HUMAIRAT ( SARAUNIYAR RUWA )

=====HUMAIRAT======

SARAUNIYAR RUWA

Love and adventure

story

*******written by

abdul king article*******

------- A honour to

Firdausi queen article--------

Together with prince and princess of article

.....naxeer $ meenat....

Dedicated to: bigboy isah The author of----

-----MIJIN AJANNA-----

:::::::::The king of arewabookstories:::::::

##### mujittapha muhd####

"""""""" FARKON LABARIN""""""""

Anyi wata yarinya mai suna humairat, kyakkyawa abar

kwatance, son kowa kin wanda ya rasa, saboda wannan baiwar

da ALLAH yayi mata, sai samari sukayi ca akanta, duk da

yawan wadannan samarin nata, bata kulasu ko kadan, domin

ita a ganinta ba wanda ya kwanta mata a cikinsu, sai jan aji da

walakanci take musu a kowane lokaci, lokutta na wucewa,

shekaru na shudewa, amma duk da hakan bata damu da yin

aure ba, @@@@@ tambaya anan itace, kome takeso ta

mallaka kafin ta zabi miji????@@@ sannan kuma wane irin

saurayi takeson?????

H-MAIRAT 1

"CIYON SO"

Haka abbanta ya kirata da fada yana mai cewa "ashe ke

mutuniyar banza ce ban sani ba, yaron da kika cima mutunci a

jiya yarima ne dan dan sarkin garin nan, kuma ki sani cewa

sarki zai dauki mataki domin irin hakan bata taba faruwa ga

dansa ba."

Cikin rawar murya ta amsa da cewa, " haba abba, kayi hakuri

mana, ai wannan ya farune cikin rashin sani, kuma ni zaginsa

kawai nayi," 

  anan ya gyada kai yana mai cewa, "iyee lalle yarinya

kin girma, wato zaginsa ma kikayi, to gayamin a cikin samarin

naki wa kika zaba?"

Daga nan humairat tayi shiru ba tare da sanin takamammiyar

amsar daya kamata ta bashi ba, cikin mintuna kadan sai

dabara ta fado mata, cikin sauri tace

  " na samu sairayin da

nakeso a yanzu, sunansa BILAL"

Tana rufe baki kawai sai ga wani yaro ya shigo gidan, " salamu

alaikum, wai ana kiran humairat."

"Gaya masa ganinan tafe!" Injita.

 " Ki sani cewa idan naji ance kin masa walakanci, to kashinki ya

bushe a gidannan."

  " Haba abba ya kana irin wannan maganar, ai

hakan bazai faru ba." ba tare daya tsaya saurararta ba ya wuce

abinsa.

H-MAIRAT 2

To bayan humairat ta tagama shiryawa, kawai saita fita waje

domin ganin ko waye ke nemanta, a zaune yake kusa da wata

itaciya amma da ganin humairat ta nufo shi, sai ya mike tsaye,

humairat taji mamakin ganin wannan saurayin domin bata taba

ganinsa ba, kuma baya cikin samarin dake nemanta, to bayan

sun gaima gaisawa, sai ya fara magana kamar haka:

" Wato ki sani cewa so makaho ne, so shi kesa mutum ya rabu

da yan uwansa, so shi kesa mutum ya dawwama cikin

gurbattaciyar rayuwa, haka so shi kesa mutum yayi tafiyar ba

zata, saboda haka nazo wurinki domin in bayyana miki sirrin

dake raina."

Humairat taji mamakin wannan maganar, domin a cikin

samarinta ba a taba samun wanda yayi mata irin wadannan

dadadan kalamai ba, batasan lokacin data masa murmushin

farin ciki ba, tana tambayar sa daya gaya mata sunansa.

 "Ni sunana BILAL" injishi.

Yana fadin haka gaban humairat ya fadi, anan ta tuno da karyar

data ma mahaifinta na cewa tanada saurayi mai suna bilal, to

kada dai ace wannan karyar ce ke shirin zama gaskiya.

Daga nan humairat ta fara ganin juwa, bata kara sanin inda

take ba. Farkawa kawai tayi ta ganta cikin daki kwance

mahaifiyarta na mata fita, sai kawarta a kusa da ita, daga nan

sai ta tambayesu " ina bilal?"

 " Wane bilal kuma?" Inji mahaifiyarta.

" Kawarki ce meena ta ganki a sume kusa da icce ( bishiya) daga

nan ta dauko min ke ko motsi bakya yi, saboda haka ina

umartarki daki gayamin abunda ke faruwa domin baki taba

suma ba sai ayau."  anan humairat ta done kanta kasa hawaye

na zuba a idanunta ba tare data kallesu ba.

H-MAIRAT 3

To bayan kwana uku da faruwar hakan, wata rana da la asar

sai ga mahaifin humairat ya dawo ya sameta tayi zaune

jugum, da alamar ta shiga duniyar tunani, bayan ya karaso

kusa gareta, sai ya fara yi mata magana da cewa:

 " Wai me ke damunki, sai inga kina yawan tunani ba tare da

fuskantar muhimman abubuwan yau da kullum ba."

Cikin jin kunya ta amsa  "ba kome abba."

" karya kikeyi, shi bilal din da kika yimin maganarsa fa?"

Cikin sauri humairat ta dago kai ta dubeshi tana mai cewa:

" Wallahi abba ban sanshi ba! Kuma yanzu haka banida

labarinsa."

Wannan magana ta humairat ta harzukasa, daga nan ya fara yi

mata fada, " ke bakida hankali bansan kome ke damunki ba!"

wannan fada da yakeyi ya tayar da mahaifiyar humairat wadda

keta sharar barcinta, nan take ta fito daga dakin.

Wai hala meke faruwa a gidan nan? ta tambaya.

Sai ya amsa da cewa "kina ganin wannan wawuyar yarinya, a

cikin wadannan kwanakin ta gayamin cewa tanada saurayin da

takeso waishi bilal, to ayau ne na tambayeta game dashi, wai

shine take cewa bata sanshi ba."

Daga nan sai mahaifiyarta ta fara magana " wato dama kina

sonshi, shi yasa daga farkawarki kika fara tambayarshi ko?"

 " Daga farkawarta kuma? A yaushe ta tambayeshi?" abba ya

tambaya. Daga nan sai umma ta fara basa labarin abunda ya

samu humairat na daga suma har zuwa lokacin da meenat ta

kawota gida, wannan labari ya mutukar bashi mamaki, daga

nan sai ya kalli humairat yana mai cewa  " wannan tunanin da

kikeyi na menene? Kuma saboda me kika cemin baki sanshi

ba, bayan daga farko kin fada da bakinki cewa shine

saurayinki?"

 " Ka gafarceni abba, amma na gayama hakane saboda kada

ranka ya bace, amma a hakika ba da gaske bane, sai dai a

ranar kuma wannan abun dana gayama ya zama gaskiya,

domin fitar danayi domin ganin ko waye ke bidata sai na

ganshi, anan ya fada mun sunansa bilal, daga nan ban kara

sanin abunda ke faruwa dani ba sakamakon wata juwa dana

fara gani wadda kuma bansan sanadinta ba."  wannan magana

taba uwayen humairat mamaki.

H-MAIRAT 4

Bayan mako daya, sai humairat tayi shiri domin zuwa ganin

kawarta meenat, to akan hanyarta ne ta gamu da ita, itama da

shirin zuwa gidansu, anan suka fara tadi, humairat ta kwashe

duk abunda ya faru tsakaninta da bilal ta fada mata.

Cikin mamaki meenat tace, "wato yanzu dai kicemin kina sonshi

ko?" Daga nan sai humairat ta amsa da cewa, "a gaskiya ban

sani ba, ni abunda keban mamaki shine a kullum tunaninsa

nake, mafarkinsa nake, kuma yanzu haka ganinsa nake a

idanuna, kuma tun ina yarinaya ban taba jin ina kaunar da

namiji ba, hasali ma kyamarsu nakeyi."

Cikin murmushi meenat fara magana, " kada ki damu kawata,

wato ki sani cewa dole akwai wani boyayyen al amari game da

wannan yaron, amma idan kika bishi a hankali to da sannu zaki

san ko da wacce yazo."

 " E hakane, cewar humairat, amma abun mamaki shine yau sati

daya daga ranar da muka hadu, gashi har yau ban kara

ganinsa ba."

 " Kada ki damu humairat, zai dawo wataran."  inji meenat

Daganan sukayi sallama, kowace ta kama hanyar gidansu.

H-MAIRAT 5

A cikin wannan dare uwayen humairat suka farka da abun al

ajabi, humairat ce ke mafarki tana fadin wasu kalamai marar

ma ana:

"bai isa ya raba mu ba, ina sonka bilal, ya hasken idona, sanyin

zuciyata, kuma annurin rayuwata, bazan iya rayuwa idan bada

kaiba, ka juyo ka kalleni mana, bai isa ya raba muba."

Haka humairat ta cigaba da maimaita wadannan kalamai

uwayenta na tsaye suna kallonta, daga nan sai mahaifiyar

tace  " kana ganin wannan mafarki na lafiya ne kuwa?" Cikin

natsuwa ya amsa da cewa  " abun daban mamaki, domin tun

tana yar shekara biyar idan taga namiji to runtse idanu take

domin kada yayi mata magana, amma a yau itace  CIYON SO

ya kama, harda buda baki ta ambaci kalmar so ga yaron da

yazo daga sama, wannan abu dame yayi kama."  haka suka

cigaba da sake sake ba tare da sanin abunda ke gudana

tsakanin humairat da bilal ba.

H-MAIRAT 6

A zaune yake yana huci da alamar wani ya bata masa rai, to a

dai dai wannan lokaci ne mafaifinsa ya shigo dakin.

 " Haba yarima, ya kana huci kamar wani ya bata maka rai, nine

fa sarkin wannan gari, kuma nasha alwashin hukunta duk

wanda ya saba ma, saboda haka yanzu ka gayamin meke

faruwane?"

A lokacinne yarima ya dago kai ya dubi abbansa yana mai

cewa " wato ka sani abba bazan iya rayuwa idan bada ita ba,

kuma a duk lokacin da na mata magana sai tayi banza dani,

hakan kuma na mutukar bata min rai."

Wannan magana taba sarki dariya," haba yarima, wannan wace

yarinya ce daka furta mata tayi banza dakai, bako shakka zata

dandana kudarta saboda wannan laifi data shuka."

 "To menene abunyi abba? "Yarima ya tambaya.

Daga nan sai sarki ya fara magana, " inaso ka binciko min

hanyar da mahaifiyarta ke takawa." 

  "Wannan ba matsala bace, amma meye amfanin yin hakan?"

Yarima ya tambaya.

  "Wato ka sani yarima, yin hakan shi zai bani damar shirya wani

sihiri da zai sa ka mallaki wadda kakeso, amma gayanin meye

sunanta?"

 "Sunanta humairat."

H -MAIRAT 7

Humairat na tare da kawarta meenat suna zance, 

 "wai in

tambayeki meenat, a lokacin da kika ganni a bakin bishiya

sume, kina nufin baki ga kowa a tare dani ba?"

" A gaskiya banga kowa ba,"inji meenat, " amma daban mamaki

abun, domin a wannan lokacin ina cikin magana da bilal kawai

sai naji juwa, to daga nan na fadi ba tare da sanin abunda

nake ciki ba," inji humairat. Cikin mamaki meenat tace " to

amma ya akayi ya sanki kuma yasan gidanku alhali ke baki

taba ganinsa ba? Sannan kuma me yasa kika suma a lokacin

daya fada miki sunanshi? Kuma me yasa bai tsaya ya

taimakeki ba a lokacin da kika suma, kawai sai ya tafiyarsa?"

Anan dai sukayi shiru ba tare da sanin amsoshin wadannan

tambayoyi ba.

H-MAIRAT 8

 " BABAWO, BABAWO, BABAWO, "yarima ne ke kiran wani

bafadensa, aguje sai ga babawo yazo, " kai ina fatan ka binciko

min aikin dana baka?"

 " E na binciko ranka ya dade"

Anan yarima yayi dariya, wani kulli ya dauko cikin leda ya

mikawa bafade, kaje ka turbude wannan kullin a hanyar da take

takawa.

 "To an gama ranka ya dade, inji bafade."

*********************

Humairat na zaune kawai sai taga mahaifiyarta ta shigo cikin

yanayin rashin lafiya, dakyar take takawa, to bayan ta zauna,

sai ta fara bayani kamar haka "  banda lafiya, yau bazan iya kai

haja kasuwa ba, wai daga na kawo hanyar nan dake shigar

dani kasuwa kawai sai kaina ya fara ciwo."

 " To ALLAH ya sauwaka," inji humairat, abu kamar wasa saiga

ciyo yayi tsanani.

H-MAIRAT 9

Meenat na cikin gidansu, kawai sai taji anyi sallama, to bayan

ta fita sai taga ashe yarima ne tare da bafadensa, ganinsu ya

tayar mata da hankali amma hakan ta daure ta gaishesu.

Anan yarima ya fara magana:wato ki sani meenat nazone

domin ki taimaka min da abu daya.

 "TO ALLAH yasa zan iya!" injita

 "Zaki ma iya, inaso ki samomin gashin kan humairat,nasan da

cewa kawarki ce", inji yarima.

 " A gaskiya bazan iyaba, domin bansan abunda zakuyi dashi ba,"

inji meenat.

Anan take yarima ya dauko kudi masu yawa ya mika mata, to

kasan wasu matan akan kudi ba abunda ba zasu iyaba, cikin

rawar jiki tasa hannu da nufin karbar kudin, kawai sai taga

yarima ya mayar da kudin. Bazani baki wadannan kudi ba har

sai in kin samomin gashinta, daga karshe dai meenat tayi musu

alkawarin taimaka musu.

H-MAIRAT 10

 " Ki tashi ki tafi hanyar da mahaifiyarki kebi a kasuwa, ki turbude

sihirin da aka yimata, " humairat ce taga bilal a mafarki yana

mata wannan magana, firgigit ta tashi, cikin sauri ta fara shirin

zuwa hanyar domin ganin in mafarkinta gaskiya ne

A lokacin data isa wurin, kawai sai taga meena taba yarima

wani abu a leda, anan tayi mamakin ko menene? Daga nan ta

fara fada:

 " Ashe ke meenat haka kike, dake za a hada kai a cuceni, anan

Meenat da yarima sukayi tsuru tsuru domin sun san asirinsu ya

tonu, cikin sauri yarima ya duka a inda aka turbude maganin, a

cikin zuciya ya fara fadin wasu kalmomin sihiri irin nasu, daga

nan sai yasa hannunsa na hagu ya bugi kasa sau uku, to yana

gama bugawa, sai humairat taji bata iya magana.

Daga nan sai yarima da meena suka kyalkyace da dariya," haka

zaki tabbata har abada bazaki iya magana ba, yadda ko wani

yace yana sonki bazaki iya yi masa bakar magana ba, kuma ni

kadai ne zan iya kare wannan sihiri, amma bazan kareshi ba

sai a ranar da kika aminta zaki aureni." inji yarima.

Humairat naji amma ba damar magana, harararsa tayi daga

nan ta kama hanyar gida cikin bakin ciki.

To bayan ta isa gida, daga nan sai mahaifinta yayi ta

tambayarta domin ta gaya masa meke faruwa, amma ba bakin

magana, daga karshe dai mahaifinta ya gano cewa bazata iya

magana ba saboda wasu alamomi da ta nuna masa, haka

bakin ciki ya dabai bayeshi, ga matarsa ba lafiya, haka kuma

diyarsa ma ba lafiya.

H-MAIRAT 11

Da sakaliyar la asar sai abban humairat yaji ana sallama, take

ya fita domin ganin ko waye, anan yayi arba da wani saurayi.

 " Hala wa kake nema?" Ya tambayeshi.

  " Sunana bilal, ina neman humairat."

Daga nan abban humairat ya fara fada, inda yake shiga ba nan

yake fita ba,  " wato kaine kayi mata magani domin ta dinga

sonka ko,kuma da kaga baka samu nasara ba shine ka koma

ka yi mata magani ta daina magana."

To anan bilal ya fara bashi hakuri, " haba abba, ya za ayi nayiwa

yarinyar da nakeso magani, ni banida masaniyar wannan al

amari."

 "Ka fita ka bani wuri, idan na kara ganinka a kofar gidana to sai

na yima dubun rashin mutunci," inji abban humairat.

Haka bilal yayi tafiyarsa cikin rashin jin dadi.

*******************

Ba afi minti uku da faruwar hakan ba saiga meenat ta shigo

gidan, anan ta fara yiwa abban humairat dakin baki sai kace

mutuniyar kirki.

Humairat tayi kokarin bayyana masa cewa itace sillar wannan

abun amma ina, saboda rashin baki dole ta hakura, haka

Meenat ta gama maganganunta ta tashi ta fita.

Humairat tayi dana sanin kin bin umarnin uwayenta a lokacin

da suke turata makaranta tana kin zuwa, domin da ace yanzu

ta iya rubutu, da sai ta rubuta duk abunda ya faru.

H-MAIRAT 12

Bayan wasu shekaru, wata rana kawai saiga meenat ta fado

gidansu tana rusa ihu, anan mahaifiyarta ta tareta tare da

tambayarta meke faruwa, anan meenat ta bayyana mata cewa

wai an koreta daga makarantarsu, maimakon mahaifiyarta ta

tausaya mata, kawai saita hauta da fada:

 " Oho, ai ba korarki akayi ba ko kasheki akayi ke kika ja, kin

manta abun kunyan da aka sha kamaki kina aikatawa, kuma an

sha kawomin kararki daki daina amma kinki, CIYON SO ya

kamaki, kowane namiji kika gani shawarsa kikeyi, abu har yakai

ga malaminku, yanzu gayamin yara nawa kika lalata a unguwar

nan.

Anan dai meenat tayi shiru domin tasan duk abunda ummarta

ta fadi gaskiya ne.

To dama abbanta na zaune yanaji, daga nan sai ya kado

bakinsa," ai bari ta kananan yara hatta da ni da nake mahaifinta

shawata takeyi, domin wani kallo take min wanda bansan ma

anarsa ba, sannan a cikin wadannan kwanakin na lura da cewa

masifu na yawan farmata, bako shakka akwai laifin da kika

yiwa ALLAH, saboda haka kije ki gyara da ubangijinki.

Wannan magana ta tayar da hankalin meenat domin itama ta

lura da cewa masifu na zo mata ta kowane bangare, kuma duk

abunda tasa gaba to bata samun nasara, haka ta shiga daki

sukuku, anan ta shiga duniyar tunanin kowane laifi tayi.

H- MAIRAT 13

A cikin wannan dare ne meenat tayi yunkurin kaima yarima

ziyara domin bayyana masa wani muhimmin abu daya dade

yana damunta, to bayan ta isa masarautar, take ta fada ma

bafadensa daya kirawoshi da gaggawa, anan yarima ya bada

umarni data shigo ciki, to bayan ta shiga ne, take ta fara

magana:

" Wato ka sani yarima, cikin wadannan kwanakin a gaskiya bana

cikin jin dadi, domin masifu ke samuwata ta kowane fanni,

kuma inaga yanada nasaba da sharrin da muka yiwa humairat,

saboda haka zanso mu kare wannan maganin."

Daga nan sai yarima ya fara magana " na dade inason in

tuntubeki da wannan maganar, domin ni wani CIYON SO ne

ya kamani, duk matar dana gani to dole sai na biya bukatata

da ita, idan kuma ba haka ba to zan zauna cikin rashin jin dadi.

Ai nima haka, duk namijin dana gani to dole sai na biya

bukatata dashi," inji aminat.

 "To meye abunyi yanzu?" meenat ta tambaya.

Daga nan sai yarima ya dauko wata takadda mai dauke da

wani ributu ya bata, kije ki karanta wannan takarda a wurin da

muka turbude maganin, sai dai idan kina tafiya kada ki juya

baya, kuma kada kiji tsoro, kuma ki tabbatar da cewa wurin da

muka turbude maganin anan zakiyi adduar, idan kin gama ki

jira zanzo sai mu turbude maganin tare, anan meenat ta amshi

takardar, fitilar kwai ta dauka( kerosene lamp) tare da ashana,

bayan ta kunna saita fita gidan sarautar domin ta cika aikin

yarima.

H-MAIRAT 14

To a wannan lokaci hadari ya taso, ana walkiya da tsawa mai

tsoratarwa, saboda haka kafa ta dauke baka ganin kowa, haka

Meenat ta cigaba da tafiya daga ita sai fitilar kwai cikin wannan

dare.

Tafiya takeyi gabanta na faduwa saboda tsoro, tana cikin

wannan tafiya sai demuwa ta kamata.

------DEMUWA: wani abu ne dake tasoma mutum sai ya rasa

hanyar da yake)

To bayan demuwa ta kama meenat, cikin rashin sani saita shiga

makabarta, haka ta cigaba da tafiya har tayi nisa bata sani ba,

to daga nan sai ta ga wani kabari, wannan kabari kuma sai yayi

mata kamada wurin da suka turbude maganin, take ta fara

karatun wannan takardar, farawarta keda wuya sai fitilarta ta

mutu, ashana ta dauko ta kunna itama ashanar ta fadi, daga

nan sai taji kamar an riketa mata kafafu, daga nesa taji muryar

wani kamar yarima, juyowa tayi domin taga ko waye, daga nan

sai ta fadi, bata kara sanin inda takeba.

H-MAIRAT 15

"LAMBUN TSAFI"

A hankali take bude idanunta domin ganin ko ina take, firgigit

ta farka, anan ta ganta cikin wani katon lambu, shi wannan

lambu zagaye yake da wata gina doguwa, ita wannan gina ba a

ganin iyakar tsawonta, kuma abun mamaki shine ba kofar fita

a cikin wannan lambu, shin wai wa ya kawota wannan wuri?

Meenat ce ke mamaki, anan ta fara zagayen lambun a

hankali tana kallon yadda tsuntsaye ke shawagi, tana cikin

wannan yawo kawai sai ta zo wani wuri inda taga maza da

mata suna wani aiki na tsintar yayan itatuwa, suna ganinta sai

suka daina, anan suka tsura mata ido suna kallonta, haka

itama sai ta fara kallonsu, to ana cikin wannan kallon kallo sai

kawai taga wasu katta cikin shigar yaki sun zo sun kamata,

anan ta fara ihu tana tambayarsu me ta musu, cikin sauri su

kuma wadannan mutanen suka cigaba da aikinsu, to bayan an

kama meenat, ba a tsaya da ita koina ba sai wata fada, anan

aka gurfanar da ita ga wani shirgegen mutum, wanda da gani

shine shugaban lambun, tasowa yayi daga saman kujerarsa,

gashinta ya fara shafawa a hankali tare da sunsuna shi, cikin

zafin nama meenat ta kubce, kafin kaceme ta kabra masa mari,

maimakon ya rama kawai sai yayi dariya, daga nan ya bada

umarni aje a daureta.

H-MAIRAT 16

To bayan an daureta, sai tagane cewa ashe hadda yarima

shima an daureshi, kuma kusa da ita yake, to anan ya fara yi

mata magana, " gaskiya kin tafka babban kuskure, na gaya miki

kada ki karanta wannan takardar har sai in kin kai wurin da

muka turbude maganin, amma bakiji ba, sai gashi kin shiga

cikin makabarta wai kina karantawa," anan aminat ta fara

magana: " ina ganin demuwa ce ta kamani, domin ban ma san

da cewa na shiga makabarta ba sai yanzu daka fada min," 

" to

amma menene ya kawomu wannan wuri?"

  "Bako shakka aljannu ne, domin a lokacin danaji muryarki a

cikin makabartar, sai nayi kokarin in shigo in tsayar dake,

amma kafin na karasa kawai sai na fadi daga nan ban san inda

nakeba, farkawa kawai nayi na ganni a cikin wannan lambun."

 "To yanzu ya za ayi mu fita?" meenat ta tambaya.

Wata mata dake kusa dasu tana jinsu sai ta kado bakinta cikin

maganarsu," ai ku sani cewa ba hanyar fita a wannan

lambu,duk wanda ya shigo to ya shigo har abada."

H-MAIRAT 17

 " Ku sani cewa shi wannan mai lambun matsafi ne na gaskiya,

kuma shi da kansa ke tafiya farautar mutane yana kawosu a

ciki, kuma a duk lokacin da aka kawo sabon bako to sai an

shekara ana masa buloli, a kowace rana akan yimasa bulala

hamsin, saboda haka kuma yanzu sai an muku wadannan

bulolin," anan hankalin yarima ya tashi, shida yake sai dai yasa

a bugi mutum amma yau ace shi za a bugu, ai wannan bazai

yiwuba.

Suna cikin wannan tadin ne aka zo aka kwace yarima da Meenat, wasu katta ne rige da buloli, anan suka fara jansu sai

da suka kaisu wani fili, daga nan suka fara shirgarsu kamar

bazasu barsu ba, har saida suka yimusu bulala hamsin hamsin,

ana gamawa yarima da meenat suka fadi sumammu, ba wanda

ya kulasu, wannan matar kawaice tazo ta tadasu, daganan

tajasu zuwa makwancinsu.

H-MAIRAT 18

Washe gari da sassafe, ihu da kuwa su yarima sukaji, anan

suka farka firgigit, daga nan suka gane cewa dakarun wannan

mutumin ne ke tada mutane da buloli, duk wanda bai farka ba

to kashinsa ya bushe, cikin sauri suka shirya suka nufi wani

wuri inda ake bin layi ana amsar abinci, wannan layi ya

mutukar fatawa yarima rai, a lokacin daya tuno sai dai akawo

masa abinci a lokacin da yana garinsu.

To bayan kowa ya amshi abinci, anan suka zauna suna ci, suna

cikin cin wannan abinci aka jawosu, wato yarima da meenat,

cikin wani fili aka kaisu daga nan aka sauke musu bulala

hamsin, anan suka kara faduwa sumammu.

To bayan sun farka ne sai suka gansu kusa da kawarsu, wato

wannan matar data taimakesu daga farko, anan suka tambayi

sunanta, daga nan ta amsa da"  sunana ZULAIHAT

Sato ni yayi daga gidanmu, domin abbana ya kasance attajiri,

wata rana da marece ina tare da kawayena kawai sai muka ga

wani katon maiki dauke da wani mutum, daga nan ban kara

sanin inda nakeba, farkawa kawai nayi na ganni a nan wurin."

 " To wai me yakeyi da mutanen daya sato? "Meenat ta tambaya. 

  "Ai cin naman mutane yakeyi, zulaihat ta amsa mata, a duk

bayan wata daya sai an yanka masa mutum, za a dafa masa

ayi masa romo, daga nan ya samu abun kalaci, kuma duk

wanda layi ya cimmasa, to a ranar karyarsa ta kare, a nan

yarima da meenat suka kalli juna suna tunanin irin zaluncin da

suka yiwa HUMAIRAT ga irin abunda ya jawo musu.

H-MAIRAT 19

Haka aka dinga yiwa yarima da meenat bulala hamsin a

kowace rana, tun suna kidanyar kwanakin da sukayi a lambun

har suka manta.

To wata rana da daddare, kawai saiga mutumin nan yazo da

dakarunsa, anan suka tara duk matan gidan suna kallo daya

bayan daya domin su zabi daya wadda zata kwana da

 Gulmanu wato shi matsafin mutumin.

Anan gulmanu yazo kan meenat, kallon tsaf yayi mata, daga

nan yasa aka kamota da karfin tsiya, yarima da zulaihat na

kallo amma ba damar taimakawa, haka aka wuce da ita suna

kallo.

Anan suka zarce da meenat zuwa wata kasaitacciyar fada, daga nan

akasa wasu mata suka yi mata wanka tare da gyarata, sannan

aka sa mata wasu tufafi masu kyau, daga nan aka turota

turakarshi, yana ganinta sai ya tashi, meenat na ganinsa saita

matse jikinta da bango tana makarkata domin batason ya taba

ta, dariya gulmanu yayi sannan ya jawo hannunta, gashinta ya

fara tabawa a hankali, daga nan sai tayi tsaye ta kasa motsi

sai kace wadda ta mutu, daga nan sai ya daukota ya aza

saman kafadarsa ya fara tafiya domin shiga da ita wani daki,

yana cikin tafiya ne sai ga wasu dakaru sun shigo dakin a guje,

wani yare suka yi masa, daga nan bai tsaya wata wata ba sai

yayi jifa da meenat can gefe, daga nan yayi shigar yaki, anan

suka fita a guje, fitarsu keda wuya, saiga yarima da zulaihat

sun shigo, anan suka tallabeta suka fita da ita.

H-MAIRAT 20

A cikin wannan dare yarima na cikin fushi, saboda haka sai ya

mike tsaye domin ya gabatar da wata magana ga mutanen

dake wurin, ai ko suna ganinsa sai kowa yayi tsit, daga nan sai

yarima ya fara da cewa  " yaku wadanan jama a, ku sani cewa

idan zamu shekara anan, to wannan azzalumin mutum zai

cigaba da kashe mu daya bayan daya har sai yaga bayanmu, to

yanzu ku kun yarda mu zauna a haka, ku tuna cewa kunada

iyali, kuma sunacan suna jiranku, saboda haka dolene a

garemu mu tashi mu bidarma kanmu yanci."

Daga nan mutane suka fara magana: lalle wannan hakane,

kowa na fadin albarkacin bakinsa, to a wannan lokaci kowa

yaji dadin maganar, saboda haka sai kowa yasa baki, yarima

ne ya kawo wata dabara wadda a ganinsa idan suka bita, to

zasu cimma nasara.

H-MAIRAT 21

Wata rana bayan an kamo su yarima da nufin za ayimusu

bulala kamar yadda aka saba, a wannan lokaci da daddare ne,

cikin zafin nama yarima ya kubce, anan ya amshe takobin wani

daga cikin dakarun, daga nan ya aika shi lahira, to sauran jama

a suna ganin abinda ke faruwa, daganan sai suma suka farma

wadannan dakarun da bugu, kafin kaceme wuri ya tarwatse,

ana cikin wannan dauki ba dadi ne saiga gulmanu ya iso tare

da wasu dakaru masu yawa, anan ya zaro wani sihirtaccen

takobi, saida ya saita da wuyan yarima sannan ya jefo masa

shi, ashe yarima na kalle dashi, cikin sauri ya kauce, anan

takobin yasha bangon lambun, take bangon ya fara girgiza yana

watsewa sanadiyar wannan sihirtaccen takobin, mutane na

ganin haka sai suka fara bi ta wannan bangon daya tsage suna

tserewa, anan gulmanu ya rasa abunda ke masa dadi, runtse

ido yayi yana ambatar wasu kalamai na tsafi, kawai sai ga

wasu tsuntsunye sun bayyana a gaban su, dashi da dakarunsa

suka hau wadannan tsuntsaye suka bi bayan su yarima.

H-MAIRAT 22

To bayan su yarima sun fito a cikin lambun, sai suka gane

cewa ashe a cikin kungurmin daji suke, daga nan suka fara

gudu ba sassauci, suna cikin wannan gudune sai sukaji

tahowar dakarun gulmanu, anan suka hau saman itace sukayi

zaman su, koda wadannan dakaru sukazo wurin sai sukaga ba

kowa, ashe su yarima sun tanadi itace masu tsini, daga nan

sai suka fara jifarsu da itacen, duk wanda aka jefo ma iccen

sai dai ya fadi matacce, ana cikin wannan artabu ne saiga

gulmanu ya hango yarima, anan ya nufo yarima da nufin

rabashi gida biyu, kafin ya iso kawai sai yaji saukar wani icce a

cikinsa, har saida iccen ya shige ciki, ashe meenat ce ta

jefoshi, daga nan gulmanu ya fadi, wata kara yayi kafin daga

bisani yace ga garinku.

To daga nan ne hankalin kowa ya kwanta, ahaka suka cigaba

da tafiya har suka kawo wani katon teku, wani katon jirgin ruwa

ne suka iske a gabar tekun, daga nan suka hau, kowa na fadin

inda yakeso a ajeshi, daga nan sukayi ban kwana da juna,

domin sun san bazasu kara haduwa ba.

H-MAIRAT 23

"MACIJIN RAMZA"

To an fara tafiya kenan, kawai sai wani allo ya fado ma yarima,

anan ya dauki allon yaga an masa zanen wani katon maciji,

daga nan sai yarima ya tuno da wani labari da mahaifiyarsa

sarauniya ta taba fada masa a lokacin da yake karami:

Akwai wani sarki da ake kira RAMZA, shi ramza yana bauta

ma wani katon maciji, kuma wannan maciji mutum ne

matsayin abincinsa, saboda haka duk shekara wannan sarki

kanzo da katon jirgin ruwa ya faka shi a gabar teku, duk fasijan

da bai sani ba idan ya shiga wannan jirgi to bako shakka ya

zama abincin macijin.

Anan gaban yarima ya fadi domin irin wannan hoto daya gani

na maciji irin wanda mahaifiyarsa ta nuna masa ne, to anan ya

tashi domin ya bada umarni a tsayar da jirgi, sai dai kash, a

wannan lokaci jirgi yayi nisa, kuma a mamakinsa sai yaga

baiga kowa ba cikin jama arsa, anan ya fara dube dube, wata

karamar hayaniya ya jiya a kasan jirgin, daga nan sai ya tattaka

ya fara zuwa kasan jirgin, shigarsa keda wuya sai yaga an

daure duk mutanensa, anan yayi niyar fitowa domin gudu sai

dai kash wasu zaratan mazaje yaga sun fito da kwari da baka,

anan suka fada masa cewa yana gudu zasu halbeshi, anan aka

kama yarima aka daure da wata kaca.

H-MAIRAT 24

Haka suka cigaba da tafiya ba kakkautawa, sai da suka shafe

kwanaki arba in suna tafiya sannan suka iso wani katon birni

da aka gina da duwatsu, su wadannan duwatsu an musu

zanen macizzai kala kala, to anan aka bude kofar shiga garin,

anan aka jawo yarima tare da tawagarsa, meena da zulaihat na

kusa dashi, anan suka jero sahu suna tafiya, su kuma mutanen

garin sai kallonsu kawai sukeyi suna musu sowa tare da jefa

musu furanni.

A haka suka cigaba da tafiya ana biye dasu har sai da suka

kawo wata katanyar rijiya dake a tsakiyar garin, to anan

mutanen garin kowa yayi tsit sai kace wadanda aka yiwa

mutuwa, daga nan sai wasu barade daga cikin dakarun garin

sukazo wurin rijiyar, cikin zafin nama suka bude rijiyar, sautin

budewar marfin rijiyar sai da ya ciga garin baki daya, daga nan

sai kowa yaja da baya, a wannan lokaci sarkin garin na can

saman bene yana hangen duk abunda ke faruwa tare dashi da

dakarunsa masu tsaron lafiyarsa.

Su yarima basu san abunda ke faruwa ba, iyaka dai sunga

mutanen garin naja da baya a tsorace, da alama akwai wani

abu a cikin rijiyar, wani karaji ya fara fitowa daga cikin rijiyar,

daga nan sai ruwan rijiyar suka fara fantsamowa waje, wannan

al amari ya dan girgiza yarima.

H-MAIRAT 25

Cikin rashin tsammani saiga wani kataragen maciji ya fito cikin

rijiyar, wannan maciji dai idan aka gama kabrinsa da tsawonsa

bako shakka zai kai itacen dabino, wannan maciji kai uku

gareshi, kuma yakanyi amfani dasu yadda yaso, nan da nan sai

duk mutanen garin sukayi sujjuda ga wannan maciji, daganan

sai macijin ya ratso ta cikin mutanen garin yana tafiya, a haka

har yazo kusa ga tawagar yarima, anan macijin yayi tsalle ya

dauke meenat, daga nan meenat ta fara ihu tana neman

taimako, mutanen garin najin ihunta, sai suka tashi daga

sujjada suka fara murna suna kade kade da bushe bushe, wai

sabuwar shekararsu ta zagayo.

Yarima na ganin haka bai san lokacin da yayi wani ihu ba, cikin

zafin nama ya amshe takobin wani daga cikin dakarun, daga

nan ya katse kacar da aka dauresu da ita, to a wannan lokaci

macijin ya kusa kai meenat a bakinsa, cikin sauri yarima ya fara

taka jikin macijin da matsanancin gudu yana kokarin kaiwa

inda bakinsa yake, kingin kiris ya dura meenat cikin

wangamemen bakinsa, kawai sai yarima yayi wani tsalle ya

saita dakan macijin, ji kake kimis.

Wata kara macijin yayi kafin ya saki meenat, daga nan sai jini

ya fantsama, kafin kaceme macijin ya koma cikin rijiyar a guje

yana wata irin kara, da ji kasan an yi masa rauni, kafin meenat

ta fado kasa sai yarima yayi alkafirra sama ya cabeta, daganan

ya sauko da ita kasa a hankali, daganan mutanen gari suka

bishi da kallo suna mamakinsa, domin a tarihi ba a taba

samun jarumin da yayi irin wannan abu ba, ka hatta da sarki

ramza abun ya bashi mamaki, anan ya kura masa ido ko

kyaftawa bayayi.

H-MAIRAT 26

Daga nan sai wasu dakaru suka zagayeshi da nufin kamashi, to

anan aka fara kallon kallo, can sai suka rikice, haka yarima yayi

ta zubar dasu, amma saboda yawa ko karewa basuyi, anan

wani ya mamayeshi ya lallabo ta bayanshi, wani irin karfe ya

kwada masa a kai, daga nan sai yarima ya fadi sumamme,

anan aka kama shi tare da jama arsa aka wuce dasu kurkuku.

****************

Yarima ne ke gudu wasu zaratan zakuna na biye dashi, gudu

yake iyakar gudu, yana cikin wannan gudu sai ya cimma wata

masarauta, anan ya shiga yana bidar taimako, mace ce

sarauniyar garin, tana ganinsa sai tasa aka kamashi, anan aka

daure, wadannan zakuna suna zuwa suka fara cin naman

jikinsa, ita kuma sarauniyar sai dariya takeyi, anan yarima ya

duba domin ganin fuskar wannan sarauniya, ba kowa ce

wannan sarauniyar ba in banda HUMAIRAT.

Firgigit yarima ya tashi, ashe mafarkine yakeyi, wannan mafarki

ya bashi mamaki da kuma tsoro, anan yarima ya done kansa

kasa yana tunanin irin zaluncin da suka yiwa humairat, baisan

lokacin da hawaye suka zubo masa ba, anan ya fara dana sani.

To duk wannan abun da yakeyi zulaihat na kallonshi, anan ta

matso kusa gareshi tana lallashinsa, ita kuwa meenat ta riga

tasan abunda yakema wannan kuka.

H-MAIRAT 27

Haka yarima da jama arsa suka cigaba da zama wannan

kurkuku, wata rana anzo kawo masa abinci, sai yaga mace ce

maimakon namiji, anan ta bayyana masa cewa sunanta halirat,

kuma tazone da albishirin taimaka musu, domin tanason taga

bayan sarki ramza dashi da macijinsa, domin sun mata

sanadiyar rabuwa da iyayenta.

 " Kada ki damu yake wannan mata, na miki alkawarin cewa a

duk ranar dana fito zan hallaka sarki ramza tare da macijinsa,

kuma zan nadaki sarauniyar wannan gari." Inji yarima.

Daganan sai wannan mata ta dauko wani makulli ta bashi,

daganan sai ta tashi ta fita.

Fitarta keda wuya sai yarima ya bude kofar kurkukun da

makullin, daganan sai ya tada sauran jama arsa, anan suka

lallabo suka kashe dakarun dake tsaronsu, daga nan suka

dauki makamansu, daganan suka fito a guje, to fitowarsu keda

wuya sai wasu dakaru da suka ga fitowarsu suka buga kugen

yaki, kafin kaceme dakarun garin sun fara fitowa cikin mugun

shiga ta yaki.

H-MAIRAT 28

To a wannan lokaci hadda sarki ramza yayi shigar yaki, domin

a fusace yake, ba abunda yakeson gani sai ganin gawarsu,

fitowar su yarima keda wuya sai dakaru suka taresu, anan aka

fara dauki ba dadi, daganan kuma sai aka bude wannan rijiyar,

kafin kaceme macijin ya fito, wadanda suka budeshi su yafara

kashewa, daganan sai ya shiga kashe mutane, ganin haka yasa

sarki ramza yin dariya, cikin sauri ya hau dokinsa ya nufo

yarima, haka shima yarima ya tareshi, daganan suka rincabe da

yaki mai tsanani, meenat da zulaihat sai faman kashe dakarun

sarkin sukeyi.

To ana cikin wannan yakine macijin ya nufo su yarima, sai dai

a wannan lokaci sarkin bai ganshi ba, wani tsalle yarima yayi

ya bugi sarki ramza, kamar an daga sarkin sama sai a kusa ga

macijin, anan macijin yayi ma sarki wawan riko, anan ya fara

ihu yana neman taimako, macijin bai sake shiba sai da ya

tabbatar da cewa kowane kashi nashi ya kare, daga nan saiya

hadiyeshi, shi kenan, karshen sarki ramza ya zo, to a wannan

lokaci mafi yawancin dakarun sun mutu, wasu kuma sun tsere,

daganan sai wannan maciji ya tasoma yarima, to kafin macijin

ya cimma yarima, kawai saiya ga yana kara, ashe su meenat ne

a can bayan sa suna yanka sa gunduwa gunduwa, kafin

kaceme macijin ya fadi matacce.

H-MAIRAT 29

Halirat ce ta sheko a guje ta rungume yarima tana masa

godiya, daga nan yaja hannunta har zuwa karagar mulki, shi da

kansa ya zaunar da ita, daga nan saiga wani saurayinta yazo

waishi amar, daga nan sai yarima ya tara mutanen garin ya

sanar dasu cewa amar shine sabon sarkin wannan gari, ita

kuma halirat itace sarauniyarsa, wannan magana ta musu dadi

domin sun gaji da zaluncin sarki ramza, anan suka fara shagali

sunama yarima da mutanesa godiya, daga nan sai akaba su

yarima dawakai da guzuri mai yawa.

Bayan safiya ta waye sai yarima da mutanensa suka hau

dawakansu suka fita garin, anan suka kama hanya sai cin gudu

sukeyi

H-MAIRAT 30

SARAUNIYAR RUWA

A lokacin da yarima da tawagarsa suka bar wannan gari, sai ya

zamana cewa ba abunda sukeyi in banda tsala wani

matsanancin gudu a cikin daji, haka suka cigaba da wannan

gudu har rana ta fadi, to a wannan lokaci sun fara gajiya,

saboda haka sai suka yi shawarar tsayawa sai gobe da safe,

suna cikin wannan hutu ne sai suka fara jin gurnani, cikin rashin

tsammani sai sukaga wasu manyan zakuna sunyi fitar burgu

sun nufoso, kafin kaceme kowa ya tattara kayansa, anan suka

watse kowa yayi ta kansa, to bayan sunyi nisa da wurin ne sai

zakunan suka bar binsu, to anan suka hango wani wuri mai

damshi, daga nan suka yanke shawarar tsayawa a wurin domin

su huta.

Wurin da suke kusa da wani katon teku ne, to suna cikin

wannan hutu ne sai suka hango wani makeken gari a tsakiyar

tekun, wannan abu ya basu mamaki, ko ya akayi aka gina gari

a tsakiyar ruwa, to akwai wata gada a gabar tekun, wadda

itace zata kaisu cikin garin,

H-MAIRAT 31

Cikin son muradin ganin garin suka mike gaba daya domin

shiga a cikin wannan gari, to bayan sunyi nisa akan gadar, sai

suka fara ganin kassan mutane birjik, wannan abu ya basu

mamaki, amma haka suka daure suka cigaba da tafiya, to

bayan sun iso kofar garin ne, anan suka ga kofar ta bude da

kanta, cikin rashin tsoro suka fada ciki, shigarsu keda wuya

kofar ta kulle kanta, wannan kullewa da kofar tayi yadan

girgiza su, amma haka suka daure suka cigaba da dube duben

garin.

Abunda ya kara basu mamakine shine ba kowa a cikin birnin,

kamar anyi shara, to suna cikin dube dube ne sai suka hango

wani doki fari sol yana ta shawagi shi kadai, shi wannan doki

yasha banban da sauran dawakai domin yanada fuka fuki, da

kuma kahoni biyu a kansa, yarima na kallon wannan doki sai

gabansa ya fadi, anan ya tuno da wani labari da mahaifiyarsa

ta taba bashi a lokacin da yana karami:

H-MAIRAT 32

Akwai wani gari a tsakiyar wani teku, shi wannan gari ba a

ganinsa da rana sai da dare, idan mutum yazo tekun ga rana to

bazai ga garin ba, amma idan dare yayi, to garin zai fito yadda

kowa zai ganshi, masana sun bayyana cewa idan rana tayi to

gain zai shige cikin ruwan tekun yadda bamai ganinsa, amma

dare nayi saiya fito, shi wannan gari wata sarauniya ce ke

mulkinsa, ita wannan sarauniya dai ba mutum bace tare da

jama arta gaba daya, domin daga kansu zuwa cubiyarsu duk

na mutane ne, amma daga cibiyar zuwa abunda yayi kasa to

duk kifi ne, kuma duk wanda rashin sani yakai shi wannan gari

to kashinsa ya bushe, domin saidai wani ba bashi ba, kuma

takan hau wani doki mai fuka fuki a yayin tafiya mai nisa, shi

wannan doki yanada kahoni biyu a tsakiyar kansa, wannan

sarauniya ita ake cema SARAUNIYAR RUWA kuma itama

sunanta HUMAIRAT

H-MAIRAT 33

Yarima na gama wannan tunani gabansa ya kara faduwa,

domin yasan bako shakka a cikin garin ne suke, anan yabada

umarni suyi sauri subar garin, sai dai kash, juyowarsu keda

wuya da nufin gudu sai sukayi arba da dakarun sarauniyar sun

zagayesu, kowane rike da kwari da baka, anan aka kama

yarima tare da jama arsa sai fada wurin sarauniya, abunda ke

basu mamaki shine duk da kasancewarsu rabi mutum rabi kifi

amma suna gudanar da ayyukansu ba kasala.

To bayan an kaisu wurin sarauniya, tana ganinsu saita sauko

saman kujerarta, duk da kasancewarta kifanya amma gata

kyakkyawa abun kallo.

H-MAIRAT 34

Anan ta fara tabin fuskar yarima a hankali tana masa wani

kallo marar ma ana, daga nan ta bada umarni akai sauran

gidan yari amma shi yarima a bar mata shi, haka ko akayi, to

bayan sarauniya ta kadaita da yarima, anan ta fara magana:

 " Inaso ka zauna tare dani, zan baka duk abunda kakeso na

daga tarin dukiya tare da jin dadi marar karewa."

Sarauniya na gama wannan magana sai yarima ya shiga wani

tunani mai zurfi, fuskar humairat ce ta bayyana a gareshi cikin

wata shiga ta kasaita, tana tafiya tana masa rangwada,

kyakkyawar surar jikinta ta kara girgiza shi, cikin wannan tunani

baisan lokacin daya ce ya aminta ba, sarauniya najin haka

anan ta sheko da gudu ta rungumeshi, rungumeshi keda wuya

saiya farka daga tunanin da yake, anan ya gane cewa

sarauniya ce ke masa rangwada ba humairat ba, cikin wata

murya ya amsa da "BAN AMINTA BA"

H-MAIRAT 35

Yana fadin haka sarauniya ta taga shi sama da hannu guda

cikin fushi, anan idanunta suka juya zuwa ja tamkar wuta, daga

nan sai wasu zaratan zakuna suka fito suna yakar baki, su

wadannan zakuna sunada kahoni biyu a kansu, anan suka fara

gurnani suna jiran sarauniya ta saki yarima domin su samu

abun kalaci, daga nan saita kalleshi tana mai cewa "me kake

cewa?"

Cikin tsoro yarima ya amsa da" NA AMINTA"

Daga nan saita sakeshi tana murmushi, su kuma zakunan sai

suka bace bat, daganan yarima ya mata kallon tsaf, anan ya

gane cewa kamarsu daya da humairat kamar an tsaga kara,

wannan abu ya tuno masa da mafarkinsa, kuma duk abunda

aka nuna masa ya faru, kenan wannan itace sarauniyar da aka

nuna masa mai kamada humairat, kuma da ace bai aminta da

bukatarta ba to da zata ba wadannan zakuna umarni dasu

cinyeshi, amma saboda ya aminta, hakan bata faru ba.

H- MAIRAT 36

A haka yarima ya cigaba da zama da sarauniya cikin wannan

birni, a duk lokacin da tayi kokarin biyan bukatarta daga

gareshi sai yau kauce cikin wayo yadda bazata ganeba, sannu

a hankali dai har ya fara sanin sirrikanta, to wata rana sai ya

nuna mata yanason yaga yan uwansa da tasa aka daure, anan

ta aminta, tare da ita suka shiga gidan yarin, to anan yaga

Meenat tareda zulaihat, haka ma sauran mutanen duk lafiyarsu

kalau, zasu fitowa gidan yarin kenan, sai wata dabara ta fado

ma yarima, rungume sarauniya yayi tare da janta surutu, anan

ta shiga kyalkyatar dariya, bata sani ba kawai sai ya dauke

makullin gidan yarin, anan ya faki idonta ya jefa ma su meenat.

To bayan sun dawo cikin fadar sai sarauniya ta shiga turakarta

domin ta huta, cikin rashin tsammani sai bacci ya kwasheta, to

a wannan lokaci yarima najin wata hayaniya a waje, anan ya

leka, take ya gane cewa su meenat ne suka fito, cikin sauri

suka nufi kofar fita garin, suna bude kofar, to karar budewar

kofar ya tada sarauniya tareda wasu dakaru, anan suka sheko

a guje domin ganin ko meke faruwa, to kafin su iso su yarima

har sun wuce, anan sarauniya ta fara wani ihu tana jin bakin

cikin rabuwa da yarima domin tana tsananin sonsa.

H-MAIRAT 37

Yarima da sauran jama ar dake tare dashi gudu suka farayi ba

sassauci har sai da suka kawo wurin zamansu na farko wato

inda suka tsaya hutawa, to anan sukaga dawakansu, to kafin

su hau sai sukaga ayarin mutane sun zo wurinsu, daga karshe

dai sun gane cewa fatake ne kuma a birnin su yarima zasu, to

daga nan suka hada kungiya suka fara tafiya.

Kwanci tashi har suka iso, daga nan gari ya dauka yariman da

ake tsammanin ya mutu ya dawo, kuma tare da meenat,

uwayen meenat naji basu tsaya koina ba sai fada, anan yarima

ya tarar da cewa abbansa sarki bayada lafiya, tun tafiyarsa sai

dai a kwantar a tayar, saboda haka mahaifiyarsa ce ke

gudanar da mulki, amma ana cewa yarima ya dawo, daga nan

sarki ya warke, shi da kansa ya zo fada da kansa, to anan

yarima yasa aka kira humairat tare da uwayenta, to a wannan

lokaci kuma bilal na tare dasu, haka kuma fada ta cika makil,

to a nan ne yarima ya tonama kansa asiri tareda meenat irin

zaluncin da suka yima humairat, da kuma balain da suka shiga

tun a lokacin da aljannu suka sacesu shida meenat suka kaisu

wata nahiya daban.

H-MAIRAT 38

Anan yarima ya fadi gaban humairat yana bata hakuri, abunda

ya bashi mamaki shine a wannan lokaci tana magana, kuma

mahaifiyarta ta samu sauki, daga nan sai mahaifin humairat ya

fara bashi labari yadda akayi suka samu sauki:

" Wato bayan bacewarka tare da meenat sai wata rana wani

makwabcina yazo ya gayamin cewa a gabansa kuka turbude

wannan maganin, kuma mahaifiyar humairat na tsallakawa sai

yaga ta kamu da rashin lafiya, to anan ya bani shawara da

muje wurin wani yaro mai magani, wannan zuwa kuma yayi

amfani, anan ya nuna masa bilal, wannan shine ya karye

wannan maganin duk suka warke, kuma nayi dana sanin

walakancin dana masa a farko, domin a tsammanina shine

yayi maganin,bako shakka wannan magana haka take, saurin

fushi shi ke kawo dana sani, kuma zato zunubi ne koda ya

zama gaskiya, to amma yanzu a tsakaninka da bilal ban san

wanda za a baiwa humairat ba," daga nan sai bilal yayi farat

yace " ai ni bazan yi jayayya da dan sarki ba, ni na bar masa

humairat, amma inaso a bani kawarta meenat maimakonta."

" TO AN BAKA!" Inji mahaifin meenat, anan fada ta rude da

shewa, daga nan sai sarki yace bazai iya cigaba da mulkin

garin ba, saboda haka zai ba dansa yarima kujerarsa, wato ya

zama shine sarkin garin,shi kuma bilal ya zama wazirinsa, aiko

haka akayi anan aka nada yarima matsayin sarkin garin, shi

kuma bilal waziri, humairat tayi dana sanin walakancin data

yiwa samari tun daga farko, wanda shine yasa ta shiga cikin

kunci, haka yarima shima yayi dana sanin kin yin hakuri a

lokacin da humairat ta masa walakanci, wanda hakan yasa ya

dauki mataki, wanda daga karshe matakin ya zamar masa

fitina, haka itama meenat tayi dana sanin hada kai da akayi da

ita aka cuci kawarta, wanda daga karshe taga abunda ta

shuka.

Daga karshe dai an daura auren yarima da humairat, shi kuma

bilal da meenat, an kuma basu dukiya mai tarin yawa tare da

iyayensu,su kuma su zulaihat da sauran jama ar dake tare da

ita,yarima yasa an basu dukiya mai yawa sannan kuma yasa

an maida kowanensu garinsa.

Anan muka kawo karshen wannan labari.

ALHAMDULILLAH

THE END.........

.....for more novels, search and joint our facebook group:

"KINGARTICLE NOVELS OF ABDUL$BAFFERH"

OR

"KINGARTICLE.NOVL"

        Written by

                    Abdul King Article