HUSNAT

HUSNAT

written by :

abdul king article

A guje take gudu bata ko tsoron faduwa, wannan gudu nata ya

mutukar ba mutane mamaki, saboda haka wasu kan tsayu

domin kallon ta, amma ko kadan bata kulasu ba, iyaka dai ta

tunkari abunda ke gabanta.

Fara ce doguwa, kyakkyawa abar kwatance, amma duk da

wannan kirar da aka yi mata, bata damu da wani abu ba face

famar gudu, shin ko ina zata?

Bayan kamar minti uku sai ta iso masarautar, a wannan lokaci

tayi zufa kamar ranta zai fita, cikin sanyin murya tayi magana,

wanda hakan yasa wani bafade ya bude mata kofar, to bayan

shigarta ne sai taga bafaden na mata wani kallo.

Husnat taso ta karasa, amma daga baya sai ta tsaya domin

tambayarsa, haba ilu, ya kana min wannan kallon, ina fatan dai

lafiya?

Anan ilu ya gyada kai yana mai cewa, ina fa lafiya, sarauniya ta

baki dakika talatin kiyi mata aiki sai gashi kin yi minti uku, ai

ko yau kashinki ya bushe, domin yanzu haka tana ciki tana

jiranki.

Anan gaban husnat ya fadi, haba ilu, dakika talatin fa kace, to

ya za ayi su isheni kuma kasan da cewa wurin da nisa?

oho, ni zaki gayama, kije ki sameta kawai, inji ilu.

Haka husna ta shiga fadar zuciyarta cike da sake sake, daga

nan dai ta wuce turakar sarauniya, to bayan ta shiga ne kawai

sai ta duka cikin girmamawa.

Anan sarauniya ta kalleta, sannu da zuwa, ina fatan baki

wahala ba? husnat tayi mamakin wannan tambaya, domin a

tsammaninta bakar magana ce zata yi mata, daga nan sai

sarauniya ta dauko wata kwarya ta bata, ga ruwa nan kisha,

anan husna ta amsa cikin murna, budewar ta keda wuya kawai

sai taga jini, anan gabanta ya fadi, batasan lokacin da ta saki

kwaryar ba, take sarauniya ta kware da wata dariya tana mai

cewa, wannan jinin wani bawa ne daya saba aikina, saboda

haka kema yanzu jininki zai koma cikin wannan kwaryar.

Cikin hanzari dakaru suka kama husna, aka samata kaca, daga

nan suka shigo da ita a cikin wani fiili suka daure, daga nan sai

ga sarauniya tazo, cikin natsuwa take takawa har ta iso wurin

da aka daure husna, daga nan sai ta fara yi mata magana, na

aikeki, makin kiyi hanzari shine kika tsaya lakwaita, kuma

wannan ba shine karo na farko da nake gargade ki daki daina

hakan, amma kinki, saboda taurin kai, daga nan sai husna ta

fara magana, kiyi hakuri sarauniya, wurin yanada nisa, kuma da

gudu nake har zuwa lokacin dawowata, wannan magana tasa

sarauniya dariya, cikin hanzari ta zare takobi, anan ta saita da

wuyan husna da nufin datsewa, kafin ta aiwatar sai ga wani

bafade a guje yazo wurinta, dagani kasan sako yazo isarwa,

bai bari kowa yaji abunda yace ba, saboda haka sai ya gayama

sarauniya magana cikin kunne, cikin hanzari ta kalleshi, kamar

akwai alamar damuwa a tare da ita, ko wace irin damuwa ce?

Daganan kuma sai ta kara daga takobi da nufin datse kan, a

wannan lokaci husna ta sadaukar, saboda haka ta runtse ido,

to kafin sarauniya ta iyar da nufinta kawai sai taji an rike

takobin, anan ta juyo husace da nufin ganin ko waye, cikin

rashin tsammani taci karo da hamil.

saurayine kyakkyawa dogo, cikin murna sarauniya ta rungume

shi, sai da suka dade kafin su saki juna, daga nan sai ta juyo

kan husna tana mai cewa, amma kin ci sa a, in banda murnar

dawowar hamil dana tsireki, anan taba dakaru umarni dasu

kwance husna, sannan kuma ayi mata duka mai tsanani tare

da aikin wahala, daga nan sai sarauniya ta juyo ga hamil, kawai

sai taga yana kallon husna, kallo na tausayawa, wannan kallo

ya mutukar ba sarauniya haushi, saboda haka cikin fushi taja

hannunsa suka bar wurin.

WAYE HAMIL?

Hamil jarumi ne a wannan birni, saboda haka akwai wata alaka

da sarauniya ke shirin kullawa dashi, duk da ko kadan baya da

ra ayin alakar, sarauniya nason aura masa diyarta, wato

gimbiya hasina, hamil baya da ra ayin hasina ko kadan a cikin

ransa, duk da ta kasancewarta kyakkywa kuma gata gimbiya.

Hamil na zaune saman wata kujera ta alfarma yana kallon

yadda alamurran sarauta ke gudana, to a cikin wannan kallace

kallace da yakeyi sai ya hango wata tauraruwa fuska, wadda ta

dusashe dukkan wadanda ke kusa da ita, cikin hanzari yayi

kallo zuwa ga wannan fuskar, anan ya ganeta, husnat ce, wasu

dakaru ke shibgarta da manyan buloli kamar bazasu barta ba,

wannan duka ya mutukar baiwa hamil haushi, saboda haka ya

tashi, cikin hanzari ya kai wurinsu yana mai katsa musu tsawa,

dole suka daina saboda ganinsa, kowanensu ya done kai kasa

yana mazurai saboda tsananin tsoronsa, anan ya kira wasu

kuyangi mata ya basu umarni dasu dauki husna, haka ko akayi,

to bayan sun wuce da husna, sai ya dawo mazauninsa, a

mamakinsa sai ya tarar da hasina, daga nan sai ta fara yi masa

magana, haba hamil, ina kaje haka inata kewarka, inji hasina,

kawai sai hamil ya mike, daganan sai ya kalleta yace, inason

inje gida domin kaka na nemana, haba hamil, to ai sai na

rakaka ko, inji hasina, rufe bakinta keda wuya sai sukaji wani

kamshi ya dabai bayesu, anan suka juyo domin ganin ko waye,

husna ce taci ado kamar ba ita ba, tafiya take rana rangwada,

tun daga nesa hamil ke kallonta har zuwa lokacin data iso

wurinsu, anan ta duka, daganan ta fara godiya ga hamil da irin

taimakon da yayi mata, na hana dakaru bugunta, anan ya nuna

mata aiba kome, daga nan sai ta tashi da nufin komawa, haka

kuma hamil ya bita da kallo har ta bace, hasina ta lura da irin

wannan kallon da yakema husna, wannan ya mutukar bata

mata rai, domin a tarihinta, ko fuskarta bai taba yima kallon

kirki ba, amma ji yadda yake kallon wannan, ko dame tafini?inji

hasina, haka dai tabar abun cikin ranta ba tare data gayama

kowa ba, daganan suka yi sallama da hamil ya nufi hanyar

gida.

A cikin wannan dare hira ta kaceme tsakanin hasina da

mahaifiyarta sarauniya, wai ya kukayi da hamil? hmm ke dai

umma, ai yau mamaki yaban, kin ga yadda yake kallon husna,

gaskiya akwai alamar tambaya game da wannan al amari,

daga nan sai sarauniya ta girgiza kai, wato bai bar kallontaba

kenan, bako shakka dole sai mun dauki mataki tun kafin abu ya

girma, inji sarauniya, to umma wane mataki zamu dauka?

hasina ta tambaya, daga nan sai sarauniya tayi murmushi tace,

wato ki sani yata, zamu dauki mataki kwakkwara, sai dai

bazanso sarki ya sani ba, daganan sai hasina tace ai bazai sani

ba, domin dubi irin wahalar da husna kesha, ai daya sani daya

dauki mataki, daganan sai suka kyalkyace da dariyar keta,

kawai sai sarauniya tace, ab, nama manta, mun riga mun rufe

masa baki da asiri, ko ya sani bazai iya yin komai ba, haka

suka cigaba da kyalkyatar dariya sai kace mahaukata.

Haka shima hamil, a cikin wannan daren yayi tunani mai xurfi,

a duk lokacin daya runtsa sai yaga fuskar husna, kamar tana

masa murmushi, anan ya fara tunanin wai me yasa su

sarauniya basa sonta, dole akwai wani abu dake gudana, kuma

ya kamata ya san ko meye, daga karshe dai haka ya kwanta

cikin begen husna.

Da karfi ake kwankwasa kofar gidan, sanadiyar hakan ne yasa

hamil ya tashi firgigit, cikin magagin bacci ya mike, cikin rashin

sani da kadan ya buge kakansa zamra, to bayan ya bude gidan,

sai yaga sarkin yaki tare da dakaru, sarki nason ganinka, inji

sarkin yaki, take ya juya ya wuce, hamil yaji mamakin wannan

maganar, saboda haka yana shiga cikin gida, kawai ya sanar

wa da kakansa zamra wannan .maganar, daganan yayi shiri ya

nufi fada, to bayan yaiso fada, take ya wuce wurin sarki, anan

ya fadi yayi gaisuwa, daga nan sai sarki ya dauko wata wasika

ya bashi yace ya karanta, to anan hamil ya fara karantawa

kamar haka:

DAGA SARKIN LUNBIYA, WATO AMNU DAN JANDU, NA

UMARCEKA DAKAYI BIYAYYA KA DAWO KARKASHINA AMMA

KAKI, SABODA HAKA NA DAUKI ANIYAR YAKARKA TARE DA

MUTANENKA, KODA YAUSHE KU TSAMMACEMU.

DAGA MAKIYINKA AMNU.

To bayan hamil ya gama karatun wannan wasikar, sai fada tayi

tsit, kowa ya kasa cewa kome, daganan sai sarki ya fara

magana, wato ka sani hamil, wannan yaki da zamuyi yaki ne

mai mutukar hadari, domin mayakan sarki amnu sun fimu

yawa nesa ba kusa ba, saboda haka yasa nayi kiranka domin

ka bamu irin taka shawarar, daganan sai waziri ya mike, ranka

ya dade inada magana.  an baka izni, inji sarki.

Wato ku sani jama a, inji waxiri, wannan yaki da zamuyi tamkar

tarbar aradu ne, a tarihin dai kun san da cewa sarki amnu bai

taba faduwa yaki ba, sannan kuma yanzu haka yanada

makaman yakin da bamu taba gani ba, bako shakka duk wanda

ya fita wannan yaki ba dolene ya dawo ba, saboda haka ina

mai bamu shawara da cewa da ayi wannan yaki kara mu zama

bayin sarki amnu, wato mu koma mu cemasa zamuyi duk

abunda yakeso damu, daganan mutanen fada sukace lallai

wannan magana ta waziri gaskiyace, haka fada ta hargitse

kowa na fadin albarkacin bakinsa.

Daga nan sai hamil ya mike da nufin magana.Haba jama a, wai

ko kun dubi irin wahalar da kakaninmu suka sha domin ganin

cewa sun assasa wannan gari, wato ku sani cewa shi namiji

bai san tsoro ba, saboda haka duk namijin dake maganar tsoro

ba namiji bane, bazai yiwu ace mu yarda mu tsayu bayan wani

ba, shin wai ku yanzu kunason zama bayi?kunason ganin

yayanku da matayenku a walakance? idan har bama son haka

 to dolene mu fita wannan yaki, mu kare

mutuncinmu, kuma mu tsare dukiyarmu, sannan mu kare

yayanmu da matayenmu, kawai sai hamil yaji ana masa tabi,

dubawar da zaiyi haka sai yaga ashe husna ce, anan ta masa

wani murmushi wanda take hamil yaji kamar an bashi duniya,

tana cikin tabin sai sarki ya tashi ya fara, daganan sai fada ta

dauka aka kaure dayi masa tabi da jinjina saboda maganar da

yayi, ko kadan waziri bai ji dadin wannan magana ta hamil ba,

amma haka ya daure yana tabin dole, to bayan fada ta watse,

sai sarki yasa akayi sanarwar wannan yaki ga mutane, domin

kowa ya kara kama kansa, sannan akasa doka, ba mai shiga,

kuma bamai fita.

Hamil yaji dadin wannan murmushin da husna ta yimasa saboda

haka a yinin duk tunaninta yakeyi, to bayan su sarauniya sun

samu labarin wannan yaki, take suka shirya dubara domin

ganin an tafi da husna wannan yaki, badon komi ba sai don a

kasheta, kuma suka hada kai da waziri domin yasan yadda

zaiyi ya kashe sarki a wannan yaki, idan yaso sai su bashi

sarautar gari. Daga nan ya aminta tare da musu alkawarin abunda 

sukeso.

HUSNA 2

written by:

abdul king article

(zaku iya samun farkon labarin a page dinmu, wato:

kingarticle.novl via fb)

A lokacin da hamil ya koma gida, zuciyarsa cike take da sake

saken wannan yaki, duk da dai a farin ciki yake saboda

murmushin da husna tayi masa, a cikin wannan dare dai bai

samu runtsawa ba, domin a duk lokacin da ya runtsa, to fuskar

husna yake gani.

Al amarin su sarauniya kuwa, dama mun fada muku cewa sun

hada kai da waziri domin idan akaje wurin wannan yaki, yasan

yadda zaiyi ya kashe sarki, domin yana takura musu, sun yi

masa alkawarin kyauta mai tsoka .

kuyangi sunata faman aiki, kawai sai husna taji wani ya

kirata, anan ya gaya mata cewa sarauniya ke kiranta, cikin

hanzari husna ta bishi, to bayan sun isa, kawai sai taci karo da

hamil tare dasu sarauniya, hasina na can gefe sai kace marar

lafiya.

Anan sarauniya ta fara magana, wato ka sani hamil, ba don

komi yasa na kiraka ba sai don in baka wani sako, bako

shakka nasan kasan da maganar wannan yaki da za ayi, duk da

nasan bakuda mayaka masu yawa, saboda haka inason

kayimin al farma kaje da husna wannan yaki, domin ta koyi

yadda ake fada, kuma ta iya kare kanta daga harin makiya,

anan husna ta kalleta da nufin magana, amma saboda tsoron

hukunci tayi shiru, daganan sai hamil ya fara magana, wato ki

sani sarauniya, wannan yaki da za ayi, yaki ne mai mutukar

hadari, wanda ba a taba yin irinsa ba a tarihin wannan gari, mu

kanmu bamuda tabbacin dawowa, to ina ga ita husna, bako

shakka idan akaje da ita wannan yaki, to tamkar an sa takobi

an datse mata kai ne, domin bazata dawo ba, yana gama fadin

hakan, sai yaga hawaye na kwarara a idanun husna, take

tausayinta ya kamashi, sai dai ba halin nunawa don tsoron

sarauniya, cikin tsawa sarauniya ta fara magana, bafa

shawararka nake nema, wannan umarni ne nake baka, saboda

haka dolene husna taje wannan yaki.

To yayi, ba matsala, inji hamil, amma inaso husna ta koma

gidanmu domin in fara koya mata dubarun yaki kafin lokacin

yayi, daganan sai sarauniya da hasina suka kyalkyace da

dariya, wannan ba matsala bane, kaje da ita duk inda zaka,

iyaka dai idan lokaci yayi, to da ita za a.

Daganan hamil ya tashi, yayiwa husna umarni da ta dauko

kayayyakinta, bayan ta kammala hadasu, sai ya azata saman

doki, yaja linzami ya nufi hanyar gida.

To bayan sun isa gidan ne, husna ta shiga mamaki, irin yadda

aka kawata gidan, kuma ga lambu a ciki, cikin hanzari hamil

ya nuna mata dakinta, anan ta shiga, ta iske dakin gyare,

daganan ta fara shirye shiryen kayanta, tana cikin wannan aikin

ne taji murya kamar daga waje, ashe hamil ne ya leko ta taga

yana gaya mata cewa tazo ta gaida kakansa zamra, to anan

tayi sauri ta sanya wata riga doguwa, daganan sai ta fito,

fitowata keda wuya sai taci karo dashi, yana zaune saman

wata kujera, cikin girmamawa ta duka domin gaida shi, cikin

hanzari ya rike mata kafadu yana mai cewa, haba gimbiya

husna, ai matsayinki yafi karfin ki dukamin, anan husna ta hada

ido da hamil, kowanensu cike da mamaki koya akayi yasan

sunanta alhali bai taba ganinta ba, daganan dai sai husna ta

sambaceshi domin girmamawa.

A cikin wannan dare, kawai sai husna taji tanason nishadi,

saboda haka sai ta shigo cikin lambun dake kusa ga gidan,

shigowarta keda wuya, sai taji kamar ana buga karfe da karfe,

saboda haka sai ta fara tafiya guda guda domin ganin ko

waye, ga mamakinta kuma sai taji anyi tsit, tana cikin wannan

tafiya kawai sai taji kamar daga baya an kai mata wani

zazzafan sara, cikin zafin nama ta goce, tana juyawa sai taga

mutum ya rufe fuskarsa da wani kyalle, kai waye? ta tambaya,

maimakon ya bata amsa kawai sai taga yayi cikinta da sara,

gashi rike da takubba biyu, ita ko komi batada.

Anan husna ta shiga gocewa da kai martani sai kace wata

tsohuwar basadaukiya, sai da suka dauki dakika arbain suna

wannan artabu, daga nan sai husna ta mamayeshi ta masa

wani naushi, saboda karfin naushin sai da ya bugu da wani icce

sannan ya dawo, kawai sai husna taji ana mata tabi, juyawar

da zatayi haka kawai sai taga kakan hamil wato zamra, cike

yake da annuri, haka shima wancan data buge sai taji yana

dariya, cikin sauri tazo wurinsa ta debe kyallen daya rufe

fuskarsa dashi, anan ta gane cewa ashe hamil ne, cikin murna

ta rungumeshi tana dariya da mamakin abun, haka shima

zamra ya kusanto wurin, daga nan suka rungume juna su uku

suna dariya, daga karshe suka koma cikin gidan.

Hasina ce a cikin dakinta, kawai sai taji an bude kofar, ba

kowa bane in banda ramat, ramat saurayine mai son cin ado

da kayan kwalliya, kuma shi keson hasina, sai dai tun suna

yara ba wanda ta tsana irinsa, gashi dan dan attajiri.

shigowarsa keda wuya sai yaga hasina bata ko kallon inda

yake, anan ransa ya bace, sai yayi murmushi, taku dai dai yake

har yazo wurinta, tun daga kafarta ya fara tabawa har zuwa

saman kanta, wannan abu ya mutukar ba hasina haushi, take

ta tashi da nufin bar masa dakin, kawai sai ya jawo hannunta

ya azata saman gado da karfi, daga nan sai ya fara magana,

haba masoyiyata, yanzu fa akanki na shigo wannan dakin,

amma ko kulani bakya yi, wai ya kikeso inyi?

Daga nan sai hasina ta zaunar da kanta saman gadon,

fuskarsa ta jawo ta sambaceshi kadan, sannan tace,kada ka

damu, ina wani aiki ne yanzu, ka dawo anjima, wannan

sumbata ta mutukar sa ramat farin ciki. domin bata taba

yimasa haka ba, cikin sauri ya rungumeta yana mai cewa ina

godiya abar kaunata, daga nan ya juya ya fice, haka hasina ta

bishi da wani kallo mai alamar tambaya, abu dai kamar ta

canza ra ayinta.

To bayan tafiyar ramat ne sai sarauniya ta shigo dakin, kuyangi

uku na take mata baya, duk mata ne kuyangin, daga nan sai

hira ta katse tsakanin hasina da ummarta wato sarauniya.

wato ki sani hasina, nazo da wata shawara, inaga zaifi kyau

mu tura a kashe husna a can gidansu hamil tun kafin su wuce

wurin yakin, ko ya kika gani, daga nan sai hasina tayi shiru

kafin daga bisani ta fara magana, umma ina so in miki wata

tambaya, wai wacece mahaifiyar husna, kuma me yasa muke

cutar da ita, cutar da bama yiwa kowa a gidan nan in banda

ita, anan jikin sarauniya yayi sanyi, ta rasa amsar da zata bata,

daga nan kuma sai ta fara magana da cewa, wato ki sani yata,

wannan labari ne mai tsawo, duk da dai sirri ne, bazan so

kowa yasan da wannan magana ba, amma kiyi hakuri, idan na

yanke shawara zan fada miki, daga nan sai sarauniya ta mike

zumbur ta fita, kuyanginta suka rufa mata baya, anan tabar

hasina cikin zullumi, tana mamakin wane irin sirri ne da sai

anyi shawara kafin a fada mata.

Hamil kishengide yake a saman gadonsa, kawai sai yaji husna

ta shigo, a hankali ta maida kofar ta rufe, anan ta zauna dab

dashi, to bayan sun fuskanci juna, sai ta fara yi masa tambaya

kamar haka, ina so ka gayamin ya akayi kakanka yasan sunana,

kuma ya kirani da gimbiya, alhali ni baiwa ce, me yake nufi da

hakan? cikin natsuwa hamil ya fara magana, wato ki sani

husna, wannan kaka nawa yana da abubuwa naban mamaki,

domin yakan iya gayama abunda zakaci gobe, harma da

abunda zakayi, da kuma abunda zai faruwa gareka, ban san

yadda akeyi yana yin wadannan abubuwa ba, amma ni a

tsammanina, baiwa ce kawai ya samu, kiranki da yayi na

gimbiya, bako shakka haka ne, domin idan ba gimbiya kike ba,

ba yadda za ayi ya kiraki da hakan.

Kana nufin yasan labarina kenan?husna ta tambaya! bako

shakka ya sani, cewar hamil, amma idan baki yarda ba muje

wurinsa, nasan zai fada miki koke wacece, da kuma abunda

yasa yakiraki da gimbiya, anan suka mike suka nufi dakin

zamra, shigarsu keda wuya, kawai sai sukaci karo da hasina,

zaune take tare da kakan hamil wato zamra, anan mamaki ya

kashesu, kome ya kawota wannan gidan?

tsoho zamra ya musu umarni dasu zauna, daga nan ya fara

magana, nasan abunda yasa kuka zo nan, kunason kuji labarin

husna ko, da kuma abunda yasa na kirata da gimbiya, to ku

bude kunnuwanku kusha labari.

.ME ZAI FARU?

HUSNA 3

written by:

abdul king article

(zaku iya samun farkon labarin a page dinmu na

kingarticle.novl)

HASINA, HASINA, HASINA, sarauniya ce ke kiran ta amma ko

duriyarta babu, anan ta girgiza kai ta fita fadar.

A lokacin da su husna suke saurarar kakan hamil, wato zamra,

game da labarin da zai fara basu, farkon maganarsa itace:

Kimamin shekaru ashirin da suka shude, sarkin wannan gari

mata biyu gareshi, dayar sunanta hamrat, dayar kuwa

labeenat, sarki na mutukar sonsu, wanda hakan yasa duk

abunda suka nema a wurin sarki sai sun samu komi tsadarsa,

hamrat ta kasance mai tausayi da jin kai, gata kuma jaruma a

fagen yaki, domin a wannan lokaci idan ka debe habar, to ba

wanda yakai jarumtakarta.

waye habar kuwa? hasina ta tambaya!

Kada ki damu, zan gaya muku ko waye, ku dai biyoni kawai.

Ana nan Ana nan, sai rudani ya fara shiga tsakanin matan sarki,

duk da kasancewar hamrat mai hakuri, amma a wannan lokaci

ta kasa jumrewa, ba kowa ke haddasa wannan rikice ba face

labeenat, domin ita mace ce mai ji da kai, ga kuma kin son

gaskiya, abu kamar wasa wasa, sai kiyaya tayi kamari, wanda

hakan yasa labeenat ta fara shige da fice domin ganin bayan

hamrat.

Wata rana sai labeenat ta kirawo habar a cikin turakarta a cikin

sirri, dalilin wannan kira shine tana son ta bashi kwangilar

hamrat, wai ya kasheta, ba yadda batayi ba, amma habar yaki

amincewa, domin shi mutun ne mai son gaskiya, saboda haka,

shima sai ta maida shi makiyinta na gaskiya.

A wancan lokacin, sarkin lumbiya, wato amnu dan jandu yana

da niyar yakar wannan gari domin ya kwashi dukiya, saboda

haka dukkan mayakan wannan gari suna filin daga domin kare

martabar wannan birni, sai dai a wannan lokaci, hamrat da

habar basu samu damar hallartar wannan yaki ba, saboda

basuda lafiya, kuma su kawai ne akeji dasu a wannan birni,

dakyar hamrat ke iya takawa, sarki bayanan, yana filin daga,

wannan tafiya tasa taba labeenat damar yin abinda takeso.

Duk da kasancewar hamrat a cikin rashin lafiya, sai tayi

kokarin fitowa domin zuwa wajena ko zata samu taimakon

magani, to a lokacin data fito ne, sai ta kamajin motsi a wani

lungu na gidan, saboda haka sai ta leko domin ganin ko waye,

tana lekowa sai taci karo da labeenat tare da wani suna

Zina. dukkansu bamai kaya a jikinsa, domin sun dade suna

aikatawa.

Anan labeenat tayi tsuru tsuru don kunya, amma hamrat sai

tayi kamar bata ganta ba, anan ta nufo gidana ta sameni ina

jinyar habar, wato ku sani habar dana ne, to bayan tahowarta

ne na taimaka mata da magani da ita da habar, wanda take

suka mike, sukace sun warke, anan sukayi shirin yaki sukace

zasu je su taimaki mayakan wannan gari, ba yadda banyi dasu

ba don kada su je, amma sukaki.

Ita kuwa labeenat tana jin tsoro kada sarki ya dawo hamrat ta

fada masa abunda tayi, saboda haka sai ta tara wasu jaruman

bayinta su dubu, ta musu alkawari yanta su idan sun kashe

hamrat, to anan wadannan bayi suka nufi filin yaki domin ganin

bayan hamrat.

Na manta ban gaya mukuba hamrat na dauke da juna biyu,

amma ko kadan wannan ciki nata bai hanata komi ba, ana

cikin wannan yakine nakuda ta kama hamrat, saboda haka

dole ta tsaya domin samun sauki, a haka ne kuma wadannan

bayi suka hangota, saboda haka suka nufi wurinta domin cika

alkawarin labeenat, to kafin su kasheta ne habar yasha gabansu, to

anan aka fara dauki ba dadi, shi yana kokarin kare hamrat su

kuwa suna kokarin kasheta, dakyar ya samu damar tauke

hamrat daga filin yakin ya azata saman doki, sannan shima ya

hau dokin, gudu sukeyi amma wadannan bayin halbinsu sukeyi

da kibau, ana cikin haka ne suka fado saman dokin, to a

wannan lokaci hamrat ta fara haihuwa, su kuwa wadannan bayi

sun matso wurin, anan habar ya tare su, to dama habar yanada

mata mai suna lazinat, kuma itama tana a cikin wannan yakin,

saboda haka sai ta biyo mijinta domin ta taimaka masa, anan

ta iske shi yana artabu dasu, saboda haka itama ta shigar

masa.

Bayan zarma yazo nan, sai hawaye suka fara zumo masa, anan

su husna suka fara lallashinsa suna son jin cigaban labarin.

Daga nan sai ya cigaba da labarin, wato a cikin wannan yaki

dai an samu nasarar kashe hamrat, bayan sun dukufar da

habar tare da matarsa, suma aka kashesu, to kafin hamrat ta

iyar da mutuwa ne ta haifi wata jaririya.

Wannan jaririya da aka haifa itace husna, kuma itace akaba

labeenat riko, wato sarauniyar wannan gari, hamrat itace

mahaifiyar husna, kai kuma hamil habar ne babanka,

mahaifiyarka itace lazinat, anan zamra ya kalli hasina yaga tayi

shiru, ke kuma labeenat ce mahaifiyarki.

Tsoho zamra na zuwa a nan, kawai sai husna ta mike fusace,

bazan kara zama a nan ba face na rama kisar gayya da aka

yima mahaifiyata.

Tana gama fadin haka sai ga sarauniya labeenat ta shigo cikin

dakin, ashe dama data bidi hasina bata ganta ba zowa tayi

wannan gidan, to tana shigowa ta tarar da zamra na basu

wannan labari, saboda haka sai ta labe ta taga tanjin abunda

yake fadi.

Daga shigowarta sai ta zare takobi, a yau zan kasheka yakai

wannan tsoho, saboda ka tona sirrin dana dade ina binnewa,

inji sarauniya, cikin sauri hamil ya zare takobinsa domin kare

kakansa, to kafin su fara fadan sai sukaji ihun mutane, anan suka

fita waje domin dubawa, fitarsu keda wuya sai sukaga ashe

sarki amnu ne ya kawo yaki, mayakansa sai kashe jama a

sukeyi.

To anan ne aka buga kugen yaki, kafin kaceme mayaka sun

jero sahu sahu, to anan aka fara dauki ba dadi.

Ana cikin wannan yakine wasu mayakan sarki amnu suka biyo

sarauniya labeena da nufin kasheta, ashe husna ta gansu, cikin sauri ta zaro kwari da baka domin ta tsayar dasu, anan ta sheko a guje domin kareta amma kash kafin ta karaso tuni sun kashe labeenat. Anan hasina ta sheko ta rungumeta tana kukan bakin ciki na rabuwa da mahaifiyarta. To bayan an gama wannan yaki ne, an samu nasarar kashe sarki amnu da mayakansa, anan su husnat suka kadaita.  daga karshe dai sun yafema juna daga nan kuma sai zarma ya labartawa sarki abunda ya faru. Anan sarki ya kankane husnat domin bai taba tsammanin cewa diyarsa ceba. Anan sarki ya ginawa hamil katon gida tare da bashi dukiya mai yawa shida kakansa. sannan kuma aka daura auren husna da hamil, ita kuwa hasina da saurayinta, wannan shine karshen wannan labari.

ALHAMDULILLAHI

written by

abdul king article.