GIDAN FATALWA

GIDAN FATALWA 1

Written by

abdul king article

A lokacin da matsanancin duhu ya zagaye ciki da wajen birnin,

wasu halittu kan farka domin gudanar da ayyukansu na yau da

kullum, wannan farkawa tasu ya haddasa wata kakkarfar

guguwa, wannan guguwa ta fara tsiri sama tana wani irin karaji

mai amo, da karfi wannan guguwa ta fara gudu tana buge

abubuwa, haka ta cigaba da shiga lungu lungu na garin tana

bannata kayayyaki.

Tafiya takeyi tana rangwada da taku dai dai sai kace marar jini

da tsoka, juyawa tayi da karfi sakamakon karar wani abu da

taji, wannan abu data gani ya tayar mata hankali, saboda haka

ta fara gudu domin samun mafaka, amma ina, haka wannan

guguwar ta cimmata, a nan guguwar ta daga ta sama, ita kuwa

sai ihu takeyi tana neman taimako, amma ina, haka guguwar ta

mata guntu guntu, wato kai daban, hannaye saban, kafafuwa

daban, anan matar ta fadi matatta.

Daga nan sai guguwar ta cigaba da tafiya har ta cimma wata

mota, saurayi da budurwa ne a ciki, yana shafa gashin kanta a

hankali, ita kuwa yarinyar sai wani nishi takeyi tana murmushi,

suna cikin haka ne sai sukaji kamar motarsu na tashi sama,

anan suka leko ta taga domin ganin abinda ke faruwa, kuwa

suka farayi domin guguwa ce ta daga motar sama, anan

guguwar ta jijjiga motar, daga baya kuma ta makata ga

katangar wani gida, take wadanda ke cikinta sukace ga

garinku, a haka wannan guguwa ta cigaba da keta gidaje tana

gudu, saurayi da budurwa ne a saman titi, sun rungume juna

suna tafiya, budurwar bata ankara ba sai jin tayi saurayinta na

kuwa, anan taga guguwa ta daga shi sama tana juyawa, akwai

wani dogon mashi mai tsini soke a saman wani gida, take

guguwar ta jefa shi saman mashin, a nan ya fadi matacce jini

na fita a bakinsa, ita kuwa budurwar gudu ta fara yi tana

neman taimako, a cikin wannan gudu ne guguwar ta cimmata,

daga nan ta tsaga kanta gida biyu, daga nan itama ta fadi ba

rai.

A haka wannan guguwar ta ci gaba da tafiya har ta cimma

wani matsakaicin gidan sama, tsiri tayi sama da nufin shiga

wata taga.

FARKON LABARIN

Meenat na cikin dakinta tana wasa da laptop, kawai sai taji

iska na damunta, da sauri ta tashi da nufin kulle tagar dakin,

cikin rashin tsammani sai taga an dagata sama an jefata

saman gado, wata guguwa ce ta shigo dakin, anan ta fara

zagayar gadon meenat, ita kuwa meenat take jikinta ya dau

rawa, ba a dauki lokaci ba sai guguwar ta nufi kasan bene, to a

wannan lokaci duk fitilar dake dakin ta mutu, anan meenat ta

fara lalube, dakyar ta lalubo madubin idonta "eyeglass"

Bayan ta sanya, anan ta tashi domin fita daga dakin, tafiya taji

ana tako benen da nufin shigowa dakinta, anan ta rasa abunda

zatayi, cikin tsoro ta koma saman gado tana makarkata, a

haka ta cigaba dajin wannan tafiyar, ana cikin haka ne sai taji

tsit, kamar an daina tafiyar, daga nan sai ta tashi tana laluben

kofar dakin, tana ciki haka ne sai taji an banko kofar da karfi,

wata fitilar hannu aka cinna mata ana kiran sunanta, MEENAT,

MEENAT, MEENAT, ke aunty ce ke magana, wai ina kike?

Meenat najin haka take ta sheko a guje ta rungume aunty

balkisu, lafiya naga idanunki sunyi ja?

lafiya lau aunty, meenat ta amsa,

A haka aunty ta jata suka yi kasan benen domin cin abincin

dare "dinner"

Meenat na cikin wani hali, duk da dai ta boye abunda ke

damunta a lokacin da aunty balkisu ta tambayeta, wannan

abun ban mamaki ba shine na farko ba a wurinta, tasha ganin

ire irensu tun tana karama, abunda ke daure mata kai shine

batasan abunda yasa hakan ke faruwa a gareta ba, gashi kuma

bata taba gayawa kowa ba.

Ummi wai me kikeyi ne haka? duk kin bata mana wuri da

abinci, aunty balkisu ta tsawata mata, anan ummi ta done kai

alamar jin kunya, suna cikin cin abincin, kawai sai sukaji an

bude kofar falon, ashe bafferh ne ya shigo, bafferh dai shine

saurayin meenat, wannan soyayya ta samo asali tun suna yara,

saboda haka iyayensu sun san da hakan, kamar dai kowane

lokaci bafferh kan shigo gidan yayi abunda yakesko kamar

gidansu.

Ummi ce ta tashi da sauri ta rungumeshi, to bayan ya kusanto,

cikin girmamawa ya gaida su, anan meenat ta masa wani kallo

mai bayyana tsintsar so, haka ya mayar mata da martani kafin

ya zauna, wow, amma wannan abinci yayi dadi, inaga bako

shakka gimbiyata ce ta dafa shi!!! ya fada, anan meenat tayi

murmushi tana kallonsa.

uhmm, aunty balkisu tayi kaki tana mai cewa, wace gimbiya

kuma, gimbiyar taka dako shayi bata iya hadawa ba, wannan

magana tasa su dariya gabaki daya, haba aunty... inji meenat,

gaskiya nifa..... anan ta juya musu baya tana ciccika cikin fushi,

bazan ma ci abincin ba........ta fada.

anan aunty balkisu ta fara lallashinta, haba yan mata, wasa fa

nakeyi, gimbiya uwar gimbiyoyi, kyakkyawa son kowa kin

wanda ya rasa, to yi murmushi mana, anan meenat ta dan yi

murmushi saboda jin dadin wadannan kalamai, haka su kuma

sauran mutanen gida sai suka fara mata tabi da jinjina, anan

gida ya kable da sowa.

Tun da safe tayi wani wanka, bayan kammala break fast sai ga

bafferh ya shigo gidan, cikin jin dadi suka nufi mota, bafferh ne

ke tukawa, to anan hira ta barke tsakaninsu, yau kasan munada

"EDS 201" inji meenat, anan bafferh ya kalleta, banason

wannan course din ko kadan, ni in badan keba dayau ko

makarantar bazanjeba, anan meenat tayi dariya tare da gyran

madubin idonta, haba to idan kace haka mu muce kaka? inji

meenat, juyawa yayi da nufun bata amsa, amma cikin sauri ya

juya matukin motar, anan suka fara ihu shida meenat, a

tsakiyar manyan motoci suke, sannan ga wata mota a gabansu

tana shirin afka musu, cikin sauri ya kara giya yana kokarin fita

tsakiyar motocin, wani irin gudu ne yake naban mamaki, yana

fita babbar motar na kawowa, cikin ilimi ya murza matukin

motar yana kaucewa, wannan bajinta da yayi taba meenat

mamaki, anan ta fara yi masa tabi, yaushe ka iya mota haka?

murmushi yayi ba tare daya amsa ba, haka suka cigaba da

tafiya har suka iso makarantar, bayan sun faka motar, kai

tsaye suka shiga aji.

Bayan awa biyu da kare lecture, kawai sai suka fito suka nufi

gida, to a wannan lokacin tare suke da kawar meenat wato

nabilat, itace a bayan motar, sai surutu kawai take rafka musu,

a haka suka cigaba da tafiya har suka zo wurin dazasu ajeta,

daga nan suka nufi gida, tun daga bakin gate sukejin hayaniyar

mutane a gidan, da sauri suka shiga domin ganin ko me ke

faruwa, ashe daddy ne ya dawo, cikin murna meenat ta fada

jikinsa, ahaka ya riketa sai kace karamar yarinya, to bayan sun

natsu, sai ya fara tambayarsu ya makarantar, daga nan suka

fara bashi amsa da cewa lafiya lau.

A cikin wannan dare dai meenat ta kasa bacci, saboda haka

sai ta shigo falo domin ta sarara, anan taci karo da daddy yana

ba aunty balkisu labari, a gefe guda kuma kaka zuwaira ce a

kishingide, gaskiya akwai matsala a wannan gari, inji daddy,

hala meke faruwa? kaka zuwaira ta tambaya, wato jiya mutum

dari biyar suka mutu sakamakon wata guguwa ta anoba data

bayyana, anan ya gwada mata labarin rubuce a jarida, ga kuma

hotunan wadanda suka nan birjik, meenat najin daddy ya fadi

wannan guguwa, take hankalinta ya tashi, domin kai tsaye sai

ta tuno da abinda ya faru da ita a baya na guguwa, a lokacin

data fara zagayar gadonta.

Kaka zuwaira ta nisa kafin daga bisani ta fara magana, ai kaine

sanadin kome, kasa daruruwan mutane cikin halaka, kuma ka

cuci muhibbat, ALLAH zai isar mata.

Haba kaka, ya kina irin wannan magana, ai abunda ya wuce bai

kamata ace kina tunashi ba, tunda yanzu dai komi ya wuce.

Wannan magana tasa meenat cikin rudani, anan ta fara tunani

wacece muhibbat? sannan kuma da gaskene mahaifinta shine

sanadin mutuwar mutuwar mutum dari biyar din da guguwa ta

halaka, to yaya akayi haka? meenat ta cigaba da wannan

tunani har daga karshe bacci yazo mata, saboda haka ta tashi

ta nufi daki.

Cikin wani kwaroro take mai duhu, gudu take iyakar gudu,

tamkar wani abu na binta, tana cikin wannan gudu sai taci karo

da wata mata, juyawa tayi da nufin komawa inda take, daga

nan sai matar ta mata magana, haba meenat, ya kina gudun

mahaifiyarki, ai nice na haife ki da cikina, daga nan sai matar

tace ki shiga dakin mahaifinki,zaki ga wani akwati baki boye,

inaso ki dauko akwatin ki duba abinda ke ciki, daga nan sai ta

nuna mata wata hanya, idan kikabi wannan hanyar ba mai iya

cutar dake.

Firgigit, meenat ta farka, wai ashe mafarki ne takeyi, wannan

mafarki ya bata mamaki, anan ta fara tunanin wacece

mahaifiyarta ta gaskiya, domin ita a tunaninta, aunty balkisu ce

mahaifiyarta.

Bayan safiya ta waye, sai meenat ta wuce kai tsaye cikin dakin

aunty balkisu, haka zaki shigo ko sallama babu, wai yi hakuri

aunty, meenat ta amsa, bayan sun fuskanci juna, daga nan sai

meenat ta fara magana, dama inaso in miki wasu tambayoyi

ne, wai don ALLAH me kika sani game da maganar da kaka

zuwaira ta fada jiya? gama fadin haka keda wuya sai taga

hawaye sun zubo a idanunta, kiyi hakuri aunty, ban fadi

wannan magana ba da nufin bata miki rai.

Ai ba shi nakema kuka ba, sai dai ina tunanin wani abu daya

daya faru shekaru da yawa, wato ki sani meenat, wannan

tambaya taki sirri ce, kuma mahaifinki bazai so in gaya miki

itaba, saboda haka kiyi hakuri, to aunty wai da gaske bake kika

haife niba? injiwa, ni na haifeki da cikina in baki sani baki sani,

to wacece muhibbat? meenat ta kara tambaya, haba meenat,

wadannan tambayoyi sunyi yawa, ya kina haka, to kiyi hakuri

aunty zan fita, daga nan sai meenat ta fita daga dakin, ita

kuwa aunty balkisu ta bita da kallo har ta bace.

To bayan meenat ta fita ne sai taji ana busa sarewa, juyowa

tayi taga ko su waye, anan taga bafferh tare da kawayenta

suna mata tabi, HAPI BIRTHDAY MEENAT, a guje suka sheko

wurinta suna tayata murna, daga nan sai ga daddy ya shigo da

wani katon cake, cikin gaggawa aka bata yuka ta yanka, daga

nan sai suka fara shagali da murna.

Bayan an gama wannan shagali kowa ya watse, sai daddy yayi

kiran meenat domin ta gyara masa daki, anan taji dadi domin

zata bincika ta gani in mafarkinta gaskiya ne, a haka ta shiga

dakin tana bincike maimakon gyara, lungu lungu sako sako,

cikin wannan kazamin binciken ne ta gano wani akwati karami,

cikin sauri takai akwatin dakinta, hakan ya tabbatar mata da

cewa mafarkinta gaskiya ne, a cikin wannan dare ta bude

akwatin, ga mamakinta sai taga littafi, da wani zobe, sai kuma

wasu kayayyaki wadanda batasan kansu ba, a makarin littafin

an rubuta MUHIBBAT, daga nan sai ta bude ciki, hoton wani

gida ne ta gani mai ban tsoro, domin anyi hoton a ciki dare, sai

kuma ga hoton daddy da wata mata, sai kuma gata a

tsakiyarsu a lokacin da tana yarinya, wadannan hotuna sun

bata mamaki, ko wane irin gida ne wannan, it kuma wannan

matar ko wacece, daga nan sai ta kara bude littafin, a nan taci

karo da wani labari, amma abunda ke bata mamaki shine, tana

fara karatun labarin sai taga wutar dakin ta dauke gaba daya,

da sauri da kulle littafin tana lalube, kulle littafin keda wuya, sai

taga wutar ta dawo, anan cigaba da karatu, kuma sai taga

wutar ta kara daukewa, tana kullewa kuma sai ta dawo, sau

biyar tana haka, daga nan sai ta gane cewa littafin bai

karantuwa, sabida haka ta aje shi saida safe.

Tun da sanyin safiya ta buda littafin, amma mamaki ba kome a

ciki, daga nan ta buga ma bafferh, shi kuma ya bata shawara

cewa suje wani wuri mai nisa su karanta littafin, to a cikin dare

suka shiga mota, anan sukayi tafiya mai nisa har suka shigo

daji, daga nan sai suka bude akwatin, a hankali suka dauko

akwatin, sunna budewa sai suka ga rubutun littafin ya dawo,

anan suka fahimci cewa lalle wannan littafin sihiri ne, zasu fara

karatun littafin kenan kawai sai suka ga ya tashi sama kamar

tsuntsu, anan suka fara binsa da nufin rikeshi, amma gudu

yake tamkar mai kafafu, haka wannan littafi ya ci gaba da

jansu har sukayi nisa cikin dajin, cikin wani kogo nai

matsananin duhu littafin ya shiga, anan sukayi cirko cirko

domin suna jin tsoron shiga kogon, juyawa sukayi da karfi

saboda wata kara da suka ji, anan sukaci da karo da itacen

dajin na tafiya, suna kokarin kawo musu hari, sannan a cikin

wannan kogon wani gurnani ke fitowa.

MEYE KARSHEN WANNAN LABARI?

ZAMU CIGABA...............

ABDUL KING ARTICLE

MU HADU A KASHI NA BIYU....

GIDAN FATALWA 2

kashi na biyu

Written by

abdul king article

TUNATARWA DAGA NA FARKO:

A cikin na farko mun tsaya a inda meenat da bafferh ke

kokarin karatun littafin sihirin da suka sato, cikin hakane littafin

ya tashi sama kamar mai fuka fuki, daga nan suka fara bin

littafin har ya shiga wani kogo, daga nan kuma sai suka fara jin

gurnani na fitowa a cikin kogon, haka zalika sai kuma ga wasu

itace suna tafiya da nufin kawo musu hari.

CIGABAN LABARIN:

Hankalin meenat yayi mutukar tashi ganin wannan abun ban

mamaki, shi kuma bafferh tsaye yake domin tun farkon

rayuwarsa bai taba ganin itace na tafiya ba, wani irin narkeken

reshen bishiya ya fado gabansu, ji kake duuum, anan suka fara

gudu tsorace, su kuma wadannan itace suka cigaba da jefa

musu bishiyoyi, a cikin wannan gudu ne meenat ta fadi, nan da

nan wani reshen bishiya ya laulayeta, kuwa ta fara yi tana kiran

sunan bafferh, cikin sauri ya juyo, a guje ya sheko da nufin

kawo mata dauki, gudu yake yana kaucewa itatuwa na fadowa

gabansa, a wanan lokaci ba karamar bajinta ya nuna ba, domin

a lokaci guda sai kaga icce goma sun fado suna shirin

makeshi, amma cikin jarumta sai kaga ya kauce, da sauri ya

riko hannunta, sannan ta tashi dakyar, daga nan suka cigaba

da gudu, a haka har suka kawo wata gada, wannan gada dai a

kasanta akwai ruwa, wasu zaratan kadodi ne a ciki, jira kawai

suke mutum ya fado su sami na kalaci, gashi gadar kuma

tsohuwa ce, domin wasu katakayyan da aka yita dasu duk sun

fara bantalewa, meenat ce a gaba bafferh na biye da ita, tana

aza kafarta a saman gadar take wane katako ya balle, a nan

ya fada cikin ruwan, wasu kadodi ne su bakwai suka fito a cikin

ruwan suna rigangan daukarsa, domin a tsammaninsu mutum

ne ya fado, a nan meenat taja baya tsorace, gaskiya bazan iya

hawa wannan gadar ba, injita, haba meenat, ya zaki fadi haka,

idan har baki hau wannan gadar ba, to dani dake duk zamu

rasa rayukanmu, inji bafferh, suna cikin wannan magana sai

sukaji saukowar wani abu duum, wani icce ne ya fado

gabansu, a tsorace basu san lokacin da suka hau wannan

gadar ba, meenat ce a gaba, saboda gudu bata ko duba inda

take takawa, saboda yawan takun da sukema gadar take ta

fara zaftarewa tana fadawa cikin ruwan, wannan ya tayar ma

da bafferh hankali domin shine a baya, kafin kaceme ya kara

giya, meenat ji kawai tayi ya wuceta shuiii, sai kace walkiya,

wannan abu yabata mamaki, a nan ta tsaya kallonsa, cikin

rashin sani sai kafarta ta fada cikin wani rami, a nan wani

katako mai tsini yayi tsalle ya fado mata a cinya, wata kara

tayi domin katakon shigewa yayi gaba daya, a nan jini ya

fantsama, wani irin radadi takeji sai kace wuta, ko tafiya ta

kasa yi, a nan ta fara tangal tangal kamar zata fada cikin

gadar, dakyar ta samu ta rike gadar da hannu daya, su kuma

kadodin sai faman tsalle sukeyi suna jiran ta fado su samu

abun kalaci, bafferh na can ganga, wato ya tsallake gadar,

wannan abu daya gani ya faru ga meenat yasa ya sheko a guje

da nufin taimaka mata, yana cikin wannan gudu ne sai ya

hango wasu halittu bakake a saman bakaken dokuna, su

halittun ba a ganin jikinsu domin komi nasu baki ne, su kuma

dawakan basuda idanu, domin wurin idanun like yake, amma

sai faman gudu sukeyi suna kokarin cimmusu, haka kuma

wadannan itatuwan suma biye suke da halittun, anan meenat

ta kwala ihu domin bafferh yayi sauri, bako shakka a wannan

lokaci halittun sun kusa cimmata, bafferh gudu yake iyakar

gudu, anan ya gane cewa idan yayi wasa fa meenat zata rasa

rayuwarta, wani irin tsalle yayi cikin gwaninta, da karfi ya jawo

meenat ta mike tsaye, anan ya dauketa ya aza saman

kafadarsa, gudu ya fara yi domin tsallake gadar, ita kuma

gadar ta fara ruzgawa, su kuma wadannan halittu su kusa

cimmusu, daga nan sai wadannan halittu suka fara jifar su

bafferh da itace masu ci da wuta, haka bafferh yayi ta

kaucewa yana gudu, kuma ga meenat saman kafadarsa, wato

nauyi saman nauyi, dakyar ya kawo bakin gabar, to a wannan

lokaci gadar ta kusa fadawa cikin rawa, domin rabinta duk ya

zabtare cikin ruwan, wani irin tsalle bafferh yayi sannan ya

tsallake gadar, yana tsallakawa ita kuma gadar ta fada cikin

ruwa gaba daya.

ZAINAB KING ARTICLE:

Bazamuyi labarin page zuwa page ba, sai dai zamu takaita shi

yadda zaku gane, zaku iya aiko mana sakonni zuwa wannan

email " abdulkingarticle@gmail.com" via zainab@novel.twitter,

frm the kingdom of article, the king of article, and the

legendary wizard of writting," neena novela.abdu

SAI KUN ZO

CIGABAN LABARIN:

To bayan bafferh ya tsallake gadar, kawai sai yaga wadannan

halittun dake binsu sunyi tsaye cirko cirko saman dawakansu,

wato kamar bazasu iya tsallako gadar ba tun da ta fada cikin

ruwa, a wannan lokaci ya ajiye meenat a kasa, sun tsayu suna

kallon ikon ALLAH, anan suka fahimci cewa,wadannan haliitun

basuda siffar mutane, haka kuma dawakansu, domin lullube

suke da wasu bakaken kaya yadda ko fuskarsu baxaka iya gani

ba, ko ka kalla sai dai kaga duhu, anan wadannan halittun suka

yi wani irin kuka, daga nan suka juya da dawakansu suka bar

wurin, to bayan tafiyarsu keda wuya sai su meenat suka nausa

cikin dajin suna tafiya domin samun hanyar da zata fidda su,

meenat gurmunta takeyi saboda raunin da ta samu a cinya,

suna cikin wannan tafiya sai sukaji kukan mota a gabansu, a

nan mamaki ya cikasu, to bayan motar ta kawo wurinsu, a nan

ta tsaya, cikin razana sukayi tsaye kikam suna jiran me zai

faru, wani mutum ne ya fito a cikin motar sanye da malfa, ku

meyaku cikin wannan daji mai hadarin gaske? ya tambaya,

cikin sauri meenat ta fara yi masa bayani, ai mu dalibai ne

daga state university ta wannan garin, kuma munzo wannan

daji ne domin gudanar da bincike "reseach"

Anan wannan mutumin ya girgiza kai, toni sunana ali sarkin

baka, Kuma nine shugaban wannan daji, haka zalika ni

mafarauci ne, to amma ya naga kamar kun galabaita, daga nan

sai meenat ta bayyana masa irin bala in dasuka hadu dashi, a

nan wannan mafaraucin ya tausaya musu, daga nan sai yazo

wurin meenat, hannunsa ya aza saman raunin data samu a

cinya yana fadin wasu kalmomi a cikin zuciya, wasu ruwa

kawai suka gani suna fitowa a hannunsa, ruwan na tabin raunin

sai kawai fata ta fito a wurin, take tambon ya bace, sai kace

bata taba jimuwa, kuma tabar jin ciyo, a anan suka gane cewa

lalle wannan mutumi ba kanwar lasa bane a wurin sihiri.

To bayan da meenat ta warke sarai, kawai sai suka hango wani

katon gida, a nan ta gane gidan, domin shine taga hotonsa a

wannan littafin da suka sato, a nan ta umarci bafferh dasu je

gidan, shi kuma mafaraucin sai ya fara yi musu bayanin akan

gidan, ai ku sani, bala in dake cikin wancan gidan, to yafi

wanda kuka sha a baya, a nan ya shiga motarsa ya tafi, bafferh

fada ya fara yi mata, duk laifinki ne, gashi kin masa karya ya

tafi ya barmu, kinga da bai tafi ba da sai ya nuna muna hanyar

fita wannan daji, anan meenat tayi murmushi tana mai cewa,

ai tafiyarsa nada amfani garemu, kaga yanzu sai mu cigaba da

binciken wannan littafin har sai mun ganshi, anan bafferh ya

harareta, ya za ayi muga wannan littafi, bayan mun barosho

cikin kogo, kuma hanyar da zata kaimu wurin ta lalace

balantana mu bita. inji bafferh.

To naji, yanzu sai kazo muje wancan gidan da muka hango,

domin shine naga fotonsa a cikin wannan littafin, daga nan

suka fara tafiya xuwa wannan gida, suka manta da gargadin

mafarauci.

To bayan sun kawo gidan, sai sukaga an ajiye motoci kala

kala, bayan sun zo gaf da motocin, sai sukaga mutane na

fitowa cikin motocin, daga ciki harda aunty balkisu da daddy,

anan mamaki ya kamasu meenat, koya akayi sukazo wannan

daji?to me ya kawosu?

Aunty balkisu ce ke tafiya cikin rangwada har ta kawo wurinsu,

marin meenat tayi har sau biyu, sannan ta jawo kanta ta buga

ga glass din mota, har sai da glass din ya fashe.

KU DAURE MIN SU!!!

Taba wasu samudawa umarni, anan aka daure meenat da

bafferh, wata kaca ce aka dauresu da ita yadda ko motsi basa

iya yi, daga nan sai ta fara tambayarsu, ina littafin da kuka

sace?

Anan meenat ta kalli bafferh, daga nan suka done kai kasa ba

tare da cewa uffan ba, cikin fushi aunty balkisu ta amso wata

karamar bindiga daga hannun masu tsaronta, "pistol" halbawa

tayi sau uku domin ta nuna musu cewa akwai harsashi ciki

"bullets" daga nan sai ta aza bindigar saman kan bafferh, zakiyi

magana ko sai na fasa kan saurayin naki!!! inji aunty balkisu,

shi kuma daddy kallonsu yake ba tare daya ce kome ba, daga

nan sai meenat ta fara magana, haba daddy ka taimake mana,

kana ganin abunda aunty ke shirin yi? daga nan sai daddy ya

fara magana, bazan iya taimakwanki ba meenat, face idan zaki

fada muna inda kuka aje wannan littafin, domin nima ina bayan

auntin ki.

Wani kallo aunty balkisu tama meenat, ke, ki sani ni ba

mahaifiyar ki bace, kije can ki bidi mahaifiyarki ta gaskiya,

wannan magana tasa hawaye sun zubo a idanun meenat, haka

shima bafferh tausayinta ya kamashi, to wacece mahaifiyata ta

gaskiya? meenat tambaya, yauwa, kinga sai ki fadamin inda

kuka ajiye littafin kafin na baki wannan amsar, inji aunty

balkisu.

Kusan minti sha biyar meenat batayi magana ba, daga nan sai

daddy ya bada umarni a kaisu cikin wannan gidan a kulle, hako

ko akayi, ita kuma UMMI sai kallonsu take, wani matsiyacin

duhu ne a cikin gidan, daddy da aunty balkisu na a cikin daki

daya, haka suma mutanen da akazo dasu duk an basu

masauki.

To bayan kowa yayi bacci a cikin gidan, meenat ita kadai ce

cikin wani wuri mai mugun duhu, gashi ba wuri guda ne aka

ajesu tare da bafferh ba, saman kujera take daure da kaca,

kawai sai taga an bude kofar dakin, ashe ummi ce rike da

yuka, anan ta bada yukar tana mata umarni data yanke kacar

ta gudu, anan meenat ta shiga yanke kacar, ita kuma ummi sai

ta fita a guje domin kada a ganta, to bayan meenat ta yanke

kacocin, sai taga duhu yayi yawa, saboda haka sai ta fara kiran

ummi domin ta kawo mata mata fitila.

UMMI,UMMI, UMMI, wai ko batanan, anan taji shiru, cikin sauri

meenat ta mike,a hankali ta fara takowa kasan benen domin

ganin ko meke faruwa, tsoro ya dabaibaye zuciyarta, kuma

matsanancin duhu daya mamaye wurin gaba daya, takawa

takeyi guda guda cikin tsoro, tana cikin wannan tafiya sai ta

hango wani abu kamar mutum, a lullube cikin bakaken kaya,

anan jikin meenat ya dau rawa, ta rasa abunyi, juyawa tayi da

nufin komawa, cikin mamaki sai ta kara ganin irin wannan

halittar a bayanta, to a wannan lokaci tsoron dake jikinta ya ya

harzuka mutuka,batasan lokacin data fadi ba, a haka ta cigaba

da mirginowa kasan benen har ta kawo kasa, a wannan lokaci

dakyar take nishi, to bayan ta tashi, abunda ya daure mata kai

shine bataga wadannan halittun bakake ba.

Anan ta cigaba da tafiya a hankali tana kiran ummi, tana waige

waige saboda tsoro,bata ganin ko tafin hannunta, sannan

abunda ke ke damunta shine me yasa duk fitillun gidan sun

mutu? kuma ita ummi inata shiga ne? a haka ta cigaba da

tafiya har ta shigo wani daki, shogowarta keda wuya sai taga

fitila, anan ta kunna, jin dadi tayi saboda ganin wani fanfo,cikin

sauri takunna fanfon domin shan ruwa, ihu tayi domin jini ne

ke fitowa maimako ruwa, juyawa tayi da nufin fita, kawai sai

taci karo da karamar yarinya, laa ummi, ina kikaje ina neman

ki, anan taji shiru, kuma gata rike da wani gatari, kuma

idanunta duk sun juye zuwa ja, da karfi meenat ta kaucema

saran data kawo mata, anan ta fitabdakin a guje, cikin wannan

gudune sai taci karo da wani abu, anan ta fadi, ahankali ta

dago kanta domin ganin ko meye, anan ta gane cewa

wadannan halittun ne bakake data gani dazu, ihu tayi sannan

ta nufi wani daki a guje, kullewa tayi tana nishi, shigarta keda

wuya sai ta kara ganin wannan halittar baka kirin, a guje ta

nufo kofa da nufin guduwa, to kafin ta kawo ga kofar, sai taji

anan bugunta da gatari, wato anaso a ballata da karfin tsiya a

shigo ciki, taga ta leka da nufin guduwa, sai taga duk itatuwan

dake dajin sun zagaye gidan yadda ba wurin gudu, a wannan

lokaci wannan halittar ta kusa cimmata, haka kuma kofar

dakin ta kusa karyewa saboda bugun da tasha da gatari, anan

ta hango watarijiya a cikin dakin rufe da marfi, kawai sai taga

an budeta, ashe bafferh ne, to anan ya mata umarni da ta

shigo ciki, rijiyar kamar hanya take, wai ya akayi ka kubuta

bayan da suka daureka anan, inji meenat, anan ya bata amsa

da cewa ai ummi ce ta kawomin yuka domin in taimaki kaina,

anan taji mamki to meyasa ummi keson kasheta? suna cikin

gudu sai suka hadu da aunty balkisu tare da jama arta, wato

kunaso ku gudu ko, to ku sani bazaku tona sirrin da muka

binne shekaru da dama ba, anan ta bada umarni da aka masu,

to kafin a aiwatar, kawai sai kasa ta fara girgiza, tana tsagewa,

anan wadannan mutanen suka fara fadawa ciki, sai kuma wasu

kibiyoyi da ba asan inda suke fitowa ba suka fara kashe

jama.a, idan kibiyar ta shiga jikin mutum, sai dai aga yayi

kunburi ya fashe.

MEYE KARSHEN WANNAN LABARI?

ZAMU CIGABA....

MU HADU A KASHI NA UKU..

ABDUL KING ARTICLE

GIDAN FATALWA 3

kashi na uku

Written by

abdul king article

TUNATARWA DAGA NA BIYU:

A cikin littafi na biyu, mun tsaya inda bafferh da meenat suka

hadu da aunty balkisu tare da jama arta wato matsu tsaronta a

cikin wannan rijiyar mai kamar hanya, a inda ta bada umarni a

kamasu, to kafin a aiwatar sai kasa ta fara girgiza, haka kuma

wasu kibiyoyi da ba asan ta inda suke fitowa ba suka shiga

kashe jama a, wanda idan kibiyar ta shiga jikin mutum, sai dai

aga yayi kunburi ya fashe.

CIGABAN LABARIN:

Bala i yayi bala i, domin ta koina kibiya fitowa take, saboda

haka hanjin mutane sun yawaita a kasa, jini sai malala yake

tamkar ruwa, to a wannan lokaci aunty balkisu ta rude, domin

mafi yawan masu tsaronta sun mutu "security agents" to ana

cikin haka sai wasu daga cikin mutanenta suka zo da wata

shawara, cikin sauri suka fito da garkuwa domin kare

wadannan kibau, "protector" cikin dubara suka hada wani

sahu, daga nan sai su aunty balkisu suka koma bayansu,

meenat ko magana bata iya yi saboda tsoro, haka suka cigaba

da tafiya cikin wannan sahu, duk kibiyar da tazo sai dai ta

tsaya ga garkuwar, an dauki lokaci wadannan kibiyoyin na

fitowa kafin daga bisani su dauke gaba daya, to bayan kibiyoyin

sun dauke, sai dakarun suka aje garkuwowin, suna duban inda

kibiyoyin ke fitowa, basa ganin kome face tsananin duhun daya

karwade wurin gaba daya, anan wasu daga cikinsu suka fara

yadiya da fitila " torchlight" sai dai fitilar batada haske sosai,

saboda haka duhun ya rinjayi fitillun, daga nan sai suka fara jin

wani ruri marar dadi, wanda hakan yasa kowa ya like

kunnuwansa, kuma abun mamaki basa ganin mai yin rurin, da

sun haska wurin sai dai suka ga duhu, gaskiya ni bazan iya

zama a wannan gida ba, tsoro nakeji!!! inji meenat.

Yi shiru, banza, ai duk kece kikaja, yanzu zamu cigaba da

tafiya domin mu samu hanyar fita, aunty balkisu ta fadi cikin

fushi, to daga nan sai suka cigaba da tafiya cikin wannan rijiyar

"underground" suna waiwaye waiwaye, kowanensu idanunsa

sun fito saboda tsoro, domin ji suke a kowane lokaci za a iya

kawo musu hari, to suna cikin tafiyar sai suka kawo wani wuri

da anyi zane zane a bangon wurin, anan suka fara kallon zane

zanen domin da fenti ja aka yishi, wasu kwarangwal din

mutane ne aka zana, sai kuma wata mata mai siffar dodanni

tana kalaci da naman mutum, anan suka cigaba da kallon

wadannan zane naban mamaki, shi kuma bafferh kome ya

kaishi, hannunsa yasa ya shafi wani zane, yin haka keda wuya,

sai suka fara jin wani rugugi, kamar ana magana amma basajin

abunda ake cewa, cikin rashin tsammani sai sukaga wani abu

mai kamada maciji, sai dai jikinsa dauri gareshi, kuma bayada

kafafu balantana idanu, cikin sauri wannan abu ya laulaye daya

daga cikin dakarun aunty balkisu, haka wannan mutumi ya fara

ihu yana neman taimako, amma ba mai iya zuwa wurinsa,

kafin kaceme wannan abu ya wuce da wannan mutumi, cikin

minti biyu sai aka jefo musu gangar jikin wannan mutum, kai

daban, hannaye daban, kuma kafafuwa daban, duk an masa

guntu guntu ba kyan gani, wannan abu ya mutukar tayar musu

da hankali, anan suka fara gudu, kowa na ta kansa, aunty

balkisu ce ke basu umarni inda zasu shiga sai kace tasan

gidan, wannan abu yaba meenat da bafferh mamaki, anan suka

fara tunani wai ko batada nasaba da wannan gida?

To suna cikin wannan gudu ne sai wannan abun ya dawo, cikin

sauri ya kara laulaye wani daga cikinsu ya wuce dashi, abokin

wanda aka laulaye ya kasa hakuri, saboda haka ya bi shi domin

cetoshi, anan su aunty balkisu suka rikeshi suna bashi hakuri,

amma ina ya kasa jurewa, sai kuka yakeyi yana kiran sunansa,

AL AMEEN, ihun al ameen din sukaji tare da ganin guntattakin

jikinsa, anan suka tashi kowanensu yacigaba da gudu, suna

cikin gudu sai suka kawo ga wani wuri mai matattakala, a can

saman wurin akwai wata kofa wadda zata fiddasu daga cikin

rijiyar, cikin sauri kowanensu ya fara tattakawa yana kokarin

fita, turanni in tureka suke, suna cikin wannan hali sai wannan

abun ya kara dawowa, wani ya laulaye sannan ya wuce dashi,

ganin haka yasa kowanensu ya kara himma ganin cewa ya fita

daga wurin, cikin kuzari meenat ke kutsa kai ganin cewa ta fita,

amma a duk lokacin data tunkaro wurin sai wani yasha

gabanta ya wuce, haka meenat ta cigaba da kokari amma duk

a banza, kafin kaceme kowa ya haye ya barta, anan ta fara

kokarin hawa cikin tsoro tana waige waige, fara takawarta

keda wuya sai sukayi ido biyu da wannan halittar mai kashe

mutane, anan jikin meenat ya dau rawa, sukuma wadanda suka

samu damar hawayewa sai suka fara yi mata magana, suna

bata umarni da tayi sauri, haka meenat ta cigaba da takawa

jikinta na rawa, shi kuma wannan halittar kokarin cimmata

yake, anan yayi wani tsalle ya riko rigar meenat, to a wannan

lokaci tana gab da fita, shi kuma bafferh yana ganin abunda ke

faruwa sai ya zaro wata karamar yuka, rigar meenat ya fara

yankewa har sai da katse wurin da wannan halittar ya rike rigar,

daga nan sai ya jawota da karfi, tana fitowa suna kulle kofar, ji

kake baaaam.

Anan sukayi tsaye suna nishi, kai da gani kasan sun gaji, daga

nan sai suka cigaba da tafiya har suka shigo wani daki, inda

sukaga daddy da ummi na bacci, wannan abu yaba meenat

mamaki, anan ta tuno lokacin da ummi ke binta tana kokarin

kasheta, kuma gashi yanzu ta sameta tana bacci, to ya haka?

Aunty balkisu ce ta matsa da bugunsu har sai da suka tashi, ku

bakuji abunda ke faruwa damu neba? anan suka amsa da

basuji komeba, anan meenat taja ummi gefe tana tambayarta,

ke da kika bani yuka nida bafferh ina kikaje? meenat ta

tambayeta, anan ummi ta amsa da cewa, bayan na baku yuka

domin ku kwance kanku keda bafferh, anan dakin na shigo na

tarar da daddy na bacci, daga nan sai na kwanta nima na fara

bacci, daga nan ban dan abunda ke faruwa ba sai yanzu da

kuka tasheni, inji ummi, anan meenat ta shiga mamaki, kenan

waccan ummi data gani tanason kasheta bata gaskiya bace,

wannan itace ta gaskiyar.

Bayan kamar minti goma, sai aunty balkisu ta dauki fitila da

niyyar zuwa ban daki, anan ta fita, cikin tsoro take tafiya tana

waige waige, kamar ana tafiya bayanta takeji, anan tayi tsaye

cif ta kasa motsi, rike take da fitila jikinta na makarkata, kuma

ta kasa juyawa baya balantana taga ko meye, ana cikin haka

sai taga jini na zuba ga kafafunta, anan ta juyo a hankali, ihu ta

buga, wani hannu ta gani duk kassa, ba tsoka a ciki, a guje

tayar da fitilar ta nufi dakin data baro, anan ta fara kwankwasar

kofar domin a bude mata, amma ina basaji, can kuma sai ta

hango wani haske, wata mata ce a cikin hasken sai dai bata

ganin matar da kyau, domin dushi dushi take gani, anan ta

cigaba da kwankwasar kofar domin a bude mata, shi kuma

wannan hasken mai dauke da matar ya cigaba da nufota, wata

juwa ta fara gani, kafin kaceme ta fadi, batasan inda take ba.

Mutane ne kewaye da wani gado, a saman wannan gado aunty

balkisu ce, fita ake mata domin ta farfado, daganan sai ta fara

bude idanu a hankali, can sai ta budesu gaba daya, da karfi ta

tashi.

INA TAKE? abunda ta tambaya kenan.

HALA WACECE? daddy ya tambayeta, anan aunty balkisu ta

kankane jikinsa tana kuka, ashe bata mutu ba, dama tana raye,

ta fadi cikin kuka, ki gayamin wacece mana?

MUHIBBAT!!! inji aunty balkisu.

Ina bazai yiwu ba, inji daddy, domin ni na turbudeta da kaina,

kuma yanzu an fi shekara goma da mutuwarta, anan dai aunty

balkisu ta kara kankane jikinsa tana kuka, nidai na tuba, kuma

yanzu inaso ka nemo muna hanyar fita cikin wannan gida.

Wannan magana taba meenat mamaki, domin kaka zuwaira ta

taba yin magana akan muhibbat, a lokacin da daddy yazo mata

da labarin cewa guguwa ta kashe mutum dari biyar, kuma ta

taba ganin an rubuta sunan MUHIBBAT a wannan littafin data

tsinta cikin akwati, to tambaya anan shine wacece muhibbat?

haka wannan tambaya ta cigaba da damun meenat, anan ta

kasa samun sukuni sai da ta gabatar da ita gaban daddy.

Wato ki sani meenat bazan iya amsa miki wannan tambaya ba,

sai yanzu zan kira kaka zuwaira domin ta bayyanar dake

abunda ke damunki na daga wannan tambayar, anan daddy ya

dauko laptop dinsa, kunnawa yayi, daga nan sai ya kira aunty

zuwaira, fuskarta ce ta bayyana ga screen din laptop din, daga

nan sai daddy ya fada mata abunda meenat ke son sani,

murmushi kaka zuwaira tayi, su kuma sai kallon fuskarta suke,

daga nan sai ta fara labari kamar haka:

Tun kafin a haifeki meenat, babanki wato daddy ya sayi

wannan gida da kuke ciki a yanzu, domin yasa amaryarsa a

ciki, wannan amarya tasa itace mamarki, kuma itace ake kira

MUHIBBAT, na masa fada a lokacin da ya sayi wannan gida,

domin gidan ya kasance tilo a tsakiyar daji, amma haka

babanki ya kanne akan yanason gidan, to bayan an daura

aurensa da muhibbat, bayan wani lokaci, sai ya hadu da aunty

balkisu, wadda suka far soyayyar boye da ita, ita kuma balkisu

batasan yanada mata ba, wata rana sai ta kawo masa ziyara, a

wannan lokaci kuma bayanan, to anan taci karo da muhibbat,

daga nan ta gane cewa yanada mata, rikici ne ya kullu

tsakaninsu harda buge buge, to a cikin wannan fada ne balkisu

ta samu nasarar buga ma muhibbat tangaram, anan muhibbat

tace ga garinku, to bayan daddy ya dawo, anan ya rasa abunda

ke masa daddy, ke kuma lokacin kina jaririya, domin kwananki

hudu, to anan daddy ya yi kokarin turbude muhibbat a cikin

wannan gidan, haka ko akayi, a nan ya gina mata kabari cikin

gidan, daga nan kuma sai ya auri aunty balkisu, to wannan

shine takaitaccen labarin muhibbat, inji kaka zuwaira, wannan

labari yasa meenat ta mutukar bayyana haushinta ga aunty

balkisu, domin ji take kamar ta kasheta.

To menene ke bamu tsoro a cikin wannan gida? meenat ta

tambaya, daga nan sai kaka zuwaira ta bata amsa da cewa,

idan aka rufe gawar mutum a gida, to hadari ne zaman wannan

gida, domin ruhin mutumin kan iya zamar muku matsala,

sannan wannan gidan da kuke gani, na dade inajin labarinsa,

yafi shekara dari gine, asalinsa na wani mai kudi ne, shi ya

gina shi, amma saboda yawan tsoron da ake bashi, dole yabar

gidan, haka wani ya saishi, shima dakyar yasha, dole yabar

gidan, daga nan sai mahaifinki shima ya saya, kinga tun asali

wannan gidan ba mai kyau bane, daga nan sai laptop din ta

dauke saboda rashin caji, daga nan sai daddy ya basu umarni

dasu tashi su samu hanyar fita daga gidan, gaba dayansu suka

tashi, anan suka fara tafiya cikin tsoro, basuyi nisa ba sai

wannan halittar ta dawo, cikinsu ta dauke wani, yana karaji ta

wuce dashi, to a wannan lokaci sun kawo daf da kofar fita,

amma kuma taki budewa, to anan aunty balkisu tayi tsintuwar

wata takadda wadda aka yi rubutu da jini kamar haka: SAI NA

KASHEKI.

hankalinta ya tashi, amma haka ta daure, wani irin mugun bugu

daddy yama kofar, daga nan sai ta bude, budewar kofar keda

wuya sai wannan halittar ta fito, anan ta laulaye mutum biyar ta

wuce dasu, wato saura daddy, aunty balkisu,ummi,bafferh, da

meenat, sauran security agents duk sun mutu, kusan su

hamsin.

Suna fitowa daga gidan, sai wani haske ya bayyana a kofar

gidan, wata mata ce a cikin hasken, kawai sai aunty balkisu ta

tsaya tana kallon hasken, a wannan lokaci wannan halittar ta

dawo, kafin kaceme ta laulaye aunty balkisu, ita kuma ummi ta

fasa wata irin kuwa ganin mahaifiyarta cikin wani hali, anan ta

sheka a guje da nufin kai mata dauki, meenat ce ta riketa don

kada taje ta halaka, kiyi hakuri meenat, bazan iya rayuwa ba

idan bada momina ba, injita, daga nan ta kubce ta nufi wurin

halittar, aiko tana zuwa itama aka laulayeta, shi kuma bafferh

zuciyarsa ta kawo, anan yayi wani tsalle da nufin kai dauki,

halittar ce ta cabe shi, daga nan sai halittar ta shiga dasu cikin

gidan suna ihu, ita kuma wannan matar a cikin haske

murmushi tama meenat kafin daga bisani ta bace, anan

meenat ta gane cewa matar tayi kamada wannan data gani

cikin littafi, bako shakka itace muhibbat, wato mahaifiyarta,

anan meenat ta nufi gidan a guje, tana zuwa kofar gidan na

kullewa, haka ta duka tana kuka, gashi kuma tanajin ihun su

bafferh a ciki, anan daddy yazo wurinta yana lallashinta, daga

nan sai yaja hannunta suka shiga cikin mota, wato su biyu

kawai suka rage cikin taron jama a, a haka daddy ya fara tuka

motar yana fita kokarin fita daga dajin, to bayan sun isa gida

ne, sai kaka zuwaira ta fara lallashinta, su bafferh basu mutu

ba, kada ki damu meenat, anan meenat ta fara kallonta cikin

mamaki, daga nan sai kaka zuwaira ta cigaba da bayani,

wannan littafin da aka rubuta labarin muhibbat ta dauko, laa ya

akayi kika sameshi? meenat ta tambaya, ai ali sarki baka ya

kawo min shi, wato ki sani meenat, a binciken da nayi da nayi,

na gano cewa mahaifiyarki muhibbat bata mutu ba, domin a

lokacin da a lokacin da aka turbudeta, ashe wannan hakittar

ce ta tona kabarinta ta cinyeta, saboda haka sai ruhinta ya fita

daga gangar jikinta, to wannan ruhin ne ke baku tsoro, kuma

shine kuke gani matsayin haske, akwai wasu ruwa da ake

cema RUWAN SIRRI, da zaran an ba halittar wadannan ruwan,

to ba ko shakka zata amayo duk abunta ta hade, to a cikin

wannan amai ne zamu gansu, sai dai ruwan basu cikin wanan

duniyar da muke takawa, suna can wata duniya daban, aiko

duk inda suke sai na nemosu, inji meenat, daga nan sai kaka

zuwaira ta bata wata sarka, wannan sarkar tsari ce, ki riketa

sosai, kuma da itace zaki iya dawowa wannan duniyar, daga

nan sai kaka zuwaira ta bude wannan littafi, anan ta fara

karanta wadansu kalmomi marar ma ana, wani bacci ne mai

nauyi ya dauki meenat, daga nan kuma sai wata guguwa ta fito

ta dagata sama, anan wannan guguwar ta cigaba da tafiya da

meenat sama domin kaita wannan duniyar da zata nemo

RUWAN SIRRI. kaka zuwaira da daddy sai daga mata hannu

suke har ta bace suka bar ganinta.

WANNAN SHINE KARSHEN LABARIN GIDAN FATALWA, SAI

DAI ZAMU HADU A WANI LABARI MAI SUNA ( RUWAN SIRRI )

WANNAN LABARI SHINE CIGABAN GIDAN FATALWA, KUMA A

CIKINSA NE ZAMUJI GWAGWARMAYAR DA MEENAT TASHA

DOMIN SAMO RUWAN, DA KUMA YADDA SU BAFFERH ZASU

TASHI, MUNA BAKU HAKURI DOMIN LITTAFIN BAZAI FITO BA

SAI BAYAN SALLAH, AMMA YANA FITOWA ZAMUYI POSTING

DINSA, MUNA GODIYA.

abdul king article

To be continue in ( RUWAN SIRRI)....