faruwar hakan sai ga abba ya shigo gigice.

" Ke, ashe bakida hankali ban sani ba. Yaushe kika lalace

haka?"A haka daddy ya sameta da fada inda yake shiga banan

yake fita ba. A hakan anisa tayi shiru domin tasan halin abba

idan yayi zuciya. Inda sabone ai ta saba da fadansa. Can kuma

sai ga mumy ta shigo aguje tana bashi hakuri domin shi

nufinsa ya doketa. Anan dai ta lababa shi ya hakura ya fita. Ita

kuwa anisa abun ko a jikinta bata damu ba jira kawai take dare

yayi hamir yazo.

Da misalin karfe 8: 30 PM hamir yazo. To anisa ta riga tasan

yau fa idan akaga fitarta to karyarta ta kare saboda haka saita

diro ta taga. A hankali take tafiya sai kace hanwawa. To bayan

ta fita gidan ne saita tarar da wata jeep a fake. Ai kuwa kai

tsaye ta shiga domin tasan ko su waye a ciki. Da shigarta ta

tarar da kawayenta wadanda take haduwa dasu a night club.

Matan su biyu ne sai ita cikon ta uku. Sai hamir da abokansa

biyu.. Gaba daya dai su shidda ne a motar. Wato mata uku

maza uku: hamir, safyan, da najib. Sai anisa, mamee, da kuma

ruky.

Hamir ne ke tuka motor domin shi ne yasan inda zai kaisu. A

wannan lokaci kowanensu cikin jin dadi yake sanadiyar tafiyar

dare ce zasuyi. To anan suka yanki titi sai tafiya ake ba

kakkautawa.

" Hahhhha. Sheri mamee har kin ban dariya." Haka ruky tace

sanadiyar wani labari da mamee ke bata.

" To idan kece ya zakiyi?" Mamee ta tambaya.

" Me zan yi kuma. Guduwa mana." Ruky ta bata amsa.

" Ai ko kin gudu zasu iya binki fa. Bakisan matsafa neba." Inji

mamee.

" Wai menene kuke tattaunawa haka sai dariya kukeyi?" Anisa

ta tambaya.

" Ai ina gaya miki kawata wannan yarinya ce mamee da

shegiyar karya. Wai labarin wasu ne takeban masu amfani da

jinin mutum." Inji ruky.

" Ke waya fada miki karyane. Duk abunda na fadi da gaskene."

Cewar mamee.

PAGE 15

" To nidai a dawo farko inaso naji farkon labari." Inji anisa.

" To yanxu idan abunda mamee ta fada ya zama gaskiya ya

kenan?" Hamir ya fada.

Anan suka kyalkyace da dariya su a ganin su ya za ayi wnan

abu ya faru. A haka suka cigaba da tafiya suna ratsa

dazuzzuka a guje. To suna cikin tafiyar ne sai hamir ya faka

motar.

" Wai menene ya faru?" Najib ya tambaya dama shine a gaba

kusa dashi.

" Zan dan yi larurane, fitsarin ne ya matseni." Anan hamir ya

fita ya bar su a cikin motar. Su kuwa sai suka cigaba da firarsu

kafin ya dawo.

" Wai hala wane wurine zai kaimu?" Anisa ta tambaya.

" Tab, wai kema bai fada maki ba kike nufi?" Najib ya fada.

" E mana. Tsamanina ya fada muku ai." Anisa ta bashi amsa.

" Kada ku damu inaga baxai wuce club ba." Cewar safyan.

" Amma fa yakamata ace ya dawo yanzu. Bari na fita na duba."

Anan safyan ya fito cikin motar yana kiransa amma ko

alamarsa babu. Saboda tsananin duhu dakyar ya dawo cikin

motar ya dauki yar karamar torch-light. Anan ya fara tafiya

yana haskawa amma ba hamir ba alamarsa.

" Inaga fa akwai matsala kada fa ace hamir ya bata." Cewar

ruky.

" Hahahha. Kufa mata tsoro fa ya muku yawa. Wai bata. Hala

an fada muku shi mace ne da za a saceshi." Najib ya bata

amsa.

" To kufa kada muyi zaune a nan wani abu ya samemu. Ni har

na fara jin tsoro." Inji mamee cikin wasa.

Anan suka kyalkyace da dariya suna kallonta. " Ashe dama kina

tsoron tafiyar dare?" Najib ya tambaya.

" E mana. Idan muka haddu da mayyun jini fa." Mamee ta fada

cikin kashe idanu.

" Wannan labari fa ba da gaske bane. Wai kun taba ganin inda

mutum yaci mutum?" Najib ya kara tambaya.

" Au dama baka sani ba. To sau nawa akayi. Na taba jin labarin

wani gida dake cikin......"

To kafin mamee ta iyar da maganar sai sukaga safyan ya shigo

gigice. Anan suka fara kallonsa a tsorace. " Lafiya kuwa. To ina

hamir din." Anisa ta tambaya.

PAGE 16

" Kai. Ku bani makullin mota. Ni bazan xauna a nan ba. Yanzu

gida zan wuce. Ku bani makullin motar na tuka." Anan ya mike

da nufin komawa gaba. Su kuwa su anisa sai suka rikeshi suna

tsammanin ko ya zautu ne. Kubce kubce yayi tayi domin su

barshi ya tafiyarsa amma sukaki.

" Ku sakeni in tafiyata. Ni bazan mutu a nan ba. Bazan mutu a

cikin wannan tafiya ba." haka safyan ke fada yana fisge fisge

su kuwa suka rikeshi gam. To bayan yaga bazasu sakeshi ba

sai ya fara zub da hawaye.

" Haba safyan, wai wannan kuka fa. Yanxu dai ka fada mana

wai meke faruwane?" Anisa ta tambaya.

" Nasan zakuga kamar na haukace ko? To da hankalina. Kuma

duk abunda nake ina sane. Idan har kunaso mu rayu to dole

mu bar wannan wuri yanxu idan ba haka ba to nan bada

jimawa ba zamu zama gawawwaki." Cewar safyan.

To anan hankalinsau ya tashi gaba daya. Kowanensu ido ya

fito sai kace mazuru. " To yanzu sai ka fada muna menene ka

gani kuma ina hamir yake?" Anisa ta tambaya.

" Hamir ya yaudaremu. Ya cucemu. Ni dana sani da ban

bijirewa iyayena ba. Dana sani da banyi tafiyar dare irin wannan

ba. Yanxu shi kenan haka zamu mutu." Anan safyan ya cigaba

da kukansa. Ba yadda basuyi dashi ba ya fada musu kome ya

gani amma ya kasa.

" Tunda bazaka fadaba ni bari na fita na gani." Inji anisat. Anan

taja ganbun motar da nufin budewa. Ai kuwa kafin ta bude

kawai sai taji saukar gatari akan ganbun. Anan tayi wani ihu ta

kulle ganbun.

" Wayyo Allah. Gasunan fa." Inji safyan a tsorace. Anan suka

farajin sara ta koina. Cikin karfin hali najib ya kunna motar da

karfi ya wani juyawa kafin kaceme ya fizgi daji. Ai kuwa sai

motar ta kubce, shi kuwa ya kasa controlling dinta. Daga nan

sai suka fara ihu ganin mutuwa a fili. Sai da motar tayi tafiya

mai nisa kafin ta bugi wani icce. Daganan saita tsaya hayaki

sai fita yake. Cikin sauri su anisa suka fito sai tari suke da

sheshsheka. A wannan lokaci kowanensu ya tsorata sosai

domin basuyi tsammanin cewa zasu rayu ba.

PAGE 17

" To yanxu meye abunyi kenan?" Mamee ta tambaya.

" Bako shakka dole mu bar wannan daji yanzu idan har munaso

mu rayu." Cewar ruky.

" To amma su waye wadannan dake son kashemu?" Najib ya

fada.

" Wannan itace amsar daya kamata mu gano." Inji anisa.

Haka suka cigaba da tattaunawa ta yadda zasubar wurin amma

ba wani nagartaccen tsari da suka hango. Ba yadda basuyi ba

motar ta tashi amma taki. A haka suka hankura domin sun san

cewa sun kawo kansu ga mahalaka. Suna cikin hakane sai

suka farajin gudun wasu mutane kamar sun nufosu. Ai kuwa su

anisa najin haka sai suka rantama a guje. Kowanensu sai gudu

yake kamar ransa zai fita. Sai da sukayi gudu mai nisa kafin su

tsaya sanadiyar sunji kamar an daina binsu. To anan suka fara

tafiya suna waige waige. Kai daganin tafiyarsu kasan sun gaji

mutuka. Amma saboda tsoro haka suka daure kamar basa

gajiya sai shiga suke a cikin dajin.

" Nifa na gaji. Gaskiya bazan iya tafiya ba." Anan ruky ya

zukunna tana sheshsheka. Ganin haka yasa kowanensu ya dan

gincira kusa ga itace domin su samu sarari. Can sai anisat ta

mike da sauri. Cikin fushi ta ci kwalar safyan.

" Ka fada mana menene ke faruwa damune. Su waye ke

kokarin kashemu. Kuma dazu daka fita me ka gani?"

Anan safyan ya fara nishi guda guda saboda matsar daya sha.

" Duk abunda mamee ta fadi gaskiya ne. Bako shakka hakane

batayi karya ba." Anan anisa ta sakeshi domin ya cigaba da

bayaninsa. " Bako shakka hamir yana daya daga cikin wadanda

muke zargi domin fitar danayi saina ganshi yana........" To kafin

ya iyar sai suka farajin halbin kibau. Ai kuwa cikin sauri suka

mike. Shi kuwa safyan kafin ya gyara sai yaji saukar kibiya a

bayansa. Anan yayi ihu ya fadi yana fizge fizge saboda zafin da

yakeji. Najib ne ya dauko shi daga nan sai suka cigaba da

gudun. Sai dai najib shine baya saboda daukar dayawa safyan.

A wannan lokaci sun san cewa da an kamasu to sunansu

gawa. Saboda haka suka takarkare wurin kariyar kansu.

PAGE 18

Sai da sukayi gudu iya ransu kafin su kawo wani wuri mai

ramuka da kwazazzabai. To anan suka boye a cikin wani

kungurmin rame. Sun dade a wurin ko matsi basayi kafin su

fara ganin wasu halittu suna isowa a wurin. Kai da gani kasan

su ake nema. Tufafin jikinsu bakake ne sai wasu muggan

makamai da suke rike dasu. Ba a ganin fuskarsu domin sun

rufeta da bakin kyalle. Abun mamaki kuma shine tafiyarsu

daban ce. Domin sunada mutukar sauri sai kace iska. Kai da

ganinsu dole ka girgiza saboda kasan a buge basa buguwa.

Anan su anisa suka sandare cikin rame ko shaida basa son yi

saboda tsoro. Sai da wadannan mutane suka zagaye wurin tsaf

basu gansu ba daga nan sai suka nufi wata hanya suka wuce.

To anan ne suka fito suna haki kamar ransu zai fita. Shi kuwa

najib a lokacin ya ajiye safyan a gefe sai zubar da hawaye

yake. Su anisa ne suka zo suna girgiza shi amma ko motsi

bayayi. A nan mamee taxo tana girgixa shi. " Haba safyan ka

tashi mana. Nasan ba zaka tafi ka barni ba. " A haka ta cigaba

da girgiza shi amma ina. Daga nan sai ruky ta tayar da ita

domin sun san cewa rai yayi halinsa. Mamee ta durkusa sai

zubar da hawaye take saboda rashin safyan.

" To yanzu haka zamu mutu kenan? Su waye wadanna

mutane? Kuma me yasa suke son kashemu. Gaskiya bazai

yiwu ba, ni yanzu sai na gano ko su waye tare da daukar

fansa." Anan mamee ta nufi hanyar da suka fito. Ai kuwa

mikawarta keda wuya sai ga wadannan mutanen sun fito. Su

anisa na kiranta amma ina ko jinsu batayi. A haka wadannan

mutane suka kamata suka wuce da ita. Su anisa kuwa na ganin

haka suka runtuma basa ko juyawa. A haka suka ci gaba da

gudu cikin bakin ciki domin sun san cewa mamee sai dai Allah

yaji kanta. Yanzu sun koma su uku kenan: Anisa, ruky da najib.

Shi kuwa hamir ba duriyarsa tunda ya fita. Abunda basu sani

ba shine wai yasan halin da suke ciki kuwa. To idan ya sani ina

yake kuma me ya fitayi. Gashi dama safyan ne yaga wani abu

a tattare dashi kuma gashi ya kare balantana ya fada musu

abunda ya gani.

PAGE 19

A haka suka cigaba da gudu har saida suka iso wani katafaren

gida. To anan suka fara jin dadin domin a ganinsu zasu samu

taimako. Da karfi suka shigo gidan suna dube dube. Basuga

kowa ba inbanda wata mace kan kujera sai dubansu take.

Anan ta musu sannu da zuwa tare da zaunar dasu kan kujeru.

" Ki taimaka mana. Wasu ne keson kashemu gashi bamusan ko

su waye bane. Idan kinada waya ki bamu akwai wadanda zamu

kira." Najib ne ya fadi cikin sheshsheka. Anan matar ta kalleshi

cikin murmushi.

" Da ace zan iya taimaka muku..." Daga nan sai matar ta tashi

tsaye. Taku uku tayi daga nan saita juyo. Ai kuwa juyawarta

keda wuya sai sukaga ta rikida. Anan gaban anisa ya fadi

domin ba kowa ceba in banda kawarta zee. " Ke a ganinki zaki

iya tsere mana ko? To duk inda kikaje muna ganinki." Xee ta

fada tana kallon anisa. " Dama na fada miki cewa keda kanki

zaki kawo kanki har wurinmu. Ai kuwa gashi kinzo da kanki."

Anan tayi shiru saboda shigowar wani a gidan. Su anisa na

juyawa sai sukayi arba da hamir. Ba yadda basuyi ba domin su

tashi daga saman kujerar da suka zauna amma sun kasa. Zee

na ganin haka sai ta fashe da dariya." Ai kubar wahalar da

kanku domin idan zaku shekara a nan bazaku iya tserewa ba

sai yanda naso nayi daku." Daga nan saita kalli hamir. " Da

kyau hamir aikinka na kyau. Zo matso kusa gareni." Anan suka

fara sumbatar juna suna kyakkyata dariyar mugunta. Daga nan

sai hamir yazo kusa ga ruky. Wata yar karamar yuka ya dauko

daga nan sai ya fara dasasawa a makwogoronta. Ai kuwa nan

take jini ya baltsu. Shi da zee suka tara bakinsu sai sha suke.

Su kuwa anisa da najib sai zub da hawaye suke saboda

tausyawa ga yar uwarsu. Hardai najib yayi mutukar bakin ciki

domin shine ke sonta. " Nan bada jimawa ba za a gabatar daku

ga uban gidanmu." Inji zee. Daga nan sai aka kaisu wani daki

mai duhu aka kulle.

Anisa ce ta shiga cikin tunani, ko wane uban gida zee take

magana akai. Kada dai ace wannan macijin data gani an zana

a hannunta.

PAGE 20

Ba a wani dadewa ba saiga xee ta shigo dakin tare da wasu

samudawa. Da ganinsu anisa ta ganesu. Wato sune wadanda

suke binsu a lokacin da suke gudu cikin daji. To anan aka fito

dasu cikin gidan. Wadannan mutanen dake binsu sun tsayu sai

buga ganguna sukeyi. Anan aka ja su anisa sai tafiya akeyi

dasu kamar an koro shanu. Sai da akayi tafiya mai nisa sannan

aka kawo wani wuri cikin dokar daji. Anan aka kunna wuta. Su

kuma wadannan masu bakaken kayan sai suka fara zagayen

wutar suna fadin wasu kalamai da su anisa basajin abunda

suke fadi. Wasu kuma sai kada ganguna sukeyi.

Ana cikin hakane sai ga wani irin zabgegen maciji ya ratso ta

cikin jama a. Shi dai wannan maciji abun kallo ne domin

girmansa jikinsa yafi daki. Ai kuwa suna ganinsa sai suka

durkusa saboda girmamawa. Shi kuwa macijin sai wangame

baki yake tamkar an bude kofa. Anisa na ganin wannan maciji

sai ta tuno da zanen data gani a hannun zee. Bako shakka

wannan macijin ne suka zana.

Wasu samudawan ne suka janyo anisa da karfin tsiya. Anan

najib ya kura musu idanu yaga me zasuyi. Ai kuwa sai yaga sun

dukar da ita gaban macijin. Daga nan sai hamir ya dauko wani

takobi da nufin datse mata kai. To kafin ya iyar da nufinsa ne

najib yayi kukan kura ya zubar da mutanen dake rike dashi.

Wani naushi ne yama hamir sai da ya fadi rikicaa. Daga nan sai

ya tallabota da nufin su gudu. Kawai sai anisa taga jini na fita a

bakinsa. Anan ya saketa. Dubawar da anisa zatayi haka sai

taga ashe zee ce ta sokama najib takobi har sai da ta bullo ta

cikinsa. " Kada ki damu dani ki gudu. Ki gudu nace." Inji najib.

Anan najib ya fadi yana nishi dakyar. Ita kuwa anisa sai taci na

kare ai kuwa sauran jama ar sai suka rufa mata baya da nufin

su kasheta.

Daganan sai aka fara tsere. A wannan lokaci anisa da karfin

tsiya take gudu domin tasan da sun kamata to sunanta gawa.

Ba yadda basu yiba domin ganin sun cimmata amma taki. A

duk lokacin data waiga ta gansu sai ta kara kaimin gudu. Haka

ta cigaba da gudun har tabar dajin ta kawo bakin titi. Anan ta

hau titi ita kadai a cikin wannan dare sai gudu take. Gashi ba

mota ba kowa balantana ta koma gida. A haka ta cigaba da

gudu saman titi har saida wasu yan sanda masu patrol suka

risketa. Anan ta fada musu abunda ya faru. To bayan yan

sandan sunje wurin sai sukaga gidan ya bace bat ba a ganinsa.

Saboda haka dole suka dawo. Daga nan kuma sai suka taimaki

anisa tare da mayar da ita har gida........

PAGE 21

Dare mahutar bawa, idan lokacin ka yayi dole a tareka, dare

mahutar bawa, idan kazo dolene komi ya samu akasi. Dare

mahutar bawa, duk wanda bai zauna wuri daya ba to bayada

banbanci da matacce.

Wannan magana haka take ba tantama, nasan yanzu ka samu

nagartacciyar fahimta akan abunda nake nufi. Bako shakka

nayi dana sanin kin bin umarnin iyayena. Domin da ace nayi

abunda sukeso da irin hakan bata faruba. Ni kadaice na dawo

cikin mu shidda, sauran kuwa duk sun kare. Zee da hamir suna

raye. Saboda haka nasan wannan gwagwarmaya bata kareba.

Maita gaskiya ce. Kuma koina akan samu mayyu. Sai dai har

yanxu ba a san mafarinta ba, da kuma yadda ake gane masu

fama da ita ba

Ba kowane abokine na kwarai ba. Wani kanyi abota dakai

domin wani abu da yake bukata a wurinka. Wani kuma kanyi

abota dakai domin ya juya maka ra ayi. A duk lokacin dana

tuno rayuwar danayi a baya nakan yi nadama sosai domin

nasan tabargazar dana afka a baya. Bako shakka zama da

madaukin kanwa shi kasa gira tayi toho. Wannan magana haka

take. Domin mutum abun tsoro ne. Indai kana tare da mai

mugun hali to fa dakyar bai shafa ma ba. Ni na tabbatar da

wannan domin naga an shafa min. Ban taba tsammanin cewa

halina zai sauya ba. Amma sai gashi ina cikin wadanda ake

kwatance dasu akan aikata barna.

Nayi kuka sosai kuma nayi bakin ciki sosai amma ba yadda na

iya dole na hakura. Na rasa abokaina wadanda bazan taba

mantawa dasu ba. A hakan nayi nadama tare da yin abunda ya

kamata. Iyayena basu gujeni ba. Haka sauran kannena. Sun

rungume ni tare da share min hawaye. Babban abunda ke

damuna shine makiyana suna raye. Wato hamir da zee. Kuma

nasan kul a jima kul a dade sai sunyi kokarin yin wani abu a

gareni. Saboda haka saina zurfafa domin in gano hanyar da

zan kare kaina daga sharrin su. A yanxu na gama bincikena

kuma nasan abunda zanyi. Wannan farawa ce ba karshe ba to

amma me zai faru a karshen?

The story continues on the second version of the new

episode.......

TAFIYAR DARE 

MAYYUN JINI

AUTHOR: ABDUL KING ARTICLE

EPISODE 2

PAGE 22

A cikin duhun daren wata rana, wata mota kirar sienna ta

samu kanta a saman titi sai tafka wani namijin gudu take.

Mutum biyar na a cikin motar sai ihu suke saboda music dake

tashi duk ya cika musu kunne. Basu damu da hakan ba sai

faman nishadi suke suna fira.

Aswad da namil sune gaba. Sai nabilat,humairat, saudat a

baya. Kai da gani kasan sun yi tafiya mai nisa. Kuma yanzu

hakan suna kan hanyarsu ta zuwa wani gari domin yin al

amurran yau da kullum.

" Hahhh.Wai yaushe zamu isa ne?" Saudat ta fada cikin dariya.

" Hmmn, yan mata kenan. Ai inaga ko yanzu akwai awa goma

a gabanmu." Aswad ya bata amsa.

Anan sauran suka kyalkyace da dariya. " Haba aswad ai

wannan ba girmanka bane. Kana abu sai kace faisal." Nabilat

ta fada cikin wasa.

" Wai dama ke bakisan halinsa ba. Ai wannan kurun da kike

gani ba makaryaci kamarsa." Namil ya fada bayan ya dan doki

aswad a ciki.

" Yanzu ke dear har kin yarda da abunda yace. Ki rabu dashi

kawai ni zanyi maganinsa." Cewar aswad bayan ya rike sitari

gam saboda shigowar wasu ramukka. Hanyar ba kyau motar

sai gwaram gwaram takeyi. To bayan sun wuce gadar ne sai

fira ta koma sabuwa. Domin a wannan lokaci saida kowa ya

fadi albarkacin bakinsa harda humairat wadda ke latse latsen

waya. Suna cikin firar ne sai mota ta fara rage gudu.

" Ya naga haka wai lafiya kuwa?" Namil ya tambaya.

" Bazance mai neba domin munyi full tank tun a gida. " Aswad

ya fada yana dube dube.

Can sai motar ta tsaya cak wuri daya. Sa ar da suka samu

shine sunyi parking me kyau a gefen titi. To anan suka fito

cikin mamaki abunda yasa motarsu ta tsaya.

" To yanzu meye abunyi kenan?" Saudat ta tambaya.

" Kada ku damu bari na kara gwadawa ko zamu dace." Inji

Aswad. Anan ya shiga motar ba yadda bai yiba amma taki

tashi. Anan namil ya taimaka masa suka bincike motar tsaf

komi dai dai amma kuma taki tashi.

PAGE 23

" Amma fa wannan abu daban mamaki to wai meke faruwa da

motar nan ne. Gashi kuma harda full tank akayi." Nabilat ta

fada cikin rashin jin dadi

" Ai kedai bari. Ni yanzu haka wani abu nakeji. Mu kadai cikin

dokar daji sai kace mayyu." Humairat ta fada tana kalle kalle.

Ita kuwa saudat bata damu ba. Wayarta ma ta dauko wai

hotuna zatayi. " Kuzo muyi pic mana." Ta fada cikin yanga.

" Pic kuma? Lalle saudat kin haukace, ke yanzu bakya ganin

halin da muke ciki har kina maganar hoto." Namil ya fada cikin

takaici.

" Kai kuwa miye ruwanka a ciki. Ai ba da kai nake magana ba,

zaka iya bari sai idan na ambace ka." Saudat ta rama.

" E to zagarni tunda na fada miki gaskiya." Cewar namil.

" Aiko ban zageka ba kasan abunda kayi bai daceba. Shi yasa

akeson mutum yayi tunani kafin yayi magana. Mtssss. Aikin

banza kawai." Saudat ta fada cikin takaici.

Shi kuwa namil sai ya kyaleta bai tanka ba. Anan suka cigaba

da gyaran mota shida aswad ko zasu dace amma ina ba

abunda ya faru.

" Ni inaga me zai hana mu shiga cikin wannan dajin wata kila

ko zamu iya cimma gari idan yaso sai mu kira bakanike yazo

ya duba." Inji nabilat.

" Wannan tunani ne mai kyau. Inaga sai ku jiramu nan. Ni da

namil sai muje." Inji aswad.

" Aa, bazaku tafi ku barmu a cikin wannan daji mai ban tsoro

ba. To amma me zai hana muje tare.?" Inji saudat.

" To yayi ba matsala muje din." Inji aswad.

Anan suka raba titi suka shiga cikin dajin mai cike da dogayen

itatuwa sai furanni koina. Aswad da saudat su kadaine keda

torch-light. Daji ne iya daji mai ban tsoro. Koina ka duba sai

itace. A kasa kuwa ciyayi ne masu sarkako. Aswad shine

jagoran tafiyar sai namil a gefensa. Su kuwa yan matan sai

binsu suke kowace jiki na karkarwa kamar ace kyat su ruga.

PAGE 24

" Wai kuna ganin zamu iya cimma gari anan kuwa? Naga tafiya

muke amma ko alamar gona babu. Koina sai itace da

ramukka." Inji aswad.

" Gaskiya nima fa abunda nake gani kenan. Ai yanxu inaga

kamar munyi minti talatin muna tafiya ko." Cewar saudat.

" Miye minti talatin? Ai munfi. Mun dade fa a wurinnan."

Nabilat ta bata amsa.

" Ke dubi gabanki." Humairat ta tsawatar.

Ita kuwa saudat bata jiba sai firarta take. Ai kuwa kafin

kaceme sai tayi tuntube da wani kututturen icce. Sai da tayi yar

karamar kara kafin ta juya da nufin faduwa. Shi kuwa namil da

jin ihunta sai yayi sauri ya juyo. To kafin ta fadin ne yayi saurin

rikota.Anan ya tallabota har saida ta mike tsaye. " Wai,na kuru.

Nafa gode dan uwa." Cewar saudat.

" Kada ki damu saudat ba kome." Inji namil.

Anan saudat ta kalli humairat da nabilat. " Ku kuma da kuke

tumaki kuna ganin zan fadi amma a cikinku ba wadda zata iya

taimaka min." Injita.

" To miye ruwanmu a ciki. Ai naso ace kin fadi kin karkarye

muga yadda zakiyi." Cewar humairat.

" Iyeee. Ni ko?" Saudat ta tambaya.

" To idan akace kedin me zakiyi?" Nabilat ta fadi cikin wasa.

" Yanxu dai ya isa ko kuwa sai naci uban mutum ne?" Saudat ta

hasko musu fitila.

" Ahayye. Rassss." Tare suka fadi nabilat da humairat. Daga

nan sai suka taba hannu suna dariya.

" Shegiya ke har wani karfi ne dake. Dubarta. Yar ramamma ba

jiki sai tsangwama." Cewar humairat bayan ta kulle idonta

saboda hasken fitilar da aka hasko mata.

" Ji yadda take tafiya burtum burtum sai kace agwagwa. Wai

damu zatayi fada." Inji nabilat.

Anan dai sukayita tsangwamar saudat tun tana iya ramawa har

saida tayi shiru saboda abun yayi yawa. Su kuwa su aswad

saurare kawai suke suna dariya.

PAGE 25

Saboda wannan fira da suke sai da sukayi tafiya mai nisa ba

tare da sun sani ba. Duk da kasancewar dajin mai tsananin

duhu ne amma haka suke tafiya sai kace ba mutane ba. To

suna cikin tafiyar ne sai fitillun su suka fara billin bilin. Wato su

kawo su dauke. A wannan lokaci kuma suka fara jiyo ihun

wasu daga can nesa. Ai kuwa daga jin haka sai hankalinsu ya

tashi. Anan suka fara gudu domin ganin ko su waye. Sai da

sukayi gudu mai dan nisa kafin su kawo inda abun yake. To

anan suka labe bayan itatuwa suna ganin abunda ke wakana.

Wasu mutane ne masu kirar samudawa sanye da bakaken

kaya. Ba a ganin fuskarsu domin sun rufeta da bakin kyalle.

Kowanensu ya rike kwari da baka tare da sauran makamai

masu ban tsoro na dangin takubba. Wasu mutane ne suka

kamo su biyu mace da namiji sai ihu suke. A gaban idonsu

wadannan samudawan suka kashe macen da namijin. Daga

nan kuma sai suka ja gangar jikinsu suka wuce da ita wani

wuri. Bayan wucewar su keda wuya sai su aswad suka fito

daga maboyarsu a tsorace.

" Bako shakka dole mu bar wannan dajin. Domin wadannan

mutane da muka gani na taba jin labarinsu da dadewa. Sai

gashi kuma kaddara tasa munxo wurinsu. Kamar yadda naji

ance suna...."

To kafin nabilat ta iyar sai sukaji ihu a bayansu. To anan sukayi

cirko cirko suna tunanin abunyi. Ai kuwa sai ga wata mata a

guje tazo wurinsu. " Don Allah ku taimakeni. Kasheni zasuyi.

Gasunan tafe." Haka matar ke fadi tana kuka. To anan sukazo

wurinta suna lallashinta tare da tambayarta abunda ke faruwa.

Amma saboda tsoron daya dabaibayeta sai ta kasa bayani

iyaka dai abunda take fadi shine su taimaketa. Wannan abu ya

mutukar tayarwa su aswad hankali domin sai suka rasa abunyi.

" Gaskiya baxan iya zama a wannan wuri ba. Ni inaga kawai

mu koma bakin titi inda motarmu yafi mana sauki." Humairat

ta fadi cikin tsoro. Ai kuwa take ta nufi hanyar da suka fito wai

ta tafiyarta. Cikin sauri aswad ya jawo hannunta.

PAGE 26

" Wai kinada hankali kuwa? Hanyar da muka fito itace wannan

matar ta fito kuma tace sun biyota ne don su kasheta. To idan

kikaje kika tarar dasu fa. Ni inaga kawai mu manta da komi

muyita gudu har mu kure dajin mu gani ko zamu samu

taimako." Inji aswad.

" To ai ko yanzu bamu tsira ba. Domin hanyar da kakeso mubi

itace mukaga sun shiga tare da gawawwakin mace da namijin

da suka kashe." Inji Humairat.

To anan suka rude suka rasa abunyi. Gaba kura baya hayaki.

Wato idan sukaje gaba basu tsira domin zasu iya haduwa dasu

haka ma idan suka juya baya inda suka fito shima basu tsira

ba.

" Ni inaga kawai mubi shawarar humairat cewa mu koma inda

muka fito wurin motarmu. Inaga zamu iya bacci a can kafin

gobe da safe sai musan abunyi." Inji namil.

" Wannan gaskiya ne ina bayanka." Inji nabilat.

" Nima haka." Saudat ta fada

Daga nan sai suka amince cewa xasu koma ta hanyar da suka

fito saboda gudun kada su hadu da wadannn miyagu masu

kashe mutane. To anan suka juya tare suna tafiya da sauri cikin

tsoro ba mai yarda a barshi baya. Ita kuwa wannan matar da

suka gani sai tayi shiru ta cigaba da binsu. Ai kuwa basuyi wani

nisa ba suka farajin hargowa. Wasu kibiyoyi ne aka fara sako

musu cikin rashin tsammani. Ai kuwa sai kibiya ta shiga

wannan matar bakuwa. Anan tayi kara ta fadi. Su kuwa saura

suka runtuma baya a guje. Aswad kawaine ya tsaya taimakonta

shima da yaga abun yafi karfinsa dole yayi ta kansa. Gudu yake

suna binsa sai halbi kakeji ta koina. Yana cikin gudun ne yaji

karar matar. Anan yasa a ransa cewa sun kasheta. A haka

aswad yayi gudu iya karfinsa. Sai dakyar ya cimma abokansa.

To daga nan ne suka tsaya suna haki bayan sunji cewa kamar

an daina binsu.

" Wai yanzu meye abunyi kenan. Ku a ganinku haka zamu

cigaba da gudu da mun gansu kenan? Gaskiya inaga ya kamat

muyi fito na fito domin musan abunda suke nema a gunmu."

Cewar saudat.

" Bama shiba. Ya kamata musan ko su waye, kuma me yasa

suke kashe mutane, kuma idan sun kashe to me sukeyi da

sauran gangan jiki." Cewar namil.

PAGE 27

" Duk kunada gaskiya, amma maganar fito na fito dasu bata

tasoba domin sun fimu kome, da farko dai sun fimu yawa, ga

kuma makamai, to ya za ayi mu yaki wadannan. Ni a ganina

kawai mu cigaba da gudu har zuwa karshen wannan daji wata

kila ma samu taimako." Inji aswad.

" Da gaskiyarka aswad, wannan itace kawai mafita." Cewar

humairat.

" To amma yanzu me zai hana mu samu wuri a nan muyi bacci

zuwa gobe sai musan tayi." Cewar nabilat.

" Hmm, to ke in banda abunki ai yanzu ba wanda zai iya bacci

a cikinmu saboda wannan tashin hankali da muke ciki." Inji

aswad. " Inaga dai mu daure mu cigaba da gudun kafin su iso

nan." Ya kara fada.

Duk da kasancewarsu sun gaji, amma haka suka daure suna

tafiya da sauri don gudun wadannan mugaye masu farautar

mutane. Cikin wannan tafiya ne wani dan reshen bushiya ya

fado duum. Ai kuwa nan saudat ta ci taya sai da suka tarota

domin ita a zatonta sune suka kawo musu harin ba zata.

" Wayyo kafata, ni gaskiya na fara gajiya." Cewar nabilat bayan

ta zauna.

" Wai me kike nufi ne, ki tashi mana mu cigaba." Inji aswad.

" Kai mu hutu zamuyi, idan kana iyawa to ka tafi kai dai." Inji

humairta bayan itama ta zauna.

Ai kuwa nan suka yi zamansu suna nishi dakyar. Suna cikin

hutun ne bacci ya sacesu amma banda aswad domin yana

nesa dasu. Saidai duk abunda ke faruwa yana kallo. Kai da

ganin fuskarsa kasan yana cikin rashin jin dadi. To anan ya

tashi da nufin tayar dasu sai dai abunda ke damunsa shine

kishin dake busar da makwogoronsa. To anan ya fara shawara

ko ya tayar dasu ko kuwa ya fara samo ruwan da zaisha. Can

sai yaji kishin ya damesa. Saboda haka baiyi wata wata ba sai

ya fara bincike ko zai samu tafki a wurin. Sai da yayi tafiya mai

dan nisa kafin ya cimma magudanar ruwa masu tafiya. Anan

ya duka ya kwankwada har saida yayi hamdala. Mikewarsa

keda wuya sai ya fara jiyo ihun wasu. Ai kuwa a guje ya juya

domin ganin ko su waye.

PAGE 28

Cikin kankanin lokaci ya isa wurin daya bar su namil na bacci.

A mamakinsa baiga kowa ba. Anan ya tsorata, to kada dai ace

wadannan miyagun sun zo sun wuce dasu. Anan ya fara kiran

sunayensu daya bayan daya amma ba wanda ya amsa. Can

kuma sai ya cigaba da jin ihun. Daga nan ya runtuma a guje a

inda yakejin sautin na fitowa. Yana cikin gudun ne sai ya tarar

da wasu gungun miyagu sun farauto wasu mutane sai jansu

suke da kasa. Anan ya fara tafiya sannu sannu domin ganarma

idonsa. Kicibis sai yayi arba dasu namil. Wai ashe wannan ihu

da yakeji sune bayan da aka rutsa dasu suna bacci. To anan

aswad ya rasa abunda ke masa dadi. A buge dai wadannan

miyagu basu buguwa balantana shi ko makami bayada.

Cikin bakin ciki da rashin jin dadi ya cigaba da tafiyar sanda

yana binsu a hankali domin ganin inda zasu kaisu. Su kuwa su

namil sai faman kururuwa suke suna neman taimako. Haka

wadannn miyagu suka cigaba da jansu a kasa har saida suka

riski wani makeken gidan sama mai ban tsoro. Anan aswad ya

labe bayan itace har saida suka gama shiga gidan. Daga nan

sai ya lababo domin bude kofar amma gam ya kasa. Ba yadda

bai yi ba amma daya tura sai yaji kamar kara rufeta ake. A

haka ya hakura ya fara zagayen gidan ko zai samu hanyar

shiga. Ai kuwa cikin sa a ya dace domin wata katanyar

makwarara ce ya hango manne a kasan gina. Ba abunda ke

fitowa ciki in banda wani abu jawur. A haka ya kurawa

makwararar idanu yana tunanin ko menene ke fitowa ciki

jawur. Daga karshe dai sai ya fara tunanin cewa jini ne domin

jan yayi yawa.

Cikin makwararar ya shiga bayan ya durkusa. A haka ya cigaba

da tafiya a durkushe yana tsallake sassan jikin mutane. Wasu

har sun fara wari saboda dadewa. Ai kuwa sai banko jini akeyi

a ciki. Kafin kaceme kayansa sun koma jawur. Haka dai aswad

ya daure ya cigaba da tafiya har saida ya dau lokaci kafin ya

kawo karshen makwararar.

PAGE 29

Daga nan sai ya diro a cikin wani wangamemen daki. Ba kome

a ciki dakin in banda gawawwaki. Anan ya fara dube dube.

Wasu gawawwakin sun bushe. Wasu kuma danyu ne da gani

kasan ba a dade da kawasu ba. Wasu kuma a can gefe zigidir

ba mai ko kyalle a jiki. An hade maza da mata a wuri daya ba

kyaun gani. A haka dai aswad ya cigaba da kallon dakin yana

kallon abubuwan ban mamaki. Sai kuma sassan jikin mutane

dake sarkafe a gina. Irin su kai, hannaye, kafafuwa kai harda

cinyoyi. Sai kuma wani katon gatari a kusa ga makwararar. Kai

da gani kasan dashi ake ma mutane kisan gilla. Haka aswad ya

karema dakin kallo tsaf daga nan kuma sai ya nufi kofa da

nufin fita. Murda ganbun yayi a hankali da nufin budewa amma

sai yaga ko alamar girgizawa bai yi ba. Daga nan sai yasa

karfinsa amma duk a banza. Da dai yaga ganbun na shirin bata

masa lokaci sai ya dauko gatarin dake rataye saman gina.

Cikin karfi ya fara dibar ganbun ba sassauci. Ai kuwa yana cikin

hakane sai yaji tahowar wasu. Anan yayi jifa da gatarin. Daga

nan ya tube kayansa ya koma zindir. Cikin sauri ya shafama

kansa jini sannan yayi kwance cikin gawawwaki sai kace

matacce. Yana nan kwance ne sai yaga wasu mutum biyu sun

shigo mace dana namiji sun ajiye wasu gawawwaki. Daga nan

sai suka fara wata magana. To a mamakinsa ba hausa ce

sukeba. Wani yarene suke wanda bayaji. Anan ya kurawa

namijin idanu kamar ya sansa. Da karfi yayi magana. " Hamir!"

Ai kuwa sai namijin ya juyo inda yake kwance. To anan

hankalin aswad ya tashi don kada asirinsa ya tonu. Ita kuwa

maccen sai ta hanashi domin a ganinta ba kowa a wurin.

Saboda haka yaji dai kamar an kirasa ne. Daga nan sai namijin

ya fasa zuwa wurin gawawwakin. Iyaka ya bincika makwarara

daga nan suka tafiyarsu.

Shi kuwa aswad cikin sauri ya fito, anan yasa kayansa ya fita

dakin cike da mamaki wannan abu. Bako shakka yasan wannan

namijin. Abokinsa ne kuma dan makarantarsu. To amma kuma

ya akayi ya shigo wannan kungiya? Wannan itace amsar da

aswad ya kasa ba kansa.

PAGE 30

Tafiya yakeyi cikin tsoro da fargaba. Sai juye juye yakeyi domin

a ganinsa ana iya kawo masa hari ta ko ina. Gidan ya kasance

da lunguna masu ban tsoro. Haka dai ya cigaba da tafiya sako

sako kwana kwana amma baiga abokansa ba. Wannan abu ya

mutukar tayar masa da hankali wanda daga karshe sai ya fara

tunanin ko an kashesu. Yana cikin tafiyar ne sai yaji ana

magana cikin wani daki. To anan ya labe yana lekon ko su

waye a ciki. Idansa ya kafa a huduwar dake ganbun. Anan ya

ga abokinsa hamir da wannan matar da suka shigo dakin

gawawwaki tare. Wasu bokitayya ne cike da jini. Su kuwa su

hamir din sun tube kayansu sai wanka suke da jinin. Yana cikin

lekensu ne sai matar ta juyo. Anan sukayi ido hudu da aswad.

Ai kuwa bai yi wata wata ba ya watsa a guje.

Yana cikin gudun ne yaci karo da wata mata, a nan ya fadi

saida kansa ya bugi gina. Da sauri ya mike domin ganin ko

wacece. Ai kuwa yana ganinta sai ya ganeta domin itama yar

makarantarsu ce tare sukayi jami a. " Laaaa. Zee me kikeyi

anan? Kema sun kamoki ne?" Anan ya fadi saboda rashin

karfin jiki. " Ki taimake ni zee. Zasu kasheni."

Anan ita kuwa zee din ta tallaboshi. " Haba aswad ya kana

wannan magana. Kayi shiru kaji ba wanda zai taba min kai."

Anan ta rikoshi suka fara tafiya har saida suka iso wani daki.

Daga nan ta taimaka masa ta azashi saman wata kujera. A

wannan lokaci jikin aswad ba karfi ko kadan saboda wahalar

daya sha. Jikinsa duk tambo ne na jimuwar da yayi. Anan zee

ta zauna kusa dashi tana tabin fuskarsa. Daga nan kuma saita

rungumeshi cikin murmushi. Kasancewar aswad cikin rauni ko

kallonta baya iya yi. Hannu tasa da nufin kwance masa bell.

Sai dakyar ya samu ya tsayar da ita.

" Haba aswad ya kana haka. Nasan kafi kowa son wannan abu

da zamuyi." Inji zee.

" E amma banda yanzu." Cewar aswad.

Daga nan saita mike tsaye. Rigarta ta debe ta koma daga ita

sai wata yar shame wadda ta matseta sosai kana ganin kome

nata. Anan tayi tafiya ta rangwada domin ya gani. " Ina fatan

dai zakaso abunda ka gani. Kome na nan yadda ka barshi ba

abunda ya canza." Zee ta fada tana murmushi.

PAGE 31

Can sai ga hamir ya shigo dakin shi kadai. Ai kuwa aswad na

ganinsa sai ya mike yana tangadi. " Me ya kawoka nan. Macuci

azzalumi. Ashe dama kai dan kungiya ne." Haka aswad ke fadi

a lokacin daya tunkari hamir cikin fushi.

" Haba aswad ya kana fadar haka, ka kwantar da hankalinka ba

abunda zai faru." Anan ta jawo aswad saman kujerarsa.

Daga nan saita yiwa hamir wani signal da idanu. Ai kuwa yana

ganin haka sai ya fita. " Waike in tambayeki, hala me kikeyi a

cikin wannan gida na marassa imani? Aswad ya tambaya.

" Na marassa imani fa kace?" Cewar zee.

" E mana, ai naga abunda na gani. Kuma nasan cewa kema a

cikinsu ki...." To kafin ya iyar ne zee ta masa wani mugun bugu

fuska. A nan ya zube kasa sumamme. Daga nan saita jawoshi

ta kaishi wani karamin daki ta kulle.

Bayan kamar minti ashirin, sai ga zee ta dawo tare da hamir.

Anan suka bude dakin da aka kulle aswad amma a mamakinsu

ba kowa ciki. A nan suka fara dube dube amma ko alamunsa

basu gani ba. Juyowa sukayi da nufin su tafi. Ai kuwa

juyowarsu keda wuya sukuyi arba dashi a tsaye. Anan ya jawo

kawunansu ya buga da juna. Ai kuwa nan suka fadi sumammu

jini na fita ta hancinsu. Daga nan sai ya fita dakin a guje. A nan

ya nufi wani lungu mai tsananin duhu. Gashi bayada fitila

domin ya dade da jifa da ita tun a lokacin da aka biyosu.

Saboda haka sai ya fara tafiya a hankali don gudun kada yaci

karo da wani abu. Fitillun dake gidan basaci sosai. Wasu kuma

sun lalace sai dai su kawo su dauke. Haka dai aswad ya ci

gaba da tafiya cikin duhu yana lalube. Can sai ya farajin nishin

wani. A nan ya nufi inda yakejin sautin na fitowa. Ai kuwa yana

cikin tafiyar ne sai yaji gudun wasu samudawa sun nufo wurin

da yake. Cikin sauri ya boye kusa ga ganbun wani daki. To

bayan sun wucene sai ya shiga dakin dama a cikine yakejin

nishin na fitowa.

PAGE 32

Ai kuwa shigarsa keda wuya ya like hancinsa da hannuwa

saboda tsananin doyin da yakeji. Anan ya fara dube dube

amma baiga kowaba. Kuma baisan ko menene ke wari ba. Can

sai ya hango wani daki. To anan ya nufi ciki. Ai kuwa shigarsa

keda wuya sai ya tarar da kwarangwal na mutane ( skeleton)

tare da wasu gawawwaki duk sun rube. Dakyar ya samu ya

shiga har kuryar dakin. Ai kuwa shigarsa keda wuya sai ya tarar

da nabilat kwance tana nishi. Sun tube mata kaya ta koma

zigidir. Sai kuma bayanta duk an zaneshi da yuka. Anan aswad

yazo kusa da ita cikin tausayawa. Tallabota yayi yana

tambayarta inda akaje su namil amma bata iya magana.

Goyata yayi ya fito da ita dakin. Daga nan sai ya cigaba da

gudu yana bincikar inda aka aje sauran abokansa. To yana

cikin gudu ne sai ya hango wasu samudawa a gabansa.

Kowanensu sanye da bakaken kaya. Bako shakka kai da ganin

wadannan mutane dole ka girgiza domin tafiyarsu ma ta daban

ce. Anan ya juya baya da nufin tserewa kuma sai yaga wasu

irinsu.

Sun rike kwari da baka kai da gani kasan basada imani. Aswad

a tsorace yake domin yasan dasun iso gunsa to sunansa

gawa. Kawai sai ya hango wani daki a kusa dashi. Ai kuwa a

guje ya kutsa kai ciki. To kafin ya shiga ne wani daga cikin

miyagun ya halbo kibiya. Ai kuwa kai tsaye ta shiga bayan

nabilat. Sai da ta danyi wata kara daganan bata kara cewa

komi ba. To bayan ya shiga dakin ne sai yaga ashe hanya ce

doguwa irin wadda ya baro. Cikin sauri ya kutsa kai ciki sai

faman gudu yake. To bayan yayi tafiya mai nisa sai ya tsaya

domin yaga halin da nabilat take ciki. Anan yaga ta sandare ko

motsi batayi. Girgizata ya farayi amma ina rai yayi halinsa.

Anan ya rungumeta yana kuka cikin bakin ciki ya rasa babbar

abokiya tun suna yara. Ya dade zaune kusa gareta yana

jimami. Bayan wani lokaci kuma sai ya tashi ya nufi hanyarsa

yana tafiya dakyar. Haka ya cigaba da tafiya yana tangadi sai

kace wanda yasha giya. A wannan lokaci kome nasa ciwo

yake. Yana cikin tafiyar ne ya fadi galabaice ba tare da sanin

inda yake ba.

PAGE 33

A haka aswad ya kasance cikin wannan hali na suma ba tare

da sanin inda yakeba. Sai da aka dau lokaci mai tsawo kafin

surutun wasu miyagu ya tadashi. Cikin sauri ya tashi firgigit.

Labewa yayi cikin wata kwana mai duhu. Bayan sun wuce ne

sai ya fito yana bin bayansu domin yaga inda zasu. A haka ya

cigaba da tafiya yana binsu. Idan yaga zasu jiyo sai ya boye

don kada su ganshi. Sai da sukayi tafiya mai nisa duk a cikin

gidan kafin su shigo wani irin makeken daki. Duk mutanen

dake cikin dakin a tsaye suke suna sanye da kaya jajjaye masu

ban tsoro. Wani mutum ne yayi tsaye a tsakiyarsu sai wata

magana yake da wani yare. Kasancewar aswad baya jin abunda

suke fadi sai ya boye a cikin labule. Dakin gaba daya an

zagayeshi da jan labule ta ko ina. A haka aswad ya natsu yana

kallonsu domin yaga abunda ke gudana.

Yana cikin kallon ne sai yaga mutumin ya daina magana.

Daganan sai wasu mutum biyu suka shigo da wani namiji a

daure. Saman wani benchi aka daureshi tamau. Daga nan sai

mutumin ya dauko wata yuka. A gaban idonsa aka yanke

wannan mutumi. Yukace aka darara masa a wuya kamar

yadda ake yankan rago. Cikin kankanin lokaci jini ya kama

kwarara kamar fanfo. Anan mutumin wanda da gani kasan

shine shugaba ya dauko wata tasa ya tara yadda jinin zai zuba

a ciki. Shi kuwa mutumin da aka yanke sai ya kama fizge fizge

sai da wasu suka rikeshi. To bayan jinin ya gama zuba ciki sai

shugaban ya dauki tasar ya kafa kai. Sai da yasha sannan yaba

na kusa gareshi. A haka aka fara zagaye da wannan tasar. Idan

wannan yasha yaba wannan har saida kowa yasha. Shi kuwa

na karshe dasha sai ya ajiye tasar a kusa ga shugaban.

Anan aswad ya lura cewa mutanen maxa da mata ne. Shi

kuwa shugaban sai ya nuni tasar da yatsansa. A nan ya fara

fadin wasu dalassammai na tsafi. Ba a wani jimawa ba sai

yaga innuwar mutumin da aka kashe ta fito cikin tasar. Anan

shugaban ya kama innuwar ya turata cikin wata kwalba. Daga

nan sai ya rufe ya ajiye ta wani wuri cikin dakin. Can kuma sai

aka shigo da wata yarinya zigidir. Anan aka azata saman

benchin da aka kashe wannan mutumin na farko.

PAGE 34

Bayan an daureta tamau sai shugaban ya tube kayansa ya

koma zigidir. Anan ya fuskanceta da nufin keta mata haddi. Shi

kuwa aswad da karfi ya dago kansa domin ganin ko wacece

wannan yarinyar. Ai kuwa yana dubawa sai yaga ba kowa ceba

in banda humairat. Jikinta duk jini ne kai da gani kasan ta

galabaita. Anan ya fara tunanin meye abunyi kafin wannan

mugun mutumi ya iyar da nufinsa akanta. Wasu samudawa ne

sanye da bakaken kaya ko fuskarsu ba a gani saboda sun

rufeta da bakkin kyalle. Rike suke da muggan makamai sai

kaida komo kawai suke a cikin dakin domin tabbatar da tsaro.

Hankalin aswad ya mutukar tashi domin yasan idan suka

ganshi to karyarsa ta kare. Haka ya cigaba da wasi wasi sai

daga baya dubara ta fado masa.

Cikin sauri ya fito daga maboyarsa ya kalli shugaban. " Ni zanyi

duk abunda kukeso indai kunyi alkawari bazaku taba wannan

yarinyar ba."

Anan mutanen dake cikin dakin suka tsura masa ido ko

kyaftawa basayi. Daga nan sai shugaban ya fara magana da

wani yare yana kallonsa. Haka ya cigaba da maganar har saida

aswad yayi zaton cewa kamar bayajin hausa. Mutum biyu daga

cikin samudawan ne suka rikoshi. Anan suka gurfanar dashi

gaban shugaban. Daga nan sai suka dauko wani benci suka

axa shi sama. Basu daureshi ba iyaka dai sunyi tsaye gabansa

sai maxurai suke. Bako shakka aswad yayi wautar bayyana

kansa ga wadannan miyagu. Sai daga bayane wannan tunani

ya shiga kwakwalwsarsa.

Shi kuwa shugaban kai tsaye ya nufi wurin humairta da nufin

biyan bukatarsa. Aswad yayi kokarin tashi domin ya hanashi

amma sai suka rikeshi. Daya ya dafe kafafunsa dayan kuma

hannaye. A gaban idonsa wannan mutumi ya taka bencin a

inda humairat take. Take ya jawota a jikinsa. Ba yadda aswad

bai yiba domin ya hana wannan abu amma ina sunfi karfinsa

domin sun rikeshi gam. Yana kallo ana warwasawa amma ba

yadda ya iya. A haka ya fara zub da hawaye na bakin ciki

domin humairat itace yarinyarsa tun kafin suyi wannan tafiyar.

Sai kuma nabilat wadda itace babbar kawarsa tun suna yara.

PAGE 35

Saida aka dau lokaci ana warwasawa da humairtat ba

kakkautawa. Su kuwa sauran yan kungiya sai kallo suke domin

abun gwanin ban shawa ne a wurinsu. Ita kuwa humairat tanaji

sai dai bazata iya komeba domin a daure take tamau. Bayan

an gama ne sai shugaban ya dauko wata karamar yuka. Anan

yasa aka juya masa ita. A saman bayanta ya fara wasu zane

zane. Saboda radadin da takeji dole ta fara ihun wuya. Anan

aswad ya gane cewa irin wannan zanen da aka yiwa humairat

bako shakka shine ya gani ga bayan nabilat kafin ta mutu. To

kenan indai hakane itama sai da shugaban yayi amfani da ita

kafin ayi mata wadannan zanukkan. Bayan an gama zane

bayan humairat da yuka sai aka dauketa aka wuce da ita wani

wuri. Shi kuwa aswad sai suka daureshi tamau da kaca aka

barshi a nan. Yana kallo kowa ya fita dakin ya barshi a nan.

Ba a wani jimawa ba saiga zee ta shigo dakin. Cikin rangwada

ta shigo cike da murmushi sai taku take dai dai. " Kai a ganinka

ka samu nasara ne ko?" Daga nan saita fara kewayensa tana

masa kallon keta.

" Kai kyakkyawa ne" Ta fada a lokacin data karo bakinta domin

ta sumbaceshi. Ai kuwa da karfi ya tofa mata yawu. A nan taja

da baya tare dayin dariya. Halshenta ta janyo tana lashe yawun

daya tofa mata. Bata damu ba ko kadan da kazantar dake

tattare dasu ba. Wata karamar yuka ta dauko tana lasawa a

halshenta. Anan aswad ya kura mata idanu domin yaga ko

meye take shirin yi. Kusa ga kafafuwansa ta tsaya. Anan ta fara

soka masa yukar a hankali ga ciki. Datasa sai ta fitar, a duk

lokacin data fito da yukar sai yayi kara saboda tsananin zogin

da yakeji. Kafin kaceme jini ya fara kwararowa ga kasa. Ita

kuwa sai murmushin keta takeyi. Tana cikin yi masa wannan

lahani sai wani ya shigo dakin. Tana ganinsa saita tsaya.

Daga nan sai suka fara wata magana da wani yare. Aswad naji

amma bai san abunda suke fada ba. Daga nan kuma sai tayi

jifa da yukar tabi mutumin. Aswad na kallo suka fita dakin. To

anan ne ya fara tunanin abunyi kafin ta dawo. Domin yasan

idan ta dawo to lahanin da zata yi masa sai ya ninka na daxun.

PAGE 36

Yukar data jefar a kusa gareshi take. Sai dai matsalar itace ko

motsin kirki baya iya yi balantana ya tabuka wani abu. A haka

dai ya daure yana mike hannayensa ko zai iya daukar yukar.

Dama an ce mai nema na tare da samu ai kuwa cikin sa a ya

dauko yukar. Dakyar ya lankwasa ya yanke kacar dake

hannunsa na hagu. To kafin ya yanke na daman ne saiga zee

ta dawo. Shi kuma yana ganinta cikin sauri ya boye yukar a

jikinsa. Daga shigowarta ta kura masa idanu ko kyaftawa

batayi. Ai kuwa batayi wata wata ba ta afka masa sai

sumbatarsa take. Shi kuwa aswad dama yasan abunda ya

tanadar mata saboda haka bai damu ba sai ya bata hadin kai.

Saida suka dade suna sumbatar juna amma bata gano cewa

ya yanke kacar da aka daureshi da ita ba. A haka abu yayi

kamari zee sai nishi take, shi kuwa ya dada kankaneta a jikinsa

kamar da gaske. Suna cikin yini ya fito da yukar ya soka mata

a kirji.

Anan ta fadi tana kururuwa shi kuwa jini ya fallatso. Da sauri ya

yanke dayar kacar ta hannunsa na dama. Daga nan ya kara

soka mata yukar a dayan kirjin. Sannan ya tallabota ya daura

saman bencin da aka daureshi. Anan ya daureta tamau sannan

yayi tafiyarsa ya barta tana ihu. A guje ya fita dakin don gudun

kada wasu su shigo. Yana cikin gudun ne sai ya lura cewa inda

yake takawa akwai digon jini. Saboda haka sai ya yanke

shawarar bin sawun jinin domin yaga mai shi. Ai kuwa haka ya

cigaba da tafiya guda guda har saida yakai wani daki. Shigarsa

dakin keda wuya sai yayi arba da humairat tana nishi daya

bayan daya. Cikin sauri yazo wurinta duk jikinta ya rine da jini.

Sunkuyawa yayi kusa gareta yana zub da hawayen tausayawa.

Tana ganinsa sai tayi murmushi duk da cewa cikin ciwo take.

A nan ta jawo kansa har saida jikinsa ya hade da nata. " Ka

kulamin da kanka. " Haka ta fadi cikin kunnensa daga nan bata

kara cewa kome ba. Iyaka dai yaji kalmar shahada wadda

itace kalmarta ta karshe. Aswad yayi kuka sosai domin a cikin

ransa ba yarinyar da yakeda muradin aure irin humairat. Sai

kuma gashi ta tafi ta barshi. A haka ya rungumeta a jikinsa

yana kuka cike da tausayawa. Saida ya dau lokaci a hakan

kafin ya saketa ya fita dakin.

PAGE 37

A haka aswad ya fito dakin cikin jimamin rasa humairat. Tafiya

yake dakyar kai da gani kasan ya gaji sosai. To anan ne ya fara

bidar hanyar fita daga gidan domin a ganinsa namil da saudat

sun mutu. Gidan ya kasance katon gaske sai kace gari. A haka

aswad yayi ta kalwade amma ya kasa gane hanyar fita. Duk

inda ka duba lungu ne cike da dakuna birjik. Sai dan neman

duhun daya mamaye gidan gaba daya. Ga fitilllu amma basaci

sosai saboda haka mutum ba ko ina yake gani ba. Kuma

kasancewar lokacin a cikin darene. To sai duhun ya karama

gidan ban tsoro. Shi kuwa aswad sai tafiyarsa yake yana

tuntube da gawawwakin mutane. To yana cikin tafiyarne sai

yaji gudun wani kamar an biyo shi. Anan ya labe domin yaga ko

su waye. Ai kuwa suna wucewa ta wurinsa sai yaga wadannan

samudawan ne masu bakaken kaya suka biyo wani da nufin

kasheshi.

A guje ya bisu da nufin yin taimako. Koda ya cimmusu sai ya

tarar sun kama mutumin zasu sareshi. To kafin su aiwatar da

nufinsu ne ya taresu da fada. Gawawwakin mutane ya rinka

dauka yana dukansu dashi. Shi ma mutumin na ganin haka sai

ya samu damar kubcewa. To anan aka fara bata kashi tsakanin

wadannan miyagu dasu aswad. Saida suka dau lokaci suna

fadan kafin su samu damar kai mutum biyu kasa cikin su

goma. To da sukaga fadan ba mai karewa bane balantana

gashi sun fara gajiya. Cikin wayo suka runtuma a guje su kuwa

miyagun suka bisu. Ba inda wadannan miyagu basu duba ba

lungu lungu sako sako amma basu gansu ba. Saboda haka

suka juyo da nufin komawa.

Su kuwa su aswad sai suka fito daga maboyarsu. To anan

aswad ya gane cewa namil ne ashe dama bai mutu ba. Cikin

jin dadi suka yiwa juna barka tare da cigaba da binciken gidan

ko xasuga saudat.

" Amma fa naji dadin ganinka abokina, ina fatan dai ka gano

inda su nabilat suke?" Namil ya tambaya.

Anan aswad yayi shiru bai tanka ba.

" Lafiya kuwa ya naga kayi shiru?" Ya kara tambaya.

" Yanzu dai muje mu nemi saudat, domin nabilat da humairat

sai dai muyi musu addua." Cewar aswad.

PAGE 38

Anan namil ya done kansa cikin jimamin wannan magana.

Daga nan sai suka mike hanya suna tafiya suna juyawa don

tsoron kada a kawo musu harin ba zata. Sai da sukayi tafiya

mai dan nisa kafin su fara jiyo ihu a cikin wani daki. A hankali

suka bude dakin. Ai kuwa shigarsu keda wuya suka tarar da

saudat a daure saman kujera. Wani mutum ne fuskarsa a cabe

sai kace dodo. Da wasu dogayen hakora da yake fama dasu

marar kyan gani. Yankan sassan jikinta kawai yake da yuka

tana ihu. Mutumin na juyowa sai yayi arba dasu. Cikin sauri sai

ya dauko gatarinsa yayi cikinsu. Namil ne ya tare shi suka

kaceme da azababben fada. Shi kuwa aswad sai ya nufi wurin

saudat da nufin kwanceta.

Bako shakka mutumin yafi namil karfi nesa ba kusa ba amma

duk da hakan bai yarda an kaishi kasa ba. Wani takobi ne ya

dauko dake rataye a bangon dakin. Dashi yake kare harin

wannan mutumi mai siffar dodanni. Shi kuwa aswad yana

kwance saudat sai ya turata waje domin ta jirasu. Yana

dawowa sai yaga mutumin ya kai namil kasa yana neman

hallaka shi. Da sauri da dauko wata kwalba ya makama

mutumin da kai. Ai kuwa dole ya saki namil. Anan aswad ya

tallabo namil suka fita dakin. Fitarsu keda wuya sukaci karo da

miyagun sai nemansu suke. Shi kuwa namil baya iya gudu

domin akwai rauni a kafarsa. Haka dai aswad ya rika shi suka

cigaba da gudun su uku. Su kuwa miyagun sai halbo musu

kibiya suke.

Suna cikin gudun ne sai sukaji namil yayi wata kara. Anan suka

duba sai sukaga ashe yuka ce ya taka har ta huda kafarsa ta

fito. Ba yadda basu yiba su fitar da yukar amma suka kasa.

Gashi kuma yukar a kasa take idan ba a fito da itaba to bazai

iya tafiya ba.

" Ku tafiyarku wata kila ku tsira da ranku. Ku barni nan domin

nasan lokacina yazo." Haka namil ke fada yana zub da hawaye.

A wannan lokaci kuma miyagun sun kusa cimmusu. Duk da

hakan aswad bai saurari maganarsa ba. A haka yayita kokarin

fitar da yukar amma abu ya faskara. To anan ne suka kyaleshi

domin miyagun na gab da cimmusu.

PAGE 39

A guje suka shiga kwana sai kace motar da ba burki. Bayan

sunyi nisa kadan sai suka jiyo karar namil. Anan suka fara

zubar da hawaye domin sun san cewa an kashe shi. A haka

aswad da saudat suka cigaba da mugun gudu sai kace ransu

zai fita. Cikin gudun ne suka samu kansu cikin wani daki. Sai

wata katanyar makwarara lake a kasan dakin. Aswad yayi

mamakin ganin wannan makwarara domin tayi kamada wadda

ya shigo cikin gidan. Amma kuma yasan ba ita bace domin shi

wannan dakin ko alamar jini babu. Kamar an dade ba a yi

amfani dashi ba. Cikin makwararar aswad ya shige ita kuwa

saudat ta bishi a baya. A haka suka cigaba da tafiya har suka

samu damar fitowa daga gidan. To bayan sun diro ne sai suka

kalli juna cikin jin dadi suna mamaki har yanxu cikin darene

duk dadewar da sukayi a gidan.

Tsayuwa sukayi na dan lokaci suna ma gidan kallon tsaf. Wato

makeken gidan sama ne mai ban tsoro. Haka shima dajin cike

yake da dogayen itace sai furanni ko ina. To suna cikin

wannan dube duben ne sai sukaji motsi a bayansu. Dubawarsu

keda wuya sukaci karo da wadannan miyagun suna fitowa ta

makwararar da suka fito. Ai kuwa cikin karfi su aswad suka

ranta a guje ba sassauci. Gudu suke suna tsallake ramukka sai

kace doki. Saida suka dau lokaci suna gudun sannan suka fara

hango dishi dishin titi. To anan suka kara kaimin gudunsu

domin su cimma titi su gani ko xasu samu mota. Su kuwa

wadannan miyagu sun rufa musu baya sai halbinsu suke da

kibiya.

Cikin gudun ne saudat ta fada wani kwazazzaben rame mai

shegen zurfi. Anan aswad ya tsaya yana tunanin yadda xai

daukota ta. Ita kuwa sai ihu take domin tasan da sun zo wurin

to karyarta ta kare. Da sauri aswad ya katso bishiya mai dan

kwari. Anan ya tura mata, cikin sa a kuwa ta rike. A hankali ya

cigaba da jawota har saida ya fito da ita. To anan ya juya da

gudu da nufin ta biyoshi. Sai da ya dan yi nisa sai yaji tsit

kamar bata biyoshi ba. Ai kuwa yana juyowa sai yaga ashe

miyagun ne suka halbo mata kibiya har ta nutse a cikinta. Yayi

nufin ya taimaka mata amma dole ya fasa domin suna gab da

karasowa. A haka ya kyaketa suka isar da ita shi kuwa yayi ta

kansa.

PAGE 40

A wannan lokaci hasken alfijir ya fara fitowa. Haka aswad ya

cigaba da gudun har saida ya kawo bakin titi. Anan ya hango

wata yar karamar mota ta yan sanda. Hannunsa ya fara dagawa

yana nuni cewa su tsaya. To bayan motar ta tsaya ne sai yaga

ashe mace ce yar sanda ita kadai a ciki. Anan ta kalleshi

taganshi jina jina.

" Malam lafiya kuwa?" Ta tambaya.

" Ba lafiya ba. Don ALLAH ki tamikeni. Kasheni zasuyi."

" Su waye?" Ta tambaya.

Bai tsaya amsa mata ba iyaka ya bude motar ya shigo. " Muje

kawai zan miki bayani." Ya fada.

Anan ta tayar da motar tana dubansa cike da mamaki. " Hala

meye sunanka?"

" Aswad."

" Ni yar sanda ce kuma zan taimakeka idan har mun isa cikin

gari." Haka ta fada tana juya sitarin. " Kada ka damu sunana

anisa." Ta fada bayan ta kama hanyar fita daga cikin dajin.

A haka aswad ya samu damar tsira daga sharrin wadannan

miyagun mutane bayan ya hadu da anisa. Maita gaskiya ce.

Kuma koina akan samu mayyu. Sai dai har yanxu ba a san

mafarinta ba, da kuma yadda ake gane masu fama da ita ba.

Aswad ya tafi da zimmar cewa kul a jima kul a dade sai ya

fanshi kisan gillar da aka yiwa abokansa. Haka itama a anisa,

wannan dalili shine yasa ta yanke shawarar zama yar sanda

domin ta fadada bincike domin ganin bayan wadannan mayyu.

A duk lokacin daka tsinci kanka cikin daji, kada kayi

tsammanin cewa irin hakan bazai iya faruwa ba. Ka dauka

cewa fiye da hakan kan iya faruwa.

Wannan ba labari kawai neba. Gaskiyace, da gaske akwai

mayyu masu irin wannan dabi a can a wani gida. Gidan yana a

cikin daji. Sai dai har yanzu ba a san inda dajin yake ba

balantana a gano gidan. Aswad da anisa zasu hada kansu

domin ganin sun cika burinsu na ganin cewa wadannan mayyu

sun kare, to abun tambaya anan shine ta yaya zasu cika

wannan buri tare da daukar fansar kisan da aka yiwa

abokansu?

The story continues on the third version of the last

episode........

TAFIYAR DARE 

MAYYUN JINI

AUTHOR : ABDUL KING ARTICLE

EPISODE 3

PAGE 41

Ni anisa, a kullum idan nayi tunani nakan yi mamakin wannan

duniyar da muke ciki, yadda al amurra suka tabarbare ba mai

tausayi balantana hakuri. Na gano hakan ne sanadiyar wani

lamari dana gani ya faru akan idona. Wato hakuri shine

maganin zaman duniya. Saboda haka duk wanda bai yi hakuri

ba, to bazai ga hakuri ba. Talauci masifa ce, fitina ce kuma

bala i ne, wannan dalili shine yasa akace kowa ya tashi ya

nemi nasa ba don komi ba sai don kariya daga wannan masifa

ta talauci. Bari in fada maka wani labari na wata yarinya wadda

wanna masifa ta rashi ta faru akanta. Sanadiyar hakan yasa al

amurran rayuwarta suka lalace sabida kin yin hakurin da tayi.

Sunanta khadija, akan lakanceta da dije, haka ta kasance cikin

wannan sababi na talauci ita da iyayenta. Abbanta Dan shago

ne dashi sai kuma noma da yakeyi duk shekara. Wataran sukan

yini basusa hatsi a baka ba saboda masifar rashin da suka

tsinci kansu a ciki. Wannan rayuwa da khadija samu kanta a

ciki ya jefata halin kaka ni kayi. Wanda daga karshe ta kasa

jurewa da jarabawar da aka yi mata. Anan kuma ta fara dana

sanin abunda ta aikata.

Kafin dai muje ga labarin bari mu waiwayi abunda ya faru a

baya. Bako shakka na gama binciken da nake gudanarwa.

Kuma a yanzu hakan ina kan bakana na daukar fansar kisan

gillar da aka yiwa abokaina. Sai dai har yanxu akwai abunda

nakeso na tabbatar kafin na fara aikin. Zee da hamir sune

manyan makiyana. Amma da sannu zasu gane kuskurensu.

Kuma da sannu zasuyi dana sanin abunda suka aikata.

Yanzu bari muje ga labarin khadija da da kuma makasudin

faruwarsa. Tare da jin yadda muka kare da wadannan miyagun

makiya nawa masu farauntar mutane. A duk lokacin dana tuno

abunda ya faru nakan yi bakin ciki sosai. Amma duk lokacin

dana tuno abunda na shirya sai nayi dariya mai yawa. Nasan

cewa kul a jima kul a dade assiri zai tonu. Kuma karshen alewa

kasa. Haka kome nesan jifa kasa xata dawo.

Wata rana a cikin wani kauye...........

PAGE 42

" Wallahi ni umma yunwa nakeji."

" Haba dije, yanzu kiyi hakuri kije rafi sai ki debo mana ruwa.

Idan malam ya dawo maga abunda ya samo mana ko."

" To ni kullum sai na yini ba abunda naci, kuma abincin ko dadi

babu."

" Yanzu dai kiyi hakuri diyata ta kaina. Sheka maxa ki debo

mana ruwan."

Haka dije ta karbi tulun badon tasoba. Tafiya take tana gunguni

cikin takaici. " wani shegen tuwo kamar kanacin dussa. Da

wata banzar miya ko gishiri babu. Mtsss." Haka ta fada cikin

gunguni bayan ta kai kofar gida.

" Laaaa dije, dama yanzu nake cewa in biya miki sai gashi kin

fito, yanzu dai taka muje nasan rafin nan ya cika." Inji kawar

dije wato mairo.

A haka dai dije ta daure ta sakar mata dan guntun murmushi.

Daga nan sai suka kama hanyar zuwa rafi. Ita kuwa mairo ta

kasance mai surutu sosai. Tafiya suke sai zuba take ba sauki.

Tun dije tana iya amsawa har takai sai dai tace to. Sai da suka

kai bayan gari sannan suka iso rafin. Mutane maza da mata

kowa sai sha anin gabansa yake. Masu dibar ruwa nayi masu

wanki nayi. Wannan lokaci marecene sanya sanya domin

magrib ta gabato. Dije ta kasance kyakkyawa abun kallo,

saboda haka daga isowarsu duk samarin dake wurin suka tsura

mata ido kowa sai fadin albarkacin bakinsa yake. Ita kuwa dije

bata damu ba domin ta saba da irin wannan kallon da ake

mata. Kai da ganin tafiyarta kasan ba lafiya. Domin yinin yau

komi bata ciba tun da safe.

A cikin shagon nasu kome babu domin duk sun cinye abunda

ke ciki. Tun da safe abba ya fita nemo abunda zasuci amma

gashi har marece bai dawo ba. Dije ta kasance mai tarbiya,

ladabi ga kuma kunya. Sai kuma tarin ilimin addinin da take

dauke dashi.

Dakyar ta sunkuya tulunta a cikin ruwan. Ai kuwa tana janyowa

sai santsi ya kwasheta cikin ruwan. Ita kuwa mairo dama a

kusa gareta take. Cikin sauri ta ajiye tulunta ta shiga cikin

ruwan domin ceto dije. Anan ta tallabota tare da tulunta.

PAGE 43

" Sannu dije." Wasu yan mata da suka kewayeta suna mata

jaje. Can kuma sai ga gungun samari sun iso wurin.

" To ita ya jikin nata." Babba daga cikin samarin yayi magana.

" E to da sauki." Mairo ta amsa.

" To ALLAH tsare gaba." Ya kara fada.

A haka aka yita zuwa ana ma dije jaje. Ita kuwa kwance take

sai nishi take dai dai sabida ruwan da tasha. Bayan wani dan

lokaci ne mutane suka fara watsewa aka bar mairo da dije. Ita

kuwa mairo sai fita take mata dai dai domin ta farfado. Duhu

ya farayi a wurin sai kuma iskan dake hurawa mai shiga jiki.

Ita kuwa mairo sai karkarwa take tare da dube dube cikin

tsoro. Suna cikin wannan hali ne sai taga an hasko musu wani

haske. Anan mairo ta juya a mamakinta sai taga mota na xuwa

wurinsu. Tayi mamaki sosai da ganin motar domin a kauyen

nasu ko mai mashin babu. Ita kanta rabonta da taga mota an

fi shekara.

Anan ta kurawa motar idanu har ta iso wurinsu. Ita kuwa dije

sai ta fara farfadowa. To bayan motar ta iso gab dasu sai

sukaga wani mutumi ya fito daga ciki. Shigarsa ba irin ta

mutane bace domin kayan nasa dai abun tsoro ne. Haka siffar

jikinsa domin kirar samudawa ce dashi. Dije na ganinsa sai ta

tashi da karfi. Hannunsa ta kalla daga nan sai ta ja da baya.

Anan ta juya da nufin barin wurin.

" Ke baki dauki tulunki ba." Mairo ta fada amma ina dije bata

amsa ba sai tafiyarta kawai take. Anan ta dauko tulunan ta ba

dije nata daga nan suka fara sauri domin su bar wurin. Shi

kuwa mutumin sai ya bisu da kallo har suka bace masa da

gani.

" Dije yau naga abun mamaki." Mairo ta fada tana waige waige

ta gani in bai biyosu ba. " Wai ko kinga hannunsa?" Ta

tambaya.

" Hmm, ni ban taba ganin wanda aka yiwa zanen maciji ba a

hannu." Mairo ta fada cike da mamaki.

" Maciji fa kikace?" Dije ta tambaya.

" E mana, wai kina nufin bakiga hannunsa ba. Ai zanen maciji

ne aka yi masa a hannu kuma irin wannan zanen da baxai

goge ba har abada." Cewar mairo.

PAGE 44

" To kuwa indai hakane abunda na gani ya zama gaskiya." Inji

dije.

" Hala me kika gani?" Mairo ta tambaya.

Anan dije tayi shiru bata amsa ba. " Abunda nakeso dake shine

idan munje gida kada ki fadawa kowa abunda ya faru." Inji dije.

" Kada ki damu kawata an gama." Mairo ta fada.

Haka suka cigaba da tafiya har suka iso cikin gari. Daga nan

suka yi sallama kowa ya kama hanyar gida. Ai kuwa da shigar

dije a gida sai ta tarar dasu umma sunyi zaune zugum sai kace

wadanda aka yiwa mutuwa. Dan kanenta ne a kusa ga umma

ya gincira sai cizon baki yake sabida yunwa. Shi kuwa abba ya

debe hular sai zufa ke kwarara a jikinsa.

" Umma kada dai kicemin yauma ba a samo ba." Dije ta fada

bayan ta ajiye tulun.

Anan suka jiyo suna kallonta amma ba wanda ya tanka mata. "

Innalillahi wainna ilaihir raji un. Gaskiya ni na fara gajiya

wannan abu dame yayi kama. " Anan dije ta shiga dakinta sai

rusa kuka take. Tana cikin kukan ne abba ya shigo yana

lallashinta.

" Haba dije kiyi hakuri mana, shi rashi na Allah ne kuma samu

na Allah ne, kuma nasan Allan nan daya jarrabemu da wannan

rashi bai manta damu ba. Iyaka dai...."

" Iyake me?" Dije ta katseshi. " Kana zama da mutum kullum

babu. Ni nayi dana sanin kasancewa a cikin wannan gida. Da

ace mutum yana zabar inda yakeso da bazan yarda na fito ta

wannan zuri a ba." Haka dije ta fada cikin kuka.

Shi kuwa abba sai ya matso kusa gareta yana shafa gashin

kanta. " Haba diyata ya kina wannan magana. Sai kace wadda

bataje arabiya ba. Ni a ganina kome nufin Allah ne. Kuma Allah

yasan abunda yasa ya jarrabemu da wannan rashi. Tana iya

yiwuwa ya gwada mu ne ya gani ko zamu iya hakuri da masifar

da muke ciki. To kinga kuwa idan bamuyi hakuri ba bazai taba

yaye mana wannan masifa da muke ciki ba.

" Jarabawa? Ai wannan jarabawa tayi yawa kome hakurinka

dole ka gaji." Cewar dije.

" Haba dije kada kiyi sabo fa."

" To idan nayi sabo sai me?"

PAGE 45

Anan dije ta tashi da karfi. " Ni tafiyata zanyi bazan iya zama

cikin wannan talauci ba."

Shi kuwa abba sai yabita yana lallashinta. To anan ne umma ta

shigo da taji hayaniyar tayi yawa. " Haba dije yanzu idan kika

fita to ina zaki. Mu fane iyayenki kuma bakida wasu wadanda

suka fimu." Umma tace bayan ta riko hannunta.

" Ni bazan zauna bakin talaucin ku ya kasheni ba. Baci ba sha

Kullum haka."

" Kibar daga murya kada makwabta suji." Umma ta tsawatar.

" To idan sunji sai me? Ai abunda na fadi gaskiya ne ba karya

ba."

Anan dan kanenta ya sheko ya rungumeta. " Yaya kada ki tafi

ki barmu mu kadai a nan."

Anan dije tayi shiru tana duban kanenta daga nan kuma sai ta

koma dakinta tayi kwance ruf da ciki. A haka sukayi bacci

basuci kome ba cikin rashin jin dadi.

Tunda kulu kulun safiya umma ta farawa bugawa dije kofa

domin ta tashi. Cikin magagin bacci ta bude kofar sai hamma

takeyi. " Yaufa ki tashi akwai aiki a gidan nan. Yanzu nan koje

ya kawowa abbanki sadakar dawa tiya uku. "

" Laaa, dawa. Hehehehe." Anan dije ta fada jikin umma ta

kankaneta cikin murna. Tun bata wanke baki ba ta nufi dakin

umma a guje. Dawar ta dauko tiya uku ta fara durawa cikin

bakinta sai da umma ta jinye bokitin.

" Wai dije lafiyanki kuwa. Kinacin dawa danya idan ta halakaki

fa. Yanxu yi maza ki shirya akwai inda zan aikeki. "

Bayan dije ta kimtsa ne sai ta shiga dakin umma domin taji

sakon da zata bata. Bayan an mata bayanin abunda akeso tayi

sai ta fito daga gidan. Tafiya takeyi tana taku dai dai. Yau dai

fuskarta cike take da annuri ba kamar jiya ba. Wani lungu ne ta

shiga inda gidaje dai dai kune. Haka dije ta cigaba da shiga

lunguna lunguna tana dan wakenta na yan mata. Bayan tayi

tafiya mai nisa ne sai ta kawo gonar abba. Anan ta gyara

daurin kallabinta kada ya fadi.

PAGE 46

Ai kuwa tana kutsa kai ciki sai ta farajin nishi na fitowa a bayan

wata bukka. A hankali ta fara tafiya domin taga ko waye. Tana

kaiwa wurin sai ta tarar da mairo na fesa wani irin zawo. Da

karfi mairo ta mike tsaye saboda tsoro. Batasan lokacin fa

fitsari ya fara fita daga tsaye ba. " Shegiya dubi gabanki." Dije

ta tsawatar.

" Wai na manta." Cewar mairo bayan ta dauko zanenta.

" Ashe dama kece ke mana xawo tun da safe ko?" Dije ta

tambaya.

" Haba kawata yau fa dai ne. Kuma yau din ma matsiyata yayi."

Inji mairo cikin kunya.

" To meye kika zoyi nan?" Dije ta tambaya.

" Au, har kin manta cewa muna fitowa tsintar kara? Yanxu haka

fa girki ne za ayi shine aka tadani naxo tsintar karan." Mairo ta

fada. " Hmm, yar kawata kenan." Mairo ta fada bayan ta matso

kusa ga dije da nufin rike hannunta. Ai kuwa da karfi dije taja

da baya tana like hanci.

" Gaskiya wari kikeyi sosai, yanxu dai muje ga gulbi can ki

wanke wannan kazantar dake jikinki." Inji dije.

" Ni din ke wari?" Mairo ta tambaya.

" E mana, koda yake ance gwalo bayajin warin jikinsa." Dije ta

fadi cikin yanga.

" To yayi zan rama ai, yanxu dai muje gulbin ko bazaki rakani

ba?" Mairo ta fada cikin murmushi.

" Allah zance baxan jeba." Inji dije

" To yanzu dai kiyi hakuri muje." Mairo ta fada cikin wasa.

Haka suka cigaba da tafiya suna fira har suka kai bakin gulbin.

Da zuwa mairo ta nufi wurin da nufin shiga. Kafin ta kai sai taji

an katsa mata tsawa.

" Kai, uban waye ke lekena?"

Anan sukaga nana ta fito daga cikin gulbin wai ashe wanka

takeyi a ciki. Nana ba karamar shakiyiya ce a garin ba domin

har maza suna shayinta. Ta kasance katanya kakkarfa mai

siffar karfi. Anan ta fito daga cikin gulbin zigidir tana duban su

dije. " Wallahi ni zanci uban yaro. In banda iskanci me ya

kawoku nan ne?"

" Kiyi hakuri nana bamusan kina ciki ba." Mairo ta fada bayan ta

done kanta.

PAGE 47

Anan nana ta matso kusa dasu. Su kuwa kowane jikinsu sai dar

dar yake kada suji mazga. Sun san da cewa nana bata buguwa

a garesu. A wannan lokaci sun mata kallon tsaf. Bako shakka

nana ba karamar katanya bace. Damatstsan nan cike suke kai

kace yar dambe. Zanenta ta dauko ta yafa. " Wallahi kun kuru

yau banajin fada da sai naci ubanku. Shegu masu kan goriba."

Anan nana ta bangajesu ta wuce.

" Hmm, shegiyar ji tafiyarta. Kato kenan." Mairo ta fada cikin

karamar murya.

" Ke me kikace?" Nana ta juyo.

" Haba nana ai badake takeba. Wannna magana fa tsakaninmu

ne." Dije ta bata amsa.

" Au, kin kuru." Nana ta fada bayan ta cigaba da tafiyarta.

Bayan nana ta wucene sai mairo ta shiga gulbin. Anan ta

tsaftace kanta daga nan suka nufi wurin tsintar karan. Suna

gamawa suka nufi hanyar gida. To akan hanyarsu ne suka

gamu da ummar dije.

" Wai me ya tsayar dakene tun daxu?" Umma ta fada.

" Ba kome umma." Dije ta bata amsa.

" Tun daxu nakejin tsoro,akan hakan yasa nace dole naxo na

duba ko lafiya." Umma ta fada bayan sun fara tafiya tare.

A haka suka cigaba da tafiya suna fira su uku, sai da suka

kawo wata mararraba sannan suka rabu. Dije da mamarta suka

nufi hanyarsu daban itama mairo haka. A haka mairo ta cigaba

da tafiya ita kadai, kasancewar tun da safene ba kowa kake

gani a hanya ba. To anan hanya tabi da ita ta wannan rafin da

dije ta fada jiya. Ai kuwa tana kaiwa wurin sai ta tarar da wata

mota. Bayan ta kusa cimma motar ne sai taga wata mata ta

fito daga cikin motar ita kadai. Anan aka fara kallon kallo. Can

sai matar tayi magana ta kirata. Bayan mairo tazo wurin sai

matar ta fara bayyana mata ko ita wacece.

" Sunana anisat, ni yar sanda ce mai binciken manyan laifukka

kuma yanzu haka akwai abunda nake bincike a wannan kauye

naku saboda haka inaso ki bani hadin kai dari bisa dari." Anan

ta nuna mata ID card dinta. Ita kuwa mairo batasan ko meye ID

card ba iyaka dai ta karba tana kallon foton anisa dake ciki.

PAGE 48

" Wai ko kun taba yin bako a wannan gari naku?" Anisa ta

tambaya.

Anan mairo tayi dan tunani mai zurfi, cikin kankanin lokaci sai

ta tuno da mutumin da suka gani jiya a wurin rafi. Daga nan sai

ta amsa da cewa. "E kwarai kuwa."

" Ina fatan dai zaki iya bayyana min ko shi waye!" Anisa ta

fada.

Anan mairo ta fada mata wannan mutumin da suka gani jiya

wurin rafi tare da zanen dake hannunsa na maciji. Haka anisa

ta cigaba da yiwa mairo tambayoyi ita kuwa sai bata amsa

take. Daga karshe sukayi sallama anisa kuwa sai ta dauko cake

ta bata. Mairo ta karba cikin mamaki domin tunda take bata

taba ganinsa ba. Da anisa ta fahimci hakan sai ta fada mata

cewa abinci ne. Haka anisa ta shiga motarta ta manta ta karbi

ID card dinta. Ita kuwa mairo a tsammaninta an batane kyauta.

Anan ta kama hanyar gida tana tafe tana tsalle tsalle.

Bayan magrib ne mairo ta kaiwa dije ziyara. Anan ta bayyana

mata yadda ta gamu da wannan yar sanda anisa. Da kuma

kyautar data bata na hotonta. Sai kuma dan cake din data

bata. Da karfi dije ta karbe cake din ta bantali dan kadan. Ai

kuwa tanajin dadi sai ta finciko shi iyakar hannunta. Daga nan

kuma saita amshe ID card din ta rataya a wuyanta kamar

sarka. Ita kuma mairo bata damu ba anan ta barta shi. Haka

sukayi sallama mairo ta koma gida.

Bayan sati daya da faruwar hakan, yar dawar da akaba su dije

sai ta kare. Sabida haka sai rayuwar da ta dawo. A kowane

lokaci dije kanyi bakin ciki sosai idan taga yadda rayuwarsu

take. Ba jin dadi balantana walwala. Saboda wannan dalili sai

ta yanke shawarar cewa bari ta gwada zuwa rafin nan wata kila

ko zata gamu da yar sandan nan. Idan ta gamu da ita ta mata

tambayoyi kila ta bata irin abunda taba mairo wato cake.

Da daddare ne amma ba sosai ba. Sai dije ta fita ita kadai da

nufin zuwa rafin nan. Haka ta kama hanya tafiya take da sauri

kai kace wadda aka yiwa busharar wani abu. A wannan lokaci

yunwa ke damunta sosai domin rabonta da abinci har ta

manta. Babban abunda yasa ta yanke wannan shawarar na

tafiya rafi shine ko wata kila ta dace ta gamu da wannan yar

sandan wato anisa.

PAGE 49

Idan ta gamu da ita wata kila ko tamata tambayoyi yadda tama

mairo. To idan aka yimata tambayoyin kila ta samu cake ko ta

rage yunwar dake damunta. A haka ta cigaba da tafiya ba

sassauci. Sabida tsabar yunwar dake damunta ko takalma bata

dauko ba. A kasa take tafiya bata damu ba. Bayan ta isa rafin

ne sai ta tsaya tana duban ruwa amma kowa babu. Wurin yayi

tsit sai kace makabarta. Anan dije ta duka cikin bakin ciki.

Cikinta ne ke wani murdawa saboda yunwa. Cikin rashin

tsammani sai taga an hasko mata haske. Tana dubawa sai

taga mota tafe wurinta. Anan dije ta mike cikin jin dadi domin

a zatonta yar sandan ce. Kaji wani abu, da takardar cake din

tazo.

Anan ta falfala da gudu saida sukayi gab da gab sannan ta

tsaya. Kawai sai taga namiji ya fito a ciki. Dubawarta keda

wuya sai taga ba kowa bane in banda wannan namijin da suka

fara gani a ranar da santsi ya kwasheta ta fada rafi. Anan ta

mika masa takardar dake hannunta na cake. Shi kuwa

mutumin yana karba sai yayi murmushi. A nan ya jawota inda

motarsa. Yana bude motar sai dije ta leka ciki. Ai kuwa a guje

ta shige ciki domin ba kome in banda abinci kala kala tare da

irin cake din da takeso. Kwance tayi ruf da ciki sai diba take

tana kaiwa baki. Abinka da sakarya batasan ko waye shi ba

iyaka dai daga ganisa ta shige motarsa. Koda yake ba laifinta

bane, tsananin yunwa ce ta jawo hakan.

Shi kuwa mutumin da ganin hakan sai ya tsaya cak yana

kallonta. Haka dije tayi cin hauka har saida tayi tatil. Daga nan

sai ta fito daga motar tana gyatsa. Fitowarta keda wuya sai

kunya ta kamata ganin mutumin na kallonta.

" Amma fa na gode sosai." Ta fada tana dubansa.

Shi kuwa murmushi yayi ba tare daya tanka ba. " Wai a wannan

gari kake?" Dije ta tambaya amma shiru bai tanka ba. " Ni

sunana dije kaifa?" Anan ya kara yin murmushi baice kome ba.

Anan dije ta fara tunani wai ko baya magana ne. Can sai taga

ya shiga motarsa. Anan ya juya ya nufi inda ya fito. Haka dije

tabi wannan mutumi da kallo har ya bace mata da gani. Ita

kuwa sai ta dawo gida cikin mamaki. Haka kuma taja bakinta

ta tsuke ba tare da fadawa kowa ba harda mairo da take

kawarta.

PAGE 50

A yau dije tayi bacci mai dadi domin tunbinta a cike yake. Taji

mutukar dadi na ganin wannan mutumi domin ya bata abunda

takeso.Iyaka dai abunda ke damunta shine wai kuwa yana

magana? To idan yana magana me yasa ya kyaleta a ranar. A

haka dai ta cigaba da tunanin cewa kila baya magana. Saboda

wannan abu daya faru sai dije ta maida rafi wurin zuwanta a

duk lokacin da takejin yunwa. Sai dai bata zuwa sai a cikin

dare domin mutumin a lokacin ake ganinsa. Bata fadawa kowa

halin da take ciki ba domin ganin take idan ta fadawa su umma

sukan iya hanata zuwa. A kan hakan ne ta tsuke bakinta ko

babbar kawarta mairo bata fadawa ba.

A duk lokacin da taje yakan bude mota ta shiga har sai tayi

tatil da abinci. Kuma a duk lokacin da tayi masa magana baya

amsawa sai dai murmushi. A kwana a tashi har suka fara

sabawa da juna. Wataran idan tazo yakan rungumeta yana

mata wasa amma kuma baya magana. Dije bata damu da duk

abunda zai mata ba in har zata cika cikinta. A wannan dalili

takan bashi hadin kai suyi wasansu daga nan kowa ya kama

gabansa.

Wata rana a cikin dare bayan dije ta iso wurin. A mamakinta

bata ganshi ba. Sai da tayi tsayin kusan minti talatin sai gashi

ya zo. Ai kuwa kai tsaye ta shiga motar. Shigarta keda wuya

sai ya kunna ya tayar. Dije tayi mamaki ko ina zai je da ita.

Taso ta tambayeshi amma data tuno baya magana sai ta tsuke

bakinta. Iyaka dai ta jawo kayan abinci sai kalaci take cikin jin

dadi. A duk lokacin da suka hado ido sai yayi mata murmushi

saboda hakan dije bata damu ba iyaka dai a tunaninta yana

yawon shakatawa ne da ita. Abu kamar wasa sai ga tafiya tayi

nisa har suka fita cikin garin dije bata ankara ba sai faman

shagali take da su cakes. Anan suka hau titi sai gudu yake a

tamanin. Sai da sukayi tafiya mai nisa sannan dije ta dawo

cikin hayyacinta. Anan ta gane cewa ba cikin garinsu ne ba.

Saman titi ne suke tafiya sai dazuzzuka masu ban tsoro dake

a gefen titin.

PAGE 51

Anan dije ta fara damunsa daya tsaya amma ina ko kallonta

bayayi. Tuki yake iya karfinsa. Ita kuwa sai ta fara ihu tana

bugunsa amma yakiji. Da dai taga bazata fita ba kawai sai ta

rike sitarin. Anan motar ta fara kalan keluwa sai da kyar ta

tsaya. Ai kuwa motar na tsayawa dije ta fito a guje. Anan tayi

arba da wasu mutane masu kirar samudawa. Kowanensu

sanye da bakaken kaya sun lullube fuskarsu da bakin kyalle.

Can sai ga mutumin shima ya fito. Dije na ganinsa sai ta sheko

ta rungumeshi a tsorace. Shi kuwa hannunsa yasa ya bugeta

can gefe. Anan taga an miko mishi takobi. Shi kuwa cikin sauri

ya nufota. Dije na ganin haka sai ta rantama a guje cikin dajin.

Su kuwa masu bakaken kayan sai suka dafa mata. Anan aka

fara tsere tsakanin dije da wadannan mutane. Sai halbota mata

kibiyoyi suke amma duk a banza domin bata samunta.

Suna cikin gudun ne sai suka tsaya wuri daya suna dube dube.

Wato dije ce ta bace musu da gani basusan inda ta shiga ba.

Sai da suka dade suna binciken wajen amma ko duriyarta

babu. Daga nan sai suka nufi wata hanya suka tafiyarsu. Can

sai ga dije ta fito. Ashe dama cikin wani rame ne ta shiga sai

ta sanya ganyayyaki a sama yadda ba kowa zai gane akwai

mutum a wurin ba. Cikin dajin ta kara shiga sai faman gudu

take tana mamakin irin wadannan mutane da kuma abunda

yasa sukeso su kasheta. Bako shakka akwai ban mamaki a

tattare dasu domin gudunsu daban yake da sauran mutane.

Idan suna gudu kai kace akan iska ne suke gudu.

Haka dije ta cigaba da gudun a cikin daji sai da tayi nisa

sannan ta tsaya tana haki. To anan ne ta kara duban dajin taga

irin bishiyoyin dake ciki. Wato dajin ya kasance wangameme

mai ban tsoro. Ko ina itace ne dogaye masu furanni. Haka dije

ta cigaba da tafiya tana sauri ko zata samu taimako. Sai da

tayi tafiya mai nisa amma ko kadangare bata hadu dashi ba.

To anan tsoro ya fara dabai bayeta domin duhun ya tsananta.

Dakyar take ganin inda take takawa.

PAGE 52

Dije tayi mutukar dana sanin kin yin hakuri halin gidansu na

talauci wanda ta tsinci kanta a ciki. Gashi yanxu ta jefa kanta

ga mahalaka. Babban abunda ke damunta shine can a gida ba

wanda yasan inda take balantana a kawo mata dauki. Tana

cikin tafiyar ne saita hango an kunna wuta a wani wuri. Da

sauri ta nufi wurin inda ta isko mace da namiji a zaune sai

firarsu suke. Tana isowa sai ta fara yi musu bayyani cewa su

taimaketa za a kasheta. To abunda ya bata mamaki shine

suma wadannan mutane basajin hausa kamar wancan

mutumin daya daukota. Wani yarene suke wanda batasan

kome suke fadi ba. Koda sukaga dije a galabaice ta zube kasa

sai nishi take dai dai. Sai macen ta tallabota tana mata fifita.

Dije najin suna magana amma batasan abunda suke fadi ba.

Anan suka kashe wutar dakeci. Ita kuwa macen na rike da dije

har saida suka kai wata yar bukka. A cikin bukkar an gyarata

sosai da kayan alatu. Anan ta kishingida dije saman gado sai

fita take mata. Ana cikin hakane sai ga wata mace ta shigo

bukkar. Anan ta kurawa dije idanu bata ko kyaftawa. Daga nan

kuma sai suka fara wata magana da wannna matar dakema

dije fita cikin wani yare. To bayan sun kare sai matar ta juya ta

fita. Haka shima namijin sai ya bita. Anan aka bar dije da mai

mata fita.

Bayan wani dan lokaci sai dije ta farfado. Hankalinta ya fara

dawowa. Anan ta kalli matar amma batace kome ba. Ita kuwa

matar sai murmushi take mata. To anan ne ta lura da zanen

macijin dake hannunta irin na wancan mutumin data hadu

dashi a rafi. Anan dije taja da baya a tsorace. Ita kuwa matar

na ganin haka saita rungumeta tana sumbatar ta. Tun dije na

kokarin ta kubce har takai ta tsaya wuri daya saboda abunda

takeji yana shiga. Anan ta mimmike kafafuwanta saman gado

sai wani nishi take. Ita kuwa matar sai matsar jikinta take duk

inda taga dama. Daga nan dije bata kara sanin abunda ya faru

ba.

PAGE 53

Firgigit ta farka. Anan ta ganta cikin wani daki mai duhu an

daure kafafuwanta da hannayenta. A mamakinta ba a cikin

bukka bane. Hasalima shi wannan daki kamar a cikin gida

yake, sai dai shi wannan wane gida ne kuma ya akayi tazo

nan? Anan dije ta rasa abunda ke mata dadi domin a halin

yanzu tana tsaka mai wuyar sani. Batasan inda takeba kuma

batasan abunda ke iya faruwa da ita ba. Bako shakka hakuri

shine maganin zaman duniya, duk wanda bai yi hakuri ba to

bazaiga hakuri ba. Wato da ace dije tayi hakurin talaucin da

suke ciki da irin hakan bai faru ba. Amma sai gashi kwadayinta

na son abun duniya ya kaita ya baro.

Bude dakin akayi a hankali. Can sai aka hasko mata fitila.

Tanaji sai taga an tallabota an azata saman kujera mai tayu.

Ita wannan kujera da an turata sai ta fara tafiya. Ai kuwa anan

aka fara tura dije saman kujerar sai ihu take tana neman

taimako. " Waye kai? Me kakeso a gareni?" Haka ta cigaba da

fadi amma ko jinta bayayi. Da sauri ya nufi wani lungu da ita.

Sai da yayi tafiya mai nisa sannan ya tsaya a kofar wani daki.

Anan dije ta tabbatar da cewa lallai yanzu a cikin wani gida ne

ba bukka ba. To amma ya akayi taxo gidan?

Bayan sun shiga dakin ne sai ta ga cewa ashe mutumin nan ne

wanda yayi sanadiyar shigowarta dajin. Anan ta kura masa ido

sai harararsa take. " Macuci azzalumi me kake shirin yi dani,

kuma nan inane ka kawoni." Haka dije ke fadi cikin bakin ciki

amma shi ko damuwa bai yiba iyaka kallonta jikinta yake yana

murmushi. Anan yazo yana shafa fuskarta a hankali. Yana cikin

hakane dije ta gatsa masa cizo. Sai da yayi kara sosai sannan

ya fadi. Ai kuwa tashinsa keda wuya ya gabza mata mari sai da

ta kife saman kujerar. Daga nan ya jawota ya aza saman

kujerar. Cikin fushi ya kara gabza mata wani marin. Daga nan

kuma sai ya dunkule hannu yana dukanta kamar bazai barta ba.

Fuskarta ya nunnuga sai da ya mata jina jina kafin ya fita dakin

cikin fushi. Anan yabar dije cikin rauni mai yawa jini sai tsiyaya

yakeyi. Kai da gani kasan taci wuya domin gaba daya fuskarta

ta canza ko ina sai jini ke fita.

PAGE 54

Haka dije taci gaba da zama a wannan daki sai nishi take dai

dai. Saida aka dau lokaci kawai sai ga matar nan data gamu

da ita cikin bukka ta shigo. Anan matar tazo kusa da ita.

Hannuta rike yake da wani karamin akwati. Cikin murmushi

matar taxo kusa ga dije. Daga nan saita bude akwatin ta dauko

wani kyalle. A hankali tabi fuskar dije tana shafe jinin dake

tsiyaya a fuskarta har saida ta tsanar da ita tsab. Tana

kammalawa sai ta fita. Fitarta keda wuya sai ga wannan

mutumin na farko ya shigo. Cike da murmushi ya shigo yana

duban ta. Anan dije ta done kai ko kallonsa batason yi. Shi

kuwa sai ya tallabo fuskarta ya kura mata ido. Can kuma sai ya

kyaleta. Wata yar karamar yukace ya fito daga jikinsa. A kirji ya

soka mata sai da tayi kara sannan ya fito da yukar. Anan ya

jawo yukar a gefen jikinta har saida ya keta mata riga yadda

ana ganin kome a fili.

Jifa yayi da yukar sai kallonta yake kai kace mussa taga nama.

Hannunsa ya dora saman jikinta sai shafawa yake ko ina. Kafin

kaceme sai ya jawota jikinsa. Ita kuwa dije ba yadda ta iya

domin a daure take. Da mutumin yaga kamar idan tana daure

bazai iya yin abunda yakeso ba sai ya dauko yukar ya

kwanceta. Anan dije ta kyaleshi sai da ya shagala yana

warwasawa kafin ta manna masa cizo a kunne. Ihu ya kurma

yana dukanta ita kuwa taki sakinsa. A haka suka fara mulmule

mulmule cikin dakin amma dije taki sakin kunnen saida ta

guntule shi. Daga nan saita tashi ta dauko kujerar nan mai

tayu. A kai tayita rafka masa har saida ya suma. Anan ta fita

dakin a guje ta barshi cikin jini.

Gudu take iyakar gudu amma ta kasa ganin karshen gidan

domin ko ina lungu ne. Tana cikin gudun ne saita jiyo ihun

wasu a cikin wani daki. Sai dai ba damar shiga domin wasu

samudawa ne rike da makamai a kofar dakin sai kai da komo

suke. Anan dije ta labe tana tunanin yadda za a yi ta shiga

dakin domin ganin ko su waye ke ihu. Can sai taji kamar an yi

magana a cikin dakin. Kawai sai samudawan suka shiga ciki

dama su biyune. Ita kuwa dije sai ta bisu jikinta na karkarwa.

PAGE 55

Labewa tayi bayan wata kujera tana duban abunda ke faruwa.

Wasu mata ne biyu aka sarkafe a gina jikinsu duk jini ne. Sai

wani mutumi mai siffar ban tsoro rike da gatari yana magana

da wadannan samudawan da suka shigo ciki. Wadannan mata

duka yan garinsu su dije ne. Dayar itace nana wadda suka

hadu da ita a gulbi tana wanka. Dayar kuwa abokiyar nana ce,

akan kirata da ladiyo. Anan mamaki ya kashe dije koya akayi

sukazo wannan gida? Tana kallo sai taga mutumin ya ajiye

gatarin yabi wadannan samudawa biyu suka fita tare. Fitarsu

keda wuya sai dije ta fito bayan kujerar ta nufi wurin su nana.

Ai kuwa nana na ganinta sai ta fara ihu a tsammaninta

mutumin ne ya dawo. " Kiyi shiru mana kada suji. Bari na

kwanceku." Inji dije.

Anan nana ta jiyo tana kallonta. " Dije, me ya kawoki nan?"

Nana ta tambaya." Yanzu ba lokaci bayani bari sai mun fita."

Dije ta bata amsa. Anan ta dauko gatari ta sare kacar da aka

dauresu da ita. Sai gasu sun fado kasa timmm. Saida yar

karamar kura ta tashi saboda nana mai jikice sosai. Ita kuwa

ladiyo ko motsi batayi saboda ta dade da suma. Anan nana ta

goyata. Ita kuwa dije sai ta dauki gatari ta jagoranci tafiyar.

Gudu sukeyi dakyar suna lalube a cikin duhu. Gidan ya kasance

katon gaske sai kace gari. Ga lunguna birjik. Dakuna kuwa ba a

magana domin ko ina sune hagu da dama.

Suna cikin gudun ne sai suka iso wani wuri da mutane sunyi

sahu sai tafiya suke suna waka. Dukkaninsu sun sanya kaya

jajjaye. Ba a jin abunda suke fadi cikin wakar domin wani

yarene suke fadi. Kayan da sukasa sun lullube dukkan jikinsu

yadda ba a ganin kome in banda fuskarsu. Anan su dije suka

labe suna kallon ikon ALLAH. Mutanen hade suke maza da

mata sai tafiya suke a cikin sahu. Shi kuwa shugaban tafiyar

shine a gaba yana jagorantarsu. Mutanen bari biyu ne. Rabi a

gefen dama rabi kuwa a hagu. Sai shugaba a can gaba. To a

tsakiyar wani irin makeken maciji ne wanda tsawonsa yafi a

kirga. Haka kuma fadinsa sai kace daki. Macijin na tafiya cikin

kasaita yana wangame baki.

PAGE 56

Anan dije ta gane cewa wannan macijin shine aka zanawa

wannan mutumin da ya kawota dajin. Kuma irinsa ne ta gani a

hannun wannan matar ta cikin bukka. To indai hakane kenan

wannan maciji alama ne na cewa kungiyarsu daya. Bayan

wadannan mutane sun wuce sai su dije suka bi wata hanya sai

faman gudu suke ba kakkautawa. Basuyi wani nisa ba sai nana

ta gaji. Anan ta ajiye ladiyo domin ta huta. Ita kuwa dije sai ta

kasa zama ta kasa tsayi. Iyaka taje ta dawo gabanta sai

faduwa yake. Kai da gani kasan a cikin tashin hankali take.

" Wai meye wannan abu? Ke bazaki zauna ba?" Nana ta

tambaya.

" Ai bazan iya kome ba a yanzu har sai mun fita daga wannan

gida." Dije ta bata amsa.

" To wai ke yama akayi kika shigo wannan bala i alhali bakya

yawo?" Nana ta tambayeta.

" Hmm. Da kenan. Yawo yanzu kam......" Anan dije tayi shiru

domin jin wata mata ta fito daga wani daki sai tafiya take

kwas kwas kwas. A haka matar tabi ta wurinsu ta wuce amma

bata gansu ba domin sun manne jikinsu a bango. Gashi kuwa

wurin tsananin duhu ne dashi. To bayan matar ta wucene sai

suka tashi suka nufi wata hanya. A wannan lokaci ba gudu

sukeyi ba. Sassarfa ce sukeyi domin sun fara gajiya da gudun.

Har dai nana da take da jiki baya bari ta motsa sosai.

" Gaskiya na gaji da goyon nan fa." Nana ta fada.

" Ki daure mana tun da bazamu yar da ita ba. Mucigaba da

zaga yawa watakila mu samu hanyar fita." Inji dije.

Suna cikin maganar sai ladiyo ta fara tari. Anan suka ajeta gefe

suna girgizata ko zata mike. Ai kuwa cikin sa a sai ta bude

idanu.

" Kai, meke faruwa ne?" Ladiyo ta tambaya.

" Yanzu dai ba wannan ba. Tashi mu cigaba da tafiya." Inji

nana.

"Hala ina su lami?" Ladiyo ta tambaya.

" Bamu sani ba. Amma mu bincika ko ma gansu." Nana ta kara

fada.

" Au, ashe baku kadai bane. Kunada yawa kenan?" Cewar dije.

" Ai su biyu kawaine bamu gani ba. Wato lami da rabi." Inji

nana.

" To me zai hana mu bincika ko zamu gansu?" Inji dije.

" Nima abunda nake shirin cewa kenan." Cewar nana.

PAGE 57

Anan suka tashi su uku sai faman sauri suke ba mai yarda a

barshi baya. Suna cikin tafiyar ne sai sukaji motsin wasu a

gabansu. Anan suka manne a gina suna jira suga ko su waye.

Can sai ga wasu samudawa sun tallabo wasu mata biyu akan

kafada. Matan ko motsi basayi kamar matattu. Bayan sun

wucene sai su dije sukabi bayansu domin suga ko su waye.

Haka suka cigaba da tafiya cikin sanda idan sukaga kamar

zasu juyo sai su labe. Cikin wani daki suka ajiye matan daga

nan suka fito suka tafiyarsu. Su kuwa su dije da karfi suka fada

cikin dakin. Cikin sa a suka tarar da wadanda suke nema wato

lami da rabi. Sai dai ita lami rai yayi halinsa domin har sun

yanke wasu sassa na jikinta. Anan nana ta fara kuka na

tausayawa zuwa ga abokiyarta. Su kuwa su dije sai faman

lallashinta suke. Sai da kyar suka ciyo kanta.

" Hamir ya cucemu, ya cucemu daya kawomu wannan gida."

Nana ta fadi cikin dana sani.

" Hamir kuma? Wai har yanzu baku daina wannan sana a taku

tabin maza ba? Kenan a can kuka hadu dashi." Dije tace tana

dubanta.

Anan nana tayi shiru batace uffan ba. Ita dai tasan abunda ta

aikata ita da kawayenta wanda shine yayi sanadiyar kawosu

wannan gida. Anan suka tallabo rabi sai fifita suke mata. Sai

da suka dau lokaci sunayi sannan hankalinta ya dawo jikinta.

Suna ganin ta mike sai suka nufi hanyar fita daga dakin. To

kafin su fita ne sai sukaji takun wani kamar yanason shigowa

ciki. Cikin sauri suka lallabe suna jiransa. Ai kuwa yana

shigowa suka yi masa taron dangi. Mai bugu nayi mai cizo

nayi har suka kaishi kasa. Anan suka fita dakin suka barshi

kwance cikin jini.

A wannan lokaci tafiya suke kamar wadanda aka yiwa charge

domin duk wanda suka hadu dashi to sai sun masa jina jina.

Sai dai idan sukaga mutanen nada yawa to sai su labe har sai

sun wuce. Amma daga mutum uku zuwa kasa duk wanda suka

hadu dashi to sai sun ji masa rauni. Haka suka cigaba da gudu

a cikin gidan amma ko alamar karshe basu gani ba. Duk inda

suka duba lungu ne. Haka kuma dakunan gidan sun kasance

daki cikin daki har ba adadi. Wannan abu kan mutukar rudasu

sai su rasa shin wai gaba sukeyi ko baya.

PAGE 58

Wani lungu ne suka shigo. Tafiya sukeyi amma kamar a cikin

ruwa suke tafiyar. Sai daga baya suka gane cewa jini ne ya cika

lungun gaba daya kamar anyi anbaliyar ruwa. Suna cikin tafiyar

ne sai suka fara jiyo karagin wani abu. Kai dagaji kasan wannan

abu zaiyi ban tsoro domin wani gurnani ne yake marar dadi.

Suna cikin tafiyar ne sai sukaji ladiyo na ihu. Anan ta fadi

kwance. Wani abune ya laulaye kafarta sai janta yake iyakar

karfinsa. Anan su dije suka kai mata dauki suna jawota amma

abun yaki sakinta. Saboda tsabar karfinsa ya janyeta. Anan

sukayi tsaye a tsorace kowane sai kalle kalle yake. Can sai

sukaji an jefo musu wani abu. Ai kuwa suna dubawa sai

sukaga sassan jikin ladiyo an yankata guntu guntu. Kai daban,

kafa daban. Kome daban. Ganin wannan abu ya mutukar

tsorata su. Ita kuwa dije batasan lokacin data yar da gatarin

data dauko ba. Anan suka juya baya da nufin gudu. Kafin suyi

nisa sai sukaji suma an laulaye kafafuwansu.

Anan aka fara jansu suna ihu sai faman rike gina suke. Ba

yadda basu yiba domin su tsira amma ina sai da abun ya

janyosu. Ai kuwa suna kawowa gab da abun sai dije ta gane

cewa wannan macijin ne da suka gani dazu shine ke jawosu

da halshensa. Anan ya wangame baki da nufin suna fadawa

yayi musu cin gyada. To kafin su kai ga bakin nasa ne dije ta

wankala ta dauko gatarin data yar, saida ta saita da bakin

shege ji kake kimissss. Anan macijin yayi kururuwa ya balla a

guje. Daga nan sai suka tashi suna nishin wuya. Wata hanya ce

suka nausa suna tafiya dakyar. Bayan sun dan yi nisa sai suka

kai ga wata katanyar kofa. Anan suka daga kai sama amma

basuga karshen tsawonta ba. Kofar ta kasance mai karfin

gaske domin karfe ne aka narka kafin ayita.

Ba yadda basu yiba domin ganin sun bude kofar amma gam

taki budewa. Saboda haka sai suka yanke shawarar su hau

samanta. Ai kuwa nan take suka dane dama tanada

matattakala. Sai da sukayi nisa saman kofar. Kadan ne babu su

kai ga karshe sai ga masu bakaken kaya sun iso wurin. Ko

wane rike yake da kwari da baka. Sun lullube fuskarsu da bakin

kyalle ba a ganin kome. Anan suka fara sakar musu ruwan

kibau su kuwa su dije sai suka kara kaimin saurinsu.

PAGE 59

Duk da kasancewar nana mai jikice amma haka ta takarkare

bata yarda an barta bayaba. Ita kuwa rabi a wannan lokaci ta

fara gajiya sai nishi take dakyar. Wasu daga cikin masu

bakaken kayan sai suka dane kofar suna bin sawun su dije. To

a wannan lokaci ne aka sako wata kibiya. Cikin rashin sa a ta

shige hannun rabi. Anan tayi kara ta saki kofar amma kafin ta

fado sai nana ta rike ta da hannu daya. Anan nana ta nuna

mata data daure su ci gaba. Can kuma sai aka kara sako mata

wata kibiya. A wannan lokaci fadowa kawai tayi domin kibiyar

ta huda wuyanta. Su dije na kallo amma ba yadda suka iya.

Haka suka tsallake suna jimamin rasa abokiyarsu. Anan suka

yo kasa sai taka matattakalar sukeyi har suka kawo kasa. Daga

nan suka diro. To bayan sun diro ne sai suka tabbatar da cewa

yanxu sun fito daga gidan. Anan suka fara gudu baji ba gani

kai kace mahaukata. Haka suma masu bakaken kaya suna

dirowa sai suka bisu a guje.

Sai da gudu yayi gudu sannan suka fara hango dishi dishin titi

tare da jin jiniyar motar yan sanda. Anan su dije suka kara

kaimin gudu domin su cimma motar yan sandan ko xasu samu

taimako. Gudu suke suna ihu ko yan sandan zasuji. Suna cikin

gudun ne sai sukaga wasu mutane sun diro saman itace a

gabansu. Mace da namiji ne idanuwansu sunyi wani baki

bakyan gani. Kuma a wannna lokaci ne masu bakaken kaya

suka cimmusu. Anan nana ta gane namijin. Shine saurayinta

hamir wanda yayi sanadiyar kawota wannan gida itada

abokanta.

" Ke a tsammaninki kinsha ko? To yanxu zakibi yan uwaki

dama suna can suna jiranki."

Anan ya bude hakoransa marar kyan gani yayi cikin su dije. To

kafin ya karasa ne sai sukaga ya fadi. Suna dubawa sai sukaga

yan sanda biyu mace da namiji ashe sune suka halbeshi. Dije

na kallon macen yar sandan saita ganeta. Itace anisa wadda

mairo ta bata labarinta. Kuma har ta karbe ID card dinta daga

hannun mairo. Anan anisa ta juya zuwa ga macen wato

abokiyar hamir.

" Sannunki zee, sai gashi yau mun kara hadewa. Kuma sai

gashi na kamaki a lokacin da nakeso." Inji anisa.

" To daga nan fa?" Zee ta tambaya.

" Sai zuwa lafira." Anan anisa ta bindige zee kasa.

PAGE 60

Su kuwa masu bakaken kaya na ganin haka sai suka rantama a

guje. Anan anisa da abokin aikinta suka rufa musu baya a guje.

Sai da su masu bakaken kayan gudunsu daban yake. Suna

gudu sai kace iska. Kafin kaceme sun ba su anisa tazara mai

yawa. Suna kaiwa ga gidan. Taba kofar kawai sukayi sai suka

bace bat ba a ganinsu. Haka shima gidan sai ya bace bat wurin

ya koma fili. Anan anisa ta fara cizon hannu domin wannan

shine abunda ya faru a lokacin da yan sanda suka taimaketa

bayan ta fito daga gidan. Yan sandan suna zuwa gidan sai

sukaga ya bace ba a ganinsa. Haka anisa ta dawo tare da

abokin aikinta wurin su dije. Anan dije ta bata ID card dinta tare

da fada mata yadda akayi ta sameshi da kuma labarinta.

" Kada ki damu dije. Xan taimakeku keda iyayenki. Daga yanzu

bazaku kara zama cikin wannan hali na talauci ba. Zan mayar

dake birni inda zaki samu ilimi na zamani wato boko keda

kanenki. Shi kuwa abbanki zansa a nema masa aiki mai tsoka."

Anan anisa tayi gyaran murya kafin ta cigaba. " Wannan namiji

da kike gani sunansa aswad. Abokin aikina ne. Kuma shima ya

taba shiga irin halin da kiki tsinci kanki. Ba shi kadai ba har ni

nan na taba fadawa ciki."

Haka suka cigaba da tafita suna hira har suka kawo bakin

motar. To kafin su shiga ne dije da nana suka kalli juna cikin

farin ciki. Daga nan sai suka shiga motar su anisa. A wannan

lokaci hasken safiya ya fara fitowa amma ba sosai ba. Aswad

ne ke tuka motar sai anisa kusa dashi. Dije da nana a baya.

Anan aswad ya mika ya nufi hanyar fita dajin.

Daga karshe dai anisa ta taimaki dije sosai itada iyayenta. Ta

basu gida a cikin birni. Shi kuma abba an samar mashi aikin

gwamnati. Dama yanada qualification na N C E aikine bai

samu ba. Dije da kanenta sun zama yan birni gadan gadan

domin a gidan anisa suka tare ita ke daukar dawainiyarsu.

Iyaka dai idan ta samu dama takan kaiwa abokanta na kauye

ziyara. Haka ta riki zumunci batayi watsi da su mairo ba. Da su

nana.

PAGE 61

Ni anisa, a kullum idan nayi tunani nakan yi mamakin wannan

duniyar da muke ciki, yadda al amurra suka tabarbare ba mai

tausayi balantana hakuri. Na gano hakan ne sanadiyar wannan

lamari dana gani ya faru akan idona. Wato hakuri shine

maganin zaman duniya. Saboda haka duk wanda bai yi hakuri

ba, to bazai ga hakuri ba. Talauci masifa ce, fitina ce kuma

bala i ne, wannan dalili shine yasa akace kowa ya tashi ya

nemi nasa ba don komi ba sai don kariya daga wannan masifa

ta talauci.

Wato da ace dije tayi hakurin talaucin data tsinci kanta a ciki.

To da bata shiga wannan masifa ba. Haka shima karuwanci

fitina ne. Domin da ace nana batabin maxa to bazata hadu da

hamir ba har ya kawota wannan gida na maita ba. Maita

gaskiya ce. Kuma koina akan samu mayyu. Sai dai har yanxu

ba a san mafarinta ba, da kuma yadda ake gane masu fama

da ita ba. Da gaske akwai wannan gida. Kuma ba abunda akeyi

a ciki in banda yankan mutane. Sai dai har yanxu ba wanda ke

iya cewa ga inda gidan yake saboda an asirceshi.

Zee da hamir sun mutu. Amma kuma shugabansu bai mutu ba.

Haka ma macijin da suke bautama yana raye. Kai in takaice

maka labari da yawa daga cikin mayyun suna raye. Kaga kenan

labari bai kare ba. Domin zasu cigaba da gudanar da miyagun

ayyukansu har abada. Wannan labari ba shirme bane gaskiya

ce. Kuma yakan iya faruwa gareka, gareki, ko kuma garemu.

Ka tsaya kayi tunani, ka hanga, kuma ka auna sai ka rubuta

abunda ka gani a cikin wannan labari idan ba kamshin gaskiya

a cikinsa. Sanina ne cewa duniya ta canza daga yadda muka

santa zuwa akasin haka. Duk abunda baka tsammamin ya faru

shi yake faruwa, kuma duk abunda kake ganin zai faru shine

baya faruwa. Addu a itace takobin mumini kuma duk wanda ya

riketa to bazai tabe ba har abada. ALLAH ka tsaremu, ka

karemu daga sharrin duk wani mugu na boye dana zahiri.

Ameen.

THE END

Based on the novel by abdul king article.