RUWAN SIRRI(CIGABAN GIDAN FATALWA)

RUWAN SIRRI

“cigaban gidan fatalwa”

= part ( 1 ) kashi na farko=

Dedicated to

Firdausi queen article

RECALL BACK……

A cikin littfin “GIDAN FATALWA” mun bayyana irin

gwagwarmayar da meenat tasha domin sanin mahaifiyarta ta

gaskiya, wanda hakan yasa ta tsinci littafin sihiri wanda a

cikinsa ne ta samu dukkan bayanan da take bukata, sai kuma

gidan fatalwa, wato gidan da aka turbude muhibbat mahaifiyar

meenat, wanda hakan yasa ruhinta ya tashi yana basu tsoro,

sannan kuma mun yi bayanin abunda yasa aunty balkisu ta

kashe muhibbat, daga nan kuma bayan bala in da suka hadu

dashi a gidan fatalwa mutane da yawa sun rasa ryokans.

A cikin haka ne meenat da daddy su kawai ne suka tsira tare

da fita gidan lafiya lau. Bafferh, ummi da aunty balkisu duk

suna a cikin gidan sakamakon wannan halittar data cinyesu,

wanda hakan yasa kaka zuwaira ta bayyana cewa basu mutu

ba, amma sai in an samo wasu ruwa wadanda ba a cikin

duniyar mutane suke ba, saboda haka meenat tayi shiri domin

samo wadannan ruwa, wato “RUWAN SIRRI”

THE BEGINNING OF RUWAN SIRRI

Bayan da kaka zuwaira ta karanta wannan littafin na sihiri, take

sai bacci ya kama meenat, anan wata guguwa mai karfi ta fito

ta dauke meenat ta wuce da ita sama domin kaita duniyar da

zata samo wadannan ruwa na sirri.

Bako shakka a cikin bacci take, saboda haka batasan abunda

ke faruwa da ita ba, haka wannan guguwa ta cigaba da tafiya

da ita har sai da ta iso wani wuri mai ban mamaki, ita dai

meenat batasan abunda ke faruwa ba, daga nan sai guguwar ta

ajiyeta a hankali, tana ajeta sai ta bace bat. Shi dai wannan

wuri gaba daya sahara ne wato koina yashine.

Wata yar karamar hayaniya taji wanda hakan yasa ta tashi

firgigit to daga nan sai ta ga wasu halittu masu ban mamaki a

gewaye da ita suna kallonta, su dai wadannan haliitu mutane

ne, sai dai yan guntaye, sannan kuma sunada manyan kunnuwa

haka idanunsu kwala kwala, halittarsu dai ta banbanta da ta

sauran mutane, to bayan meenat ta mike tsaye sai taga ta fisu

tsawo domin kowanensu a bakin cibiyarta yake tsayawa, a nan

meenat ta fara kallon wannan wuri tana mamakin ko ina ne.

Daganan sai taga mutanen na jayewa da alamar wani ya ratso

yana son zuwa wurinta, wani saurayi ne ta gani saman doki,

wasu dakaru na take masa baya, wani kallo ya mata cikin

natsuwa, daga nan sai dakarun suka diro mata, kafin kaceme

sun daureta, daga nan sai suka jata zuwa wani babban birni

nasu……

Written by

Abdul king article

To bayan wadannan halittun sun shiga da meenat cikin brnin

sai ta gane cewa lallai wannan birni nasu ya tsaru, su kuma

sauran jama ar garin sai faman kallonta sukeyi, ita dai meenat

abun ya daure mata kai domin bata taba ganin irin wadannan

halittu ba, cikin wani gidan yari aka daureta.

Ba a fi minti goma da yin haka ba kawai saiga wannan

saurayin da ta gani da farko yazo wurinta shi kadai, bayan ya

bude gidan yari take ya shiga ya zauna kusa da ita, tambayarta

ya fara yi.

Ke wacece? Daga ina kike?

Murmushi meenat tayi domin ganin takeyi in ba don tana

daure ba da hannu guda ma ya isa ta makeshi.

Hala meya dameka da sanin koni wacece!!! Ta fada.

Kiyi hattara yan mata domin kina magana da yarima lamras.

Inji wani badakare, cikin fushi meenat ta amsa to koda shine

sarkin ma gaba daya oho, anan wadannan dakaru suka fusata,

kafin kaceme sun zagayeta, to anan suka fara dukanta sai da

suka tabbatar da cewa bata iya ko motsawa daga nan sai

yaruma lamras ya bada umarni da akawo masa ita dakinsa.

Da daddare ne iyakar dare, mika ta fara yi tare da yin hamma,

kawai sai ta farka, anan ta ganta saman wani gado na kasaita,

dariya kawai taji an yi mata, dubawa tayi kawai sai taga ashe

yarima ne ke kallon surar jikinta, daga nan sai yayi wani tsalle

da nufin ya fado saman jikinta anan meenat tasa kafa ta maka

shi can gefen gina, ji kake guuumm, anan kansa ya bugi gina,

kawai sai yarima ya fadi sumamme.

Anan hankalin neenat ya tashi domin tasan idan dakaru suka

gani to bako shakka kashinta ya bushe, domin zasu iya kasheta

saboda haka sai ta dauko yarima ta aza saman cinyarta tana

masa fifita jo zai tashi, ana cikin haka sai ga wasu dakaru biyu

sun shigo dakin, to a tsammaninsu yarima lafiyarsa kalau irin

yadda suka ga meenat ta kankameshi a jikinta, anan suka fita

dama muradinsu su gani in lafiyarsa lau, bayan fitarsu keda

wuya sai meenat ta aza sa a gado ba tare da sanin abuda

zatayi ba, bayan wani dan lokaci sai taga yayi atishawa anan ta

sheko a guje batasan lokacin data rungumeshi ba saboda

murna. “wato kin aza na mutu ko?” inji yarima.

Bako shakka na aza ka mutu. Ta amsa

Anan yarima ya gyara murya tare da dubanta sama har kasa,

wato ki sani yake wannan yarinyar, tun da nake ban taba ganin

matar da naji ta kwanta min ba irinki, saboda haka me yasa

bazaki ban hadin kai ba muyi aure. Meenat dariya tayi tare da

dubansa, ka dubi surar jikinka ka dubi nawa, jika wani dan

cukul dakai, sai kace in hadiye, me zanyi da wanda nafi kome.

Wannan magana fa ta sosa ran yarima, anan ya fara tunani,

wato saboda tana ganin ta fini girman jiki dani da mutanena

shine take yimin yadda taga dama, to yayi zata gani. Juyawa

meenat tayi da nufun fita daga dakin, cikin sauri yarima ya

tsayar da ita, zan so kiyimin alfarma tada.

Wace alfarma juwa? Ta tambaya, idan bazaki damu ba zan so

ki zauna a wannan garin namu nasan bako shakka dole akwai

abunda ya kawoki wannan duniya tamu, domin ko kadan

bakida kamada irin mutanenmu. Anan meenat ta gyada kai

cikin alamun yarda, wani dadi ne ya lullube yarima domin

yasan irin makircin dazai kulla mata wanda zai sa ta soshi,

anan yarima yaja hannunta tare da nuna mata dakinta.

To bayan yarima ya koma dakinsa take wata dubara ta fado

masa saboda haka sai yayi shiri domin tafiya wurin wani

babban amininsa domin su tattauna wani muhimmin al amari,

su kadai suka san abunda suka tattauna a wannan haduwa

tasu ta musamman, daga nan dai sai yarima yayi shiri ya

dawo.

Tun da sanyin safiya yarima lamras yazo tadata, anan ya samu

sa a ba tare da bata lokaci ba ta tashi, anan ya mata umarni da

yanaso yakaita wurin babansa sarki domin ta gaida shi, haka

ko akayi, anan meenat ta amince ba tare da gardama ba, cikin

jin dadi yarima yaja hannunta suka fara tafiya fada, wannan

tafiya tasu daban mamaki, ita dai meenat ta kasance doguwa

kuma kyakkyawa abar kwatance, shima yariman kyakkyawa ne

sai dai yanayin jikinsa tare da na mutanensa duk yan kanana

ne, haka suka cigaba da tafiya, duk inda suka wuce sai kaga

ana kallon meenat domin gaba daya garin ba wanda yakai

tsawonta, haka kuma kirar jikinta daban yake dana matan

garin. To bayan sun isa fada, anan kallo ya koma sama, anan

kowa ya tashi tsaye yana kallonta hadda sarki domin basu

taba ganin irin wannan halittar ba, anan dakaru suka fito da

makaman yaki domin a tsammaninsu wani naman daji ne ya

kamo yarima.

To bayan fadar ta natsu, sai yarima ya tako har zuwa wurin

babansa wato sarkin garin, anan ya fara gabatar da meenat a

gaban kowa tare da bayyana musu inda suka tsinceta, anan

mamaki ya kama mutanen fadar gabaki daya.

Yake yan mata ko zaki bayyana mana ko a ina kike? Sarki ya

tambaya. E ranka ya dade, ni na fitone a wani wuri mai nisa

kuma nazo wannan gari naku domin bincikar wani abu mai

muhimmanci, inji meenat. Anan sarki yayi tabi har sau uku,

dakyau, amma zanso sanin ko wane irin abune wannan idan

yaso ko zan taimaka, cewar sarki. Ina godiya ranka ya dade sai

dai wannan abun mai muhimmancine, bazanso fadinsa a

gaban mutane ba.

Anan mutanen fada suka cika da mamaki, wannan ko wane irin

abune take bida? To bayan wani dan lokaci sai sarki ya jawo

yarima anan suka tattauna kus kus yadda bamai jinsu daga nan

sai akaba meenat umarni data koma masaukinta. To bayan

meenat ta fito daga cikin fadar bata tsaya koina ba sai a wani

wuri na shakatawa da aka killace, anan ta samu wuri ta zauna

tana kallon yadda tsuntsaye ke shawagi, anan wani tunani ya

fado mata na duniyarta inda ta baro, anan ta kalli sarkar dake

rataye ga wuyanta, maganar kaka zuwaira ce ta fado mata

inda take gaya mata cewa idan bada wannan sarkar ba to

bazaki iya dawowa a duniyarmu ba sai dai ki tabbata a can

saboda haka ki kula da wannan sarkar kada ki yarda ta

salwanta.

Kafadarta taji an taba wanda sanadiyar hakan yasa tunanin da

take ya yanke, juyowa tayi domin ganin ko waye anan taci karo

da yarima lamras, cikin annashuwa ya zauna kusa da ita, anan

ya dubeta yana mai cewa wai me yasa bazaki aminta daniba,

cikin dariya ta dubeshi tana mai cewa haba yarima hala ka

manta abunda da na gaya ma a baya, ka dubi jikinka ka dubi

jikina, nifa ba irin jinsinka bane, saboda haka ba yadda za ayi

ka samu abunda kakeso, anan ta tashi ta nufi masaukinta

tabar yariama cikin cizon yatsa, to duk abunnan dake faruwa

ashe sarki ya kulla, kuma shima ya gane cewa bako shakka

meenat bata son dansa, anan yazo ya dafa kafadar yarima,

haba dana kada ka damu, ai idan tasan wata batasan wata ba,

indai saboda girman jiki yasa bata kulaka, to cikin kwanaki

kadan zakaga ta dinga kulaka domin zamu sauya mata

kammani itama ta dawo yar karama irin jinsinmu, yarima najin

haka take ya bushe dariyar farin ciki, domin a wannan lokaci

ba yarinyar da yakeso irin meenat.

A cikin wannan dare meenat tayi shiri domin fita ko zata dace

da abunta fa fito nema wato “RUWAN SIIRRI” haka ta fito cikin

fada ta kama hanyar shiga cikin garin, anan ta cigaba da tafiya

tana waige waige, domin yanayin gidajen garin ba irin wadanda

ta saba gani bane haka ma yanayin al adun mutanen sun

banbanta da wadanda ta sani, tana cikin wannan tafiya bata

sani ba sai taci karo da wata yarinya, a wannan lokaci yarinyar

da dauko wasu kayayyaki a saman kanta, take wadannan kaya

suka zube gaba daya. Ke hala bakya gani dazaki bugeni??? Inji

yarinyar. Anan meenat ta duko kanta kasa domin ganin ko

meke faruwa, daga nan ne ta gane cewa ashe barna tayima

wannan yarinya. ” yan mata kiyi hakuri ban gani ba” inji meenat

Ba matsala na hakura. Inji yarinyar. To anan ne suka hada ido

da meenat, anan meenat ta gane cewa yarinyar ba karamar

kyakkyawa bace, to kafin su rabu meenat ta tambayi sunanta,

anan ta amsa mata da ( RUMAISA)

Haka meenat ta cigaba da yawace yawace amma bataga

wanda ya kamata ta tambaya game da wadannan ruwa ba,

saboda haka tayi hakuri ta dawo a cikin masarautar. A wannan

lokaci a gajiye take, saboda haka shigarta daki keda wuya sai

bacci ya saceta, to a cikin wannan darene sarki da yarima

lamras sukayi shiri domin gudanar da aikinsu ga meenat, cikin

taku suke tafiya har suka iso gaban dakin, a hankali suka bude

dakin daganan sai suka shigo, wata yar kwalba ce sarki ya fito

da ita, shi kuma yarima sai ya dauko wani dan karamin surunji,

anan yasa wannan surunji cikin kwalba, ko menene a cikin

kwalbar oho, to bayan yarima ya jawo ruwan kwalbar, take ya

nufi gadon meenat da nufin dura mata ruwan, isarsa keda

wuya sai meenat tayi wata irin atishawa mai karfi wadda tasa

hankalin yarima ya tashi domin a tsammaninsa ta farka, cikin

natsuwa ya zuba mata ruwan, sai ko a bakinta dalalalal, anan

yarima yayi dariya tare da sarki, cikin sauri suka fice dakin su

kadai sukasan sharrin da suka yimata

Tsunstsaye ne ke shawagi a sararin samaniya tare dayin kuka

irin nasu wanda sukadai suka san abinda suke cewa, wannan

shawagi da sukeyi shi zai tabbatar ma mutum cewa sun fito

neman abinci kamar yadda idan safiya ta waye ko wane

mahakuki zai tafi bidar abinda yaci, sai dai wannan shawagi da

sukeyi bana lafiya bane domin sun cika tagar dakin meenat da

koke koke, saboda wannan kokawa tasu yasa meenat ta tashi,

anan ta gane cewa wai safiya ta waye, su wadannan tsuntsaye

kome sukeso? Anan tadan yi tunani bayan kallon da tamusu.

Mika tayi tare da aje kafafuwanta a kasa da nufin tashi tsaye,

anan mamaki ya kasheta, siffar jikinta taga ta canza, anan ta

zo daf da madubi domin ganin ko meke faruwa da ita, wani

uban ihu ta gabza tare da faduwa kasa sumamma.

Haka meenat ta kasance cikin wannan yanayi na suma ba tare

data farfado ba, sai da ta dau lokaci mai tsawo kafin daga

bisani ta farka firgigit kamar an tada ita, to anan ne ta kara

kallon madubin dakin domin ganin siffar jikinta, hawayene ya

zubo a saman kumatunta, ita datake kyakkyawa doguwa

amma dubi yadda jikinta ya koma, saffar jikinta ta koma irin ta

mutanen garin, ta zama yar guntuwa, ga kwala kwalan idanu,

manyan kannuwa da kuma katon kai, anan meenat ta fara

tunani domin tasan wannan makircine aka yimata, amma ko

suwaye??? anan dai tayi shiru ba tare da sanin takamammiyar

amsar wannan tambaya ba. Tana cikin wannan tunani sai ga

yarima lamras ya shigo a dakin, laaaaaaaa. Cikin mamaki ya

fada, hala meke faruwa dakene? Ya fada cikin tausayawa,

anan meenat ta rasa amsar da zata bashi, hawayene suka kara

dilmiyowa a idanunta, anan yarima ya fahimci halin da take

ciki, saboda haka sai ya rungumeta yana lallashinta, abun ya

bashi mamaki domin yanzu tsawonsu guda da meenat, a fili ya

nuna kamar ya tausaya mata, gaskiya idan muka gano ko

wanene ya miki wannan aika aikar bako shakka zai fuskanci

hukunci mai tsanani. Ya fada. Amma a cikin zuciyarsa ko

kadan bayajin kome. Haka dai ya lallasheta daga baya kuma ya

jata domin suci abinci.

A wannan lokaci mutanen fadar sun cika da mamaki, koya

akayi meenat ta koma da irin siffarsu?? Haka dai suka cigaba

da kallonta cikin rudani da kuma alamar tambaya.

A kwana a tashi bata bar komeba, tun meenat na ganin

muninta a cikin wannan siffa har ta daina, amma tadau

alkawari kul a dade kul a jima sai ta gano musabbabin

sauyawar halittarta ta ainahi, wata rana meenat na tare da

yarima a cikin filin shakatawa na masarautar, kawai sai ya zo

da maganar soyayya, anan meenat tayi shiru kamar bata jishi

ba, murmushi yayi tukun, haba hasken idona, dakefa nake

magana amma kinyi shiru sai kace kurma, anan meenat ta dan

dago ta kalleshi batare da cewa komeba, to a wannan lokaci

duhu ya dan fara, daga nan sai wata daga cikin masu aikin

gidan ta dauko kwannan abinci ta ajiye a gaban su yarima,

anan meenat ta dago kai domin ta kallli ko wacece, anan ta

gane yarinyar, ” rumaisa” ce. Wannan yarinyar data buge cikin

rashin sani a kasuwa, anan meenat taga rumaisa na mata wani

kallo wanda batasan ma anarsa ba, ajiye abincin keda wuya

kawai sai sukaji karar mutane, anan sukaji garin ya bice da

ihun mutane, wannan ihu bana lafiya bane, cikin sauri suka

mike tsaye, anan yarima ya zare takobinsa, “inaji cewa kamar

an kawo mana hari” injishi, daganan sai ya fara gudu domin

zuwa kofar garin, haka itama meenat ta binshi domin ganin ko

meke faruwa, a guje rumaisa ta shige cikin masarautar domin

isar da sako cewa an kawoma garin yaki.

To bayan su meenat sun isa kofar garin, anan suka tarar da

gawawwakin mutane birjik, wasu irin tsuntsaye ne ke feshin

wuta ga mutanen garin, sai kuma wasu zaratan dakaru dake

can waje suna bugun kofar garin domin su samu damar

shigowa su ci garin da yaki.

Su kuma dakarun wannan gari na su yarima sai kokarin dafe

kofar garin sukeyi, ana cikin hakane saiga sarki qamar wato

baban yarima lamras, a bayansa wasu dakaru ne kimamin

mutum dubu, anan yayi wani ihu take da basu umarni, cikin

sauri suka fito da kwari da baka anan suka fara harbin

wadannan tsuntsaye, to a wannan lokaci kofar garin ta kusa

karyewa sanadiyar dukan da tasha, daga nan sai wadannan

dakaru dake kokarin shigowa wannan birni suka dauko tsame

(LADDER) wannan tsame nasu na karfe ne, anan suka azashi

saman katangar garin, take wasu daga cikinsu suka fara

hawansa domin shigowa garin, to anan ne dakarun sarki

qamar dake saman katangar suka fara halbinsu da kibau, to a

wannan lokaci ne meenat tayi wuf ta amshe takobin wani

badakare, anan tayi wani ihu wanda yasa duk dakarun suka jiyo

suna kallonta, a guje take, take ta nufi katangar garin, anan

mutane suka fara kallonta suna mamakin ko ina zata, wani

tsalle tayi daga nan ta tsallake katangar, anan mutane suka

cika da mamakin wannan jarumta tayi, to bayan ta fita garin

ne, anan ta fara yakar wadannan dakarun da suka kawo musu

hari, wannan yasa suma sauran dakarun garin sukayi koyi da

ita, anan suka fara fita garin domin tayata wannan yaki, a cikin

wadanda suka bita harda yarima lamras tare da babansa

qamar. To a wannan lokaci meenat ba karamar jarumta ta

nuna ba a haka yasa yarima lamras ya karajin sonta ya shiga

zuciyarsa, basu dau lokaci ba suka tarwatsa rundunar

wadannan mayakan da suka kawo musu hari, anan ne yarima

ya shego a guje ya rungume meenat, anan ta kankaneshi a

jikinta tana dariyar farin ciki, sarki qamar na ganin hakan sai

yayi murmushi, wani tunani ne ya zo masa a lokacin da yana

cin tashi kurciya, anan dakarun garin suka fara yimata karari

suna kiran sunanta cikin farin ciki. “MEENAT MEENAT

MEENAT”

Daga nan sai aka bude kofar garin domin su shigo ciki, anan

meenat ta fara tambayar yarima. Wai hala waye keda sa hannu

cikin wannan hari da aka kawo muku??

Anan yarima ya gyada kai, daga nan sai yace, gaskiya bazan

iya cewa ga kowanene ba. Domin wannan ba shine karo na

farko ba, an sha yimuna haka, amma muna ganin cewa wasu

makiyanmu ne masu son dukiyar birninmu. anan dai suka shige

birnin ba tare da furta komai ba.

Bayan sati daya da faruwar hakan, wata rana meenat na cikin

dakinta kawai sai taji ana kwankwasawa da alamu anaso

anaso a shigo a ciki, anan ta tashi domin ta bude kofar,

budewarta keda wuya sai tayi arba da rumaida. Ko zan iya

shigowa ciki?? Ta tambaya.

E shigo mana, meenat ta bata amsa, to bayan sun zauna sai

rumaisat ta fara magana, nasan zakiyi mamakin ganina a

wannan lokaci duk da cewa ban taba kawo miki ziyara ba. To

ki sani cewa nazone domin sanar dake wani muhimmin sako,

yake wannan jaruma kina tare da abubuwa naban mamaki, idan

zaki iya tuna cewa a lokacin da kika shigo wannan birni namu

ai ba haka halittar ki take ba, amma daga baya sai komi naki

ya sauya zuwa irin jinsinmu, nasan zakiyi mamaki game da

wannan, daga nan kuma sai kika fara tambayar kanki wai waye

keda hannu wurin wannan juyawar halitta taki? To inada amsar

wannan tambaya taki. Kuma inada maganinta.

Mafi yawancin mutane wannan gari suna mamkin abunda ya

kawoki wannan duniya tamu kasancewarki ba irin jinsinmu ba,

to ni nasan abunda ya kawoki, kuma nasan abunda kike bida,

kuma nasan inda za a samu wannan abun da kike bida. Anan

meenat ta kura mata idanu domin ta sosa mata inda ke mata

kai kai.

Ki sani yake wannan ma a bociyar kyawo, zan fada miki duk

abunda kike bida amma da sharadi daya!!! Wane sharadi

kenan?meenat ta tambaya. Anan rumaisa ta kalli sarkar dake

rataye ga wuyan meenat. Inaso kiban wannan sarkar dake a

wuyanki.

Anan meenat ta mata wani kallo, daganan sai ta fara yin

tunani, wata magana ce da kaka zuwaira ta mata game da

sarkar kafin ta shigio wannan duniyar.

“KADA KI YARDA WANNAN SARKAR TA BACE MIKI, DOMIN

DA ITA KADACE ZAKI IYA DAWOWA DUNIYAR MUTANE IRIN

JINSINKI, IDAN KUMA HAR TA BACE, TO ZAKI TABBATA A

WANNAN DUNIYAR HAR ABADA”

Wannan magana ta tayar wa da meenat hankali, domin ko

kadan bazata iyabada sarkar ba, daga nan sai rumaisa ta tashi

tsaye, bazan tilasta da ki bada abunda kikeso ba, amma zan

baki wuri domin kiyi tunani, daga nan sai ta fita tabar meenat

cikin tunani, babban abunda keba meenat mamaki shine koya

akayi ita matsayinta na mai aiki amma har tasan wadannan

abubuwa, gaskiya akwai alamar tambaya game da wannan

yarinya, haka dai meenat tayi ta sake sake ba tare da sanin

mafita ba.

Ranaku na wacewa daya bayan daya, wata rana meenat tazo

wucewa a kusa ga dakin yarima, sai ta farajin nishi, anan tayi

tsaye tana tunani domin kwanakin nan sai ganin yarima take a

birkice, idan ya shigo da wannan yarinya dakinsa gobe sai kaga

wata, daga nan dai ta wuce ba tare da tace komeba. Bayan

rana ta fadi sai meenat tayi shiri domin shiga filin shakatawa

na masarautar, shigarta keda wuya sai taci karo da yarima a

zaune saman kujera yana kallon tsuntsaye na shawagi, anan

tazo ta zauna kusa dashi.

Daga nan saita fara yi masa magana, zan so in baka shawara

a matsayina na abokiyarka, wato ka sani yarima abunda kakeyi

bai daceba a matsayinka na dan sarki, wadannan matan da

kake harka dasu ba abunda zasu jama in banda zubar mutunci,

da kuma cututtuka marar magani, saboda haka ina baka

shawara ka daina.

Anan yarima lamras yayi wata irin dariya, daganan sai ya tashi

tsaye, ai ba bukatar shawara nakeba, yanzu dai bama wannan

maganar ina gayyatar ki kasaitaccen bikin da za ayi a mako

mai zuwa na murnar sabuwar shekara, sai kin zo. Daga nan

yarima ya wuce cikin masarautar ya bar meenat cikin mamaki.

:::::::::::::::::::::::::::::

A cikin wannan nahiya da meenat ta sauka, akwai wani gari da

ake kira GARWA, sarkin wannan gari sunansa habar, habar ba

karamin mayaki bane dashi da jama arsa haka kuma a kullum

yanada burin da yake son samu.

A cikin wani lambu take tare da wani saurayi kyakkyawa, a

zaune suke suna nishadi, amma abunda ke bata mamaki shine

batasan wannan saurayin ba, kuma bako shakka sonsa ya

kamata, suna cikin wannan hira ta nishadi kawai sai taga wani

barde a saman doki anan ya nufo wannan saurayin da take hira

dashi, wannan barde yana rike da mashi, wani tsalle yayi da

nufin soka ma saurayin mashi, anan tayi wata kara cikin

takaicin rabuwa da wanda takeso, anan ta tashi firgigit, wai

ashe mafarkine takeyi, wannan mafarki kan bata mamaki

domin tana yawan yinsa, kuma bako shakka a cikin zuciyarta

tana jin son saurayin na ratsata, sai dai kash gashi batasan ko

wayeba sannan kuma wannan da ke kokarin kasheshi ko

waye? Kuma me yasa yake kokarin kasheshi, haka dai

wadannan tambayoyi suka cigaba da damunta ba tare da sanin

amsar suba.

Gimbiya kulsum ce ke wannan mafarki, wato diyar sarki habar,

to anan tayi mika daga nan ta tashi tayi wani wanka, bayan ta

kammala sai ta nufi fadar babanta sarki domin amsa kiran da

yayi mata, shigarta keda wuya fadar sai ta iskeshi yana

tsawatawa dakarunsa: ku ragwayene, ya za ace kun kasa

yankamin kan wannan sarkin tareda dana dansa ku fita ku bani

wuri anan ya koresu. To bayan gimbiya kulsum ta karaso, anan

ta zauna kusa dashi saman wata kujera da aka yiwa ado da

zinari, daga nan sai ya sallami dukkan dakarun dake tare dashi

domin yanason yin sirri da diyarsa.

Wato ki sani gimbiya, inada wani buri da nakeson kammalawa

amma bazan iya ba dole sai kin ban hadin kai, to anan gimbiya

kulsum ta kashe kunne domin taji abunda babanta zai ce. Daga

nan sai ya cigaba da bayani, akwai wani birni da ake kira

YAMLA wannan birni sunada albarkacin kasa tare da tarin

dukiya marar iyaka, sunan sarkin wannan gari qamar, yanada

da mai kwarjini da ake kira lamras, a cikin masarautarsu,

akwai wasu tarin lu u lu u dake cikin wani akwati, su wadannan

akwatayya sunfi su dubu, to fiye da shekaru goma na ta tura

mayakana domin su satomin wadannan akwatayya amma sun

kasa, kuma ki sani cewa idan muka mallaki wadannan

akwatayya, to arzikin birninmu zai kara kasaita fiye dana da, to

yanzu abu daya nakeso kiyi, nan da sati daya zasuyi bikin cikar

sabuwar shekararsu, to a cikin wannan biki nakeso ki tafi ki

satomin wadannan akwatunan domin a ranar hankalin

mutanen garin naga bikin, shi kuma yariman garin wato lamras

bayada aiki sai son matan banza, saboda haka zan tura masa

wata aljanna wadda zata dauke masa hankali, to da yayi lalata

da ita zai kamu da wata cuta, kinga daganan sai ki dauko

akwatunan cikin sauki.

Wannan magana dai ta girgiza hankalin gimbiya, daga nan sai

tayi tambaya, to amma meyasa kakeson illata yariman gashi

kuma bazai tare komeba, daganan sai sarki ya fara bata amsa,

wato shi yariman shike rike da makallin dakin da akwatunan

suke, kuma shi ke gadinsu, kinga kuwa dole sai an masa haka,

bayan kin shiga masarautar ita wannan aljannar da zan turo ita

zata baki makullin dakin tareda nuna miki inda yake, saboda

haka kiyi saurin tattarasu ki dawonan, sannan kuma zan hadaki

da wasu dakaru masu yawa wadanda zasu tayaki kwasar

akwatunan. Kuma yau da dare zaki rakani wani wuri. Daganan

sai ya bata umarni data koma ta cigaba da ayyukanta, haka

gimbiya kulsum ta shiga dakinta tana tunani, ko kadan batason

yadda babanta ke zalunci amma kuma bata iya hanashi.

A cikin wannan dare ne sarki habar tareda gimbiya kulsum

suka hau dawakai, anan suka saki linzami suka fara wani

namijin gudu sai kace iska, sarkin ne gaba gimbiya na binsa,

haka suka cigaba da wannan gudu har suka kawo wani katon

teku, daga nan sai suka sauko saman dawakansu, tafiya suka

farayi har suka kawo gabar ruwan, daga nan sai sarki ya fara

ambaton wasu kalamai marar ma ana, cikin abunda bai fi

kiftawa ba sai sukaga wani haske ya fito a cikin ruwan,

daganan sai hasken ya rikede ya zama wata mace mai

tsananin kyau, ita kanta gimbiya kulsum sai da ta yaba da

kyawon wannan mata to ina ga namiji, lallai karyar yarimar

lamras ta kare domin ba yadda za ayi yayi arba da wannan

mata ba tare da yayi shawarta ba, gimbiya kulsum ta fadi a

cikin zuciya.

Daganan sai sarki habar ya fara magana da wannan mata cikin

wani yare na daban wanda gimbiya batajin abunda suke fada,

to bayan sun gama maganar, sai matar ta koma haske daganan

sai ta shige cikin ruwan ta bace bat, wata dariya sarki yayi ta

alamun samun nasara, daganan sai ya kalli gimbiya, wannan

matar da kika gani itace zan turama yarima, kuma itace zata

baki makullin bayan ta gama da yarima. Cikin murmushi

gimbiya ta fara magana, amma zanso ganin fuskar wannan

yarima! Daganan sai sarki yayi nuni da yatsansa zuwa ga ruwan

yana ambaton wasu kalamai a cikin zuciya kawai saiga fuskar

yarima lamras ta bayyana a ruwan, gimbiya na ganin wannan

fuska take gabanta ya fadi rasssss, anan ta tuno da mafarkinta,

bako shakka wannan saurayin shine ta gani a mafarki, kuma

shine wanda take muradi ace ya zama mijinta, daganan sai

suka hau dawakai suka nufo hanyar dawowa, haka suka iso

masarautar gimbiya bata masan sun kawo ba, wannan abu fa

ya rudata, gashi idan ta fadawa sarki tanason yariman ko

kasheta zai iya yi, anan gimbiya ta kwanta tana tunanin hanyar

da zatabi ta taimaki yarimanta wato lamras.

A cikin birnin yamla wato birnin su yarima lamras, a yau ne ake

bikin cikar shekara, saboda haka manyan jaruman birnin sun

shigo fadar sai wasanni ake gudanarwa kala kala, haka meenat

tayi wata kwalliya to zo ka gani, ana cikin wannan bikine sai

taga wata bakuwar fuska, yarinya ce kyakkyawa abun kallo,

wata rawace takeyi mai daukar hankali, a tsakiyar wasu yan

mata take sai tikar rawa suke, anan meenat ta lura da idanunta

kamar ba irin wadanda ta saba gani bane, daga nan dai sai

meenat taji bata yarda da wannan yarinya ba, sannan abunda

ke bata mamaki shine tunda yarinyar ta fara rawa yarima sai

kallonta yakeyi ko kyaftawa baya yi, bayan wani dan lokaci, biki

yaci baki,kawai sai meenat ta hango yarima lamras tareda

wannan yarinya a cikin wani lungu suna wata magana, daga

nan sai taga yarinyar taja yarima hannun yarima suna nufin fita

wurin bikin, to anan ne kuma ta hango wata yarinya a guje tana

kiran yarima lamras kamar akwai wani abu da takeson

gayamasa, anan meenat taj mamaki domin batasan ko wacece

ba, wannan yarinya ba kowa ceba in banda gimbiya kulsum,

itace ke kiran yarima tanason ta gaya masa sharrin da aka

shirya masa, sai dai kash ta makara, ahaka ta fita tana bidarsu

amma ko duriyarsu bata gani ba, daga nan sai gimbiya kulsum

ta fashe da kuka, anan ta fara tunani irin balain da zai samu

yarima lamras.

To bayan an gama biki kowa ya watse, anan mai faruwa ta

faru, koda yarima ya koma dakinsa bai da lafiya, meenat ce ta

gano hakan bayan da ta shiga dakin domin yi masa wasu

tambayoyi to anan ta kira mahaifinsa wato sarki qamar domin

ganin abunda ke faruwa, cikin kankanin lokaci jikin yarima ya

kunbure, wasu kurajene suka fara fitowa a jikinsa suna

fashewa, sannan kuma suna fidda wasu ruwa, gashi yarima

nason yin magana amma bai iyawa domin ciyon yayi tsanani,

to anan hankalin sarki ya tashi ya rasa abunda ke masa dadi,

anan meenat ta tuno da wannan yarinyar data gani a wurin

bikin. Daga nan sai sarki ya fada mata cewa tun da dare yayi

sai gobe a kira masu magani domin su duba lafiyar yarima,

daga nan sai meenat ta wuce dakinta.

Meenat na cikin tafiya kawai sai taga ansha gabanta, anan

taga wannan yarinyar data gani tana kiran yarima a wurin biki.

“kiyi hakuri nasha gabanki, amma akwai wata magana mai

muhimmanci da nakeson yi dake” inji yarinyar

Daga nan sai meenat tajata zuwa dakinta, anan yarinyar ta fara

magana: ni sunana gimbiya kulsum diyar sarki habar na birnin

darwa, daga nan sai ta fara bata labarin sharrin da abbanta ya

shiryawa yarima lamras domin ya samu damar sace wadannan

akwatunan na lu u lu u da kuma yadda ta bugi cikinsa har ya

fada mata maganin da zai warkar da yarima da kuma inda za a

samo shi, daga nan sai meenat tayi shiru cikin mamaki, to

bayan gimbiya kulsum ta fada mata kome, daga nan sai ta fita.

Tun da sanyin safiya meenat ta isko sarki qamar ta bayyana

masa abunda ta sani game da wannan cuta ta yarima, daga

nan sarki ya rike baki yana mamkin abun, cikin kankanin lokaci

sarki yasa aka tara masa dukkan jaruman garin. Daganan sai

ya fara yi musu bayani kamar haka:

Yaku sadaukan wannan birni ku sani cewa idan mutum ya fita

a cikin wannan birni namu yabi hanyar yamma zai yi tafiya ta

kwana dari cif kafin ya isa wani birni dake a saman wani katon

dutsi, sunan wannan birni askandariya. Wannan birni wani

sarkine ke mulkinsa, sunan wannan sarki gamza, sarki gamza

tare da jama arsa suna bautar wani iccene dake a cikin wani

kogo, ko kadan basa bari wani ya debi iccen, saboda haka ya

tanadi wasu dakaru su dubu sabain wadanda basa cin abinci

kuma basa shan abinsha, kuma basa bacci, a kullum gadin

wannan icce suke ko kuda basa bari ya hau kansa, su

wadannan dakaru an sihircesu da tsumin tsafi irin na shi sarkin

wato gamza, saboda haka karfinsu ba irin na mutane bane,

kuma yakarsu sai an shirya, a binciken da mukayi mun gano

cewa wannan icce shi kadai ne maganin da zai warkar da

cutar dake damun yarima.

Sai dai ku sani cewa a cikin wadannan kwanaki dari da mutum

zai yi kafin ya isa birnin, akwai bala i nau i nau i har kala dubu,

kuma cikin wadannan masifu uku kawai muka sani saura sai

idan mutum yaje, a saman wannan hanya akwai wani karamin

gari na wasu dodanni masu kalaci da naman mutum, bayan

mutum ya wuce garin akwai wasu kwari da har yanzu ba asan

inda suke fitowa ba, su wadannan kwari kan shiga jikin mutum

daga nan sai suyi masa gunduwa gunduwa, to idan mutum ya

wuce kwarin sai ya iso wani wuri inda ba a takawa, domin idan

mutum ya taka wurin take zai nutse ya halaka, to kunji fa.

Saboda haka nasa kyautar zinari dubu, azurfa dubu, lu u lu u

dubu, rakuma dubu da kuma dawakai dubu ga duk wanda ya

yarda zai sadaukar da rayuwarsa yabi wannan hanya har ya

shiga wannan birnin askandariya ya debo ganyen wannan icce

(bishiya) saboda haka waye zai iya yin wannan tafiya??? Sarki

ya tambaya.

Anan fada tayi tsit, jarumai kowanensu idonsa ya fito don

tsoro, anan aka rasa wanda zai yi magana, wannan yanayi na

jaruman garin ya tayar ma sarki hankali, anan ya rasa abunda

ke masa dadi.

Ana cikin wannan yanayi kawai sai meenat ta tako tsakiyar

fadar, anan jarumai suka kura mata idanu suna tunanin me

zatace. Cikin murmushi ta fara magana: Ni zan iya, na yarda

zan sadaukar da rayuwata in debo wannan icce. Anan jaruman

gari suka done kai saboda kunya, ya za ace mace tayi wannan

tafiya gasu.

To anan sukaji tabi, rumaisa ce ke ma meenat tabi saboda jin

dadin kalamin da tayi, daga nan sai sarki ya tayata, kafin

kaceme fada ta rude da tabi da kuma shewa, to anan sarki ya

sallami kowa.

Meenat na cikin daki saiga rumaisa ta shigo, gaskiy kin nuna

bajinta domin ban aza xaki iya haka ba, amma wai kuwa kin

san irin balain dake wannan hanya? Anan meenat tayi

murmushi ba tare datace kome ba. To ya maganar dana miki

game da sarkar, ina fatan kin yanke hukunci yanzu? Wannan

sarkar tanada muhimmanci a gareni, inji meenat, anan ta fada

mata sirrin sarkar da kuma kashedin da aka yimata na badata

ga wani. Daganan sai rumaisa ta dauko wata riga doguwa ta

bata, wannan itace gudunmuwata a gareki, anan meenat ta

karba tayi godiya ba tare da sanin muhimmancin wannan riga

ba.

Daga nan sai rumaisa ta fara magana, wannan tafiya da zakiyi

mai hadarin gaskece inada wasu yan uwa da suka taba bi

wannan hanyar, fiye da shekaru da dama amma har yanzu ba

duriyarsu, kanwata tare da abbana ne, shi yasa yanzu ni kadai

nake tare da mahaifiyata. Daga nan sai rumaisa ta tashi ta fita

dakin.

Tun da sanyin safiya meenat gama shiri, anan ta dauki guzuri

mai yawa, daga nan tayi bankwana da mutanen garin, anan ta

hau doki ta kama hanyar nan mai hadari domin samo wannan

icce.

SHIN WAI MEENAT ZATA SAMO WANNAN ICCE KUWA?

WANNE IRIN BALAI ZATA GAMU DASHI A WANNAN HANYA??

YA MAGANAR RUWAN SIRRI?

SHIN KO MEENAT ZATA KOMA ZUWA GA HALITTARTA TA

AINAHI?

ITA KUWA GIMBIYA KULSUM ZATA CIKA BURINTA NA GANIN

CEWA TA MALLAKI YARIMA LAMRAS???

TO BE CONTINUE………

PART 2 COMING SOON INSHA ALLAH.

abdul king article

for more novels:

SEARCH AND JOINT OUR FACEBOOK GROUP:

KINGARTICLE.NOVL

OR

KINGARTICLE NOVELS OF ABDUL$BAFFERH

RUWAN SIRRI

“cigaban gidan fatalwa”

part ( 2 ) kashi na biyu

Dedicated to:

Firdausi queen article

RECALL BACK……………

A cikin ruwan sirri littafi na farko mun bayyana yadda meenat

ta tafi wata duniya ta daban domin samo wadannan ruwan na

sirri wadanda zasu tada bafferh, aunty balkisu da kuma

mamarta wato muhibbat, a cikin wannan duniya ta gamu da

kalu bale iri daban daban, sannan kuma mutanen data isko na

wannan duniyar ba irin wadanda ta saba gani bane domin

halittarsu daban take data sauran mutane, wanda hakan yasa

suka yi mata sharri suka juya halittarta izuwa tasu, sai kuma

gimbiya kulsum wadda ta bayyana sihirin da aka yiwa yarima

lamras tare da inda za a samo makarinsa, yanzu dai meenat na

kan hanyarta na zuwa samo wannan iccen na sarki gamza.

THE BEGINNING:

Wani santamemen fili ne mai cike da yauki ga kuma ban tsoro,

a haka wani iska mai kara tare da wata karamar guguwa ya

fara kai kamo a cikin fili. Daga nan sai ga wasu tsuntsaye dake

sararin samaniya suna kalwade a cikin filin, kome ya faru cikin

rashin tsammani kawai sai tsuntsayen suka fara wani kuka

kamar basada lafiya, take sai wannan iska mai dauke da

guguwa ta jawosu, tsuntsayen na kara suna ihu amma haka

guguwar ta jawosu har sai da shige dasu cikin kasan wannan

filin mai yauki, kafin kuma ta shiga dasu sai da ta yayyanka su

gunduwa gunduwa wato kai daban kafafuwa daban, ma ana ko

mutum ne yabi ta filin haka wannan guguwar zata yi masa ta

shige dashi ciki kasa tayi masa gunduwa gunduwa . To abun

tambaya shine meke kawo wannan abu???

Written by

Abdul king article

A cikin wadannan tsuntsaye da wannan guguwa ta kashe akwai

guda wanda ya tsira, ma ana kenan ko a cikin mutane masu

biyar hanyar akwai masu tsira daga sharrin guguwar, to abun

tambaya shine idan guguwar ta nutse da mutane a karkashin

kasa wai me suke iskowa a can?

Daki ne gyararre wanda aka tanadar ma kowane alatu na

kawa, wani gado ne a tsakiyar dakin sai daukar kyalli yake,

yarinya ce budurwa kyakkyawa a sama sai sharar barcinta take.

Firgigit ta tashi, anan ta dubi kafadarta ta dama, wani

murmushi tayi, wai ashe wani tsuntsu ne ya fado mata shine ta

tashi, ko ta ina ya shigo? Anan ta tambayi kanta cikin zuciya.

Kallon tsuntsun tayi sai taga bai da alamar tashi ya tafiyarsa to

anan taji shawarsa saboda haka kawai sai ta ajiyeshi a saman

gadonta ta cigaba da baccinta.

Firgigit ta kara tashi, a wannan lokaci kamar akwai abunda ke

damunta, gashi dakin ya kable da duhu koina, ko meke faruwa,

ya akayi fitillu suka mutu?? Anan ta fara lalube amma ko

duriyar fitila babu, to anan ta fara jin tsoro kadan, kada dai ace

wannan abun dake damunta shine zai dawo mata a cikin

wannan daren. Ta danyi tunani.To abun tambaya shine ko

menene ke damunta??

Anan ta mike tsorace, tafiya takeyi gabanta na faduwa, tana

cikin hakane sai ta taji kamar ana tafiya bayanta, da sauri ta

juya tsorace amma bataga kowa ba, anan ta cigaba da tafiya

amma daga baya sai tayi tsaye wuri daya ta kasa motsawa, a

cikin duhun take ganin wani abu kamar yana matsowa kusa

gareta, anan ta fara ja da baya amma abun sai matsota yakeyi,

tana cikin wannan ja daba ne taci karo da gadonta anan ta fadi

rikicaaaa. Daga nan sai ta yanke shawarar bari ta kwanta

hakanan, juyawa tayi da nufin bacci amma ina anan ta kasa

domin a tsorace take. Kuma sai taji kamar ana tasheta. Anan

wannan budurwa ta kara mikewa a tsorace, to a wannan lokaci

abun yayi kamari sosai, domin ba abunda takeso irin ta fita

daga dakin. Cikin wata yar karamar murya tata irin ta yan mata

ta fara magana:ABBA ABBA ABBA anan taji shiru ba wanda ya

amsa. Hakan yasa hankalin ta ya kara dugunzuma domin

batasan halin da abbanta yake ciki ba.

Firrrrr cikin rashin tsammani sai taga ana tafiya gabanta anan

taja da baya ta rasa abunyi, wani uban ihu ne mazga daga nan

ta fadi sumamma. A guje sai ga wani dattijo ya shigo dakin

sanadiyar ihun dayaji tayi. Fitilar dake hannunsa ya ajiye

sannan sai ya dago ta yana kuka saboda tausayawa anan ya

fara fadin sunanta: ILHAM, ILHAM, ILHAM. Ko motsowa batayi

ba balantana ta bashi amsa, anan ya kara kankaneta a jikinsa

yana kuka, cikin kukan yana fadin wasu kalamai: wannan gida

na sharri da aka kawomu bama ganin kome sai tashin hankali

da masifa. Daga nan sai wannan dattijon yaji kamar wata

murya tana magana dashi:

Kada ka damu abba, da kai da yarka ilham lokaci ya kusa da

zaku fita daga wannan gidan”

Anan dattijon ya dubo domin ganin ko waye amma sai yaga

babu kowa, anan ya dubi diyarsa ilham yaga har yanzu bata

farka ba, bai ga komeba in banda wani tsuntsu da ya fito yabi

ta tagar dakin ya tafiyarsa.

===================

Haka meenat ta cigaba da tafiya kwanci tashi ba tare da ganin

wani tasku ba har ta fara tunanin cewa wai ko da gaske akwai

balain da aka ambata a wannan tafiya.

Wata rana da dare sai ta iso wani mai ban tsoro, wurin make

yake da duwatsu, anan ta fara kallon wurin tana mamakin

duwatsun dake wurin, wani iska ne mai laushi ya dan bugi

fuskarta, anan sai ta dago kai ta dubi sama, dubawar da zatayi

kenan sai tayi arba da wani gari da aka gina da duwatsu anan

ta fara mamakin wannan gari domin bata taba ganin irin ginin

ba. Cikin hanzari meeenat ta jawo dokinta ta nufi wannan gari,

abun mamaki shine kofar garin ma dutsi ce, domin da dutsi

aka yita. Daga nan meenat ta kutsa kai ciki tare da washe baki

tana kalle kalle, a cikin zuciyarta ta fara tunani, ” shi wannan ko

wane irin garine, basama tsoron harin makiya, wato kofarsu

bude.

Anan dai meenat ta cigaba da zaga garin lungu lungu amma ko

kuje bata gani ba. Garin yayi tsit, tana cikin wannan tafiya sai

taji kamar motsi, da alamar wani na ihu yana son a taimakeshi,

anan meenat tayi sauri ta labe domin ganin ko meke faruwa.

Anan taga wasu halittu wadanda bata taba gani ba, wasu

samudawan dodanni ne ta gani, ijiya daya garesu a goshinsu,

anan taga sun dauko wani mutum da suka daure, yana ihu

amma basu damu ba anan suka jefashi cikin kegi. Daga nan

sukayi tafiyarsu, wannan abu yaba meenat mamaki, kada dai

ace ta shigo garin nan na dodanni da ake bata labari masu

kalaci da mutum. Anan gaban meenat ya fadi rassssssd. A

guje ta sheko ta nufo hanyar fita garin, abun mamaki shine sai

gashi ta isketa a kulle. To waye ya kulleta? Ta fada a cikin

zuciyarta, gashi kuma a lokacin da zata shigo garin a bude ta

iskota. Anan hankalin meenat ya kara dugunzuma, kada dai

ace cikin dodanni nan akwai wanda yaga shigowarta, daga nan

sai tayi kokarin bude kofar da hannunta, anan meenat tasa

hannu taja iyakar karfinta amma kofar ko gyangyadi bata

yiba.haka meenat ta cigaba da kokartawa amma daga karshe

dole ta hakura domin kofar batada alamar budewa.

To anan meenat tazo wurin wannan mutumin na farko da aka

sa cikin keji, anan ta fara kallon kejin tana tunanin yadda zata

taimaka masa, tana cikin hakane sai taji kamar ana huro mata

iska. A hankalin ta juya domin ganin ko meke faruwa, anan tayi

arba da wani jibgegen dodo rike da kulki, take meenat ta zare

takobinta, wani ihu tayi sannan ta soka masa shi a kafa, cikin

mamaki sai taga dodon bai damu ba, domin a tsammaninsa

kusace aka soka masa, anan ya debe takobin ya yar, daga nan

sai ya cafko meenat da hannu guda. Ji kake kimissssssssss.

Anan ya maketa, daga nan bata kara sanin inda takeba.

TANK U VERY MUCH:

1.SAFREEN AUWAL

2.AMINA ABDULLAHI

3.ABUBAKAR ABUBAKAR AHMED

4 NAXEER HR

5.AISHA DUHU

6.JAZXY-INDIAN

7. MUFEEDAH MUHD

8. HUSNA BALA

9. ZUBAEDAH LAWAL

10.HUSSAINA UTHMAN LAMIDO

11.UMAR D UMAR

12. AND ALL THE LOVERS

///// I WILL ALWAYS REMEMBER U/////

=================================

Wani ihu takeji gashi tanason bude idanu amma kiwiyar bude

su takeji, a haka dai ta bude dakyar, daganan sai ta tashi

firgigit. Anan taga abunda ke faruwa gareta, a daure take

tamau da kaca tare da wasu. Anan ta fara mamaki domin

abunda kawai take iya tunowa shine a lokacin da soka ma

wani dodo takobi, haka dai meenat ta fara kalle kalle a

tsorace, ga mutane nan ba kyan gani cikin tausayawa, anan ne

ta gane cewa dodanni rike suke da buloli suna zanarsu, wai

ashe aiki suka saka su yi na fashin dutsi. Anan meenat ta dauki

guduma ta fara fashin dutsin itama.

Zuwa wani dan lokaci sai aka kaisu wani wuri domin su huta,

anan aka jerosu layi ana basu abinci cikin wani dan koko, anan

meenat ta kalli wannan koko domin tasan ita sai taci hamsin

da irinsa kafin ta koshi saboda kankantarsa. Anan meenat ta

amso nata abincin tana kallon ya za ayi ya isheta, loma guda

kawai tayi ta amayeshi saboda rashin sabo, anan ta fara kallon

wadanda suka saba suna cin abincinsu lafiya lau. A haka ta

ajiye ta hakura.

To bayan da dare yayi meenat na cikin bacci sai taji kamar ana

kiran sunanta a hankali, anan ta tashi, daga nan sai ta fara bin

sautin inda muryar ke fitowa, haka ta cigaba da tafiya har ta

kawo wani wuri daga nan sai ta tsaya.

Hucin iska ta jiya kamar yana fitowa a bayanta, juyawa tayi

anan taci karo da wata halitta ta daban, mutum ne mai fuka

fuki kuma yakan tashi kamar tsuntsu yadda yakeso, sai dai

halittarsa yar karama ce. Murmushi yama meenat daga nan sai

ya fara yi mata bayani:

Ni sunana zulyan, kada kiji mamakin halitta ta domin haka

mutanen garinmu suke maza da mata kowa nada fuka fuki, da

farko dai taimako daya nakeso kiyimin wanda inda kikayimin to

zan iyabaki duk abinda kikeso, anan meenat ta kashe kannu

tana saurare, nasan da cewa kin fito neman iccen gamza

wanda zai warkar da cutar yarima lamras. Zan iya taimaka miki

ki samu abunda kikeso a cikin sauki. “Gayamin me kakeso nayi

maka????meenat ta tambaya.

Anan ya bata amsa, akwai wasu mutane guda biyu da suka

taba taimakona bisa ga wata lalura dana shiga.sai dai a yanzu

suna cikin wani hadari, to nasan ke kadaice zaki iya fiddasu

daga wannan hadarin, saboda haka naxo wurinki ki sauke

wannan nauyin, anan meenat ta harare shi bata jira ya karasa

maganarsaba.

Nauyi fa kace. To bazan iya ba, inada abubuwan dana keso na

kammala. Anan ta juya ta tafiyarta, haka zulyan yata binta yana

bata hakuri domin ta sauraresa amma taki daga karshe haka

ya hakura ya tafiyarsa.

Tun da sanyin safiya meenat ta farka sanadiyar wani ihu da

taji, mikewarta keda wuya sai taga wadannan dodannin ne ke

kama wasu daga cikin mutane suna kaisu wani wuri, anan

meenat ta tambaya wata dake kusa da ita. Hala ina ake

kaisu?? Yankesu za ayi daganan sai a dafasu domin dodannin

suci, wannan abu ya mutukar bata mata rai, kenan wataran

itama haka za a yi mata. Tana cikin wannan tunani saiga

zulyan ya shigo, sai dai ita kadai ke ganinsa.

“idan kika ban hadin kai zan taimakeki yadda zaki fita wannan

gari kuma ki kubutar da duk wanda kikeso” injishi

Gayamin hanyar da zan kubuta yanzu?ta tambaya.

Anan ya bata amsa: da zaki baro garin yamla, akwai wata riga

da rumaisa ta baki, to wannan rigar itace zata kubutar dake

daga fita wannan gari, meenat taji mamaki ya za ace riga itace

zata kubutar da ita, daga nan sai ta umarceshi daya debe mata

kacocin da aka daureta dasu, nuni kawai yayi da yatsansa take

kacoci suka wargaje.

Anan meenat ta fara gudu tana kokarin isa inda take ganin ta

ajiye kayanta tun farkon shigarta wannan gari, tana ko zuwa ta

iskosu lafiya lau,to anan ta dauko rigar cikin sauri tasa, abun

mamaki shine ai taga ta bace ba a ganinta. Wato amfanin rigar

shine idan ta sata to bamai iya ganinta har sai lokacin data

cireta, to anan tayi shiga ta yaki daga nan ta fito ta fara yanke

kacocin da aka daure mutane dasu, kafin daga bisani wasu

daga ciki suka nufi kofar garin suna bugunta da karfin tsiya, to

anan ne dodanni suka gane cewa wannan bugu bana wasa

bane daga nan suka fara fitowa. Ita kuwa meenat tare da

wadanda ta kwance suka far ma dodannin da yaki, anan

meenat ta cigaba da kashesu domin basa ganinta sanadiyar

rigar da tasa.

Suna cikin wannan yakine sai sukaji karar wani abu buuuuum.

Ashe kofar garin ce ta tsage sanadiyar bugun da tasha. Anan

meenat tare da tawagarta suka yita bi suna wucewa har saida

kowannensu ya fita, daga nan suka samo wani makeken dutsi

suka kulle kofar don kada dodannin su fito, wannan rana dai ta

farin ciki ke, haka suka yita murna sunajin dadi.daga nan kuma

sai suka cigaba da tafiya domin subar wurin gaba daya.

Kwanci tashi har sukayi nisa da tafiya.

Wata rana meenat tana zaune ita kadai tana kallon sararin

samaniya, cikin rashin tsammani sai taga zulyan ya diro a

gabanta, ko kallonsa bata yiba balantana ta kula da zuwansa.

Haba yar uwa, wurinki fa nazo amma ji yadda kika juya baya

sai kace wadda taga makiyinta. To me kake so nayima????

Wannan abun dana gaya miki na farko, wato ki sani meenat

idan kika taimakeni, nima zan taimakeki, sannan kuma a cikin

wannan tafiya da kukeyi zaku hadu da wani balai wanda ya

nika na dodanni sau goma, amma idan kikayi alkawari zaki

taimakeni to zan gaya miki hanyar fita daga wannan balain.

Anan meenat ta tashi tsaye, bama bukatar taimakonka, kuma

abunda kakeso bazan taba yiba, anan meenat ta juya ta

tafiyarta, haka zulyan ya tashi ya kada fuka fukansa ya

tafiyarsa. Daga nan ne meenat tare da mutanen da suka samu

damar fitowa daga garin dodanni suka cigaba da tafiyarsu.

A cikin darene suka kawo wani wuri, to anan suka yadda zango

da nufin su kwana kafin gari ya waye, daga nan sai daya daga

cikinsu ya zagaya, a wannan lokaci meenat zaune take hankali

kwance cikin nishadi, basu wani jima ba sai sukaji kara, anan

suka tashi tsaye gaba daya, daga nan sai suka nufi inda sukaji

wannan kara, wannan mutumin daya tafi zagayawa shine ke

ihu, wasu kwari ne manya bakake sai shiga jikinsa suke, anan

meenat da tawagarta sukayi tsaye suna kallon wannan abun

mamaki, daga nan sai wannan mutumin ya fara kunburi kafin

kaceme ya fashe tussssssss, hanji daban, kafa daban kai

daban, anan su meenat sukaja da baya tsorace, can kuma sai

sukaji wani daga cikinsu shima kwarin sun far masa, cikin

kankanin lokaci shima yayi kamar yadda na farko yayi, to anan

suka fara gudu kowa na bidar mafita, anan meenat ta tuno da

maganar da zulyan ya gaya mata, wato da ace ta bashi hadin

kai da hakan bata faruba.

Ana cikin hakane sai meenat ta tuno rigar da rumaisa ta bata

wadda idan tasata bamai ganinta, cikin sauri ta daukota ta

sanya, amma abun mamaki shine sai taga kwarin sunyi

tururuwa suna shirin afka mata, wato su suna ganinta kenan to

anan meenat ta rasa abunda zatayi, can sai taji kamar ana

mata magana:

Wannan riga da kikasa batada amfani a wannan lokaci domin

su wadannan kwarin suna iya ganin kome.

Anan meenat ta juya domin taga ko waye ke mata magana. To

anan tayi arba da zulyan. Idan kikayi alkawari zaki taimakeni ni

kuma yanzu zan fitar dake daga kangin wadannan kwari.

Anan dai meenat ta gane cewa idan dai bata bashi hadin kai

ba to bako shakka zata rasa rayuwarta. Cikin sauri tace na

amince. Tana fadin haka sai zulyan ya jawota ya aza saman

bayansa, daga nan ya daga fuka fukansa ya tashi sama, to a

wannan lokaci meenat na ganin yadda kwarin suka mamaye

wurin, sai kashin jama a suke, gashi ba damar ta tsaya tayi

taimako domin itama ta kanta take.

Haka zulyan ya cigaba da gudu da ita har sai da yayi nisa, daga

nan sai ya sauko, a hankali ya ajiyeta.

Wai in tambayeka, hala me yasa wadannan kwari suke kashin

mutane sannan kuma daga ina suka fito??? Ta tambaya.

Anan zulyan yayi murmushi kafin ya bata amsa, wannan labari

ne mai tsawo, kuma bazan iya baki shiba a yanzu domin ba

lokaci amma dai zan fada miki hanyar da zaki taimakeni.

Wato ki sani meenat akwai wasu mutane da suka taba

taimakona wanda a yanzu suna cikin wani hadari saboda haka

yasa nakeso in taimakesu da taimakonki, wadannan mutane

mace da namiji ne, uba da diya, sunan uban ahnab, ita kuma

diyar sunanta ilham, wata rana yaki ya barke a garinmu

tsakanin kabilu biyu, wato da kabilunmu dana wasu amma duk

gari daya muke. Sanadiyar wannan yaki shine wata kanwata ce

wani shugaban ya gani to anan yaji yanaso, to dayazo nema

sai ahaka hanashi domin ba dan kabilar mu bane, to wannan

ya tayar da cece kuce, daga nan sai yayi niyar yin yaki domin

ya saceta da karfin tsiya, to a cikin wannan yaki sun kashe

jama armu da yawa, daga nan sai suka biyoni da niyyar

kasheni, to anan na fara gudu har na iso wani gari waishi

yamla. Anan na samu wani gida, shigata gidan keda wuya sai

naga basuji tsoro ba duk da kasacewata ba irin halittarsu

gareni ba, wannan gida dana shiga ba gidan kowa bane in

banda su ilham. To anan suka boyeni zuwa wani dan lokaci

kuma suka nuna min hanya na tafiyata.

Meenat taji mamaki ya ambaci yamla, domin shine garin data

fito wato garin su yarima lamras, to kada dai ace ilham da

babanta sune dangin rumaisa wadanda ta gaya mata cewa sun

bace shekaru da dama sanadiyar bin wannan hanya mai

hadari.

Can sai zulyan ya cigaba da bayaninsa: ilham ta kasance

yarinya mai son kida tun tana karama, ba yadda mahaifinta

yayi ya hanata amma taki, to wata rana da dare sai taji ana

kidi, saboda haka sai ta tashi domin taje tayi kallo, anan tafiya

mai nisa ba tare data sani ba, kuma a cikin wannan tafiya

bataga masu kidin ba iyaka dai tanajin kidi. Saboda haka sai

tayi niyyar dawowa gida, to tun daga ranar data dawo gida

bata kara lafiya ba domin sai ta fara ganin abubuwa naban

mamaki, kuma ana yawan bata tsoro har dai da dare. Akan

binciken da mahaifinta yayi sai ya gano cewa bazata warke ba

har sai an samo iccen sarki gamza an hada da ruwan sirri

wato ruwan da kike bida, da an hada an bata tasha zata warke.

Sanadiyar haka abbanta yayi shirin bin wannan hanya mai

hadari domin ganin cewa ya samo iccen sarki gamza tare da

ita, to akan hanyarsu ne suka hadu da wani balai, wata guguwa

ce ta taso mai daukar mutane, to anan guguwar ta jefasu

karkashin kasa a cikin tarkon ” NAMIL”

Namil ya kasance matsafi kuma gawurtaccen sadauki wanda

sanadiyar hakan yasa ya gina makeken gida a karkashin kasa,

dashi da mutanensa kawai ne ke zama gidan, namil ya

kasance yana amfani da mutane domin aiwatar da

siddabarunsa na tsafi, sanadiyar hakane ya tsafance hanyar

dake tare da gidansa yadda duk mutumin da yazo wucewa

guguwa kan daukeshi da karfin tsiya ta kawoshi gidan,ita

wanna guguwa wataran idan ta tashi takanyi tafiya har zuwa

duniyarku, kuma tayi barna ta kashe jama a. gidan kuma an

tsafance shi yadda duk wanda ya shigo bazai iya fitowa ba har

abada, gidan ya kasance yanada matsanancin duhu saboda a

karkashin kasa yake, kuma yanada kofofi kala kala har kwara

dari. Kowace kofa mutum yabi domin fita daga gidan zata

dawo dashi a cikin gidan.

Cikin wadanna kofofi dari guda kawai ce ta gaskiya wadda

idan mutum ya bita to bazata dawo dashi gidan ba, shi kenan

ya fita. To a cikin wannan gida nakeso ki shiga ki kubutar da

ilham da abbanta ahnab. Inji zulyan

To idan na shiga gidan ta wace kofa zan fita kenan?? meenat

ta tambaya.

Gaskiya nayi bincike da yawa amma har yanzu ban gano kofa

ta gaskiya wadda ake fita gidan ba!! Inji zulyan.

Anan meenat ta kalleshi cikin mamaki, yanzu zan kaiki hanyar

da zata kaiki a gidan. Inji zulyan. Daga nan sai ta hau bayansa

anan ya bude fuka fukansa ya tashi sama.

Basu dade suna tafiya ba sai ya tsaya anan ya ajiyeta tare da

yi mata nuni inda zata hadu da guguwar. Daga nan shi kuma

sai ya tashi ya tafiyarsa, to anan meenat ta tunkari wannan

hanya tana tafiya cikin rashin tsoro, tun kafin tayi nisa da

tafiyar sai taga kasa na tsagewa tana ruzgawa, to anan taga

wata guguwa ta zo aguje ta dagata.daga nan sai ta nutse da

ita cikin kasa.

Sai da akayi tafiya mai nisa a cikin kasa da meenat kafin a

jehota a wani wuri, anan ta fara mulmule mulmule tana

gangarowa sai can ta tsaya wuri daya, daga nan sai ta tashi. A

mamakinta a cikin wani makeken gida take mai ban tsoro,

anan ta fara tafiya tana dube dube, a haka ta yita karo da

kassan mutane da kuma gawawwaki barkatai wasu duk sun

bushe. Haka tayita cikin wani dogon kororo sai da ta dade tana

tafiya kafin ta kai ga karshensa. To anan taga wata kofa, kai

tsaye ta bude kofar ta kutsa kai ciki, shigarta keda wuya sai

taci karo da wasu katta su bakwai a saman kujeru, wani dogon

teburine a tsakiyar dakin sai ga kwannan abinci a sama, amma

a mamakinta a cikin kwannan ba kome cikin in banda naman

mutane, da naman wadannan kattan suke kalaci, to anan suka

kurawa meenat idanu, ko dubansu bata tsaya yiba kai tsaye ta

wuce daki na gaba

Anan meenat ta tuno da wata babbar mantuwa da tayi, ta

manta ta tambayi zulyan ya nuna mata hoton ilham tare da

abbanta yadda idan ta gansu zata ganesu. To tana cikin

wannan tafiya kawai sai taji ana wata magana a wani daki, to

anan ta nufi dakin domin ganin ko meke faruwa. Shigarta keda

wuya sai ta isko wani dattijo tare da wata yarinya sai hira suke

abinsu. To anan aka fara kallon kallo.

Ko zamu iya sanin koke waye? Dattijon ya tambaya.

E, ina bidar wata yarinya ilham tare da abbanta ahnab.

Anan sai meenat taga sun tashi tsaye gaba daya. Lafiya

kuwa?? Anan suka tambaya.

E lafiya kalau.meenat ta basu amsa.

To nine ahnab, wannan kuwa yata ce ilham.inji dattijon.

Anan meenat taji dadin wannan kalami, daga nan sai ta zauna

ta fada musu abunda ke tafe da ita. Wannan abu yasa dattijon

ya fara yi mata kallon marar hankali. Haba yarinya ai wannan

gida da kike gani sihirtaccene, kuma batun fitarsa bai ko

tasoba saboda haka kima manta da wannan.

Murmushi meenat tayi daga nan sai ta fara tambayrsa. Wai duk

tsawon shekarun nan da kukayi ya akayi kuka rayu, tun da naji

ance duk wanda ya shigo wannan gida sunansa gawa!!

Anan dattijon ya fara bata amsa, ai duk wanda ya shigo gidan

bai kai tsaye suke kashe shiba, idan mutum ya shigo zasuyi

maraba dashi harda daki zasu bashi su dinga kulawa dashi, sai

dai daga baya sai su zo da wasu kaidodi barkatai wadanda

idan mutum ya saba guda zusu kasheshi, da farko dai ba a fita

da dare, to idan mutum ya fita sunansa gawa, To idan sukaga

mutum kan iya bin wadannan ka i dodin daga nan sai su

kasheshi ba sai yayi laifi ba, amma mu abunda ya kubutar

damu shine shugaban gidan wato namil ya kamu da son

ilham, saboda haka mu ba a yi mana komai, mukanyi yadda

mukeso, amma baya gamu duk wanda ya shigo dolene ya

mutu.

Suna cikin wannan hira sai sukaji an bude kofar, wasu mutane

ne su hudu sanye da bakaken kaya a jikinsu, daga nan sai daya

daga cikinsu ya fara magana:

Sannu da zuwa meenat, muna maki barka da isowa kuma

muna fatan zaki kiyaye da sharuddanmu, kuma muna maki

albishir da cewa wadannan mutanen biyu da kikazo dominsu

to bazaki taba samun damar kubutar dasu ba, anan yayi dariya,

daga nan sai ya fita ana suka rufa masa baya.

Wannan shine namil!inji ahnab.

Anan meenat ta girgiza kai, lalle wannan ba karamin hatsabibi

bane, wato yamasan abunda ya kawoni. Ta fada a cikin zuciya.

Haka dai meenat tayi kwanaki a cikin wannan gida har ta saba

da ilham tare da abbanta ahnab. To wata rana da dare sai kisa

ta kama meenat gashi kuma ruwansu sun kare, anan ta bude

daki da niyar fita. Cikin sauri ilham ta jawo hannunta. Kiyi

hakuri ba a fita da dare!! Injita. Murmushi meenat tayi, ai ni ba

ruwana da ka i dodinsu, dole ne na fita na samu ruwa domin

bazan zauna kisa ta kasheni ba. Anan ta bude ta fita.

Haka meenat ta fara tafiya tana kokarin zuwa wata rijiya data

sani domin dibar ruwa, tana cikin tafiya kenan sai taji jikinta

yayi wani tsam duk ba dadi, anan dai ta daure ta cigaba da

tafiya, can bayan tayi nisa sai taji tahowar wani iska mai karfi a

wurinta, iskan na zuwa dab da ita sai ya tsaya can kuma sai ya

tafiyarsa, wannan abu yaba meenat mamaki amma bata damu

ba kawai sai ta cigaba da tafiya.

Tana isa wurin rijiyar kawai sai taga ilham a tsaye idanunta

duk sun juye, anan gaban meenat ya fadi domin tasan ta

barota a daki, ilham din data gani sanye take da wasu kaya

dogaye kuma jini ke zuba a jikinta, anan meenat ta kara

dubawa ta gani shin wai ilham din ce kawai sai taga bataga

kowa ba, to anan meenat ta tsorata, anan ta fasa dibar ruwan

saboda tsoro, juyawa tayi domin komowa dakinsu kawai sai ta

kara ganinta. Fasssssssssssss gabanta ya fadi.

Daga nan sai aka fara kallon kallo, kawai sai taga wannan

yarinyar mai kamada ilham ta zaro wata yuka tana gurnani, to

anan meenat ta fara ja da baya domin bata fito da komi ba.

Wani tsalle wannan yarinyar tayi da nufin kaima meenat sara,

anan meenat ta wani kaucewa. Tana juyowa kuma sai taga

bataga yarinyar ba. Daga nan dai sai meenat tayi sauri ta nufi

hanyar dakinsu.

Tana shiga sai ta fara magana dasu ilham, ku shirya yanzu

zamu bar wannan gida! Anan gaban dattijo ahnab ya fadi.

Yanzu fa kikace?

E yanzu domin damun dau lokaci to sunannu gawa saboda

haka ku biyoni baya.inji meenat.

Anan ta shige gaba tana gudu suna binta. Suna cikin wannan

gudu a hankali sai sukaga wata mace a gabansu, itama jini ke

zuba a jikinta. Anan su meenat sukayi tsaye cirko cirko, matar

sai wani gurnani takeyi, can sai sukaga matar ta rikida ta koma

namil, anan ya fara yi musu dariya ku kuna ganin zaku iya

tserewa??

Da karfi suka juya sakamakon wani gurnani da sukaji, wasu

zaratan damisoshi ne suka gewayesu, sai wani miyau ne ke

dalala a bakinsu. Daga nan sai aka fara kallon kallo. Can kuma

sai sukaga damisoshin sun bace. Anan namil yayi dariya

sannan ya kalli meenat. Wannan yaki ni dake ya kamata

muyishi idan yaso sai kuyi abunda kukeso.

Daga nan sai ya zaro wasu sihirtattun takubba guda biyu ya

rike, wani tsalle yayi daga nan sai ya diro ma meenat, anan

itama ta tareshi take suka kaceme, wannan namiji yaki daya

barke tsakanin meenat ta namil ba karamin tayar wa da ahnab

hankali yayi ba, domin namil a kasance jarumin gaske.

Meenat ta wanzu tana kare kanta daga mugayen harin da

namil ke kawo mata duk da ya kasance yanada tsananin sauri

da iya yaki, hakan yasa meenat ta raina kanta domin tasan ta

gamu da gamonta. Sai da suka dau lokaci suna wannan artabu

amma ba alamun nasara ga meenat domin ta fara gajiya, shi

kuma namil kamar a lokacin ake baki abinci yanaci. Ya

kasance yana juya wadannan takubba yadda yaso kamar

walkiya saboda sauri, cikin hakane ya mamayi meenat ya kai

mata naushi a fuska, anan ta danyi tangal tangal kamar zata

fadi, can kuma sai ta tsaya dai dai.

To daga nan ne meenat ta farfado anan ta fara kai masa sara

da suka cikin gwaninta da iyawa ba sassauci, hakan yaba

namil mamaki kamar ba itace ya gajiyar ba, daga nan dai yaki

ya cigaba, namil yayi kokarin gajarce wannan yaki domin a

zatonsa zai mata kwaf daya, daga nan sai ya canza shawara,

anan ya fara aiki da siddabarunsa na tsafi. Suna cikin wannan

fada kawai sai meenat taga ya bace takobinsa kawai ake gani.

A haka yayi ta kawo mata mugayen hare hare domin samun

nasara amma ya kasa. Daga nan sai ya batar da takobin nasa

ya zama hadda shi ba a gani. To a wannan lokaci meenat ta

rude domin batasan yadda zata kare harinsaba. Anan ta fara

dube dube, can sai taji takunsa anan ta nufi wurin da nufin

yakar shi, ai ko tana zuwa wani naushi ta jiya a fuska

gibbbbbbbb. Anan ta juyo da baya ta tsaya tana kalle kalle, can

sai taji hucin wani iska a bayanta, anan ta juya domin a

tsammaninta shine tana juyawa sai taji wawan sara a kafada.

Anan jini yayi tsargi, meenat sai da tayi ihu saboda zogin da

taji, anan ta fadi tana, namil na ganin haka sai ya fito da

siffarsa yana dariya domin shi a tsammaninsa ya samu nasara.

Yana cikin wannan dariya sai meenat taga ya fadi, ashe ilham

ce ta soka mishi wata karamar yuka, anan meenat ta jawo

takobinta ta katse masa kai, anan ya fadi matacce.

Daga nan sai sukaga gidan ya fara girgiza kamar zai fadi, can

kuma sai sukaga duk kofofin gidan sunyi wani ja.

Guda kawaice haske ke fitowa a ciki, daga nan sai meenat tayi

musu umarni dasubi wannan kofar mai haske, haka suka fara

gudu domin fita daga gidan, anan kuma gidan ya fara rushewa

yana faduwa, haka dai suka yita gudu har suka iso wannan

kofar, a cikin wannan kofa suka yita gudu har suka samu

kansu waje, daga nan sai sukaji gidan ya rushe gaba daya.

Fitarsu keda wuya sai meenat tayi arba da dokinta, anan farin

ciki ya kamata, su uku suka hau dokin daga nan suka nausa a

guje. Sai da sukayi tafiya mai nisa sannan suka tsaya domin

hutawa.

To a wannan lokaci meenat na gyara kayanta dake saman

doki, kawai sai rigar da rumaisa ta bata ta fado, anan ahnab ya

tambaya. Wannan riga fa waya baki ita?? Anan meenat ta

bayyana masa asalin wadda ta bata ita. Daga nan sai ahnab ya

rike baki hawaye na zuba a idanunsa. Ashe rumaisa na raye! Ya

fada. Anan ya bayyana ma meenat cewa ai rumaisa diyarsa ce.

Ita kuma meenat sai ta gane cewa lalle sune wadanda rumaisa

ta taba bata labarunsu cewa sun bace ba a san inda suke ba.

Suna cikin hakane sai ga zulyan a guje, cikin farin ciki ya sauko

da fuka fukansa, anan yama meenat godiya marar iyaka daga

nan kuma sai ya umarcesu dasu hau bayansa domin ya kaisu

masarautar gamza inda zausu debo iccen. Cikin kankanin

lokaci suka hau bayansa. Anan yayita zabga gudu dasu har sai

da ya wuce wanna wuri mai hadari. Daga nan sai ya nufi

hanyar birnin askandariya wato birnin sarki gamza

Haka yayita gudu dasu amma basu isa masarautar ba sai da

dare, to anan ya sauko dasu gab da kofar shiga birnin. Ku sani

cewa sarki gamza ba karamin hatsabibi bane saboda haka sai

kunyi hankali. Ya fada. Anan ya daga fuka fukansa ya tafiyarsa.

Daga nan meenat ta shige gaba suna binta, anan suka yita taka

matattakalar kofar har suka diro a cikin garin. Daga nan sai

suka fara tafiyar sanda sannan suka nufi wani mashahurin kogo

inda suke tsammanin nan iccen yake, bayan sun shiga cikin

kogon sai da sukayi tafiya mai nisa sannan suka isko katuwar

itaciyar, cikin farin ciki suka debi ganyayyakin itaciyar sannan

suka boyesu a jikinsu. Daga nan suka juya da nufin fita kogon.

Juyawarsu keda wuya sai sukayi arba da dakaru sama da dubu

a zagaye dasu, wasu kacoci ne aka jeho musu anan aka

dauresu tamau. Can sai wani narkeken kato yazo gabansu,

anan ya fizge sarkar dake wuyan meenat. Wata dariya yayi

sannan ya fara magana: sannuku da zuwa masarautata ni sarki

gamza, dama na dade ina jiranku, gashi kuma kun zomin da

abunda nakeso, shekarata ashirin ina bidar wannan sarkar sai

yanzu na samu.

Meenat najin haka gabanta ya fadi, to me zaiyi da sarkar??? Ta

tambayi kanta. Anan ta tuno da maganar kaka zuwaira na

cewa udan bada wannan sarkar ba to bazata iya komawa

duniyarsu ba, wato sai dai ta tabbata a wannan duniyar har

abada.

ME ZAI FARU???

SHIN KO MEENAT ZATA SAMO RUWAN SIRRI?

YA LABARIN GIMBIYA KULSUM?

HALITTAR MEENAT TA AINAHI ZATA DAWO KUWA??

YA LABARIN YARIMA LAMRAS??

MEYE SARKI GAMZA ZAI YI DA WANNAN SARKAR?

MU HADU A KASHI NA UKU DOMIN JIN CIGABAN LABARIN

TO BE CONTINUE……….

abdul king article

FOR MORE NOVELS:

SEARCH AND JOINT OUR FACEBOOK GROUP:

KINGARTICLE.NOVL

OR

KINGARTICLE NOVELS OF ABDUL$BAFFERH

RUWAN SIRRI

“cigaban gidan fatalwa”

Part ( 3 ) kashi na uku

Dedicated to:

Firdausi queen article

RECALL BACK:

A cikin littafin ruwan sirri kashi na biyu, mun bayyana yadda

meenat tayi gwargwarmaya domin samo iccen sarki gamza,

wanda a cikin wannan tafiya ne ta hadu da wata halitta mai

ban mamaki, gashi da jikin mutane amma yanada fuka fukai,

wai shi zulyan, inda yayi mata bayani cewa idan har ta

taimakeshi to shima zai taimaketa, tayi kokarin taimakonsa

wanda hakan yasa ta gamu da yan uwan rumaisa wadanda

suka bace ( ilham da ahnab) a yanzu dai sarki gamza ya

kamata tare da su ilham sannan kuma ya kwace mata sarka

sakamakon wani abu da yake son yi da ita.

THE BEGINNING:

Wasu jaruman sadaukai ne a saman dawakai sai gwabza wani

irin nagartaccen gudu sukeyi sai kace masu tashi sama. Wani

saurayi ne kyakkyawa a tsakiyarsu saman nasa dokin shima

sai da ganinsa anga yaron manya tun a shigar da yayi.

Haka suka cigaba da gwabza wannan gudu har suka kawo

askandariya. Wato birnin da sarki gamza ke mulki. Anan aka

bude musu kofar garin daga nan suka shigo ciki. Da alamu

wadannan samari sunyi farauta domin wata katanyar dabba ce

suka sauko da ita daga nan sai suka shiga gidan sarautar. Shi

kuwa saurayin duk inda ya wuce sai kaga dakaru na gaida shi

cikin girmamawa.

Sunanshi yarima munib da ga sarki gamza, anan yarima munib

kama hanya da nufin shiga masarautar, to a wannan karron an

fito da fursunoni ma ana wadanda aka tsare a gidan yari

domin suyi wasu ayyuka na yau da kullum, yarima munib ko

kulasu bai yiba balantana ya kallesu. Haka ya cigaba da tafiya

domin isa wurin daya nufa. A saman hanyarsa ne kafin ya kai

ga shiga masarautar cikin rashin sani yayi karo da wata

budurwa, anan suka ja da baya, daga nan ne yarima yayi mata

kallon tsaf ko kyaftawa baya yi. Can sai sukaba juna hakuri

sannan kowa ya kama hanyar gabansa. To anan ne yarima ya

fara tunani domin tun tashinsa bai taba ganin yarinyar data

kwanta masa ba irin wannan. Sai dai abunda ke damuwarsa

shine ita yar fursuna ce, kuma dolene laifi tayi kafin a kawota,

to zata yiwu yarima ya auri yar fursuna mai laifi?? Anya kuwa

mahaifinsa zai yarda da wannan aure?? Kuma koda mahaifinsa

ya yarda to ita zata soshi kuwa?? Sannan daga ina take kuma

wane laifi tayi aka kawota gidan yari?? Haka wadannan

tambayoyi suka cigaba da damun yarima ba sassauci. Daga

nan ya hankure ya shiga gidan masarautar cikin rudani.

Written by

Abdul king article

To bayan yarima ya shiga gidan masarautar, take ya wuce

bangaren mahaifiyarsa. Yana shiga ko ya tarar da ita zaune

kuyangi sun gewayeta sai faman nishadi ake. Suna ganinsa sai

suka tashi cikin girmamawa suka fita. anan yarima yazo gab da

mahaifiyarsa ya zauna. Cikin murmushi ta fara magana: sannu

da zuwa dana, nasan kana cikin farin yadda nima haka cike

nake dashi, nasan da cewa kana sane da bikin aurenka kai da

gimbiya marsiyya nan bada jimawa ba domin yanzu haka komi

gyare yake.

Tana fadin haka gaban yarima ya fadi rasssssssssssss,

kyakkyawar fuskar yarinyar da yaci karo da ita ta fado masa a

rai, anan ya fara tunani wai wacece wannan gimbiya

marsiyya?? Shifa ko ganinta bai taba yiba, sannan shi koma ya

ganta bazai iya soyayya da ita ba a yanzu.

Tassssssssss. Saukar mari. Ya ina magana dakai kayi banza

dani sai kace ina magana da dutsi, ka tsaya kana tunane

tunanen banza. Yanzu gayamin me kake tunani??

Anan yarima ya fara magana, umma kiyi hakuri ayyuka ne suka

yimin yawa shi yasa wataran zakiga bana majin maganar

mutane sosai.

Wadanne ayyuka kuma? Kai gayamin gaskiya. Injita.

Umma ki yarda dani mana, saninki ne cewa duk abunda yake

farin ciki a gareki bako shakka zan rugumeshi a matsayin farin

ciki a wurina, kinga kuwa ba yadda za ayi in yarda in bata miki

rai.

Anan tayi murmushin farin ciki tare da rungumeshi, da kyau

dana, haka nekeso naji, saboda haka yanzu tashi ka tafi sai na

bideka kuma.

Anan yarima ya tashi cikin damuwa gashi bayason gimbiya

marsiyya amma bai son ya bayyana don kada ya bata ma

mahaifiyarsa rai, haka ya cigaba da tafiya baya ko gani sosai

saboda bakin ciki. A cikin wannan dare dai yarima ya kwana

yana tunanin wannan yarinyar daya gani gashi bai sani ba ko

zasu kara haduwa.

Cikin wani irin gidan yarine suke mai duhu da ban tsoro, haka

su meenat ke zama a wannan wuri cikin kadaici da rashin inci,

a wannan lokaci duk bacci sukeyi, wata yar karamar hayaniya

data fara shigowa ta taga yasa ilham ta tashi, to anan ta gane

cewa safiya ta waye, anan ta kafa idanunta ga tagar domin

ganin ko meke wakana, murmushi tayi ganin wani kyakkyawan

saurayi tare da wasu suna wata magana, anan ta fara tunani ko

ina tasan wannan saurayin, ba a dauki lokaci mai tsawo ba sai

ta tuno. Ashe shine wanda suka taba buge juna cikin rashin

sani.

Basu dau lokaci suna maganar ba sai taga sun kaceme da

wani azababben yaki, wannan yaki fa ya tayar wa da ilham

hankali domin tana gudun ta rasa wannan kyakkyawan saurayin

da take kallo, amma daga baya sai ta gano cewa yakin gwaji

ne sukeyi bana gaskiya ba, daga nan sai hankakinta ya kwanta

to anan ta natsu tana kallonsa ko kyaftawa batayi.

Gibbbbbbbbb. Wani naushine aka kai masa. Anan yasa hannu

ya tare naushin tare da mayar da martani, haka dai ilham ta

cigaba da kallon wannan yaki nasu cikin natsuwa da

annashuwa har zuwa wani lokaci mai tsawo da meenat da

abbanta ahnab suka farka.

Hubair da yazid abokan juna ne. Kuma sun shigo birnin

askandariya domin kammala wani buri da suka dade suna

muradin ganin sun samu. Tabi sukayi da yiwa juna murmushi

domin ganin irin yadda aka kawata masarautar birnin. Da

alamun cewa suna tare da nasara ga wannan zuwa da sukayi.

To a cikin darene bayan kafa ta dauke duk gari anyi tsit, daga

nan sai su yazid suka durfafo wannan masarauta ta

askandariya, wani karfe ne mai hade da kaca suka dauko, anan

suka jefa karfen can kololuwar gidan saman masarautar, daga

nan suka fara taka kacar suna kokarin kaiwa a saman

masarautar. Basu dade suna wannan aiki ba suka diro saman

masarautar, wata taga ce suka fashe da karfin tsiya daga nan

suka fada ciki. Daga nan suka fara bincike shiga wannan daki

fada wancan da alamun akwai abunda suke bida, haka suka

yita wannan bincike har suka kawo ga dakin sarki gamza, to a

wannan lokaci dakarun sun farayin bacci domin basa

banbance wanda ya shigo da wanda ya fita.

Saboda haka kai tsaye su yazid suka kutsa kai cikin dakin.

Anan suka fara bincike, can sai suka gano wani karamin

akwati, to anan suka dauko shi, budewarsu keda wuya sukayi

arba da wata sarka sai kyalli takeyi. Anan sukayi dariyar farin

ciki, daga nan suka dauka suko nufo waje.

LABARIN LABEENA:

A wani lokaci can da kafin sarki gamza ya zama sarki. A

wannan lokacin babansa ne ke mulkin birnin askandariya wato

sarki nayib. gamza ya kasance cikin zababbun sadaukan garin

wadanda ake ji dasu. To wata rana sai tafiya ta kama

mahaifinsa zuwa birnin mihad domin kai ziyara ga abokinsa

sarki najmad dake mulkin birnin.

To ga kaidar sarauta a wannan lokaci dolene dan sarki ya auri

diyar sarki, saboda haka wannan ziyara tanada nasaba da

alakar aure tsakanin diyan wadannan sarakuna biyu. Wato

yarima gamza da gimbiya halirat.

Tun da aka fara wannan tafiya hankalin yarima a tashe yake

domin ko kadan babu wadda ya tsana a duniya irin gimbiya

halirat, kuma ace wai ita zai aura!!

Tun kafin ayi wannan magana ta aurensa da gimbiya halirat, ya

kasance yana soyayyar boye da wata yarinya labeena, sunyi

mutukar shakuwa tun suna yara. Duk da kasancewarta diyar

talakawa amma yarima bai kula da hakan ba ko kadan.

Wannan dalili yasa labeenat ke mutukar ji dashi. Ba yadda sarki

nayib bai yi ba domin warware wannan soyayya amma abu ya

faskara, saboda haka ya kafa masa doka cewa a duk lokacin

daya gano yana soyayya da ita to kashinsa ya bushe.

Maimakon wannan magana ta tayar da hankalin yarima sai ya

kara jajircewa na cewa ba wata inba labeenat ba. Cikin rashin

tsammani sai ga wannan magana ta bijiro ta aurensa da

gimbiya halirat.

To bayan sun iso masarautar mihad. Anan sarki najmad ya

taresu tarba ta karramawa. Wani dogon teburine aka girke a

wani daki na musamman, sai ga abinci kala kala a samansa.

Wasu kujeru na alfarma ne suka zagaye teburin. Daga nan sai

sarki nayib tare da mutanensa suka zauna domin kyakashewa.

To a wannan lokaci shima sarki najmad na zaune tare da

mukarabansa. Haka kuma gimbiya halirat na zaune daf da

yarima gamza. Sai dai ko abincin baya iyaci saboda bakin cikin

daya yi masa yawa. Ita kuwa gimbiya a farin ciki take domin

sai satar kallonsa take tana murnushi.

To bayan an gama cin abinci an watse. Sai sarakuna biyu suka

kadaita domin ganawa ta musamman.

A gaskiya naji dadin zuwanka birnina domin wannan shi zai

kara tabbatar min da amincewarka game da auren ya yanmu.

Inji sarki najmad.

Wani murmushi sarki nayib yayi kafin yayi magana: ai wannan

zuwa nawa dai dai yake da daura auren domin bazan bar

wannan gari ba har sai magana ta kafu.

Anan sarki najmad yayi wata bahaguwar dariya. Haba ya kana

fadin haka sai kace baka yarda dani ba. Ai duk abunda kace

dai dai ne. Domin diyanka ne, kuma kanada iko akansu.

Wannan gaskiya ne. Inji sarki nayib. Amma kai kafi cancanta

kayi magana domin kafini kusanci dasu.

Haka dai suka cigaba da wannan tattaunawa wanda daka

karshe sukasa ranar da za a daura auren. Daga nan sai sarki

nayib ya dawo birninsa domin jiran wannan rana.

A kwana a tashi sai ga wannan rana tazo. Kar kaso kaga yadda

bakin ciki ya dabaibaye zuciyar yarima gamza. Haka akayi

shagali aka watse daga nan akabar yarima da gimbiyarsa. Tun

a wannan rana yarima ya fara halinsa na tsanar gimbiya halirat.

A hankaki a hankali tun bata ganeba har ta fara ganewa. Daga

nan abu yayi tsamari da farko gimbiya tayi tsammanin zata iya

jure walakancin da yake yi mata amma daga baya sai ta gane

hakan bazai yiba. Domin itama fa diyar sarki ce. Duk da cewa

ba wani namiji daya kwanta mata irinsa.

To anan ne gimbiya halirat ta tsananta bincike domin gano

musabbabin wannan walakanci da yake yi mata. To a cikin

binciken ne ta gano cewa akwai wadda yakeso wai ita

labeenat. Wannan ya mutukar tayar mata da hankali domin ko

kadan bata son kishiya. To anan ne gimbiya tayi alwashin cewa

sai taga bayan labeenat.

Wata rana labeenat na zaune ita kadai a cikin wani lambu tana

nishadi kamar yadda ta saba. Cikin rashin tsammani sai taga

wasu mazaje su biyar a saman dawakai.fuskokinsu a rufe suke

yadda idanuwansu kawai ake gani. Anan suka rufar mata da

sara har sai da suka tabbatar da cewa tabar motsi. Daga nan

suka dauki gawar suka jefa a cikin ruwa. Daga nan suka juya

domin isar da sako ga wadda ta aikosu.

To a lokacin da suka isar da sakon ga gimbiya halirat sai akayi

rashin sa a yarima gamza yaji duk abunda suka fadi. To anan

hankalinsa ya tashi domin bai san inda zai sa rayuwarsa ba. To

anan yayi yunkurin kashe gimbiya amma sai mahaifinsa ya

hanashi. Haka suna kallo ta koma birninsu.

To bayan da aka jefa labeena a cikin ruwa ashe bata mutu ba,

daga nan sai ruwa suka yita janta har suka kawota wani dan

karamin gari a kusa ga teku, to anan ne ta hadu da wani mai

sana ar su wanda ya tsinto ta a cikin ragarsa ta kamun kifi.

Anan yayi mata goma na arziki sannan ya sanyota a jirgin ruwa

domin ta dawo birnin askandariya.

A wannan tafiya sun gamu da cikas domin manyan kifayen

dake tekun suka fara damunsu suna bugun jirgin da karfin

tsiya, a haka wannan al amari ya cigaba da wakana har zuwa

lokacin da jirgin ya fara tangal tangal yana shirin kifewa a cikin

ruwan. Daga nan ne kifayen suka wangame bakunansu suna

jiran jirgin ya kife su fara cin mutane, to anan hankalin labeenat

ya tashi domin bata taba ganin irin wannan abu ba.

Anan ta hango wani dan karamin kwale kwale (canoe) mai

daukar mutum daya. Cikin sauri ta cafko shi ta diro daga

saman wannan katon jirgin da suke ciki(ship) anan ta fara tukin

kwale kwalen iyakar karfinta. Shi kuma wannan katon jirgin

take ya nutse. Anan kifaye suka samu ganima.

Haka labeenat ta cigaba da tuka wannan jirgi har sai da ta kai

bakin gaba. To anan ne ta hanga iyakar ganinta amma ba

abunda take hangowa sai wani katon birni, daga nan sai ta

nufin birnin. Shigarta keda wuya sai ta tambayi wani ya fada

mata sunan garin. Anan gabanta ya fadi jin an ambaci mihad.

Domin tasan shine birnin su gimbiya halirat.

Juyawa tayi da nufin fita garin, juyawar da tayi kenan sai

sukayi ido hudu da gimbiya halirat tana saman doki dakaru na

take mata baya. Anan labeenat tayi tsaye ko motsi ta kasayi.

Haka ta cigaba da kallonsu har suka iso wurinta. Daga nan sai

halirat ta fara yi mata magana: ke bakuwa ce a garin nan naji

kina tambayar wani game da garin! Idan kinason aiki ki biyoni

zan baki.

Anan hankalin labeenat ya kwanta domin tasan bata ganeta

ba. Amma abunda ke bata mamaki shine ko ya akayi ta baro

birnin askandariya ta dawo garin su. Babban abunda yasa

labeenat ke wannan tunani shine har yanzu batasan ko su

waye sukayi kokarin kasheta ba, kuma batasan wanda ya

aikosu balantana sanin makasudin yi mata hakanan.

Haka dai labeenat ta gurfana cikin girmamawa: na gode ranki

shi dade. Ina bukata. Daga nan sai ta bita. Haka suka yita

tafiya har suka iso masarautar. To anan halirat tayi mata iso a

ciki.

Inaso ki gayamin sunanki da kuma ina kika fito??

Anan labeenat tayi shiru domin batasan irin amsar da zata bata

ba,can sai dabara ta fado mata.

Sunana ihsan, kuma na fito ne a birnin Liyana.

Da kyau! Inji gimbiya halirat. To menene ya fito dake daga

gida??

Anan gaban labeenat ya fadi, to kada dai ace gimbiya ta

ganota.

E na fito daga gidane domin samun abun dogaro!

Daga nan sai gimbiya tayi murmushi, zan so in ajeki a cikin

masu yimin hidima, domin ke kyakkyawa ce kuma ina bukatar

irinku. Amma me kika gani??

Ba matsala ranki shi dade duk yadda kikayi dai dai ne. Inji

labeenat.

Daga nan sai gimbiya halirat ta nisa kafin daga bisani ta fara

magana: kina yimin kamada wata makiyi yata, sai dai yanzu

bata duniya domin na dade dasa akasheta. Daga nan sai

gimbiya halirat ta bata labarin sharrin da tasa ayi mata cikin

rashin sanin cewa ita din dai ce bata mutu ba. Daga nan ne

labeenat ta gano cewa kenan wadanna da suka tareta da nufin

kasheta ita ta turosu. Saboda haka sai taci alwashin cewa sai

ta rama abunda tayi mata.

Haka gimbiya halirat ta mayar da labeenat a cikin masu yi

mata hidima ta yau da kullum cikin rashin sanin cewa itace

babbar makiyi yarta. To wata rana da dare sai labeenat tayi

shiri domin kashe gimbiya halirat domin tasan kul a jima kul a

dade a duk lokacin da gimbiya halirat ta gano ko ita wacece to

bako shakka kasheta zatayi, saboda haka bari ta fara kasheta

kafin hakan ya faru.

Haka labeenat ta riko wata karamar yuka tana tafiyar sanda har

ta shigo dakin gimbiya. Anan ta daga yukar da nufin daka mata

a zuciya. Firgigit sai gimbiya halirat ta tashi, to anan aka fara

kallon kallo.

Ke wacece? Gimbiya ta tambaya.

Nice wannan labeenar da kika sa a kashe, sai dai baku samu

nasara ba domin na tsira daga sharrin ku.

Daga nan sai labeenat ta fara kawo mata mugayen hare hare

da nufin kasheta . Anan gimbiya halirat ta fara kaucewa cikin

salo irin nata na iya yaki. Sai da suka dau lokaci amma ba

alamun nasara ga kowa. To a wannan lokacin dakarun garin

sun fara jin hayaniya kamar akwai wani abu dake gudana a

dakin gimbiya. Saboda haka suka sheko a guje domin gani. To

a cikin wadannan dakaru har da sarki najmad wato baban

halirat wanda shine kan gaba yana jagorantarsu.

Gimbiya halirat ta gano cewa idan ta cigaba da wannan fada to

zata iya rasa rayuwarta. Saboda haka ta nufi kofar dakinta a

guje da nufin tsira, to a wannan lokaci sarki najmad ya bude

kofar da karfi. Ita kuwa labeenat sai ta jeho wannan karamar

yukar dake hannunta domin kashe gimbiya. Daga nan sai sarki

najmad yayi sauri ya kade gimbiya ta fadi can gefe. To anan

yukar ta shiga jikinsa. Labeenat na ganin wannan tsautsayi sai

tayi sauri tabi ta tagar dakin. Anan tayi tsalle ta diro domin fita

garin gabaki daya. To anan dakarun suka rabu gida biyu. Wasu

suka bita domin kamata. Wasu kuma suka dauki sarki najmad

domin duba lafiyarsa.

Daga karshe dai labeenat ta samu nasarar fita garin. Shi kuwa

sarki najmad ya samu mummunan rauni wanda daga karshe ya

rasa rayuwarsa. Wannan al amari yayi mutukar batawa gimbiya

rai saboda haka tayi niyar yakar birnin askandariya. To a

wannan yaki ne ta samu nasarar kashe mahaifin labeenat

wanda shine sarkin yakin birnin askandariya. Ba karamin farin

ciki tayi ba duk da cewa bata samu nasarar kashe makiyi yarta

ba.

A haka dai ta cigaba da kawowa birnin askandariya hare hare a

lokuta daban daban domin samun nasara. Amma abun takaici

shine a duk lokacin da suka kawo harin ba nasara, haka suke

komawa da kunyarsu. To daga karshene gimbiya halirat tayi

fushi mutuka, saboda haka sai ta shiga duniya domin samun

ilimi na tsafi. Anan tayi alkawari cewa zata dawo ta halaka

mutanen garin ga baki daya, sannnan kuma ta dauki fansar

mahaifinta kuma ta kashe labeenat.

Ba a dau lokaci da wannan al amari ba sai sarki nayib ya

kwanta rashin lafiya. To anan yayi wa dansa gamza wasiya:

Ka sani dana rayuwarka tana cikin hadari da kaida mutanen

wannan gari domin a duk lokacin da gimbiya halirat ta dawo

bako shakka zata aiwatar da abunda ta fada. Saboda haka

inaso kayi kokari ka kiyaye martabar wannan birni namu da

kuma wannan yarinya labeenat.

Anan ya cigaba da bayanina: shekaru dubu da suka shude,

akwai wata sarka da sarkin aljannu na duniya ya kera da

hannunsa. Shi wannan sarki na aljannu ya kasance yana bin

wani addini wai shi musulunci. Dalilin da yasa ya kera wannan

sarka shine saboda kariya daga makiyinsa. Sai da ya shekara

dari takwas yana rokon ubangijinsa daya kare duk mutumin da

sarkar ta dawo hannunsa.

Daga nan sai ya dulmiya ta a cikin wasu ruwa da ake cema

“RUWAN SIRRI” su wadannan ruwan sun kasance suna

maganin cututtuka kala kala har kala dubu. Sai da wannan

sarka ta shekara dari takwas a cikin wadannan ruwa sannan ya

fito da ita.

Wata rana sai yayi wani mafarki. A cikin mafarkin sai aka nuna

masa wata mata mai suna muhibbat wadda zatazo karshen

zamani. Ita wannan mata zata hadu da balai kala kala wanda

daga karshe zata rasa rayuwarta tabar wata karamar diyarta.

To a cikin mafarkin sai aka nuna masa cewa wannan diyar tata

itace zatayi amfani da wannan sarkar. To a tarihin wannan

sarki yanada baiwa domin duk mafarkin da yayi kan zamo

gaskiya. Saboda haka sai ya kera wani littafi da kansa, anan ya

debi jininsa ya rubuta labarin wannan mata da kuma wasu

abubuwa naban mamaki daya gani a mafarkinsa. Cikin kuwa

hadda taswirar wannan mata da iyalanta(drawing) daga nan

sai ya dauki sarkar da littafin ya kaisu wata duniya can daban

inda wani jinsi na bil adama ke rayuwa ba irin mu. Domin jiran

wannan lokaci na wannan matar muhibbat tare da diyarta.

Anan sarki nayib ya nisa kafin ya cigaba da bayaninsa. Akwai

wani lokaci da diyar wannan mata zata zo wannan birninmu

domin dibar wannan icce namu mai albarka. To idan har ka

samu nasarar kwace sarkar bako shakka ba wani tsafi da zai yi

tasiri akanka saboda haka zaka huta da barazanar gimbiya

halirat.

To bayan wannan wasiya, sarki nayib bai dau lokaci ba ya rasa

rayuwarsa. To anan aka nada gamza a matsayin sarkin garin.

Shi kuwa gamza kai tsaye ya auri masoyiyarsa wato labeenat.

To a cikin wannan aure ne aka samu cikin yarima munib.

Bayan wani dan lokaci sai labeenat ta fara mugayen mafarkai

akan gimbiya halirat. Saboda haka hankalinta ya tashi mutuka.

Domin tasan a duk lokacin data dawo garin to bako shakka

itace zata fara mutuwa. Saboda haka labeenat tayi shiri zata

shiga duniya domin ta samo sirrin tsafi wanda zatayi dogaro

dashi domin kariya ga harin gimbiya halirat. To anan labeenat

tabar danta yarima munib ta fita domin cikar burinta. Ba yadda

sarki gamza bai yiba domin ta zauna amma taki.

To bayan tafiyarta ne da wasu shekaru sarki gamza yayi

tsammanin ta mutu, saboda haka sai ya kara aure. To anan ya

auri wata kyakkyawar yarinya mai suna amisat. Haka amisat ta

dauki yarima munib a matsayin danta tun yana karami har

girmansa. Kuma shi yarima a tsammaninsa itace mahaifiyarsa

domin babansa bai taba bayyana masa gaskiyar lamarin ba.

=========================

Wata karamar gajeriyar dariya ke fitowa a cikin wani kogo mai

duhu, dagajin muryar kasan da cewa mace ce ke yinta. Sanye

take da wasu kaya na manyan mata masu ji da kansu. Kai

daganin shigar kasan da cewa yar sarauta ce.

Wasu manyan jarumai ne su biyu ke tsaye a gabanta suna

saurarar aikin da take shirin sasu.

Hubair da yazid nasan kune jaruman da kuka san kan

masarautar askandariya ciki da wajenta. Saboda haka ku kuka

fi cancanta da kuyi wannan aiki mai mutukar wahala. Injita. Sai

dai idan kukayi kuskure to zaku rasa rayukanku domin sarki

gamza ba zai kyalle kuba.

To anan ne yazid ya fara magana: haba gimbiya halirat, ya kina

wannan magana sai kace bakisan kanmu ba. Ai mu bama

kuskure shi kansa kuskure tsoronmu yake saboda haka ki fadi

bukatarki yanzu zakiga aiki da cikawa.

Murmushi tayi kafin ta fara magana: ku sani cewa akwai wata

sarkar sihiri da sarki gamza ya amshe ga wata hatsabibiyar

yarinya da ta shigo garinsa domin dibar iccen da suke bauta.

To wannan sarkar nakeso ku satomin domin nasan dole tana

wurinsa.

Wannan ba komi bane ranki shi dade. An gama. Inji

hubair.daga nan suka tashi suka fita. To wannan shine dalilin

da yasa hubair da yazid suka shigo birnin askandariya domin

kammala wannan aiki da gimbiya halirat ta basu.

:::::::::::::::::::::::::::::::

To bayan da hubair da yazid sun samu damar sato wannan

sarkar anan suka fara kokarin fita masarautar don kada

asirinsu ya tonu. To kafin suyi nisa da tafiyar ne suka farajink

ana buga kararrawar garin wato alamun cewa kowa ya tashi

domin akwai masifa tafe.

Gurnani da gudun dakarun garin ya ba su yazid mamaki. To

anan suka gane cewa ashe wani katon tsuntsu ne a sama sai

aman wuta yake ma mutanen garin, wata mata ce a sama ba

abunda take in banda jefo kibiyoyin sihiri ga dakarun garin

masu kokarin kare birnin.

Wannan abu yabasu mamaki amma basu damu ba, haka suka

cigaba da gudu suna kokarin fita masarautar. A cikin wannan

gudu ne nasu sukaci karo da wasu dakaru to anan suka tsayar

dasu suna tambayarsu ko su waye. Maimakon su basu amsa

kawai sai suka fara yakarsu. Taron yawa yafi taron karfi kafin

kaceme an kai su yazid kasa. Can sai yazid ya tuno maganar

daya gayawa gimbiya kafin ya fito.

( mu bama kuskure, kuma shima kuskure tsoronmu yake)

Anan yaga bazai yiwuba, kafin kaceme ya kubce. Anan

gumurzu ya koma sabo, daga karshe dai su yazid sun samu

nasarar fita garin lafiya lau domin suna gamawa da wadannan

dakarun kawai sai sukaga wannan tsuntsun ya kamasu ya aza

saman bayansa. Anan ya daga fuka fukansa yayi sama dasu.

Tun da sanyin safiya sarki gamza ya farka yaga irin barnar da

aka yiwa mutanen garinsa, gawawwaki koina ba kyan gani.

Daga nan kuma ya gano cewa an sace masa sarka, wadda ya

kwace wurin meenat. Sarki gamza yayi mamakin wannan hari

na ba zata. To kada dai ace gimbiya halirat ce ta dawo!!!!

Bayan sati daya da faruwar hakan, sai ga gimbiya marsiyya ta

kawo ziyara garin wato yarinyar da akeson aurama yarima

munib. Wannan ziyara ta musamman ce domin ganin yarima

saboda haka iyayenta basu zoba maimakon haka sai suka

hadota da dakaru wadanda zasuyi gadin lafiyarta. Sarki gamza

ya karramata mutuka tare da dakarunta daga nan kuma ya

basu masauki. To a wannan lokaci gasar shekara ta matso. Ita

wannan gasa duk shekara ake yinta. Saboda haka akan tara

sadaukai suyi fadan gwajin karfi duk wanda ya fito zakara kan

samu kyauta mai tsoka.

Akwai wani abu da sarki gamza ke nufi dasu ilham domin ya

umarcesu dasuyi shirin shiga wannan gasa mai hadari amma

kuma sai ya debe meenat. Wato bada ita za ayi gasar ba. Iyaka

dai ilham da abbanta kawai ne za ayi dasu. Wannan abu ya

mutukar ba yarima mamaki domin bai taba yiwa yan fursuna

haka ba. Kuma ita wannan gasa maza aka sani da yinta, domin

duk macen da taje sunanta gawa. Kuma me yasa debe

meenat? Ko yana nufin ya yarda da jarumtakarta. Haka dai

yarima ya cigaba da wannan tunani, daga karshe dai ya yanke

shawarar horar da ilham tare da abbanta domin su samu

damar kare kansu ga harin makiya.

To a wannan lokaci sadaukan garin sun fara kimtsawa domin

fuskantar wannan gasa saboda haka duk yan fursuna an basu

dama su fito suyi kallon gwajin gasar kafin a fara ta ainahin. To

a wannan lokaci meenat na zaune ita kadai tana kallon yadda

yarima ke horar da ilham tare da abbanta. Sai kuma wasu

mazaje dake bayansu suna horar da kansu, filin dai ya cike da

sadaukai sai horar da kansu sukeyi.

Ana cikin wannan horo ne sai ahnab wato abban ilham ya gaji,

saboda haka sai ya komo wurin meenat yayi zamansa ya kyale

ilham da yarima suci gaba dayi.

A duk lokacin da yarima ya hada ido da ita sai yaga ta done

kai, anan ya rasa gane abunta take nufi.

Gyaran murya yayi kafin ya fara magana: inaso ki rike takobinki

da hannu biyu sannan ki fara kawomin mugayen hare hare, to

anan ilham ta dan kalleshi. Wannan kallo ba karamin sosa ma

yarima zuciya yayi ba.domin wani dadi ne ya lullube shi.

Taku yayi uku sannan ya gyara mata rikon takobi. To anan ta

fara kawo masa sara yana kaucewa. A hankali har ta fara gane

yadda ake kai hari. To daga nan ne shi kuma ya fara kai mata

tana karewa. To suna cikin hakane saiga gimbiya marsiyya

tazo giftawa. Anan abun yabata shawa irin yadda sadaukai ke

horar da kansu. Tana cikin waige waige ne sai ta hango yarima

tare da wata yarinya suna fada. Anan ta fara mamaki ko

wacece wannan?? Babban abunda ya bata haushi shine irin

yadda yarima ke kallonta. Kuma itama da alama tana satar

kallonsa kuma a duk lokacin da suka hada ido sai taga sunyi

murmushi. Kamar dai akwai wani abu dake gudana tsakaninsu.

Cikin sauri gimbiya marsiyya ta isa wurin.

Sannunki, ai da kin bani takobin sai kije ki huta ko, da alamar

akwai gajiya a tattare dake.inji marsiyya. Ilham batayi gardama

ba ta mika mata takobin. Anan ta nufi wurin su meenat domin

zaunawa. Haka yarima ya bita da kallo har sai da gimbiya

marsiyya ta kyafatoshi.

To anan suka fara kallon kallo, cikin murmushi yarima ya fara

magana: nasan ke jaruma ce saboda haka ki shirya ma

fuskantata, domin bazan raga miki ba ko kadan.

Anan gimbiya tayi dariya tana mai bashi amsa. Haka kace,

aiko yau kayi gamo da gamonka domin ko kadan bana

shakkunka. Kuma yanzu zan nuna maka cewa ni ba kanwar

lasa ceba. Wannan magana da sukayi ta janyo hankalin

sadaukan ya koma a kansu. To anan suka natsu suna kallonsu.

Wani kukan kura tayi sannan ta fara kawo masa sara da suka

cikin bajinta irin ta manyan jarumai. Da farko yarima bai daukin

abun komai ba amma daga baya sai ya gane cewa idan baiyi

da gaske ba zaiji kunya. Anan ilham ta fara kallon wannan fada

nasu tana tunani” dama ace nice keda wannan jarumta ai

dana futa” ta fada.

Fadan nasu ya kasance abun debe kewa da nishadi, ita dai

gimbiya ta kasance ba abun da take yi in banda kai masa sara

cikin salon yaki, cikin hakane ta lankwasa takobin ta masa

wata bulala a baya anan yarima ya fadi timmmm. Kafa tasa da

nufin takashi, daga nan sai yayi wani tsalle yana juyawa har ya

mike.

Daga nan sai yarima ya canza salon fadan, haka ya fara kai

mata hari cikin sauri har ya samu damar yar da takobinta. To

anan ya kayar da ita ya aza mata takobi a wuya ma ana shi ya

cinye. Dariya gimbiya tayi daga nan sai ta mike. Juyawa tayi da

nufin tafiyarta kawai sai tayi karo da meenat a gabanta. Anan

meenat ta fara magana. Kinyi kokari, amma banji dadi da kika

yarda ya kaiki kasa ba, domin irin wannan kanja ma mata raini.

Hhhhhhhh. Yarima yayi dariya. Ko zaki gwada ne kema?? Anan

meenat ta juyo wurinsa. Ai ni bana fada da yara. Wannan

magana ta meenat tasa sadaukan suka fara kallonta, ita

wannan ko mi take takama dashi?? Wai yarima zata cewa

yaro!!

Anan meenat ta juya da nufin komawa inda take. Cikin rashin

tsammani sai taga yarima a gabanta. Ai da kin bari mun gwada

domin a banbance waye yaro waye babba. Cikin murmushi

meenat ta bashi amsa, kamar yadda na fada ma bana fada da

yara. Anan ta cigaba da tafiyarta.

Cikin wata murya mai karfi yarima ya fara magana: ai ni ban

san da cewa a cikin mata akwai matsorata ba, masu tsoron

karawa da mazaje.

To anan meenat ta tsaya wuri guda tana saurarensa. Kuma a

wannan lokaci duk hankalin sadaukan ya dawo kansu. Daga

nan meenat ta dawo wurinsa, anan ta amshe takobin dake

hannun gimbiya marsiyya. Daga nan sai sadaukan suka

zagayesu domin kallon wannan fada.

Kallon kallo aka farayi tsakanin yarima munib da meenat. Kai

da gani kasan kar tasan kar. Cikin wani salo na manyan barade

ta kawo masa wani kakkarfan sara. Saboda karfin saran sai da

yarima yaja da baya. Sai can ya turje wuri daya. Anan yayi

mamakin irin wannan karfin sara domin a tsammaninsa wani

kato ne ya fado masa.

Cikin gwaninta irin na manyan jarumai suka kacame da wani

azababben yaki. Wannan yaki ya kasance mai ban tsoro domin

da farko yan kallo sunyi tsammanin na gaskiya ne. Sai daga

baya suka gano ba haka ba. Cikin kowace dakika meenat ta

kasance takan kai ma yarima sara fiye da goma a lokaci guda.

Hakan ya tabbayar ma da yarima cewa lallai jarumar gaskiya

ce. Domin yayi karo manyan jarumai masuji da kansu amma

bai taba haduwa da irinta ba. Wannan sauri na meenat ya rudar

yarima domin ya rasa hanyar da zaibi ya kare saran domin

sunyi yawa. Haka wannan yaki yaci gaba da gudana har takai

yarima bai iya mayar da martani sai dai kariyar kansa.

Cikin hakane meenat ta samu nasarar yimasa yanka uku a

kafada sai da yayi ihu domin zogin da yaji. A haka yan kallo

suka wanzama suna kallon wannan fada tare da mamakin

meenat.

Can sai meenat tayi wani tsalle, anan yarima ya dago kai

domin ganin inda zata. Cikin rashin tsammani sai yaga ta dawo

bayansa. Kafin ya juyo tuni ta masa wani naushi a fuska ji kake

fussss. Karfin wannan naushi yasa yarima ya yar da takobinsa.

Daga nan sai ta kara masa wani mai karfi wanda yafi na farko.

To anan yarima ya fadi rikacaaa kamar gawa.

Wannan faduwa ta yarima ta tayar da hankalin yan kallo.

Domin a tarihinsa ko a cikin gasar ta gaskiya bai taba faduwa

kasa war was ba. Amma sai gashi yau mace ta kaishi kasa

kuma wurin gwaji bama wurin gasar ba. To ina ace a gasar

ne???

Anan fili yayi tsit tamkar anyi mutuwa. Can sai yarima ya fara

dan tari. To anan meenat ta miko masa hannu, anan ya rika

hannun nata har ya tashi tsaye. Mikewarsa keda wuya sai fili

ya kacame da shewa. Anan aka fara yiwa meenat tabi da

jjnjina. Haka itama tayi ta kallon jama a tana daga musu

hannu. Wannan jarumta da meenat tayi yasa sunanta ya

bazama a garin. Haka shima yarima sai da ya jinjina mata. To

anan ya gane cewa wato saboda jarumtakarta ne abbansa ya

hanata shiga gasar. Don kada ta yiwa sadaukan garin barna.

Domin bako shakka karo da irin wadannan kiran ruwa ne.

Da ganin fuskarta kasan cikin annashuwa take. Gimbiya halirat

ce a zaune tana kallon sarkar da su yazid suka kawo mata.

Wannan matar dake saman wani katon tsuntsu dake aman

wuta a birnin askandariya gimbiya halirat ce. Kuma itace ta

dauke su yazid a lokacin da suke kokarin fita garin.

Anan ta fara magana: bako shakka kunyi namijin kokari da kuka

samo min wannan sarka. Domin ban aza zaku iya ba. Sai da

har yanzu akwai wani aiki daya da nakeso ku cika min.

Ku sani cewa akwai wata gasar fada da akeyi a birnin

askandariya a duk shekara saboda haka inaso ku shiga wannan

gasar domin ku kashe yarima munib. Idan kuka yimin wannan

to zan baku kyauta wadda zata isheku har zuwa karshen

rayuwarku.

Cikin murmushi hubair ya fara magana: gimbiya ni a ganina tun

da har kinada ikon juya wadannan kwari na sihiri yadda kikeso.

Me yasa ba zaki aika masa suba. Ko kuma ki turasu su kashe

mutanen garin gabaki daya. Kuma nasan akwai wata halitta

wadda har yanzu bamada masaniya akanta. Amma nasan

itama tana karkashin ikonki. Ita wannan halitta kanyi kalaci da

mutum yada taso wanda hakan yasa wasu daga cikin halittun

suka koma wata duniya ta wasu bil adama daban suna

kashesu. To ni inaga kosu kika tura ai zaifi sauki.

Dariya gimbiya halirat tayi, duk abunda ka fadi gaskiya ne,

wannan shine dalilin da yasa na shiga duniya nayi shekaru ina

bidar sirrukan tsafi. saboda wannan dalili ne yasa na tanadi

wadannan kwarin, kuma na sihircesu yadda suna jin kamshin

mutane, akan hakan yasa duk mutumin daya gifta ta wannan

hanya sunansa gawa. Domin bako shakka wadannan kwari

zasu kasheshi. Sai dai yanzu banason nayi aiki dasu, ku

nakeso. Saboda haka ina umartarku dakuyi shiri domin nan da

kwanaki kadan za a fara gasar. An gama ranki shi dade. Inji

hubair.

A cikin birnin askandariya. Yarima munib na tare da

mahaifiyarsa amisat sai kuma sarki gamza. Fada kawai suke

masa.

Dolene ka auri gimbiya marsiyya ko kanaso ko bakaso! Inji

amisat

Can sai ga gimbiya marsiyya ta shigo dakin. Ku gafarceni na

shigo ba tare da neman iznin kuba. Amma abunda ya kawoni

shine game da wannan magana da kuke yita nanatawa.

A gaskiya idan kuka yiwa yarima haka bakuyi adalci ba.

Daganan sai ta kalli sarki gamza. Abbana ya ban labarin

labeenat. Da kuma gwagwarmayar da kasha saboda bakason

gimbiya halirat. Daga nan sai hawaye suka fara zubowa a

idanunta. Dalilin haka yasa nake rokonku daku bar yarima ya

auri wadda yakeso, idan kuma ba hakaba to labarin labeenat

daya faru a can da shine zai kara maimaita kansa. Idan na

koma masarautar mu nasan yadda zanyi da iyayena. Saboda

haka gobe zan koma garinmu. Anan ta juya ta fita dakin.

Anan mamaki ya kama yarima. Ko ya akayi tasan baya sonta??

Sannan wacece labeenat??

Bayan sati daya da wannan al amari. Sai ranar wannan gasa

mai hadari tazo, wani fili ne aka tanada domin yinta, kujeru

wasu saman wasu, kuma sai aka jerasu yadda na gaba bazai

kare ma na baya ba. A haka wannan fili ya cika makil. Daga

nan sai aka fara buga tambarin fara wasa.

Ga kaidar wannan gasa sadaukai biyu ne ake hadawa fada da

juna duk wanda aka kayar to ya fadi. Haka za ayita hadasu har

sai an samu wanda ya rage. Ma ana ya rinjayi kowa.

Tunda aka fara wannan gasa hankalin ilham a tashe yake.

Domin a nan ta raina kanta. Ganin yadda sadaukai ke jajircewa

domin kai matakin karshe.

Hubair da yazid suna cikin wadanda za a kara dasu a wannan

gasa, sai dai sun lullube fuskokinsu da wani kyalle don kada a

gane. Kallo guda ilham ta musu taji bata yarda dasu ba.

Wani ihu taji mutane sun kwala. Anan tayi saurin duba zuwa ga

filin gasar sai ta gano cewa wasu sadaukai ne ke fada da juna

shine mutane ke ihu domin ganin yadda suke nuna bajintarsu.

Sun kasance suna juya takubba yadda sukeso cikin salon yaki

irin nasu. Ana cikin hakane sai aka kai ga yarima, tun daga

fitowarsa mutane ke masa kirari domin sun san da

jarumtakarsa a filin gasar. To a dai dai wannan lokacine su

yazid suka natsu domin kallon irin salonsa na fada. Wasu karti

ne su goma zai kara dasu. To anan aka sako wasu damisoshi

biyar daure da kaca. Abunda yasa aka sako wadannan

damisoshi shine don su karawa gasar wahala. Wato koda

mutum na karawa da abokin hamayyarsa to dole yayi taka tsan

tsan don kada ya fada wurinsu.

A tare wadannan sadaukai goma suka jero sahu suna kai ma

yarima sara da suka. A cikin salo irin nasa yake kare saran tare

da mayar da martani. Su kuma wadannan damisoshi sai

gurnani sukeyi suna jiran wanda zai fado wurinsu.

A wannan lokaci ilham na tare da meenat kafin a kirata. Anan

meenat ta gane cewa shima yarima ba kanwar lasa bane

domin cikin salon yaki yake yakarsu ba sassauci. Haka wannan

fada ya cigaba da gudana sai daga karshe yarima ya tarwatsa

su gabaki daya. Anan mutane suka fara yi masa tabi da jinjina.

Daga nan sai aka kira yan wasa na gaba. Wato ilham da

abbanta zasu yaki wasu sadaukai biyu. Anan gabanta ya fadi

rasssssssss. To kafin su shiga filin gasar ne yarima ya taresu.

Inaso ku jajirce a wannan gasa kada kuji tsoro ko karaya. Anan

ilham ta kalleshi tare da yimasa murmushi.

To bayan sun shiga filin gasar ne sai aka fara kallon kallo.

Daga nan sai suka rikece tare da kaima juna sara. Ahnab ya

kasance dattijo, amma ko kadan baya shayin wadannan

sadaukai domin yakarsu yake da zuciya daya. Sai da suka

dade suna wannan fada sai ilham ta fara gajiya. Har takai

abbanta ahnab shike kareta daga harin wadannan sadaukai.

Bayan wani lokaci sai ahnab shima ya fara gajiya, to a wannan

lokaci ita kuma ilham ta dawo hayyacinta. To daga nan ta

canza salon fadan. Anan ta fara yin wani fada da yarima ya

koya mata. Idan ka gani sai kace marar lafiya amma nan duk

salon fada ne. Cikin sa a kuwa takai wadannan sadaukai biyu

kasa. Anan aka yi musu jinjina sannan suka fito filin.

Yan wasa na gaba sune hubair da yazid suma zasu yaki

sadaukai biyu. Anan ilham ta kura musu idanu cikin rashin

yarda. Har suka gama fadansu ilham bata ida yarda dasuba.

Anan ta nunawa meenat tasu tana fada mata cewa bata taba

ganinsu a filin gwaji ba.

Haka aka yita hada sadaukai suna yakar junansu har sai da

aka kai matakin karshe, wadanda suka kai wannan mataki sune

yarima da ilham sai kuma hubair da yazid, shi kuwa ahnab ya

samu rauni sakamakon wani sara da wani barde yayi masa a

cinya saboda haka aka fiddashi filin gasar.

Hubair da yazid sun samu abunda sukeso. Anan suka kalli juna

kafin fuskantar su yarima. To wannan matakin karshe kowa

nasan kallonsa. Domin su hubair sun taka rawar gani kuma ana

ganin kamar sune zasu cinye wannan gasa. Saboda haka

hankakin yan kallo ya dawo kansu.

Kukan kura sukayi sannan suka tasoma juna cikin son ganin kai

abokin karawa kasa. To anan suka rincabe ba sassauci. To

anan yarima ya lura da irin saran da suke kawo masa kamar

sunaso suyi masa kwaf daya. Bako shakka yarima ya hadu da

gamonsa domin duk salon da yayi na yaki sai yaga sun sanshi

har sunfi shi iyawa. Haka itama ilham abun ya daure mata kai.

Daga nan yan kallo suka fara tabbatar da abunda suke tunani

akan cewa su yarima yau ba sa a.

A cikin wannan yaki yarima ya gaji mutuka haka itama ilham,

to daga nan ne suka buge ilham anan ta fadi gefe guda ko

motsi bata iyayi. Shi kuwa yarima a wannan lokaci takobinsa

ya fadi. To anan ne yazid ya dauko wani karamin mashi da

nufin soke yarima.

To anan dakaru suka fara tsawata masa domin ga kaidar

wannan gasa ba a kashewa amma sai sukaga ko jinsu bayayi.

Gashi dakarun suna nesa da filin balantana su hana. Kuma idan

sukace zasu hana to kafin su shigo filin mai afkuwa na iya

faruwa to anan suka rasa yadda zasuyi. Anan yarima ya bude

idanu yana kallon mutuwa a fili su kuma su yazid anan suka

durfafe shi. Anan yarima ya fadi. Runtse idonsa yayi domin

yasan da cewa yau sai wani bashi ba. Haka itama ilham tana

kallo za a kashe mata yarima amma ba abunda take iyayi.anan

hawaye suka fara zubowa a idanunta domin tasan yarima shi

kenan.

Yarima na cikin mamaki domin bai san abunda yasa wadannan

sadaukai keson kasheshi ba. To anan ya fara yima ilham kallon

ban kwana. Gashi bai cika burinsa na bayyana mata irin son da

yake yi mata ba.

To kafin hubair da yazid su aiwatar da nufinsu. Kawai sai akaji

haniniyar doki ya shigo filin gasar. To anan yan kallo suka bude

ido suna kallon abun mamaki wanda basu taba gani ba. Wata

mata ce a saman dokin. Sannan dokin baya taka kasa domin a

saman iska yake gudu.

Tun daga nesa wannan mata ta fara yiwa su hubair ruwan

kibau. Koda ta karaso wurinsu sun dade da mutuwa. Anan ta

dauki yarima munib da hannuta tana sumbatarsa. Daga nan

kuma sai ta jawo ilham ta gamasu dare. To anan ne dokin yayi

haninya sannan ya sauko kasa. To a wannan lokaci dakaru sun

shigo filin haka shima sarki gamza ya fito domin ganin ko

wacece ta ceci dansa daga halaka.

Labeenat!!!!!! Sarki gamza ya fada da karfi da ganin wannan

matar. Anan ya sheko a guje, haka itama wannan matar. To

anan suka rungume juna cikin farin ciki. Daga nan yan kallo

suka fara kallonsu suna mamakin abunda ke faruwa.

To ana cikin hakane sai akaga wata bakar guguwa ta durfafo

filin gasar. Hankalin meenat yayi mutukar tashi da ganin

wannan guguwar domin ta taba ganin irinta.

Wasu kwari ne manya manya a cikin guguwar. Anan meenat ta

gane wadannan kwarin, sune wadanda bayan ta fito garin

wadannan samudawan dodanni da ita da wadanda suka tsira.

Akan hanyarsu suka gamu da wadannan kwari. To anan

wadannan kwarin suka yita kashin mutane. Wanda daga karshe

zulyan ne ya ceceta daga harinsu.

Can sai akaga wadannan kwari sun koma wata mata. Wannan

ba kowa ceba in banda gimbiya halirat. To anan mamaki ya

kashe meenat. Kada dai ace wannan mata itace keda

wadannan kwarin!!!

Cikin tafiya ta kasaita gimbiya halirat ta tako gaban su sarki

gamza. Wata harara ta banka wa labeenat kafin ta fara

magana: kada kiyi tsammanin ganin kin ceci danki daga

sharrina komi zai lafa. Wannan kadan ne kuka gani. Kuma

inaso ku saurari abunda zai biyo baya. Anan ta rikida ta koma

wadannan kwarin, daga nan sai guguwa ta dauketa ta bace da

ita bat.

Yan kallo wannan gasa sun cika da mamakin ganin abunda ke

faruwa. Daga nan dai akayita watsewa har kowa ya koma inda

ya fito. To bayan yarima ya farfado daga dogon suman da yayi,

anan sarki gamza ya bashi labarin abunda ke faruwa tun daga

farko har karshe. To anan ne ya gano cewa amisat ba itace

mahaifiyarsa ta gaskiya ba.

Bayan sati daya da faruwar hakan, wata rana sarki gamza na

cikin fada. Kawai sai yaga dakaru sun shigo da wata mata. Wai

tanason yin magana dashi.

Ni sunana marliyat. Ina nan a wani karamin gari dake

makwabtaka da birnin ka waishi dimana. Mun kasance cikin

wata anoba domin wasu kwari ne ke damunmu wadanda bamu

san kansu ba. Su wadannan kwarin kan shiga jikn mutum daga

nan sai su kunbura shi, daga karshe kuma sai su fashe mutum

yadda zai yi gunduwa gunduwa wato kai daban kafa daban.

Wadannan kwari sun kashe jama a wadanda basa kirguwa.

Saboda haka na gudo domin in fadama tun da kaine babban

sarki. Idan yaso sai kayi wani abu akai.

Kada ki damu zan dau mataki game da al amarin! Inji sarki

To anan marliyat ta juya da nufin fita fadar. Kadan ya rage ta

fita sai sarki gamza yaga ta juyo ta fara kallonsa. To anan yaga

idanunta sun juya sunyi wani ja. Wata magana ta farayi wadda

daga sauraro kasan da cewa ba marliyat gaskiya ce ke wannan

magana ba.

Anan ta nuneshi da yatsa. Bazaka taba samun nasara ba.

Kuma da sannu sai naga bayanka da kaida duk mutanenka.

Anan yaga jikin marliyat ya fara kunburi. Kafin kaceme ta fashe

fasssssss. Anan sassan jikinta sukayi gundu gundu. Daga nan

sai yaga wadannan kwari sun fito jikinta. Haka kuma sai ya

fara jin dariyar gimbiya halirat kamar daga nesa. Daga nan

kuma sai wadannan kwari suka bace bat.

Cikin sauri sarki gamza ya shiga gidan sarautar. To anan ya

tara matansa biyu wato amisat da labeenat sai kuma dansa

yarima munib. Anan ya labarta musu abinda ke faruwa. Wato

ku sani cewa rayuwarmu na cikin hatsari domin ako yaushe

wadannan kwari kan iya zuwa wannan birni namu suyi mana

barna, saboda haka dolene mu dauki kwakkwaran mataki akan

hakan. A dalilin wannan yasa na yanke shawarar kiran duk wani

fursuna dake gidan yari zai fito ayi wannan tafiya dashi domin

ganin an dakile wannan matsala. Cikin wadannan fursunoni

namu duk wanda ya tsira daga cikinsu game da hadarin

wannan tafiya. Zamu bashi yanci ya tafiyarsa.

Cikin kankanin lokaci aka sanar da yan fursuna wannan zance

na sarki. Saboda haka suka fara shirye shirye.

A cikin wannan tafiya harda labeenat za a tare da sarki.

Saboda haka sai aka debi dakaru masu yawa. Anan aka bar

amisat domin ta kula da garin har lokacin da su sarki suka

dawo.

Daga nan suka kama hanyar wannan gari wato dimana.

Kwanci tashi har tafiya tayi nisa.

Wata rana ilham na zaune ita kadai tana shakatawa kawai sai

ya yarima munib yazo wurinta. Daf da ita ya zauna.

Ya kinyi zaune ke kadai sai kace wadda aka yiwa mutuwa.

Anan ta juyo ta kalleshi. Ina tunanin wani abune daya dauremin

kai.

Amma zanso inji wannan abu daya daure miki kai!

Murmushi tayi kafin ta fara magana: kada ka damu zan fadama

idan lokaci yayi. Anan ya dan gyada kai. Wai ban taba

tambayarki ba hala a wane gari kike??

A birnin yamla!!! Ta bashi amsa

Ita kuma meenat na tare da abban ilham sai faman shan hira

suke.

To bayan dare ya raba sai kowa ya samu wuri domin yin bacci,

ita kuwa meenat a wannan lokaci batajin bacci, saboda haka

sai ta tashi domin ta zagaya wurin. To a cikin yawonta ne taga

wadannan kwari sun jero sahu suna tafiya, to anan meenat ta

yanke shawarar binsu domin ganin inda zasu.

Haka taci gaba da bin wadannan kwari har suka iso wani kogo,

anan taga suna shiga ciki. Abun mamaki shine sai taga zulyan

na magana da gimbiya halirat, to kada dai ace shi ke mata aiki.

Haka dai meenat ta koma mafakarsu. Daga nan kuma sai ta

sanar dasu sarki abunda ta gani. To anan sukayi shiri domin

shiga wannan kogo.

Cikin sanda suka fara tafiya har sukayi nisa cikin kogon to

bayan sunyi nisa ne sai suka farajin dariyar gimbiya halirat.

Cikin rashin tsammani sai ta bayyana a gabansu. Wasu dakaru

ne a bayanta wadanda duk jikinsu karfe ne.

To anan aka fara kallon kallo,can sai aka kacame da wani

namijin yaki, sudai wadannan dakaru na gimbiya halirat basajin

sara ko suka, haka kuma duk wani abu mai tsini baya tasiri

akansu. Wannan abu ya mutukar rudar dasu meenat domin sai

suka rasa hanyar da zasu yakesu. Ana cikin hakane sai gimbiya

halirat ta hango labeenat. To anan suka sheko a guje suka fara

nasu fadan, sai dai su nasu yakin na daban ne domin suna

amfani da tsafi.

Anan meenat ta hango zulyan ya shigo. Cikin sauri ta nufeshi.

Ashe kai munafiki ne. Wato dama shine ka labe wurinta domin

cutar damu.

Haba meenat ya kina wannan magana. Ya fada, ni ba aiki nake

mata ba, abunda yasa kika ganni wurinta shine domin inason

in taimakeku, ku sani wadannan dakaru da kuke fada dasu

bazaku taba samun nasara akansu ba face kun kashe………..

Labeenat bata dau lokaci tana yakar gimbiya halitat ba sai

gashi ta kaita kasa. Anan labeenat ta fara magana. Banason

kasheki. Sai dai ki sani cewa inaso ki fita harkata dani da

mutanena. Idan kuma ba haka ba to zakiga abunda zai biyo

baya. Anan labeenat ta juya da nufin ta kyaleta. Juyawarta

keda wuya sai ta hango yarima munib ya nufota rike da takobi.

Anan tayi tsaye tana kallon mai yake shirin yi.

Wani tsalle yayi sannan ya jefo takobin. Anan labeenat ta juya

domin ganin inda takobin ya nufa.

To ashe bayan data juya da nufin ta yafewa gimbiya halirat.

Ashe ita gimbiya bata yarda ba, shine ta tashi domin ta kashe

labeenat. Ashe shi kuma yarima munib ya hango abunda take

shirin aikatawa. Daga nan ne ya jefo mata takobinsa. Haka

wannan takobi ya shiga cikin gumbiya halirat. Anan ta fadi ko

shurawa batayiba.

To daga nan ne maganar zulyan takai karshe: ku sani

wadannan dakaru da kuke fada dasu bazaku taba samun

nasara akansu ba face kun kashe….. Gimbiya halirat.

Yana idarwa sai yaga gimbiya ta fado gabansa matatta.

To anan sukayi dubo zuwa ga dakarun kawai sai sukaga suna

ci da wuta. Anan meenat ta debe sarkarta daga wuyan gimbiya

halirat.

To daga nan sai sukayi shirin fita daga kogon.

Daga karshe dai sun fita lafiya saboda haka sauran yan

fursuna da suka rayu a wannan yaki an basu yanci su tafiyarsu,

to anan su meenat sukayi ban kwana dasu sarki gamza. Daga

karshe kuma yarima yayi alkawarin kai musu ziyara.

Anan su meenat suka kama hanyar komawa birnin yamla. To a

cikin wannan tafiya ne meenat ta bayyana musu abunda ya

kawota wannan duniya tasu wato”RUWAN SIRRI” to daga nan

ahnab yayi alkawin taimaka mata domin shi ke gadin

wadannan ruwa.

A lokacin da sarkin aljannu ya kera wannan sarka ta meenat.

To a wannan shekara akwai wata cuta data bayyana wadda ta

shafi mutane da aljannun duniya. A dalilin hakane sarkin

aljannu ya tara malaman birninsa domin su roki Allah akan

saukin wannan cuta.

Wata rana sai yayi wani mafarki. To a cikin mafarkin ne aka

nuna masa wani gida wanda komi nasa farine. A cikin gidan

akwai wata rijiya. To a cikin wannan rijiyar ruwan sirri suke, su

wadannan ruwa suke maganin wannan cuta data addabi

mutane da aljannun duniya. Har zuwa lokacin da sarkin aljannu

ya mutu ba a san wanda ya kera wannan gida ba, haka kuma

ba a san asalin ruwan ba.

A dalilin haka yasa sarkin aljannu ya bukaci danka ruwan ga

hannun mutane domin su taimaki junansu. To a cikin

bincikensa ne ya gano wani mutum mai amana a wata duniya

can daban. Wannan mutumi sunansa sanim. Sanim shine

kakan ahnab na dari da sha biyu. To anan sarkin aljannu ya

bayyana masa sirrin wadannan ruwan da kuma yadda ake

dibarsu. To kafin sanim ya mutu sai ya danka sirrin ga dansa,

haka shima dan dan ya ba dansa har abun ya kawo ga ahnab.

To bayan su meenat sun isa birnin yamla sai sukaga ba a

zaune lafiya domin an kawowa garin hari, yaki kawai akeyi.

Anan meenat ta yanke shawarar shiga cikin birnin domin ta

kaima yarima wannan icce data debo. Su kuwa su ilham anan

suka shiga cikin yakin aka fara damawa dasu.

Kai tsaye ta shiga dakin yarima lamras anan ta isko babansa

sarki qamar a tsaye jugum, tana shigowa ya zare takobinsa

domin a tsammaninsa wani ne ke kokarin kawo masa hari.

Yana ganinta sai ya mayar da takobinsa. Cikin sauri meenat ta

jika wannan icce a cikin ruwa. Daga nan taba yarima ya

shanye. Shanyewarsa keda wuya sai ya mike sai kace wanda

bai taba rashin lafiya ba. Anan sarki qamar ya rungumeshi cikin

farin cikin ganin dansa ya farka.

To anan ne yarima lamras yayi shrin yaki da nufin fita. Ba

yadda sarki bai yi dashi ba akan ya zauna amma yaki. Daga

nan sai meenat da sarki suka bishi. To bayan sun shigo filin

yaki an fara damawa dasu kenan. Sai kawai akaga yarima ya

yar da takobinsa. Wata yarinya ce ta sheko a guje wurinsa.

Wannan ba kowa ceba in banda gimbiya kulsum. To anan

abbanta yayi tsaye yana kallonta wato sarki habar.

Suna haduwa suka rungume juna. Anan mamaki ya kama

meenat ko ya akayi ya santa. Wannan abu yasa dukkanin

dakarun dana sarki habar dana sarki qamar suka yarda

takobinsu. Anan suka fara ihu suna murna. Kafin kaceme an

shirya.

A lokacin da yarima lamras na yaro. Mahaifiyarsa ta taba zuwa

dashi wani gari domin shakatawa. Wannan gari shine garwa

wato garin su gimbiya kulsum. To anan yarima ya kulla soyayya

da gimbiya kulsum, sai dai matsalar iyayensu basa shiri.

Saboda haka soyayyar batayi karfi ba.

To tun daga wannan lokaci basu kara haduwa ba sai yanzu.

Daga karshe dai sarki qamar da sarki habar sun shirya saboda

haka sarki qamar ya shirya wata liyafa ta musammam saboda

warkewar yarima.

Manyan sarakuna sun kawo masa ziyara saboda warkewar

dansa. A cikin hadda babban abokinsa wato sarki arma tare da

dansa yarima zayyad. To a wannan liyafa ne yarima zayyad

yaga rumaisa wato yayar ilham anan yaga tayi masa, saboda

haka ya bayyana mata sirrin dake ransa, daga nan ta aminta.

Haka shima yarima munib tare da iyayensa sun kawo ziyara a

birnin. To anan ne ya bayyana soyayyarsa ga ilham, haka

shima yarima lamras tare da tasa wato gimbiya kulsum. To

anan aka shirya ranar bikin aurensu Wanda za ayi tare.

Daga nan kuma sai ahnab ya bayyana ma meenat yadda ake

dibar wadannan ruwa na sirri. Daga nan kuma sai ya kaita

gidan wanda keda nisa daga garin. Meenat batasha wahalar

diban ruwan ba domin tana tare da ahnab wanda yasan sirrin

gidan. Tanashan ruwan sai taga jikinta na canzawa. Anan taga

halittarta ta ainahi ta dawo. Daga nan sai shima ahnab ya dibi

ruwan domin kaima ilham don a kare ciyon dake tare da ita.

Wata yar karamar gora meenat ta samu ta dura ruwan a ciki.

Daga nan sai suka dawo birnin yamla.

A ranar da ake bikin su yarima lamras a ranar ya duka shida

mahaifinsa ya bayyana wa meenat cewa juyawar halittarta

sune sanadi, anan ya bayyana mata yadda suka yi mata sharri.

Daga karshe dai meenat ta yafe musu.

To anan ne meenat tayi shirin barin wannan duniya. To anan

jama ar garin suka taru domin yi mata bankwana. A wannan

lokaci zulyan na tare da ahnab. Daga nan ne meenat tama

sarakunan tayin addinin musulunci. Anan suka karba suda

mutanensu.

Wai yaushe zaki dawo??? Inji zulyan.

Anan meenat ta masa murnushi ba tare data amsa ba. Daga

nan sai ta murza wannan sarka da kaka zuwaira ta bata.

Cikin rashin tsammani sai ga wata guguwa ta fito. To anan

wani bacci ya kama meenat. Kawai sai wannan guguwa ta

dagata sama.

A haka sauran jama a suka yita dagama meenat hannu suna

mata bankwana.

Daga nan sai aka daura auren yarima lamras da gimbiya

kulsum, shi kuma yarima munib da ilham, sai yarima zayyad da

rumaisa. Haka akayi shagali aka watse sannan kowa ya koma

garinsa.

Haka wannan guguwa ta yita tafiya da meenata har tabar

wannan duniya, to daga nan ne aka shigo da ita duniya irin

jinsinta(earth)

A hankali wannan guguwa ta ajiye meenat daga nan sai ta

bace bat.

Bayan ta shiga gidansu ne su kaka zuwaira sukayi maraba da

ita to daga nan ne kaka zuwaira ta fara magana: bayan tafiyarki

meenat mun gano cewa koda an ba wannan halittar wadannan

ruwa da kika samo to muhibbat wato mahaifiyarki bazata tashi

ba domin tayi mutuwar gaskiya, kuma fatalwarta ne ke baku

tsoro a cikin wannan gidan. Haka itama aunty balkisu bazata

tashi ba sanadiyar wannan halittar data cinyeta, saboda haka

ta mutu. Yanzu ruwan ko an ba halittar iyaka bafferh da ummi

kawai ne zasu tashi.

To anan hawaye ya zubo idanun meenat kan cewa ta rasa

mahaifiyarta. Daga nan ne suka shiga mota daddy na tukawa

har suka kawo wannan gida na fatalwa. To anan meenat ta

xuba ruwan sirri a wani tire sannan ta shiga gidan. Tana ajiye

ruwan sai ga wannan halittar ta fito. Anan halittar ta zuke

ruwan gaba daya. Tana gamawa sai ta fadi tana shure shure,

anan halittar ta mutu, to kafin ta mutu ne tayi aman su bafferh

da ummi, anan su meenat suka daukesu. Duk jikinsu yayi wata

lamniya.

Bayan sun kaisu gida ne aka wankesu tas. Sai da sukayi wata

guda kafin jikinsu ya samu sauki har su fara gane mutane.

Ba a dau lokaci ba kuma aka daura auren meenat da bafferh.

Daga nan suka zauna cikn jin dadi marar iyaka.

THE END

ALHAMDULILLAH.

FOR MORE NOVELS:

SEARCH AND JOINT OUR FACEBOOK GROUP:

KINGARTICLE.NOVL

OR

KINGARTICLE NOVELS OF ABDUL$BAFFEEH.

====abdul king article====